Dagur - 17.03.1992, Síða 4

4 - DAGUR - Þriðjudagur 17. mars 1992
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT KR. 1200Á MÁNUÐI
LAUSASÖLUVERÐ KR. 110
GRUNNVERÐ DÁLKSENTIMNETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
INGIBJÖRG MAGNÚSDÓTTIR (Húsavík vs. 96-41585),
JÓHANN ÓLAFUR HALLDÓRSSON, JÓN HAUKUR BRYNJÓLFSSON (íþróttir),
ÓLI G. JÓHANNSSON, ÓSKAR ÞÓR HALLDÓRSSON,
SKÚLI BJÖRN GUNNARSSON (Sauöárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Um óhentuga flík og
tilslökunarstefnu
Þórarinn V. Þórarinsson, framkvæmdastjóri Vinnuveit-
endasambands íslands, vill að íslendingar sæki um
aðild að Efnahagsbandalagi Evrópu. Hann lýsti þess-
ari skoðun sinni á ráðstefnu Evrópubandalagsins um
nýskipan Evrópu í framhaldi af svonefndu Maastricht-
samkomulagi, en ráðstefnan fór fram í Reykjavík sl.
föstudag. Framkvæmdastjóri Vinnuveitendasam-
bandsins sagði við þetta tækifæri að hann væri reynd-
ar ekki að leggja til að ísland gengi beint inn í Evrópu-
bandalagið, heldur væri sjálfsagt að kanna hvaða
kostir byðust íslendingum við inngöngu í Evrópu-
bandalagið. „Það er ekki sama að máta flíkina og
kaupa hana,“ sagði framkvæmdastjóri Vinnuveit-
endasambandsins og hvatti til að nú þegar yrði hafin
„fordómalaus umræða um þá kosti sem okkur standa
til boða í evrópsku samstarfi. “
Það hefur vart farið fram hjá mörgum að þrýstingur-
inn á íslenska stjórnmálamenn um að draga íslend-
inga inn í Evrópubandalagið hefur aukist mjög að
undanförnu. Forsvarsmenn hinna Norðurlandaþjóð-
anna hafa þrýst á íslendinga að ganga í Evrópubanda-
lagið á þeirri forsendu að Norðurlandaráð muni í aukn-
um mæli taka að sér hlutverk norrænna hagsmuna-
samtaka innan Evrópu. Helmuut Kohl, kanslari Þýska-
lands, hefur boðið öll Norðurlöndin velkomin í EB, og
þannig mætti lengi telja. Það þarf sterk bein til að þola
þennan þrýsting og því miður bendir margt til þess að
sumir forsvarsmenn í íslensku þjóðfélagi séu að láta
undan síga.
Það er ekki nýtilkomið að aðildarþjóðir Evrópu-
bandalagsins vilji ísland inn í Evrópubandalagið. Þær
sækjast eftir mörgu sem við eigum ein, ekki síst auð-
lindum okkar, svo sem gjöfulum fiskimiðunum, orku-
lindunum og hreina landinu. Þær sjá ekki síður hag í
aðild Islands vegna þess að íslenskur iðnaður er ekki
mjög öflugur og því ólíklegur til stórræða á sameinuð-
um Evrópumarkaði. íslendingar hafa á sömu forsend-
um ekki Ijáð máls á inngöngu í Evrópubandalagið. Þeir
hafa réttilega komist að þeirri niðurstöðu að miðað við
núverandi forsendur eigi ísland ekkert erindi inn í EB.
Auk þess að veita hinum Evrópuþjóðunum nær frjáls-
an aðgang að auðlindum okkar, fæli aðild að Evrópu-
bandalaginu í sér verulegt afsal fullveldis og sjálf-
stæðis íslensku þjóðarinnar.
Þetta er niðurstaðan að undangenginni ítarlegri
skoðun á kostum þess og göllum fyrir ísland að gerast
aðili að Evrópubandalaginu. Gallarnir eru margfalt
fleiri og stærri en kostirnir. Um þessa niðurstöðu hefur
myndast góð samstaða meðal þjóðarinnar. Það er með
öllu ástæðulaust að fara að endurskoða þessa afstöðu
nú. Forsendur fyrir aðild hafa ekki breyst á nokkurn
hátt. Við erum búin að skoða „flíkina" gaumgæfilega,
svo samlíking framkvæmdastjóra Vinnuveitenda-
sambandsins sé notuð. Flíkin reyndist vera úr óhent-
ugu efni og hæfði ekki vaxtarlaginu. Svo var hún líka
allt of dýr. Henni hefur hvorki verið breytt né hefur
verðið verið lækkað. BB.
Meiri Bragi
- enn frekari athugasemdir við greinaskrif
Bragi Bergmann, ritari íþrótta-
og tómstundaráðs, hefur nú bætt
við fyrri skrif sín og útlistað
skoðanir sínar enn frekar, hvað
varðar íþrótta- og æskulýðsmál.
