Dagur - 01.06.1991, Blaðsíða 5

Laugardagur 1. júní 1991 - DAGUR - 5
Kennarar útskrifaðir með sérkennsluréttindi á Stórutjörnum á morgun:
Kennaraháskóli við Ljósavatn!
Grunnskólanemar eru á ári hverju útskrifaðir með sitt
próf úr Stórutjarnaskóla í Suður-Þingeyjarsýslu en á
morgun verður annars konar útskrift nemenda á Stóru-
tjörnum. Þá verða útskrifaðir 33 kennarar sem lokið hafa
framhaldsnámi á vegum Kennaraháskóla íslands sem þeir
hafa stundað á Norðurlandi síðustu tvö árin. Hér er um
að ræða fyrri hluta náms til BA-prófs í sérkennslufræðum
en að þessu námi hafa staðið, auk Kennaraháskóla
íslands, fræðsluskrifstofurnar á Norðurlandi. Þetta nám
var í upphafi hugsað fyrir kennara á Norðurlandi en þró-
unin varð sú að við bættust alls 11 kennarar frá Reykja
vík, Reykjanesi, Suður- og Vesturlandi. Reynslan af
þessu námi þykir góð, svo góð að ákveðið hefur verið
að bjóða kennurum upp á að ljúka seinni hluta framhalds-
námsins á Norðurlandi á næstu tveimur árum. Ljóst er
að meirihluti þess hóps sem lýkur fyrrihlutanum nú mun
halda áfram og einnig koma inn nýir nemendur víðs vegar
að af landinu.
Ákveðið var árið 1988 að bjóða upp á sérkennslunám á
vegum Kennaraháskóla íslands bæði í Reykjavík og á
Norðurlandi. í framhaldi af því kom í ljós áhugi nokkurra
þeirra kennara, sem sótt höfðu um námið í Reykjavík, á
að fara í námið á Norðurlandi og í framhaldi af því var
öllum umsækjendunum á suðvesturhorninu boðið upp á
þennan valkost. Þessu boði tóku 11 nemendur en fyrir-
komulag námsins fyrir norðan var annað en fyrir sunnan
því í stað þess að nemendur sæktu einn kennsludag í viku
í Kennaraháskóla íslands í Reykjavík allan veturinn gátu
þeir sótt þrjú bókleg námskeið á ári, utan hefðbundins
skólatíma, og unnið þess á milli sjálfstætt að ritgerðum.
Því hafa þessir kennarar sótt námið með starfi, en flestir
starfa við sérkennslu.
Þó leiðin sé aðeins hálfnuð að BA-prófi í sérkennslu-
fræðum öðlast kennararnir sérkennsluréttindi með fyrri
hlutanum og hækka um launaflokk. Með útskriftinni á
morgun fjölgar því kennurum með réttindi til sérkennslu
verulega á Norðurlandi, eða um rúmlega 20 manns. Einnig
er eftirtektarvert að þeir nemendur sem sótt hafa
þetta nám eru af öllu Norðurlandi, allt fá Norður-Þing-
eyjarsýslu til Vestur-Húnavatnssýslu þannig að áhrifanna
mun gæta víða.
En hvernig hafa nemendurnir upplifað þetta form
framhaldsnáms þar sem í raun er verið að snúa þeirri
stöðu við á taflborðinu sem uppi hefur verið, þ.e. að
möguleiki til framhaldsnáms gefist víðar en í Reykjavík.
Um svör leituðum við til tveggja nemenda úr þessum
hópi. JÓH
Kostur að geta sótt námið í heimahéraði
- segir Sigríður Traustadóttir
„Mér finnst það bæði hafa verið
kostur að geta sótt námið í
heimahéraði með starfi og getað
tengt námið strax við starfið,"
segir Sigríður Traustadóttir,
kennari á Akureyri um sér-
kennslunámið.
„Við sem hópur höfum líka
gefið hvort öðru mikið vegna
þess að við höfum mismunandi
reynslu að baki. Sumir koma úr
almennum skólum og aðrir úr
sérskólum þannig að við erum að
vinna með mismunandi nemend-
um. Þessari reynslu höfum við
svo getað miðlað til hvers
annars,“ segir Sigríður.
Hún segist ekki geta sagt á
þessu stigi hvort hún hefði leitað
eftir þessu sérkennslunámi ann-
ars staðar ef ekki hefði komið
fram tilboð fyrir tveimur árum
um námið á Norðurlandi. „En
það er mikilvægt að framhaldið
nú er sett upp á svipaðan hátt og
það gerir fólki kleift að ljúka BA-
náminu. Annars hefðum við
þurft að fá orlof en slíkt fær ekki
nema takmarkaður fjöldi úr
umdæminu á hverju ári. Því er
þetta jákvætt, ekki síst með tillliti
til býggðaþróunarinnar.“
Sigríður sagði að vissulega
þurfi að skipuleggja tíma sinn vel
til að sinna námi sem þessu jafn-
framt starfi. „Okkur var gerð
grein fyrir því í upphafi hve mik-
inn tíma við þyrftum að reikna í
námið enda er þetta háskólanám,
þrátt fyrir allt,“ sagði hún.
