Dagur - 22.05.1992, Blaðsíða 1
, Norðurland:
Utgjöld vegna snjó-
moksturs í minna lagi
Þegar snjómokstur vetrarins er að baki tekur moksturinn í blómabeðunum við.
Vetur konungur hefur hopað
og raunar varð veldi hans í ár
ekki ntikið á Norðurlandi.
Kostnaðartölur vegna snjó-
moksturs bera þess vitni er lit-
ið er til mánaðanna frá ára-
mótum fram til 1. maí.
Tæpum þremur milljónum var
varið í snjómokstur á Akureyri
fyrstu fjóra mánuði ársins, sem er
um fimm milljónum minna en
ráðgert var. í fjárhagsáætlun
Akureyrarbæjar er gert ráð fyrir
tæpum tólf milljónum til snjó-
moksturs árið 1992.
Kostnaður Vegagerðar ríkisins
á Akureyri, frá 1. janúar til 1.
maí, vegna snjóruðnings á
Norðurlandi eystra er fimmtán
Grunnskóli Raufarhafnar:
Nemendur gáfu 400 þúsund krónur
til að greiða götu íþróttahúss
Grunnskóla Raufarhafnar var
slitið síðastliðinn miðvikudag
og þustu þá nemendurnir 58 út
í sólina og atvinnulífið. Það
sem gerir þessi skólaslit
óvenjuleg og minnisstæð er
stórgjöf sem nemendurnir
færðu sveitarfélaginu. Þeir
létu af hendi rakna 400 þúsund
krónur til byggingar íþrótta-
húss á Raufarhöfn, en þetta
var ferðasjóður sem nemend-
urnir höfðu safnað ötullega í
undanfarin tvö ár.
Þrír nemendur úr 10. bekk,
Petrína Soffía Þórarinsdóttir,
Ingólfur Þór Hlynsson og Anna
María Gylfadóttir, afhentu Guð-
mundi Guðmundssyni, sveitar-
- allur ferðasjóðurinn afhentur hreppnum
stjóra, og Haraldi Jónssyni, for-
manni íþrótta- og æskulýðs-
nefndar, peningaupphæðina.
Áttu þeir vart orð til að lýsa
þakklæti sínu.
Bygging íþróttahúss á Raufar-
höfn hefur verið í deiglunni
nokkur undanfarin ár en ekkert
íþróttahús af löglegri stærð er til í
Norður-Þingeyjarsýslu. Líkur
eru á að farið verði að huga að
framkvæmdum næsta haust en
áætlanir gera ráð fyrir að íþrótta-
húsið verði tilbúið árið 1995.
Gjöf nemendanna í grunn-
skóla Raufarhafnar til byggingar-
innar á sér varla hliðstæðu. Elstu
bekkingar munu ekki njóta sjálfir
góðs af íþróttahúsinu, a.m.k.
Sauðárkrókur:
Batnandi atvinnuástand
„Sólin skín á skrifborðið hjá
mér núna og ég get því ekki
annað en verið bjartsýnn á
atvinnuástand og annað varð-
andi sumarið,“ segir Snorri
Björn Sigurðsson, bæjarstjóri
á Sauðárkróki.
Að sögn Snorra Björns hefur
skráðum atvinnuleysisdögum á
Sauðárkróki heldur fækkað síð-
ustu tvo mánuðina og segist hann
þess vegna vona að atvinnuleysi
fari minnkandi, þannig að flestir
skólakrakkar fái atvinnu í sumar.
Snorri Björn segir að bærinn
muni þó væntanlega skoða hvort
ekki sé hægt að gera eitthvað, ef
í ljós komi að um verulegt
atvinnuleysi verði að ræða hjá
unglingum.
Sauðárkróksbær verður með
vinnuskóla í sumar líkt og undan-
farin sumur og í honum verða
krakkar úr 6.-9. bekk grunnskól-
ans. Snorri segir að verið sé að
kanna atvinnuhorfur þeirra sem
eru í 10. bekk og niðurstöðu
þeirrar könnunar sé að vænta
innan skamms, þannig að bærinn
geti skoðað leiðir í því sambandi,
ef útlit er fyrir atvinnuleysi hjá
þeim aldurshópi.
Framkvæmdir á vegum Sauð-
árkróksbæjar verða töluverðar í
sumar. Steyptar verða gangstéttir
við nokkrar götur og unnið við
holræsi í Túnahverfi. Skipt verður
um jarðveg í Skógargötu og lagt
malbik þar, auk þess sem malbik-
að verður í Túnahverfi og iðnað-
arhverfi. Væntanlega verður síð-
an byrjað á byggingu einhverra
félagslegra íbúða að sögn Snorra
Björns.
„Það má segja að ég sé ekkert
hryllilega svartsýnn á sumarið,
enda græðir maður svo ósköp lít-
ið á slíku,“ segir Snorri Björn
Sigurðsson. SBG
ekki í tengslum við skólann, en
þeir voru þó tilbúnir að fórna
ferðasjóðnum. Það er því lítið
um ferðalög á döfinni hjá
nemendum. Líney Helgadóttir,
skólastjóri, var spurð nánar út í
þessa stórgjöf.
