Dagur - 13.03.1992, Side 8

8 - DAGUR - Föstudagur 13. mars 1992
Þátttakendur ásamt leiðbeinendum, sem voru (sitjandi frá vinstri): Einar Þ. Strand, Haukur Konráðsson og Andrés
Þórarinsson.
Björgunarskóli Landsbjargar:
Námskeið fyrir Íjarskiptamenn
Ályktun stjórnarfundar
Landssambands smábátaeigenda:
Viðhalda ber krókaleyfi smábáta
og tvöföldunartímabih línuveiða
Nýlega var haldið í Reykjavík
viðamikið námskeið fyrir fjar-
skiptamenn björgunarsveita á
vegum Björgunarskóla Lands-
bjargar. Þátttakendur, sem komu
víða af landinu, höfðu áður sótt
undirbúningsnámskeið og tekið
þátt í sameiginlegum fjarskipta-
æfingum á vegum Landsbjargar.
Á námskeiðinu var meðal annars
kennt að smíða og setja upp alls
konar loftnet, setja upp talstöðv-
ar og nota þær á mismunandi
tíðnum við mismunandi aðstæður
o.fl. Undanfarna mánuði hafa
félagar björgunarsveitanna gert
tilraunir með misháar tíðnir til
fjarskipta. Hefur tekist að koma
á öruggu fjarskiptasambandi
milli fjarlægra landshluta, jafnvel
þegar skilyrði eru slæm. Er nú
unnið að því að þjálfa björgunar-
fólk í að nota þessar langdrægu
stöðvar og velja tíðnisvið.
A fundi stjórnar Landssam-
bands smábátaeigenda er hald-
inn var nýverið var eftirfarandi
ályktun samþykkt:
„Á tímum samdráttar í þjóð-
félaginu með stöðugri aukningu
atvinnuleysis vekja athygli fréttir
af stöðum þar sem atvinnuleys-
isvofan hefur ekki haldið innreið
sína. Fyrir stuttu heyrðust fréttir
frá Drangsnesi þess eðlis að ekk-
ert atvinnuleysi ríkti þar. Ríkis-
útvarpið sá ástæðu til að hafa
samband við sveitastjóra staðar-
ins og spyrja hverju þetta sætti. í
svari hans kom fram að hann
þakkaði þetta fyrst og fremst því
að þensla hefði engin verið og
línuveiðar væri sú útgerð er þeir
stóluðu á. ígrundun fréttarinnar
hlýtur að vekja sérstaka athygli
ráðamanna sem nú glíma við böl
atvinnuleysis. Hún sýnir að
útgerð smábáta og lítilla skipa
hefur alla burði til að tryggja
buggðarlögum afkomuna. Hins
vegar minnir hún á að gríðarleg
tilfærsla veiðiheimilda til ein-
stakra staða á landinu er síður en
svo trygging fyrir atvinnulífinu
þar. Rétt er að benda á Skaga-
strönd í því sambandi.
Veiðiheimildir voru skertar
meir um síðustu „fiskveiðiára-
mót“ en dæmi eru um síðan í
upphafi kvótakerfisins. Ekki er
útlitið bjartara ef marka má fiski-
fræðinga. Aflasamdrátturinn
knýr okkur til að gaumgæfa
aðgerðir sem gætu snúið þessari
þróun við. Hagræðing hefur ver-
ið lausnarorð dagsins í sjávar-
útvegi. En hvers konar hagræð-
ing?
Frystitogarar hafa að meðaltali
26 manna áhöfn og 2021 þorsk-
ígildi sem að jafnaði standa fyrir
3213 tonn af kvótabundnum fiski
upp úr sjó. Á hvern skipverja eru
því 123 tonn af þeim fisktegund-
um. ísfisktogarar yfir 500 brl.
hafa að meðaltali 17 manna
áhöfn og 3379 tonn af fiski upp úr
sjó, eða 208 tonn á hvern skip-
verja. Dæmið lítur hins vegar
öðruvísi út hjá minni skipum og
smábátum.
Bátar án sérveiðiheimilda á
stærðarbilinu 50 til 110 brl
hafa að jafnaði 8 manna áhöfn og
293 þorskígildi sem standa fyrir
378 tonn af kvótabundnum botn-
fisktegundum upp úr sjó, eða
rúm 47 tonn á hvern skipverja af
þeim fisktegundum. Smábátar
hafa að jafnaði 1,25 menn í áhöfn
og tæp 23 þorskígildi, sem standa
fyrir um 29 tonnum upp úr sjó
eða 23 tonn á hvern skipverja.
