Dagur - 22.11.1990, Page 11

Fimmtudagur 22. nóvember 1990 - DAGUR - 11
Pórunn Valdimarsdóttir
og Megas í rabbsódíu
um Reykjavík:
Sól í Norðurmýri
- píslarsaga úr Austurbæ
Bókaútgáfan FORLAGIÐ hefur
gefið út bókina Sól í Norðurmýri
eftir þau Þórunni Valdimarsdótt-
ur og Megas. Varla þarf að kynna
þau tvö: Megas, skáld ljóða og
laga, og sagnfræðinginn Þórunni,
en fyrir ári sendi hún frá sér
bókina Snorri á Húsafelli sem til-
nefnd var til íslensku bók-
menntaverðlaunanna.
í sögu Megasar kannast margir
við sjálfan sig, því hún er sann-
ferðug úttekt á heimi íslenskra
barna á árunum upp úr sfðari
heimsstyrjöld. Hver man ekki
sokkabandakotin óþægilegu,
skólahjúkkurnar skeleggu með
lýsiskönnur á lofti, nauðungar-
Ijósaböð eða klígjuna við kekkj-
óttri flöskumjólk? En í sögu litlu
píslarinnar er líka að finna ljúfar
minningar um lystireisur í Tívólí
og út í Nauthólsvík, um pissubíl-
inn og hasarblaðahungrið, svo
nokkur dæmi séu tekin um fjöl-.
breytilegt efni bókarinnar.
í kynningu FORLAGSINS
segir m.a.: „Hér er ekki verið að
útskýra heiminn eða bera á borð
óskeikulan sannleik um liðna
tíma. Sannleikurinn í þessari bók
er jafn tvíræður og skyrhræring-
ur. Allir vita að skyrhræringur er
annar í munni föður sem kann að
meta hann en í munni barns sem
hatar hann. Samt er heimildar-
gildi sögunar einstætt. Þau Þór-
unn Valdimarsdóttir og Megas
hafa bæði lagt bernskuminningar
sínar, drauma og ímyndunarafl
að veði í ævintýralega og töfrandi
bók. Þetta er ekki ævisaga, held-
ur fantasía eða rabbsódía um
Reykjavík - umhverfi og atvik - í
lífi lítillar píslar."
Sól í Norðurmýri er 236 bls.
prýdd miklum fjölda mynda.
Auk hf/Jón Ásgeir Hreinsson
hannaði kápu. Prentsmiðjan
Oddi prentaði.
Leiðrétting
- við umsögn um afmælis-
tónleika í Akureyrarkirkju
í umsögn, sem birtist í Degi mið-
vikudaginn 21. nóvember um
tónlistarflutning í hátíðarguðs-
þjónustu í Akureyrarkirkju
sunnudaginn 18. nóvember
vegna afmælis kirkjunnar, er
meinleg yfirsjónarvilla. Þar segir,
að Björn Steinar Sólbergsson,
organisti kirkjunnar, hafi leikið á
orgelið í lokaverkinu. Hið rétta
er, að Dorota Dagný Tómasdótt-
ir var við orgelið og leysti hlut-
verk sitt vel af hendi, en Björn
Steinar Sólbergsson stýrði verk-
inu af öryggi, eins og heyra mátti
af góðum flutningi þess. Þetta
leiðréttist hér með og eru hlutað-
eigandi beðnir afsökunar.
Haukur Ágústsson.
Þrætubók
- ný ljóðabók eftir
Hallberg Hallmundsson
Komin er út ný ljóðabók eftir
Hallberg Hallmundsson og nefn-
ist hún þrætubók. Hún er 64
blaðsíður að stærð og hefur að
geyma rúmlega þrjátíu ljóð. Þar
þrætir höfundur við Stein, Shake-
speare og Donne - svo ekki sé
minnst á Aðalstein Ingólfsson -
skopast að ýmsum góðskáldum
íslenskum, túlkar að nýju nokkr-
ar vel kunnar þjóðsögur og goð-
sagnir og heyr glímu við guð
almáttugan.
Á kápusíðu segir að ljóð Hall-
bergs höfði til vitsmuna lesenda
jafnt og tilfinninga, enda mun
það satt vera að hann sé eitt
þeirra skálda íslenskra, sem
snerpa ljóð sín vitsmunlegri
umræðu. En skopið er aldrei
langt undan, eins og þeir vita,
sem lesið hafa fyrri bækur
höfundar.
Hallberg hefur verið búsettur í
New York í þrjátíu ár, þar sem
hann hefur stundað þýðingar, rit-
stjórn og önnur störf við alfræði-
bækur ogtímarit. Síðustu tuttugu
árin hefur hann auk þess ritað
umsagnir um nýjar íslenskar
bækur í ársfjórðungsritið World
Literture Today (áður Books
Abroad), sem University of
Oklahoma gefur út. Hann hefur
áður sent frá sér þrjár ljóðabæk-
ur, sem verið hefur vel tekið.
Útgefandi þrætubókar er Brú, en
Stensill hf. prentaði. Dreifingu
annast íslensk bókadreifing.
smanna
19. nóvember til 8. desember
Nú er kjörið tækifæri til
að gera hagstæð innkaup
Vöruhús, Byggingavörudeild,
Raflagnadeild, og útibú^
Dalvík, Ólafsfirði, Siglufirði,
Grímsey, Hrísey og Grenivík