„Þetta er mjög örlátt af þeim.
Þótt elstu nemendurnir muni
ekki geta notað íþróttahúsið í
skólanum þá eru íþróttir náttúr-
lega líka stundaðar utan skólans
og svo eru þeir að hugsa um sín
eigin börn. Þeir líta til framtíðar-
innar og gjöfin lýsir fádæma óeig-
ingirni,“ sagði Líney. SS
og hálf milljón króna. í fyrra var
samsvarandi tala rúmar 24,6
milljónir króna. ój
HÓlsfjÖll:
Bakpokamenn
aðeins farnir
að sjást á ferð
- og vegurinn góður
„Vegurinn er góður og hefur
verið fært í allan vetur,“ sagði
Bragi Benediktsson á Gríms-
stöðum á FjöIIum, er blm.
Dags spurði hann um færð og
ferðamannaumferð á
Möðrudalsöræfum.
Vorið er komið á Hólsfjöllum,
þó það muni vera eitthvað seinna
á ferðinni en niður við sjávarsíð-
una. Vatnavextir hafa ekki valdið
skemmdum á veginum yfir öræf-
in, lítið var um snjó og hann tók
upp í rólegheitum, að sögn
Braga.
Aðeins hefur orðið vart við að
bakpokamenn séu farnir að
ferðast, enda virðist ferðamanna-
tíminn aðeins vera farinn að
lengjast, byrja fyrr á vorin og
standa lengur fram á haust.
Ferðamannastraumurinn hefst
þó ekki að neinu ráði á Fjöllum
fyrr en ferjan fer að ganga til
Seyðisfjarðar. IM
Landshlutasamtök á Norðurlandi vestra:
Verður skrifstofan á Hvammstanga?
„Hreppsnefnd Hvammstanga-
hrepps bendir á að Hvamms-
tangi sé ákjósanlegur staður
fyrir landshlutasamtök á kjör-
dæmisgrundvelli á Norður-
landi vestra og leggur til að
skrifstofa þeirra og aðsetur
verði á Hvammstanga.“
Þannig hljóðar samþykkt frá
hreppsnefndarfundi á Hvamms-
tanga sem haldinn var fyrir
nokkru og er þarna átt við kjör-
dæmissamtök þau er stofnuð
verða í haust þegar Fjórðungs-
samband Norðlendinga verður
lagt niður. Enn sem komið er
hafa aðrar sveitarstjórnir á
Norðurlandi vestra ekki bókað
óskir um að fá skrifstofu fyrir-
hugaðra samtaka til sín og lítið er
víst farið að huga að staðsetningu
hennar.
„Hvammstangi er ágætur stað-
ur fyrir þetta, en það er hægt að
segja það um fleiri staði. Eg lít
þannig á að vegna stofnunar
þessara nýju landshlutasamtaka
séu menn orðnir sammála um
allt, nema staðsetningu skrifstofu
þeirra. Annars vil ég lítið um
þetta mál segja. Undirbúnings-
nefnd fyrir stofnun samtakanna í
þessu kjördæmi þarf að koma sér
saman um stað og vinna þeirri
staðarákvörðun fylgi, þannig að
ekki þurfi að deila um þessi mál á
stofnfundi í haust. Frá hendi
Hvammstanga er þetta einungis
ábending um það, að það sé mat
hreppsnefndar Hvammstanga-
hrepps að hér sé gott fyrir þessi
samtök að vera, en með þessu er
ekki verið að setja nein skilyrði,"
segir Bjarni Þór Einarsson, sveit-
arstjóri á Hvammstanga. SBG
Gjaldþrot einstaklinga hérlendis:
Nálægt þúsund
annað áríð í röð
Gjaldþrotum einstaklinga
fjölgaði mikið hér á landi milli
áranna 1989 og 1990, eða úr
550 í 1050. Þessi þróun gekk
ekki nema að litlu leiti til baka
á síðasta ári þegar alls urðu 966
einstaklingar gjaldþrota.
í svari dómsmálaráðherra við
fyrirspurn Guðmundar Stefáns-
sonar, alþingismanns, um þessi
mál segir að ekki liggi fyrir hve
mörg þessara gjaldþrota stafi af
ábyrgðum á skuldum annarra
enda tíðkist ekki að málaskrár
hér á landi séu svo ítarlegar að
rekja megi uppruna hvers og eins
gjaldþrots með þeim hætti. Eftir
því sem næst verði komist muni
fátítt að gjaldþrot einstaklinga
stafi af því að þeir hafi verið í
ábyrgðum fyrir aðra einstaklinga
eða fyrirtæki gagnvart bönkum
eða öðrum lánastofnunum.
í spurningum sínum til ráð-
herra óskaði þingmaðurinn eftir
að fá að vita hvort ríkisstjórnin
hyggðist tryggja betur stöðu
ábyrgðarmanna. í svarinu segir
að það sé ein meginstoð við-
skiptalífs landsmanna að menn
geti almennt treyst á skuldbinding-
argildi löggerninga. Verði ábyrgð
ábyrgðarmanna á einhvern hátt
takmörkuð veiki það lánstraust
manna og geti þannig orðið til
þess að grafa undan grundvelli
viðskiptalífsins. JÓH