Hámark hagkvæmninnar hlýt-
ur að liggja þar sem sköpun heils-
ársstarfsins á sér stað með sem
fæstum fisktonnum úr sjó!
Smábátaflotinn veiðir um 12%
af heildarþorskaflanum, eða um
6-7% af heildarbotnfiskaflanum.
Séu aðrar veiðar einnig teknar
með í reikninginn er hlutfallið
minna. En þrátt fyrir þetta lága
hlutfall smábátanna í heildarafla
er um þriðjungur mannafla til
sjós á þessum hluta flotans.
Fyrirsjáanlegur samdráttur í
aflaheimildum þýðir með öðrum
orðum að skynsamleg viðbrögð
til að forðast atvinnuleysi og
fólksflutninga er að fjölga smærri
skipum á kostnað þeirra stærri.
Efling krókaveiða, hvort eð er
með línu eða handfærum er mest
atvinnuskapandi útgerð sem völ
er á.
Allir landsmenn eru því sam-
mála að róttækra efnahagsráð-
stafana sé þörf þó skiptar
skoðanir séu á aðferðum. Um
það þarf hins vegar ekki að deila
að smábátarnir hafa aldrei skap-
að nein efnahagsvandamál og er
einn örfárra þátta atvinnulífsins
sem alla tíð hafa staðið og fallið
af eigin rammleik. Svo mun
verða áfram fái annarleg sjón-
armið hvergi að koma nærri.
Atvinnuleysi og bág staða sjáv-
arútvegs eru vandamál sem
íslendingum eru þung í skauti.
Hlutverk stjórnvalda er að leysa
þau sem beinlínis eru innan
þeirra verksviðs. Raddir ein-
stakra hagsmunasamtaka hafa
heyrst að leggja beri af tvöföld-
unartímabil línuveiða og setja
krókaleyfisbátana tafarlaust á
kvóta. Spurning stjórnvalda við
slíkum kröfum hlýtur að vera
hvaða vandamál leysist með slík-
um aðgerðum. Svarið er augljóst:
Engin vandamál leysast en fjöl-
mörg myndu skapast.
Krafa Landssambands smábát-
aeigenda er ótvíræð: Viðhalda
ber og styrkja í sessi krókaleyfi
smábáta og tvöföldunartímabil
línuveiða.“ ói
Menningarsamtök Norðlendinga og dagblaðið Dagur
efna til samkeppni um bestu frumsömdu smásöguna.
Höfundur sögunnar, sem dómnefnd metur besta, hlýtur að launum tvö
meistaraverk heimsbókmenntanna; Heimskringlu Snorra Sturlusonar og
heildarútgáfu leikrita Williams Shakespeares.
Höfundur sögunnar, sem dómnefnd metur næstbesta, hlýtur að launum
heildarútgáfu leikrita Williams Shakespeares.
Þær sögur sem verðlaun hljóta verða birtar í
Degi og ef til vill einnig í riti á vegum MENOR.
Sögur í keppninni mega að hámarki vera 6-7
síður í A-4 stærö, vélritaðar í aöra hverja línu.
Sögurnar skal senda undir dulnefni, en með
skal fylgja rétt nafn, heimilisfang og símanúmer
í lokuðu umslagi, auðkenndu dulnefninu.
Skilafrestur smásagna í keppnina er til 16.
mars nk., sem er síðasti póstlagningardagur.
Utanáskriftin er:
Menningarsamtök Norðlendinga
b/t Hauks Ágústssonar
Gilsbakkavegi 13
6QO Akureyri
Heimskringla kom út á
síðasta ári í nýrri og
glæsilegri útgáfu í tilefni
þess að 750 ár voru liðin
frá fæðingu Snorra Sturlu-
sonar. Texti Heims-
kringlu, með nútíma-
stafsetningu, er í tveimur
fallegum bindum en í
þriðja bindinu er að finna
orðskýringar, ættartölur,
landakort, ýmsa aðra
texta er varpa Ijósi á
Heimskringlu, og inngang
um Snorra Sturluson og
samtíð hans. Ritverkið er
alls 1.500 bls. að stærð.
Útgefandi er Mál og
menning.
Leikrit Williams Shake-
spears eru í alls átta
bindum, um 4.000 bls.
aðstærð. íslenska
þýðingu annaðist Helgi
Hálfdanarson afein-
stakri snilld og telst
þýðingin tvímælalaust
með mestu stórvirkjum
íslenskrar bókmennta-
sögu. Útgefandi er
Mál og menning.
Menningarsamtök IMorðlendinga - Dagur