Það er mikils virði að þeir aðil-
ar sem taka að sér forsvar ákveð-
inna málaflokka viti hvað þeir
vilja og láti skoðanir sínar í ljós.
Það er þó ekki annað hægt en
gera nokkrar athugasemdir við
skrif B.B. því auðveldlega mætti
draga þá ályktun af skrifum hans
að ákvarðanir sé búið að taka,
sem enn eru ófrágengnar og að
ákvarðanir sem teknar hafa verið
hefðu ekki fengið stuðning ráð-
gefandi nefndar á sviði íþrótta-
mála, ef til þess hefði verið leit-
að. Ég hef það sterklega á tilfinn-
ingunni, eftir að hafa lesið síð-
ustu skrif hans, að hann hafi ekki
reynt að yfirfara stöðuna af nægri
nákvæmni í upphafi.
Það verður því ekki hjá því
komist að fara enn á ný nokkrum
orðum um þau mál sem hann ger-
ir að umtalsefni.
íþróttahús KA
Án þess að fara frekar ofan í
samninga þá, sem gerðir voru við
KA um byggingu íþróttahúss
KA, þá virðist mér af skrifum
B.B. að hann telji það offjárfest-
ingu í KA-húsinu að hafa þar
áhorfendasvæði. Mér fannst þá
og finnst enn að ekki hafi komið
annað til greina en byggja hús
með áhorfendaaðstöðu. Forsvars-
menn KA, sem bera fjárhagslega
ábyrgð á rekstrarafkomu hússins,
lögðu fram sínar hugmyndir þar
að lútandi og kostnað við áhorf-
endastæðin.
Þegar gengið var frá endanleg-
um samningum við KA á árinu
1991 voru þeir samningar byggðir
á mjög sambærilegri stærð og
fyrri samningsdrög, sem gerð
voru árið áður. Þau samningsdrög
voru staðfest af fráfarandi bæjar-
stjórn og íþróttaráði. Fyrri samn-
Sigurður J. Sigurðsson.
ingur gerði ráð fyrir að kostnað-
arhlutur bæjarins í húsinu yrði
kr. 94 milljónir og því til viðbótar
yrði gerður sérstakur samingur
um frágang lóðar.
Samningurinn sem síðan var
gerður hljóðaði upp á hlutdeild
bæjarins að fjárhæð kr. 109 millj-
ónir og þá var lóðarfrágangur
með í kostnaði. Ekki þótti ástæða
til þess að bera þennan nýja
samning undir nefndir og ráð á
vegum bæjarins þegar hann var
gerður, enda engin stefnubreyt-
ing frá fyrri drögum.
Um samkeppni við sjálfan sig,
eins og B.B. kýs að orða það, nú
þegar að til eru tvö íþróttahús á
Akureyri, sem geta tekið fjöl-
mennan hóp áhorfenda, sýnir nú
ekki mikinn stórhug.
B.B. veit að kappleikir eru
ekki stórkostlegar tekjulindir fyr-
ir íþróttahöllina. íþróttafélögin
hafa ítrekað óskað eftir lækkun á
þeirri upphæð sem þau þurfa að
greiða af seldum aðgöngumiðum
til íþróttahallarinnar.
Núverandi íþrótta- og tóm-
stundaráð ákvað að lækka þessa
prósentu úr 24% í 10% í upphafi
þessa kjörtímabils.
Nýting íþróttahallarinnar við
byggingu KA-hússins versnaði
ekkert að öðru leyti en sem nam
flutningi nemenda Lundarskóla úr
öðrum íþróttahúsum.
Það er hlutverk íþrótta- og
tómstundaráðs og starfsmanna
þess að markaðssetja íþrótta-
mannvirkin og afla þeim allra
þeirra tekna, sem mögulegar eru.
Um ráðstefnur og sýningar skap-
ast að sjálfsögðu samkeppni en
jafnframt skapast ný og fjöl-
breyttari tækifæri til þess að gera
margvíslega hluti sem áður hafa
ekki verið framkvæmanlegir. Ég
tel að þessi tvö íþróttahús muni
styrkja hvort annað á komandi
árum og menn eigi að berjast fyr-
ir því að nýta þau sem allra best.
Rekstur íþróttahúsanna
Samkvæmt núverandi fjárhags-
áætlun er rekstri íþróttahúsa
bæjarins lokað með um 3,5 millj-
óna króna halla. Því til viðbótar
kemur síðan allt meiriháttar við-
hald og endurbætur auk endur-
nýjunar tækja og búnaðar.
B.B. veit að til þessa mála-
flokks þurfa að koma umtals-
verðir fjármunir úr bæjarsjóði,
hærri tekjur eða bætt nýting, til
að loka rekstrardæminu. Þegar
nýting húsa fer versnandi, vegna
minni notkunar skólanna á
íþróttahúsunum, verður að
skoða reksturinn og sjá hvort
ekki eru til leiðir til að draga úr
enn frekari fjárframlögum úr
bæjarsjóði til þessa rekstrar.
