Dagur - 26.03.1991, Side 8

8— DAGtJR— Þriðjudagur 26. mars 1991
Náttúrulækningafélag Akureyrar:
Heflsulindin Kjarnalundur
Kjarnalundur.
„Aðalfundur N.L.F.A. fyrir árið
1990 var haldinn í fundarsal
Kjarnalundar fimmtud. 14. mars
sl. Stjórn félagsins skipa nú:
Aslaug Kristjánsdóttir, formað-
ur; Vilhjálmur Ingi Árnason,
varaform.; Erna Indriðadóttir,
ritari; Jón Kristinsson, gjaldkeri;
Rannveig Guðnadóttir, meðstj.
Reikningar ársins 1990 sýna,
að á árinu var framkvæmt í
Kjarnalundi fyrir um 11 millj.
króna, og eins og jafnan áður var
framkvæmt fyrir allt það
fjármagn, er félaginu áskotnaðist
og hafði yfir að ráða á árinu.
300 milljónir
Byggingu Kjarnalundar við
Kjarnaskóg á Akureyri, sem
N.L.F.A. hratt af stað 1978, með
bjartsýnina í farteskinu, hefur
þokast fram jafnt og þétt, allt til
þessa. Þessi 2500 fermetra
bygging, sem reiknað er með að
kosti um 270 millj. kr., auk bún-
aðar um 30 millj. kr. hefur nú
miðað það áleiðis, að um 2/3
hlutar verksins eru nú að baki,
svo nú stendur þessi reisulega
bygging, að verðmæti um 180
millj. króna, og bíður áframhald-
andi framkvæmda, skuldlaus og
án allra fjárhagslegra kvaða.
- fréttir af aðalfundi
Á brattann að sækja
Það er því enn á brattann að
sækja, og kallar ennþá á sam-
stöðu og samtakamátt. Skera
þarf upp herör, að hver dugi nú
sem best hann má. Bæjarstjórn
Akureyrar hefur á fundi sínum
19. mars sl. lýst yfir góðum vilja
til samstarfs og stuðnings, og
samþykkt að ábyrgjast 12 millj.
kr. lán svo framkvæmdir geti
haldið áfram af fullum krafti
meðan fjárhagsdæmið er skoðað
áfram og leitað fleiri stuðnings-
aðila, og þá ekki hvað síst góðs
stuðnings ríkisvaldsins sem og
alls almennings, félaga, sjóða og
annara fjársterkra fyrirtækja
víðsvegar um land, því Kjarna-
lundur mun standa opinn lands-
mönnum öllum, er þangað vilja
leita, og þurfa að sækja sér lífs-
fyllingu og meinabót.
Árið 1992
Heilbrigðismálaráðuneytið hefur
með bréfi 22. feb. sl., undirritað
af heilbrigðisráðherra Guðmundi
Bjarnasyni, og ráðuneytisstjóra
Páli Sigurðssyni, ítrekað fyrri
staðfestingar um að Kjarna-
lundur fái rekstrarleyfi, og dag-
gjöld til rekstrar á árinu 1992.
Góð fyrirheit
Þetta eru nú góð fyrirheit, sem
eflir bjartsýni þeirra, er lengi
hafa séð í hillingum þessa
HEILSULIND iðandi af lífi, og í
fullum rekstri, þar sem tugir
starfsmanna vinna, og sinna
margvíslegum þörfum 50 dvalar-
gesta, sem þar njóta hvíldar og
nauðsynlegrar þjálfunar um 4-6
vikna skeið, hverju sinni. Þetta
er draumurinn, sem senn kann að
rætast.
En fyrst þarf að byggja
En þessi draumur verður ekki að
veruleika fyrr en að meðgöngu-
tíma liðnum, og fæðingahríðir
eru um garð gengnar. Fyrst þarf
að Ijúka byggingu hússins, það er
sú staðreynd, sem við blasir, eigi
draumurinn að rætast. Því er
samstaða svo mikilsverð. Því
verða nú allir að leggjast á eitt,
leggja fram sinn skerf, eftir atvik-
um minni eða stærri. Og víst er
að þegar þessi HEILSULIND
stendur fullbúin, og opnar sínar
víðu dyr fyrir þeim mörgu þurf-
andi, sem nú bíða, þá gleðjast
allir sem þar eiga velmótaða
steina, sem prýða þessa glæstu
byggingu, og minnast þá orða
skáldsins: „Hvað má höndin ein
og ein, allir leggi saman“.
Með þeim hvatningarorðum
viljum við fagna sigri - sem
fyrst.“
Jón Kristinsson,
gjaldkeri N.L.F.A.,
Hjallalundi 18,304.
600 Akureyri,
Sími: 96-23639.
Á ofangreint heimilisfang má senda
framlög til Kjarnalundar, sem eru þakk-
samlega móttekin.
tónlist
Lok kammermúsíkviku
Kammermúsíkviku Tónlistar-
skólans á Akureyri lauk með tón-
leikum í Akureyrarkirkju og
safnaðarheimili kirkjunnar 23.
mars. Á þessum tónleikum komu
nemendur fram í ýmiss konar
samspili og einleik undir stjórn
kennara sinna og/eða í samvinnu
við þá.
