Dagur - 03.07.1992, Blaðsíða 5

Föstudagur 3. júlí 1992 - DAGUR - 5
Á að fara aðra umferð?
- svar til Rafns Kjartanssonar
Mér er það bæði ljúft og skylt að
svara grein hins ágæta skóla-
manns, Rafns Kjartanssonar, hér
til hliðar, enda biður hann mig
beinlínis um það.
Rafni þykir það „næsta furðu-
legt“ að Degi þyki tíðindum sæta
að skólameistari Menntaskólans
á Akureyri ætli einungis ráða
menntaða kennara til starfa í
skóla sínum næsta vetur. Þessi
orð Rafns benda eindregið til
þess að hann hafi næsta lítið
fylgst með fréttum af vettvangi
skólamála síðustu ár. Því miður
hefur ástandið verið þannig -
þótt Rafn vilji ekki skilja það eða
viðurkenna - að mjög erfiðlega
hefur gengið að manna kennara-
stöður með réttindafólki, sér í
lagi á landsbyggðinni.
Óneitanlega fréttnæmt
Síðustu 10 ár a.m.k. hefur það
fremur verið regla en undantekn-
ing að svo og svo margir leiðbein-
endur, þ.e. fólk sem ekki hefur
kennararéttindi, kenni í skólum
landsins. Stjórnendur grunn- og
framhaldsskóla hafa hingað til
sætt sig við að ráða leiðbeinendur
til kennslustarfa þegar þeim hef-
ur ekki tekist að fá réttindafólk.
Tryggvi Gíslason, skólameist-
ari Menntaskólans á Akureyri
hefur nú, fyrstur skólastjórnenda
hér á landi að því er ég best veit,
sett hnefann í borðið og tilkynnt
að hann sætti sig ekki við að ráða
leiðbeinendur til kennslustarfa.
Að mínu viti er þessi afstaða
hans mjög ábyrg og skynsamleg.
En hún er jafnframt og óneitan-
lega fréttnæm, hvernig sem á
málið er litið.
Ég vil benda Rafni Kjartans-
syni á að þegar menntaðir kenn-
arar tóku að flýja unnvörpum í
önnur störf vegna þess hve kenn-
arastarfið var (og er) illa launað,
þótti það fréttnæmt. Það þótti
einnig fréttnæmt fyrst í stað þeg-
ar skólastjórar sáu sig knúna til
að fá „réttindalausa kennara“ til
að uppfræða börn og unglinga í
skólum landsins. Það þykir varla
fréttnæmt Iengur, ekki fremur en
annað sem við getum gengið að
sem vísu. Ég vona að með þess-
um orðum hafi ég rökstutt sæmi-
lega hvers vegna Dagur sá stæðu
til að slá þvf upp í frétt á forsíðu
að skólameistari M.A. hygðist
fremur sleppa því að ráða í
kennarastöður en að ráða leið-
beinendur til starfans.
Flóttamaður úr stéttinni
Rafni til upplýsingar vil ég geta
þess að ég er einn fjölmargra
flóttamanna úr kennarastéttinni.
Ég er með próf frá Kennara-
háskóla íslands upp á vasann og
hef mikla ánægju af því að kenna
börnum og unglingum. Þó er ég
hættur því. Starfið gaf mikið í
aðra hönd, þ.e. ef mælt er með
annarri stiku en hinni veraldlegu.
Útborguð laun vöktu á hinn bóg-
inn alls enga kátínu, hvorki hjá
mér né samkennurum mínum.
Ég þrjóskaðist við í nokkur ár en
kvaddi að lokum kennarastéttina
og nemendurna - en ekki launin
- með söknuði og trega, eins og
þar stendur.
Ég hef ávallt verið þeirrar
skoðunar að kennarastéttin, og
þar með taldir stjórnendur skól-
anna, hafi ekki borið gæfu til að
standa vörð um hagsmuni sína og
nemenda sinna sem skyldi. Þessir
aðilar hefðu aldrei átt að láta
bjóða sér það að ófaglærðir væru
ráðnir í kennarastöður þegar fag-
lærðir fengust ekki. Þeir hefðu
átt að setja hnefann í borðið
strax, líkt og skólameistari
Menntaskólans á Akureyri hefur
gert nú.
Rafn má ekki mála
Ég bendi á að ef mér dytti til
dæmis í hug að fá Rafn Kjartans-
son til að mála veggi skrifstof-
anna í Dagshúsinu í sumar - og
hann féllist á það - er nánast
öruggt að fagfélagið, þ.e. stéttar-
félag húsamálara, myndi skerast í
leikinn og stöðva athæfið án
tafar. Húsamálun er nefnilega
lögvernduð iðngrein. Þar af leiðir
að enginn má taka að sér að mála
hús gegn greiðslu, nema hafa til
þess lögbundin réttindi. Kennslu
getur hins vegar hver og einn
stundað, óháð menntun, að mér
skilst. Það má sem sagt „alltaf
finna einhverja atvinnuleysingja
til að standa við töfluna með krít-
armola í hendi," eins og Rafn
Kjartansson segir í grein sinni.
Endanlegt ákvörðunarvald um
það hver er ráðinn til kennslu er
þó alltaf hjá viðkomandi skóla-
stjóra; því megum við ekki
gleyma.
