Dagur - 04.07.1990, Blaðsíða 3

Miðvikudagur 4. júlí 1990 - DAGUR - 3
fréttir
Norðurland:
Æðarvarp víðast
hvar gengið vel
- reiknað með góðri sölu á æðardún
Æðarvarp á Norðurlandi hefur
víðast hvar gengið nokkuð vel.
Dúntekja er hafin hjá mörg-
um æðarbændum, en menn
misjafnlega langt komnir.
Kuldahretið undanfarna daga
kom á slæmum tíma fyrir
æðarungana sem eru að stíga
sín fyrstu skref, eða leiða út,
eins og kallað er. Æðarbændur
Aílaskipið
Akureyrin EA:
- Margrét EA kemur
til hafnar í dag
Afiaskipið Akureyrin EA
10, kom til hafnar á Akur-
eyri í gær með um 150 tonn
af frosnum flökum að lok-
inni 16 daga veiðiferð. Afli
upp úr sjó er mn 330 tonn.
Utn hehningur aflans var
þorskur en einnig grálúða,
koli, ufsi og karfi. Aflaverð-
mæti skipsins, svokallað
SIF-verðmæti er rúmar 35
milljónir króna.
Að sögn Hákons Guð-
mundssonar sem var skipstjóri
i túrnum, gekk hann vel enda
viöraði vel á mannskapinn.
Vciðiferðin hófst fyrir austan
og sfðan var haldið vestur fyrir
land. „Það var farið að sjást í
íshrafl vestur á Halamiðum, á
Barðinu svokallaða. Og ef
veðráttan helst eittlnað svip-
uð áfram, má eins búast við
því að það verði einhver
klakabarningur á skipunum á
næstunni," sagði Hákon.
Aflabrögð hafa verið nokk-
uö misjöfn að undanförnu að
sögn Hákons og það virðist
vanta einhver skilyrði í sjóinn
til þess að fiskurinn spekist og
þjappi sér betur saman.
Loks má geta þess að annað
aflaskip Samherja hf., Mar-
grét EA, kemur til hafnar á
Akureyri í dag með ágætis
aflit. -KK
reikna með ágætri sölu á
æðardún í ár, a.m.k. hefur
nokkur eftirspurn á erlendum
mörkuðum gefið tilcfni til
bjartsýni.
Síðustu tvö ár hafa verið metár
í sölu æðardúns frá því fyrir stríð.
Árið 1988 voru seld rúmlega 3
tonn og í fyrra voru 3266 kíló af
hreinsuðum æðardún flutt út,
aðallega til Japans og Þýska-
lands. Unnið er að því að fá fleiri
markaði. Fyrir kílóið fengust um
35-36 þúsund krónur, þannig að
heildarverðmæti dúnsins hefur
verið 114-117 milljónir króna.
Búist er við að verðið verði ekki
lægra í ár fyrir kílóið af hreinsuð-
um æðardún.
Eitt af því sem truflað getur
æðarvarp er ágangur vargfugls og
loðdýra. Æðarbændur í Eyjafirði
og Þingeyjarsýslum hafa barist
sameiginlega gegn lausagangi
loðdýra frá loðdýrabúum. Minna
hefur farið fyrir þeirri baráttu að
undanförnu, m.a. vegna stöðu
loðdýraræktarinnar, en eftirlit
með lausagangi kallar á
fjármagn.
Vargfuglinn, aðallega svart-
bakur, lét minna á sér kræla í vor
en áður, þar sem heilbrigðiseftir-
lit hefur svæft töluvert af fuglin-
um vegna hættu á salmonellasýk-
ingu. Einnig hefur hrafninn verið
svæfður, því ha.nn getur verið
býsna kræfur í kringum æðar-
varp.

:
'4%'?'' 'f','

