Dagur - 26.08.1992, Blaðsíða 4

4 - DAGUR - Miðvikudagur 26. ágúst 1992
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT KR. 1200 Á MÁNUÐI
LAUSASÖLUVERÐ KR. 110
GRUNNVERÐ DÁLKSENTIMNETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
INGIBJÖRG MAGNÚSDÓTTIR (Húsavík vs. 96-41585),
JÓHANN ÓLAFUR HALLDÓRSSON, JÓN HAUKUR BRYNJÓLFSSON (íþróttir),
ÓLI G. JÓHANNSSON, ÓSKAR ÞÓR HALLDÓRSSON,
SIGRÍÐUR ÞORGRÍMSDÓTTIR (Sauðárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI25689
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Vantraustsyfirlýsing
utanríkisráðherra
Stjórnmálamenn falla stundum í þá gryfju að
gera lítið úr vitsmunum og dómgreind
almennings. Þeir láta þá gjarnan í það skína
að almenningur sé treggáfaður eða jafnvel
heimskur og sé alls ekki í stakk búinn vits-
munalega til að setja sig inn í flókin málefni —
jafnvel þótt þau varði þjóðarhag.
Danskir stjórnmálamenn brenndu sig á
þessu fyrir skemmstu þegar Maastricht-sam-
komulagið var borið undir þjóðaratkvæði í
Danmörku. Yfirgnæfandi meirihluti þeirra var
fylgjandi samkomulaginu en taldi ástæðu-
laust að upplýsa almenning í Danmörku allt
of nákvæmlega um kosti þess og galla. Stjórn-
málamennirnir töldu víst að þjóð þeirra
myndi leyfa þeim að hafa „vit fyrir sér“ og
myndi þar af leiðandi samþykkja aðild Dana
að Maastricht-samkomulaginu í þjóðar-
atkvæðagreiðslu. Danskur almenningur gaf
„pólitíkusunum" á hinn bóginn langt nef með
því að fella samkomulagið. Niðurstaðan kom
stjórnmálamönnunum gersamlega í opna
skjöldu og olli ekki einungis miklu fjaðrafoki,
heldur vakti um leið óvissu um stöðu Dana
innan Evrópubandalagsins í náinni framtíð.
íslenskir stjórnmálamenn hafa stundum
fallið í þessa sömu gryfju, þ.e. að vanmeta
dómgreind almennings. Nýjasta dæmið um
slíkt eru ummæli Jóns Baldvins Hannibals-
sonar utanríkisráðherra á Alþingi síðastliðinn
fimmtudag.
í framsöguræðu ráðherrans, sem fjallaði um
frumvarp til laga um fullgildingu EES-samn-
ingsins, lýsti hann sig algerlega andvígan
þjóðaratkvæðagreiðslu um EES-samninginn.
„Við núverandi aðstæður myndi þjóðar-
atkvæðagreiðsla um EES snúast um allt ann-
að en samninginn. Atkvæði mundu í stórum
dráttum falla eftir flokkspólitískum línum.
Þrátt fyrir mikið átak til þess að kynna EES-
samninginn benda skoðanakannanir til að
fæstir landsmenn telji sig hafa næga þekk-
ingu á honum," sagði ráðherrann m.a. við
þetta tækifæri. Hann lét einnig í það skína að
þeir sem hefðu kynnt sér samninginn ítarlega
væru fylgjandi aðild íslands að EES en hinir
fáfróðari væru henni andvígir.
Þessi rök utanríkisráðherra fyrir því að við-
hafa ekki þjóðaratkvæði um aðild íslands að
EES eru beinlínis fáránleg. Þjóðin hefur fulla
burði til að taka skynsamlega og ábyrga
afstöðu til EES-samningsins. Hún á því skil-
yrðislaust að fá að segja álit sitt í þjóðar-
atkvæðagreiðslu. Vantraustsyfirlýsing utan-
ríkisráðherra breytir engu hvað það varðar.
BB.
Ferðafélag Akureyrar:
Stikar gönguleiðir á
Súlur og í Lamba
Starfsemi Ferðafélags Akur-
eyrar hefur verið með blóma í
sumar eins og endranær. í
fyrra stóð félagið fyrir því að
stika gönguleið á Súlur og
nýlega var ráðist í að stika leið-
ina í skála félagsins, Lamba,
sem stendur í Glerárdal.
Ingvar Teitsson læknir er for-
maður gönguleiðanefndar félags-
ins en hefur verið góð þátttaka í
ferðum félagsins í sumar? „Já,
alveg ágæt. Það eru ferðir á okk-
ar vegum flestar helgar frá því í
lok mars og fram í byrjun sept-
ember. Fyrri part vors er venjan
að fara bara í dagsferðir um helg-
ar en svo skiptast ferðirnar nokk-
uð jafn í dagsferðir og lengri
ferðir.“
Þátttakan í ferðunum er mis-
munandi og fer nokkuð eftir
veðri. „Það er yfirleitt reynt að
fara í dagsferðirnar þótt veðrið sé
ekkert sérstakt, án tillits til þátt-
töku því það skiptir miklu máli
að fólk geti treyst því að farið
verði í auglýstar ferðir,“ sagði
Ingvar.
