Dagur - 20.10.1991, Qupperneq 4

4 - DAGUR - Þriðjudagur 22. október 1991
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 1100 Á MÁNUÐI
LAUSASÖLUVERÐ 100 KR.
GRUNNVERÐ DÁLKSENTIMETRA 725 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, JÓN HAUKUR BRYNJÓLFSSON (íþróttir),
ÓLI G. JÓHANNSSON, ÓSKAR ÞÓR HALLDÓRSSON,
SKÚLI BJÖRN GUNNARSSON (Sauöárkróki vs. 95-35960),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRlMANN FRlMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Tvískinnungur
forsætisráðherra
Davíð Oddsson, forsætisráðherra, reiddi til höggs í byggða-
málum á Flokksráðsfundi Sjálfstæðisflokksins í síðustu viku.
í ræðu á fundinum sagði hann meðal annars að skoða þyrfti
hvort það gæti verið að víða um land sé launum manna hald-
ið niðri, vegna þess að fyrirtækin séu óhagkvæm og byggðin
of smá. Vegna þess að sameining og hagkvæmni hafi ekki
átt sér stað og vegna þess að tilteknar byggðir geti tæpast
lengur átt rétt á sér, verði að finna úrræði til að hjálpa fólki til
að finna sér búsetu annars staðar á viðkomandi svæði sem
þá mundi eflast. í þessum orðum forsætisráðherra er beinlín-
is verið að gefa í skyn að breyta verði byggðamynstrinu í
landinu með beinum eða óbeinum aðgerðum stjórnvalda.
Vitað er að ýmis fyrirtæki á landsbyggðinni hafa átt í
rekstrarerfiðleikum á undanförnum árum. Þá erfiðleika má
rekja til margvíslegra orsaka og ber þar einna hæst samdrátt
í sjávarafla. Vitað er að fjárfesting í sjávarútveginum, undir-
stöðuatvinnuvegi landsmanna, er of mikil miðað við það afla-
magn sem fiskifræðingar telja óhætt að veiða við óbreyttar
aðstæður. Einnig er ljóst að sá hagnaður, sem orðið hefur af
verðmætasköpun í sjávarútvegi hefur ekki orðið eftir í þeim
byggðalögum þar sem rætur hans liggja. Af þeim sökum
hafa mörg fyrirtæki í þeim atvinnuvegi barist í bökk'um og
verið að nokkru leyti undir forsjá þess opinbera seld.
Byggðastefna undanfarinna ára hefur að miklu leyti beinst
að því að greiða úr þessum vanda og hjálpa sjávarútvegsfyr-
irtækjunum til þess að hjálpa sér sjálf. Hvað sem rætt er um
vanda fortíðar er ljóst að mikið hefur áunnist þótt enn sé
langt í land að allt hafi verið gert sem nauðsynlegt er. Eink-
um er nú knýjandi að menn á landsbyggðinni taki höndum
saman um rekstur ýmissa eininga í sjávarútvegi og nái á
þann hátt fram meiri arðsemi af hverri fjárfestingu. í því
sambandi þarf að fækka fiskiskipum þegar ljóst er að færri
skip geta sótt það fang í greipar hafsins sem óhætt er talið
að taka. Einnig er mögulegt að sameina þurfi rekstur vinnslu-
stöðva í landi í sama tilgangi.
Allar aðgerðir af þessum toga byggjast á vilja og framsýni
manna á hverjum stað. Á hvern hátt þeir kjósa að taka á mál-
um og leysa þau. Samgöngukerfi landsmanna hefur tekið
stökkbreytingum á síðasta áratug og áfram er haldið á þeirri
braut að færa byggðir nær hver annarri í óeiginlegri merkingu
með bættu vegakerfi. Af þeim sökum er íbúum ýmissa
byggðakjarna engin nauð að taka upp meiri samvinnu við
nágranna sína í næstu byggð til þess að efla og styrkja
atvinnulíf og þar með afkomumöguleika sína. í því felst hin
raunverulega hagræðing sem nú er þörf á vegna minnkandi
sjávarafla og jafnhliða henni er unnt að styðja við bakið á
undirstöðuatvinnuvegi þjóðarinnar.
Byggðastefna á ekki að leitast við að sporna á móti eðli-
legri þróun. Hún á að miðast við að efla atvinnulíf í landinu
og stuðla að hagkvæmni í rekstri þannig að fólk geti lifað og
starfað þar sem rætur þess liggja og það kýs að eyða lífdög-
um sínum. Með yfirlýsingu sinni er forsætisráðherra að
leggja til meiri miðstýringu í byggðamálum en hér hefur
þekkst. Fyrirmyndir að slíku er tæpast að finna utan stjórn-
kerfis alræðisríkjanna sálugu og sýnir betur en margt annað
þann tvískinnung sem einkennir ýmsar hugmyndir núver-
andi forsætisráðherra og ríkisstjórnar. ÞI
Þessar KA-kempur voru sérstaklega heiðraðar fyrir ómælda sjálfboðavinnu á byggingartíma íþróttahússins: Aftari
röð frá vinstri: Haraldur M. Sigurðsson, Guðjón Guðbjartsson, Jón Oðinn Oðinsson, Níels Halldórsson, Ingveldur
Jónsdóttir en hún tók við viðurkenningunni fyrir sína hönd og manns síns Þorleifs Ananíassonar; Þormóður Ein-
arsson og Sæmundur Gauti Friðbjörnsson. Fremri röð frá vinstri: Ilalldór Rafnsson, Hermann Haraldsson, Pétur
Bjarnason og Kári Arnason.
Knattspyrnufélag Akureyrar:
Vígsluhátíð nýs og
glæsilegs íþróttahúss
Nýtt og glæsilegt íþróttahús
Knattspyrnufélags Akureyrar
var formlega tekið í notkun og
vígt síðastliðinn föstudag. Hús-
ið var reist á einungis 199 dög-
um sem er að sjálfsögðu nýtt
íslandsmet og „heimsmet þar
til annað kemur í ljós“, eins og
Tómas Ingi Olrich, veislustjóri
vígsluhátíðarinnar, orðaði
það.
Um 450 manns mættu til
vígsluhátíðarinnar. Hátíðarræðu
kvöldsins flutti séra Hjálmar
Jónsson á Sauðárkróki, en auk
hans stigu margir í ræðustól áður
en kvöldið var allt.
KA bárust margar góðar gjafir
í tilefni dagsins. Þá voru þeim
fyrirtækjum og einstaklingum
sem mest lögðu að mörkum við
byggingu íþróttahússins veittar
sérstakar viðurkenningar frá
félaginu. En myndirnar tala sínu
máli.
Þessir hlutu sérstaka viðurkenningu frá KA fyrir drjúgan stuðning við byggingu hússins: Ágúst Karl Gunnarsson;
Gunnar Hjartarson, útibússtjóri Búnaðarbanka Islands á Akureyri; Eiríkur Rósberg og Stefán Sigtryggson frá
Rafael hf., Guðmundur Hjálmarsson frá G. Hjálmarsson; Oddur Halldórsson frá Blikkrás og Sæmundur Óskars-
son, formaður KA-klúbbsins í Reykjavík. Yst til hvorrar hliðar standa Guðmundur Heiðreksson og Sigmundur Þór-
isson.
Um 450 manns sátu vígsluhátíðina og hér má sjá hluta gestanna. Myndír: Goiii