íþróttaskemman
Þegar kastað er fram hugmynd
um það að leggja af íþrótta-
skemmuna og nýta betur önnur
mannvirki, lýsir B.B. andstöðu
sinni við það sjónarmið. Skoðan-
ir hans á vinnubrögðum bæjar-
stjórnar verður hann að fá að
hafa. Hann veit hins vegar vel að
engin ákvörðun hefur enn verið
Að lokum þetta...
- athugasemd við athugasemdir Sigurðar J. Sigurðssonar
Ég og Sigurður J. Sigurðsson, forseti
bæjarstjórnar Akureyrar, erum á
góðri leið með að verða pennavinir.
Við höfum að undanförnu skipst á
skoðunum um íþrótta- og tómstunda-
mál á Akureyri á síðum Dags. Mér
þykir sýnt að við verðum seint sam-
mála um ágæti einstakra ákvarðana
bæjarstjórnar í þessum málaflokki,
jafnvel þótt við héldum áfram að
skrifast á um efnið fram á haust. Því
vil ég að lokum einungis setja fram
nokkrar athugasemdir við athuga-
semdir Sigurðar við athugasemdir
mínar við svargrein hans við greinum
mínum um þessi mál!
íþróttahús KA
Þótt Sigurður J. hafi það „sterklega á
tilfinningunni“ að ég hafi ekki „yfir-
farið stöðuna af nægri nákvæmni í
upphafi" er það ekki rétt. Það er
heldur ekki rétt að ég telji það offjár-
festingu í KA-húsinu að hafa þar
áhorfendasvæði. Ég hefði talið mjög
eðlilegt að gera ráð fyrir aðstöðu fyr-
ir um tvö til þrjú hundruð áhorfend-
ur í húsinu, eins og upphaflega var
rætt um - en ekki fyrir um eitt þús-
und áhorfendur eins og raunin síðan
varð.
Sigurði J. finnst það ekki sýna
„mikinn stórhug“ að mér skuli mis-
líka þessi offjárfesting í áhorfenda-
aðstöðu. Ég vil aftur á móti lýsa
þeirri skoðun minni fyrir Sigurði J.
Sigurðssyni og öðrum bæjarfulltrú-
um að mér finnst lítilmannlegt af
Akureyrarbæ að láta íþróttahöllina
sjálfa standa hálfkaraða nú á 10 ára
vígsluafmæli hennar. Ég minni enn
og aftur á að Höllin hefur verið í
byggingu síðan 1977 og samt á enn
eftir að verja 44 milljónum króna til
að ljúka framkvæmdum þar. Það
sýnir að mínu mati engan stórhug af
hálfu bæjaryfirvalda að samþykkja
að ljúka öðru fullkomnu keppnishúsi
á undan fþróttahöllinni - hvað þá
þegar deila má um hvort þörf hafl
verið fyrir annað fullkomið keppnis-
hús á Akureyri.
Nýting íþróttahallarinnar
Sigurður J. Sigurðsson segir í grein
sinni að nýting íþróttahallarinnar
hafi ekki versnað með tilkomu KA-
hússins „að öðru leyti en sem nam
flutningi nemenda Lundarskóla úr
öðrum íþróttahúsum." Þetta er
beinlínis rangt hjá Sigurði. Nýting
Iþróttahallarinnar sem keppnishúss
versnaði til muna með tilkomu KA-
hússins, því KA leikur nú alla sína
heimaleiki í handknattleik og blaki
þar en ekki í íþróttahöllinni. KA
þarf ekki lengur á íþróttahöll bæjar-
ins að halda sem keppnishúsi.
íþróttaskemman
í grein sinni bendir Sigurður J. á að
engin ákvörðun hafi verið tekin um
það í bæjarstjórn að leggja íþrótta-
skemmuna niður. Mér er fullkunnugt
um þá staðreynd en vil þá um leið
minna Sigurð J. á að það er ekki hon-
um að þakka að slík ákvörðun hefur
ekki þegar verið tekin. Meginástæð-
an fyrir því að núverandi bæjarstjórn
hefur ekki þegar lokað Skemmunni
sem íþróttamannvirki er sú að innan
bæjarstjórnar ríkir alls enginn ein-
hugur um þá aðgerð. Þess vegna
munu nefndir og ráð bæjarins fá mál-
ið til umfjöllunar.
Opnunartími
leiktækjastofa
Bæjarstjórn stóð að mínu mati afar
einstrengingslega að því að breyta
opnunartíma leiktækjastofanna.
Með ákvörðun sinni gekk hún í ber-
högg við vilja flestra þeirra aðila sem
málinu tengjast, nema auðvitað eig-
enda leiktækjastofanna sjálfra. Um
frjálsan opnunartíma pylsuvagna í
miðborg Reykjavíkur skal ég hins
vegar ekki fjölyrða...