Dagur - 24.10.1990, Blaðsíða 6

6 - DAGUR - Miðvikudagur 24. október 1990
Húsvíkingar til Dalvíkurkirkju:
- „Framkoma barnanna til fyrirmyndar,“
segir Hafliði Jósteinsson
Vetrarstarfið hjá sunnudaga-
skólanum við Húsavíkurkirkju
er hafið. Tvo sunnudaga hefur
skólinn verið haldinn með
hefðbundnum hætti og sl.
sunnudag brugðu sunnudaga-
skólabörn, umsjónaraðilar frá
kirkjunni og foreldrar sér í
fjölskyldumessu til Dalvíkur.
Einn virkasti sunnudagaskóla-
maðurinn á Húsavík, Hafliði
Jósteinsson, fékkst til að taka
nokkrar myndir fyrir okkur í
ferðinni, segja ferðasöguna og
frá starfsemi sunnudagaskól-
ans.
„Pessi heimsókn í Dalvíkur-
kirkju var fyrirhuguð á síðasta
starfsári en henni var frestað af
ýmsum ástæðum. Á sunnudaginn
fór síðan mikill fjöldi barna og
foreldra og forráðamanna barna,
alls á annað hundrað manns í
tveim stórum rútum í ferðina.
Sóknarpresturinn, sr. Sighvatur
Karlsson og Steinunn Þórhalls-
dóttir úr sóknarnefnd, voru með
auk tveggja kvenna sem unnið
hafa við barnastarfið; þær heita
Jónasína Kristjánsdóttir og
Kristjana Kristjánsdóttir. Þetta
var svo stór hópur barna að gott
var að nokkrir væru til staðar til
að halda utan um hann.
Hólmfríður S. Benediktsdótt-
ir, stjórnandi æskulýðskórsins
sem hóf æfingar í haust, kom
með kórinn og var þetta frum-
raun hans. Lofar hún mjög góðu
og þetta er verulega virðingarvert
og gott starf sem Hólmfríður er
að fara af stað með. Foreldrar
sumra barnanna í kórnum
keyrðu til Dalvíkur og voru við-
staddir messuna.
Aðstæður voru eins góðar og
hægt er að hugsa sér, veðrið og
allt lagðist á eitt með að gera
þetta alveg frábært ferðalag. Það
var mjög vel tekið á móti okkur á
Dalvík, mikil stemmning og líf
og fjör. Dalvíkingar efuðust um
að nokkurn tíma hefðu verið eins
mörg börn saman komin í kirkj-
unni. Dagskráin var fjölbreytt og
skemmtileg og börnin glöð og
hress.
Börnin sýndu okkur það, eins
og þau hafa gert hér í sunnudags-
skólanum, að þau hafa þaðan
gott veganesti og þau voru alveg
til fyrirmyndar. Það komu ekki
upp nokkur vandræði á nokkurn
hátt. Á heimleiðinni hrósaði ég
börnunum og sagði að þau þyrftu
að fá að heyra að þau hefðu kom-
ið prúðmannlega fram, alveg eins
og umræðurnar þegar hlutirnir
eru á hinn veginn, það er víst nóg
af þeim. Börn og foreldrar lýstu
því yfir að þau væru mjög ánægð
með ferðina, enda tókst hún í
alla staði mjög vel og var öllum
er að henni komu til sóma.
í kirkjunni á Dalvík voru sr.
Jón Helgi Þórarinsson og fólk
sem vinnur með honum í sunnu-
dagaskólanum. Leikið var á
hljóðfæri af kennara og nemend-
um Tónlistarskólans á Dalvík,
þetta var mjög góður tónlistar-
flutningur. Hlín stjórnaði keðju-
söng, sem við þyrftum að læra til
fulls til að geta tekið upp hjá
okkur. Markmið sunnudagaskóla
er að kenna börnunum að þekkja
Jesú, og setja efnið fram í
Ungt listafólk lék á hljóðfæri við messuna.
Myndir: Hafliöi Jósteinsson.
Maður lifir ekki af brauði einu saman - en biti og sopi getur verið vel þeginn
eftir kirkjuferðina.
aðgengilegu formi. Því þó að efnið
sé mjög gott getur það farið fyrir
ofan garð og neðan ef það er ekki
sett fram í aðgengilegu formi fyr-
ir börnin. Þetta tekst mjög vel
hjá sr. Jóni Helga og hans
aðstoðarfólki og mér fannst
börnin njóta efnisins alveg til
fullnustu.“
- Fórst þú ekki nýlega í Skál-
holt á námskeið fyrir leiðbein-
endur í sunnudagaskólum?
„Jú, við sr. Sighvatur fórum í
Skálholt. Þarna hittist fólk sem er
að vinna að sama verkinu, við
sunnudagaskóla. Fólk ber saman
bækur sínar og lærir af þeim sem
geta miðlað af sinni reynslu. Við
fáum hugmyndir til að vinna úr,
hver heima hjá sér. Þetta eru
bráðnauðsynleg námskeið og ég
er þakklátur sóknarnefnd fyrir að
hafa fengið að fara á þau. Von-
andi getum við nýtt það efni sem
við urðum okkur úti um til að
auka fjölbreytnina. í haust var
ákveðið að gera vissar breytingar
á sunnudagaskólanum þannig að
hann er ekki alla sunnudaga kl.
11. Á næstunni verður t.d. fjöl-
skyldumessa í kirkjunni og á
henni verður létt og skemmtilegt
form. í Dalvíkurkirkju sýndi það
sig að þó að messan stæði í fimm
stundarfjórðunga gekk allt ljóm-
andi vel og börnin voru hin
bestu.
Börnin sem fóru með okkur í
ferðina voru á aldrinum þriggja
til tíu ára. Ég vil nota tækifærið
til að færa öllum sem sáu til þess
að ferðin tækist svona vel þakk-
læti, bæði bílstjórum og öllum
sem þarna lögðu hönd að velli.
Ég vona að þetta starf verði
áfram blómlegt og skemmtilegt,
til gleði og ánægju öllum sem að
því koma og í því taka þátt. Að
foreldrar og forráðamenn barn-
anna finni hjá sér löngun til og
ánægju af að koma í kirkjuna
með börnunum sínum, til að eiga
með þeim skemmtilega stund fyr-
ir hádegi á sunnudögum." IM
Sunnudagaskólabörn frá Húsavík á leið til Dalvíkur.