Stórutjarnaskóli hefur verið
helsti kennslustaðurinn fyrir hóp-
inn og segir Sigríður það mikinn
kost að staðsetja námskeiðin í
dreifbýlisskóla þar sem meira
næði gefist. „Þetta er líka yndis-
légur staður og góð tengsl við
náttúruna. Aðbúnaðurinn er líka
góður þannig að vel hefur verið
að náminu staðið að öllu Ieyti.“
Mikil þörf hefur verið í skóla-
kerfinu fyrir fólk með sér-
kennslunám og því verður þessi
hópur kærkominn. Sigríður segir
því alla mjög jákvæða fyrir þessu
framtaki.
„Það hljóta líka að verða
breyttar áherslur þegar fjölgar
fólki með nýja menntun og sem
dæmi má nefna að í síðasta verk-
efni okkar höfum við lagt áherslu
á að skólinn eigi að vera fyrir
alla. Við erum því bæði að skoða
skólakerfið sjálft og ekki síður
innra starf skólanna enda skiptir
það ekki minnstu máli hvernig er
unnið innan þeirra.“ JÓH
„Það er vel að þessu námi staðið,“
segir Sigríður Traustadóttir.
„Hópurinn eins og ein íjölskylda“
„Þegar ég fór að skoða málið þá
sá ég að þetta fyrirkomulag á
náminu fyrir norðan kæmi til
með að henta mér mjög vel þar
sem ég gat jafnframt verið í fullri
vinnu. Auk þess fannst mér mjög
spennandi að sækja þetta nám
norður og er fegin að mál þróuð-
ust svona vegna þess að ég er
mjög ánægð með fyrirkomulagið
og alla skipulagningu. Og ég held
að þar tali ég fyrir munn okkar
allra héðan að sunnan,“ segir
Ásgerður Ólafsdóttir, ein þeirra
kennara sem sækja sérkennslu-
- segir Ásgerður Ólafsdóttir
námið frá suðvesturhorninu en
hún er búsett á Reykjanesi.
Hópurinn hefur hist á nám-
skeiðum þrisvar á hvoru ári á
Norðurlandi og þá oftast á Stóru-
tjörnum en einnig á Þelamörk,
Löngumýri, Laugum og Lauga-
bakka.
Ásgerður segir engan vafa á að
meiri stemmning skapist í kring-
um námið með þessu fyrirkomu-
lagi. „Hópurinn hefur allt frá
upphafi verið sérstaklega sam-
stilltur og náð vel saman. Það
held ég að sé fyrst og fremst því
snnaramir mættir til náms síns á Sí‘
inni hálfleikur hefst í haust
utjörnum nú fyrir helgina. Þetta er síðasti áfanginn í fyrri hluta til BA-prófs,
að þakka að við dveljumst saman
og eyðum frítímanum saman.
Ekki er ofsögum sagt að þetta
hefur verið eins og ein fjölskylda
frá upphafi."
í þessu sambandi bendir
Ásgerður á að mikil aldursdreif-
ing er í hópnum, eða allt frá 29
ára til yfir 58 ára. í því ljósi sé
einnig athyglisvert hve vel hópur-
inn nái saman. En telur Ásgerður
að þau fái mikið út úr náminu þó
svo að hér sé ekki um hinn hefð-
bundna dagskóla að ræða?
„Já, það get ég fullyrt. Kristín
Aðalsteinsdóttir hefur skipulagt
námið og hennar þáttur hefur
verið stærstur í hve vel námið er
skipulagt, bæði námskeiðin og
líka ritgerðavinna okkar sem er
% af náminu. Þá hafa einnig ver-
ið valdir mjög færir fyrirlesarar
og miðað við fyrri hlutann þá er
hægt að treysta því að vel verði
einnig haldið á málum í síðari
hluta þessa náms. Ég held líka að
svona stór hópur, eins og nú ætl-
ar sér í framhaldið, færi ekki
nema af þeirri ástæðu hve ánægt
fólk hefur verið.“
Ásgerður benti líka á að það sé
kostur að jafnframt séu nemend-
urnir í starfi og flestir í sér-
kennslu. „Þetta gerir að verkum
að margt af því sem við erum að
læra nýtist strax í starfi. Þetta
atriði finnst mér ómetanlegt og
fyrir bragðið verður námið allt
mjög lifandi."
Það fólk sem setið hefur í
þessu námi hefur fengið fjögurra
tíma kennsluafslátt á viku út á
námið og þá getað nýtt þann tíma
fyrir námið. Að öðrðu leyti er
ekki um annað að ræða en að
vinna í frítímanum. Þá hefur
Kennarasamband íslands styrkt
kennarana til námsins.
„Ég hlakka mjög til að takast á
við síðari hlutann og satt best að
segja held ég að Norðurland
„Spennandi aö sækja þetta nám
norður.“ Ásgerður í kennslustund á
Stórutjömum. Myndir: Golli
hefði orðið fyrir valinu ef kostur
hefði verið á að sækja námið
bæði þar og hér fyrir sunnan,“
segir Ásgerður. JÓH
Ritvelar