'mSá. ,
■. '
■

Séð heim að Gauksmýri.
Málefni fatlaðra á Norðurl.vestra:
Búrekstur á sambýK fyrir fatlaða
á jörðinm Gauksmýri í V.-Hún
Á Gauksmýri í Kirkju-
hvammshreppi í V.-Hún. mun
snemma í vetur verða haflnn
rekstur á sambýli fyrir 5-7
íbúa. Svæðisstjórn um málefni
fatlaðra á Norðurlandi vestra
stendur fyrir þessu og hefur
verið að auglýsa eftir forstöðu-
manni og ráðsmanni síðustu
vikur. Búrekstur verður í
tengslum við sambýlið.
Jörðin Gauksmýri er í Línakra-
dal sem liggur milli Miðfjarðar og
Víðidals. Hún er um 1800 hekt-
arar að stærð og þar af 80-90
hektarar af ræktuðu landi. Húsa-
kostur er góður, nýtt íbúðarhús
upp á 400 fm og gamalt um 140
fm. Utihús eru góð og má þar
nefna stórt fjós sem dæmi.
Félög Þroskahjálpar í umdæm-
inu festu kaup á þessari jörð í
fyrra og var hún keypt fyrir pen-
inga úr Framkvæmdasjóði fatl-
aðra. Áætlað er að fimm manns
starfi á sambýlinu, en ekki er
búið að ákveða hvaða tegund
búskapar verður stunduð.
Sveinn Allan Morthens, fram-
kvæmdastjóri Svæðisstjórnar,
segir meininguna að býlið verði
komið í fullan rekstur strax á
næsta ári.
Að sögn Allans er nú einnig
búið að ganga frá samningi um.
sambýli fyrir fjölfatlaða á Sauð-
árkróki. Húsið, sem er um 300
fermetrar, verður byggt í Fells-
túni á næstu tveimur árum og
vcrða íbúarnir 5-7. Verkið verð-
ur væntanlega boðið út í janúar á
næsta ári. SBG
Póst- og símamálastofnun:
Ljósleiðari lagður frá Akureyri til Egilsstaða
Lagningu Ijósleiðara verður
haldið áfram í sumar á vegum
Pósts og síma, en fyrirhugað
er að leggja Ijósleiðara frá
Akureyri til Egilsstaða sam-
kvæmt fjárfestingaráætlun.
Ljósleiðaralögnin fer um póst-
og símstöðvar eftir því sem tök
eru á, og í framhaldi af því er
áætlað að tengja símstöðvarnar
inn á ljósleiðarann á næsta ári.
Lögnin fer um símstöðvarnar á
Breiðumýri, Staðarhóli og Húsa-
vík um Viðarfjall til Þórshafnar,
Tvœr á torgi
til Vopnafjarðar og þaðan til
Egilsstaða.
Þetta verk er unnið af Tækni-
deild Pósts og síma í Reykjavík.
Jarðsímastrengur liggur um
Ólafsfjarðarmúla nærri núver-
andi vegarstæði sem talið er óvið-
unandi að búa við næsta vetur
þegar umferð verður tekin af
núverandi vegarstæði og færð inn
í jarðgöngin. Ársæll Magnússon
umdæmisstjóri Pósts og síma á
Akureyri segist óska mjög ein-
dregið eftir því að ljósleiðari
verði lagður í sumar frá Dalvík til
Ólafsfjarðar um göngin, og eru
allar líkur á að þeirri framkvæmd
verði hrundið í framkvæmd mjög
bráðlega.
Ljósleiðaralagningu til Dalvík-
ur lauk í fyrra. GG
Kaupfélag Skagfirðinga:
Kyraiingannynd um Krókinn
- sýnd í Varmahlíð
Á næstunni munu ferðalangar,
sem leið eiga um Kaupfélag
Skagfirðinga í Varmahlíð, geta
séð í stuttri mynd í sjónvarpi
veitingarsalar allt það lielsta
sem Sauðárkrókur hefur upp á
að bjóða.
Ætlunin var í fyrstu að setja
upp lítið upplýsingahorn í versl-
uninni, þar sem ekki væri einung-
is kynning á Króknum heldur
einnig frá helstu stöðum Skaga-
fjarðar. Ekki varð þó af slíku
þetta árið vegna dræmra undir-
tekta, en að sögn Ómars Braga
Stefánssonar, vöruhússtjóra KS,
ákvað þó kaupfélagið að gera
eitthvað og lét gera fyrir sig mynd
um þá staði bæjarins sem ferða-
menn geta notið. Má þar nefna
sundlaugina, golfvöllinn og tjald-
Miðnætursólarferð Sæfara
Grímseyjarferjan Sæfari fer í
miðnætursólarfcrð n.k. laugar-
dag ef veður leyflr. Farið verð-
ur frá Akureyrarhöfn kl. 22 og
komið til baka kl. 03 um nótt-
ina.
Á leiðinni verður boðið upp á
kampavín og harmonikuleikari
sendir ljúfa tóna um Eyjafjörð-
inn. Ferjan mun einnig fara í 3ja
klst. siglingu um Eyjafjörðinn á
sunnudögum í sumar ef næg þátt-
taka fæst.
Grímseyjarferjan hefur verið í
slipp undanfarið, þar sem byggt
var yfir farþegarými ferjunnar og
getur hún nú tekið 90 farþega.
Áætlunarferðir eru farnar á
mánudögum og föstudögum frá
Dalvíkurhöfn til Grímseyjar og á
fimmtudögum frá Akureyrarhöfn
til Hríseyjar. Rútuferðir frá
Akureyri eru í tengslum við ferj-
una. Það er ferðaskrifstofan
Nonni á Akureyri sem sér um all-
ar bókanir og sölu farmiða, í sím-
um 96-27922 og 96-27923.
stæðið. Hótel Áning er líka með í
gerð myndarinnar og þjónusta
þess kynnt.
Ómar sagðist vonast til þess að
myndin yrði komin til sýningar,
nteð texta á íslensku, ensku,
dönsku og þýsku, fyrir Landsmót
hestamanna í næstu viku. Mun
hún þá ganga stanslaust í sjón-
varpi sem staðsett er í Varma-
hlíðarútibúinu. Jafnvel á einnig
að útbúa lítinn bækling um Sauð-
árkrók sem hægt verður að grípa
hjá sjónvarpinu.
í nógu er að snúast fyrir skipu-
lagsmenn innan KS í sambandi
við landsmótiö, því á móts-
svæðinu verður rekin nýlendu-
vöruverslun á vegum þess í stóru
tjaldi þar sem Búnaðarbankinn
fær m.a. líka inni. í þessari versl-
un verða á boðstólum allar
nauðsynjavörur svo tjaldbúar
þurfi ekki að líða skort þó að þeir
komist ekki út af svæðinu. Þess
má geta að allan mat, sem verður
á boðstólum á landsmótinu,
kaupa hestamannafélögin af KS.
SBG