Tónleikarnir voru afar fjöl-
breyttir. Leikið var á mjög mörg
þeirra hljóðfæra, sem kennt er á
við tónlistarskólann. Sem dæmi
má nefna. að tveir nemendur,
Dagný Pétursdóttir og Helga
Kvam, léku einleik á orgel Akur-
eyrarkirkju og Helgi Þ. Svavars-
son lék einleiksfantasíu fyrir
horn. Þá komu fram þverflautu-
sextett, básúnukvartett,
trompetakvartett, tríó og kvart-
ett saxafóna, fiðlutríó og ýmsar
samraðanir þessara og annarra
hljóðfæra.
Þá var verkefnavalið ekki síður
fjölbreytt. Flutt voru verk eftir
höfunda, frá því á 17. öld og fram
til samtíma okkar. Verkin voru
líka af ýmsum gerðum allt frá
háklassískum verkum í dægurlög
nýliðinna ára.
Opnunartími kjörbúða
KEA um páskana
Skírdagur
Miðvikudag Fimmtudag Laugardag Mánudag
27.mars 28.mars 29.mars 1. apríl
KEA Hrísalundur. 9.00-20.00 10.00-14.00
KEA Sunnuhlíð... 9.00-20.00 10.00-20.00
KEA Byggðavegur. 9.00-20.00 10.00-20.00 10.00-20.00 10.00-20.00
KEA Brekkugata.. 9.00-18.00
KEA Nettó....... 10.00-18.30 10.00-14.00
Þessi mikla fjölbreytni gerði
tónleikana enn ánægjulegri en
ella hefði orðið. Gleðilegt er líka
að sjá og heyra, að kennarar og
stjórnendur Tónlistarskólans á
Akureyri setja sig ekki á svo háa
hesta, að þeir geti ekki nálgast þá
tónlist, sem einna tíðust er í
samtíð okkar og flestir leggja
eyru við.
Yfirleitt var frammistaða
nemendanna hvort heldur einna
eða í samleik með kennurum sín-
um í allgóðu lagi. Nokkur munur
var þó á frammistöðunni. Við
slíku er að búast og kemur margt
til, svo sem það, hve langt nem-
endurnir eru komnir f námi sínu,
náttúruleg geta þeirra og vitan-
lega það, hve erfið þau stykki eru
í flutningi, sem tekin hafa verið
til meðferðar.
Flutningur flautusextetts á
tríói eftir J. Haydn undir stjórn
Inga Vaclavs Alfreðssonar, var
áheyrilegur, fjörlegur og talsvert
öruggur. Þá var flutningur tríós
fiðlu, flautu og gítars á „Bréf-
dúett“ úr óperunni „Brúðkaup
Fígarós" eftir W. A. Mozart
verulega snotur. Styrktarhlutföll
hljóðfæranna voru þó ekki þau,
sem æskilegust hefðu verið og má
þar líklega að nokkru leyti um
kenna uppröðun hljóðfæraleikar-
anna.
Básúnukvartett undir stjórn
Michaels A. Jacques flutti Her-
mannakvartett úr Faust eftir C.
F. Gounod. Flutningurinn var
öruggur og músíkalskur. Þetta
atriði og saxafónatríó og
kvartett, sem bæði voru undir
stjórn Christophers A. Thorn-
tons og fluttu annars vegar „Bach
Goes to Sea“ eftir Paul A. Taylor
og hins vegar „Ballad of the
Good Life“ úr „Túskildings-
óperunni“ eftir Kurt Weil í
útsetningu Johns Harlp, skáru sig
úr fyrir öryggi, lipurð og
skemmtilega túlkun. í þessum
verkum hafði greinilega verið
unnið af fullri alvöru og með tals-
vert há markmið fyrir augum.
Tónleikarnir voru vel sóttir og
góður rómur gerður að frammi-
stöðu nemendanna. Það er ljóst,
að margt er vel gert við Tónlistar-
skólann á Akureyri og gott til
þess að vita, að þar eru á meðal
kennaranna hæfir menn; karlar
og konur, sem setja markið hátt
og gæða nemendur sína vilja til
þess að reyna að ná því. Einungis
slík vinnubrögð, þar sem ögun og
marksækni fara saman, eru væn-
leg til þess hvort heldur að halda
við og auka veg skólans á heima-
velli og út á við eða gefa nemend-
um, sem halda til framhaldsnáms
að lokinni veru í Tónlistar-
skólanum á Akureyri, það vega-
nesti, sem getur orðið þeim
grundvöllur til þess að byggja á
framtíðarferil sinn á sviði tónlist-
arinnar.
Haukur Ágústsson.
Karlakórinn Heimir:
Söngskeirantauir
um páskana
- fjölbreytt skemmtidagskrá
Karlakórinn Hcimir í Skaga-
firði gengst fyrir árlegum
Heimiskvöldum um páskana. í
dag syngur kórinn í Höfðaborg
á Hofsósi en á laugardag verð-
ur söngskemmtun í Miðgarði.
Fjölbreytt söngdagskrá verður
flutt og einnig verða veitingar
á borðum.
Söngstjóri kórsins er Stefán
Gíslason og undirleikarar eru
hjónin Richard og Jacklin
Slimm. Á söngskránni verður
fjölbreytt lagaval, einsögur og
tvísöngur kórfélaga.
í hléum verður létt skemmti-
dagskrá sem kórfélagar hafa sett
saman. Konur kórfélaga sjá um
veitingar sem verða á boðstóin-
um.
Að sögn Þorvaldar G. Óskars-
sonar formanns Heimis er dag-
skráin vönduð og verður enginn
svikinn af skemmtuninni. kg