Þeir sem ganga með Ferðafélag-
inu þurfa ekki endilega að vera
félagsmenn. „Það getur hver sem
er komið með,“ segir Ingvar. „Á
sumrin kemur alltaf talsvert af
útlendingum með í ferðirnar
okkar og hafa gaman af að ferð-
ast með heimafólki. Fararstjórar
reyna þá að sinna þeim eftir getu,
annars vita útlendingarnir að
hverju þeir ganga því ferðirnar
eru ekki skipulagðar með þá í
huga þótt þeir séu velkomnir
með.“
- Hvers vegna var farið út í
það að stika gönguleiðirnar á
Ingvar Teitsson er formaður göngu-
leiðanefndar félagsins og segir til-
ganginn með stikunum að auðvelda
fólki að fara góðar leiðir.
Súlur og Lamba?
„Til þess að beina fólki þarna
uppeftir. Súlur eru nánast bæjar-
fjall Akureyrar en fólk veit oft
ekki hvaða leið það á að fara.
Það er hægt að fara beint af aug-
um og lenda í ógöngum. Við vilj-
um hjálpa fólki að velja góða leið
og þetta hefur gefist vel. Eftir að
við stikuðum leiðina á Súlur í
fyrra, fór fjöldi manns uppeftir.“
Leiðin á Súlur og í Lamba
hefst við öskuhauga bæjarins.
Ganga þaðan á Súlur er um 5 km
og menn hækka sig um 900 metra
á leiðinni. Því má ætla að ferðin
upp taki 2-3 klukkustundir. En er
það þess virði að fara upp?
„Alveg hiklaust," sagði Ingvar og
þurfti ekki að hugsa sig um.
Lambi, skáli félagsins í Gler-
árdal, er svonefndur gönguskáli
sem stendur í um 700 metra hæð.
Á vetrum nota snjósleðamenn
skálann nokkuð en í honum geta
sex manns með góðu móti gist.
„Skálinn er bækistöð fyrir þá sem
vilja skoða efri hlutann af Gler-
árdal. Hann er öllum opinn en
við viljum bara biðja um að fólk
gangi vel um og taki með sér allt
rusl.“ Fyrir skömmu var geng-
ið frá stikum á gönguleiðinni í
skálann og er leiðin frekar aflíð-
andi. Við verkið nutu ferða-
félagsmenn góðrar aðstoðar frá
atvinnumálanefnd Akureyrar-
bæjar og Hjálparsveit skáta.
Vildi Ingvar koma á framfæri
þakklæti til þessara aðila. En get-
ur hver sem er lagt í þessar
gönguferðir? „Sæmilega bratt
fólk sem ekki er haldið meirihátt-
ar sjúkdómum á að geta þetta.
Fólk á öllum aldri gengur á Súlur
án vandræða. Ég vil bara benda
fólki á að hafa með sér skjólfatn-
að. Þótt lagt sé af stað frá Akur-
eyri í blíðviðri getur verið kalsi á
toppnum."
Ingvar segir ákaflega fallegt í
nágrenni Lamba í Glerárdal.
„Þarna ríkir mikil kyrrð og
friður. Fjallasýnin er falleg og
t.d. blasa við Tröllafjallið að
vestan og Kerlingin í suðaustur af
dalnum. Ég hvet fólk eindregið
til að ferðast uppeftir þótt ekki sé
nema til að njóta kyrrðarinnar."
Þeim sem hyggjast leggja land
undir fót er bent á að stikaða
leiðin byrjar við öskuhaugana og
eru leiðirnar merktar með skilt-
um sem vísa fólki leiðirnar tvær.
Hægt er að aka uppeftir og skilja
bíla eftir þar. VG
Nýju ítölsku vélarnar sem keyptar voru til Dalvíkur,
Dalvík:
Nýjar útlagningarvélar
fyrir malbik keyptar
Stefán Friðgeirsson á Dalvík
hefur keypt tæki frá Ítalíu til
útlagningar á malbiki og er
þegar byrjaður að vinna með
þau á svæðinu. Fyrsta verkefni
fyrir þennan búnað var við
nýja bensínstöð í Ólafsfirði en
fyrir dyrum standa frekari
verkefni á Dalvík og í Svarfað-
ardal.
„Ég er að vona að verði verk-
efni hér hjá Dalvíkurbæ en á
næstunni verða verkefni í Svarf-
aðardal,11 sagði Stefán í samtali
við blaðið.
ítölsku tækin eru keypt frá
Faxavélum hf. í Reykjavík og
segir Stefán að um mjög fullkom-
in tæki sé að ræða. Hann segir að
mögulegt sé að flytja tækin um
lengri vegalengdir og því komi til
greina að taka verkefni víðar en á
Dalvík og í nágrenni. En heldur
malbikið alltaf vinsældum sínum
þrátt fyrir aukna notkun á
hellum?
„Já, ég held að malbikið sé
meira notað á svæðum þar sem er
mikil bílaumferð en hellurnar
aftur á svæðum fyrir gangandi
umferð. Við fyrirtæki er malbikið
mikið notað og svo ekki síst hjá
bæjarfélögunum þó áraskipti séu
að því hve mikið þau láta mal-
bika,“ sagði Stefán.
Hann segir ætlunina að sjá
einnig um undirvinnu fyrir mal-
bik fyrir þá sem það vilja en
nokkra undirvinnu þarf fyrir mal-
bikun. JÓH