Dagur - 12.03.1992, Blaðsíða 11

Fimmtudagur 12. mars 1992 - DAGUR - 11
HÉR & ÞAR
Bankaræninginn Gary Bartley bað bílstjórann að bíða meðan hann skryppi í bankann og næði sér í skotsilfur.
Sértilboð: Eitfsímtal og við gerum þér tilboð
AKUREYRI
96-24838
Bílaleigan Örn
Flugvöllur og Tryggvabraut 1.
ÞÓRSHÖFN: Tel. 96-81175
VIÐ ÞJÓNUM ÞÉR
RVS-AVIS
Licency
Lífsreynsla leigubílstjórans:
Örláti farþeglnn reyndist
vera dæmdur bankaræningi
Leigubílstjórinn Rick Zelinger í
Denver í Bandaríkjunum komst
heldur betur í feitt á dögunum
þegar hann tók upp farþega sem
gaf honum svo ríflegt þjórfé að
þess voru engin dæmi. Þeim varð
svo vel til vina að farþeginn réð
hann sem einkabílstjóra í heila
viku. En í upphafi skyldi endir-
inn skoða.
Zelinger tók Gary Bartley upp
og ók honum að hóteli þar sem
Bartley rétti honum hundrað
dala seðil og bað hann að bíða.
Hann birtist aftur að vörmu spori
uppáklæddur og vildi fara út á
lífið. „Þessi gæi hlýtur að eiga
sand af seðlum,“ hugsaði Zelinger
með sér þegar hann ók honum
milli næturklúbba Denverborgar.
„Hann jós út peningum á báða
bóga og var svo ánægður með
mig að hann réð mig til starfa í
viku.“
Næstu vikuna óku þeir um og
Bartley eyddi peningum í klám-
blöð og -myndbönd, föt á sig, til-
fallandi kvenfólk og bílstjórann.
„Um nætur stunduðum við bari
og nektarsýningar og á einum
stað bauð hann öllum viðstödd-
Bflstjórann Rick Zelinger grunaði
ekkert fyrr en hann las um banka-
ránið í blöðunum daginn eftir.
um í glas, það kostaði tólf þús-
und krónur en hann lét sig ekki
muna um það,“ sagði Zelinger.
Eftir viku úthald virtust sjóðir
Bartleys eitthvað farnir að
minnka svo hann bað bílstjórann
að lána sér byssu vegna þess að
hann þyrfti að ná í peninga í
bankann. „Hann sagðist vera
smeykur við að ganga um óvarinn
með stórar fjárhæðir. Ég ók hon-
um í banka í miðbænum og hann
kom aftur út með fullan poka af
peningum," sagði Zelinger.
Pað var ekki fyrr en daginn eft-
ir sem bílstjórinn fékk bakþanka.
Þá benti kunningi hans honum á
frétt af bankaráni í sama banka
og á sama tíma og Bartley hafði
verið í fjáröflunarleiðangri
sínum. Nú fóru að renna tvær
grímur á Zelinger sem óttaðist að
vera talinn meðsekur ef hann
segði ekki til farþegans. Hann fór
til lögreglunnar sem handtók
Bartley á mótelherbergi.
Það kom upp úr kafinu að
Bartley hafði setið inni fyrir
bankarán í Alabama og hafði
rænt fjölmarga banka eftir að
hann var látinn laus nokkrum
vikum áður en hann kom til
Denver. Nú situr hann bak við
lás og slá og von á löngum
fangelsisdómi. „Ég er dauðfeginn
að hann skuli vera í steininum,“
segir Zelinger og hrósar happi
yfir því að sleppa óskaddaður frá
viðskiptum sínum við hinn örláta
farþega.
Kona á karlasaierni
- óvenjulegt og ábatasamt starf
Sasha Kazachkova er hæstánægð
með starf sitt sem salernisvörður
í klúbbnum Laura Belle í New
York. Sasha er tvítugur innflytj-
andi frá Rússlandi og þóttist hafa
komist í feitt þegar hún fékk
þetta starf og víst þénar hún
ágætlega. Ekki það að salern-
isvarsla sé svo arðbær í Banda-
ríkjunum, a.m.k. ekki svona yfir-
höfuð, en það sem gerir starf
hennar öðruvísi og vænlegra til
fjár er það að hún er salern-
isvörður á karlaklósettunum.
Já, það væri skemmtileg til-
breyting að fá að njóta þjónustu
fallegrar konu á klósettinu. Sum-
um karlmönnum bregður víst í
brún að sjá Söshu spóka sig
þarna inni en þeir gefa henni
undantekningalítið ríflegt þjórfé.
Þannig kemst hún vel af í þessu
óvenjulega starfi.
„Ég hef það bara gott,“ sagði
hún á bjagaðri ensku í samtali
við tengilið okkar vestra, en hún
vildi ekki segja hve mikið hún
hefði upp úr þessu.
Ekki fylgir frásögninni hvort
Sasha verði fyrir einhverri áreitni
í þessu starfi sínu en sé tekið mið
af hegðun drukkinna mörlanda á
skemmtistöðum er ekki ólíklegt
að hún fái aðeins að gjalda fyrir
kyn sitt og sjálfsagt myndi það
aldrei ganga hér á landi að hafa
konu í salernisvörslu á karla-
klósettunum.
Sasha unir hag sínum vel á karlaklósettinu og hefur gott upp úr starfinu.
Iþróttaskómir
komnir
Stærðir 22-41 frá kr. 1.000,-
Stærðir 40-46 frá kr. 1.890,-
Hjólabrettaskór
frá kr. 2.150,-
Skóverslun M.H. Lyngdal
Hafnarstræti 103, sími 23399.
Sunnuhlíð, sími 26399.