Ég nefni húsamálun einungis
sem dæmi en auðvitað gildir hið
sama um flestar aðrar iðngreinar
- og sérhæfingu yfirleitt - að
kennarastarfinu undanskildu!
Aðra umferð!
Ég veit að við Rafn getum verið
sammála um það að ef okkur
mistekst að mála húsvegg, getum
við alltaf farið aðra umferð og
vandað okkur betur, nú eða feng-
ið fagmann til verksins. Ef
kennara eru á hinn bóginn mis-
lagðar hendur við uppfræðslu
nemenda sinna, verður það ekki
aftur tekið. Hann getur ekki far-
ið „aðra umferð". Þar af leiðandi
Haraldur og Sigurbjörg við þjónustubygginguna á nýja tjaldstæðinu.
Nýtt tjaldstæði í landi Hallanda:
Mjög góð aðstaða fyrir húsbfla
Þau Haraldur Guömundsson
og Sigurbjörg Pálsdóttir að
Húsabrekku á Svalbarösströnd
hafa opnað tjaldstæði í fögru
umhverfi í hlíðinni gegnt
Akureyri sem er aðeins í 6 km
fjarlægð.
Framkvæmdir hófust á svæð-
inu um páskaleitið í vor cr reist
var þjónustuhús þar sem finna
má salerni, sturtur, þvottavélar-
og þurrkara auk þvottaaðstöðu
utandyra að ógleymdri verslun-
inni. Sérstaklega er hugsað fyrir
þörfum þeirra sem eru í hjóla-
stól. Að sögn Haraldar stendur
til að auglýsa staðinn enn frekar
við þjóðveginn en helst gera þau
sér vonir um að fjölskyldufólk
sem vill vera í nálægð Akureyrar
en ekki á tjaldstæði þar sem mik-
ið er um gleðskap fram eftir
nóttu nýti sér aðstööuna.
Stórt bílastæði hefur verið gert
neðan þjónustuhússins sem er
mjög hentugt fyrir langferða-
bifreiðar til að nema staðar á svo
farþegarnir geti tekið myndir af
Akureyri og nágrenni. Þessi að-
staða hefur lítið verið notuð enn
sem komið er en verður örugg-
lega vinsæl þegar fram líða
stundir. Góð aðstaða er á tjald-
stæðinu fyrir húsbíla, m.a. raf-
magn í hvern bíl, losunarbúnað-
ur fyrir ferðasalerni og vatn. GG
Bragi V. Bergmann.
hlýtur að vera mjög rík ástæða til
að leyfa einungis sérmenntuðu
fólki að annast uppalendastörf
inni á stofnunum. Þar á ég ekki
einungis við kennarastarfið,
heldur ekki síður starf fóstra á
leikskólum og dagheimilum. í
þeim ágætu stofnunum er við
sama vandamál að stríða og í
grunn- og framhaldsskólum; þ.e.
skort á faglærðu starfsfólki vegna
bágra kjara. Störf uppalenda eru
því miður lítils sem einskis metin
í íslensku samfélagi. Ástæðan er
mér hins vegar hulin.
Engan stuðning, takk
Dagur hefur margoft vakið
athygli á bágum kjörum „opin-
berra uppalenda" ef ég má nota
þau orð. Dagur hefur einnig birt
margar forystugreinar um
skólamál almennt, mikilvægi
skólastarfs, fjársvelti til skóla-
mála, stöðu framhaldsskólanna
og Háskólans á Akureyri,
o.s.frv. Mér þykir leitt að Rafn
Kjartansson hefur ekki tekið eftir
þessu. Mér þykir líka leitt að
honum skuli mislíka að Dagur
veki með allmyndarlegum hætti
athygli á skeleggri framgöngu
skólameistara Menntaskólans á
Akureyri í máli sem hlýtur að
teljast þjóðþrifamál.
Kennurum veitir svo sannar-
lega ekki af samherjum í sókn
sinni til bættra kjara og aukinna
réttinda. En það er auðvitað
þeirra mál ef þeir frábiðja sér all-
an stuðning og kjósa að standa
einir og leika hlutverk píslar-
votta.
Bragi V. Bergmann.
Höfundur er ritstjóri Dags.
GlæsUegt sófasett!
Vegna flutnings er þetta glæsilega
sófasett, sem er 3 + 2 + 1, til sölu.
Sófasettinu fylgir kollirr, fótskem-
ill og tvö borð.
Staðgreiðsluverð 130 þústuid kr.
Upplýsingar í síma 27130.
Átthagamót Arnarneshrepps
verður haldið dagana 3.-5. júlí.
Hittumst við tjörnina á Hjalteyri í kvöld, föstudags-
kvöld, kl. 20.00.
Kaffi í Freyjulundi á laugardaginn kl. 15.00.
Á laugardagskvöld verður
Dansleikur í Hlíðarbæ.
Allir búsettir og brottfluttir hreppsbúar og gestir
þeirra eru velkomnir.
Sjáumst í stuði!
Nefndin.
Efóhapp hendir
gerum við bílinn þinn eins og nýjan
- Þú átt heimtingu á vandaðri vinnu.
Nýjustu tækin - verkstæði með orðspor
Möldurhf.
V'*' RÉTTINGAVERKSTÆÐI