Dagur - 28.11.1992, Blaðsíða 19

Laugardagur 28. nóvember 1992 - DAGUR - 19
Stjörnuspá
- eftir Athenu Lee
Spáin gildir fyrir helgina
Helgarspáin
Cdf?Vátnsberi \
!>m (20.Jan.-18. feb.) J
Helgin verður skemmtileg; það
verður nóg að gera með vinun-
um. Sjálfsagt kemur þú ekki öllu
í verk sem þú ætlaðir en það
kemur ekki að sök.
Ljón
(23. Júlt-22. ágúst)
)
Fólk f kringum þig er viðkvæmt,
sérstaklega tekur það illa gagn-
rýni. Þú kemst að þeirri niður-
stöðu að best sé að halda sig
sem mest í einrúmi. Happatölur
eru 3, 17 og 35.
(Fiskar
(19. feb.-20. mars)
Fiskar eru rausnarlegt fólk en
gættu þfn á að ofgera þér ekki.
Þér hættir til að taka of mikið að
þér fyrir aðra og fá það aldrei
endurgoldið.
)
Hrútur
(21. mars-19. apríl)
)
Ný tengsl skapa hagsmuna-
árekstra sem tengjast grónu ást-
arsambandi. Reyndu að miðla
málum eftir bestu getu og slak-
aðu á síðdegis.
Naut
(20. apríl-20. mal)
Ferðalög og fjarlægðir tengjast
þér sterkt um helgina, hvort sem
þú sjálfur verður á ferðinni eða
færð heimsókn langt að.
Meyja
(23. ágúst-22. sept.)
0
Stundum hitta ótrúlegustu hug-
myndir f mark en þú kemur ekki
fram með þá réttu. íhugaðu vel
allt sem þú lætur fara frá þér því
annars skapar þú óróa f kringum
Þig-
Vog
(23. sept.-22. okt.)
)
Láttu ekki rólega byrjun helgar-
innar slá þig út af laginu. Þetta
batnar þegar líður á og þú munt
skemmta þér vel á laugardag.
Sporðdreki)
(23. okt.-21. nðv.) J
Þetta er kjörinn tími til samninga-
gerðar eða að koma góðri hug-
mynd í framkvæmd. Þá ættu
peningamálin líka að ganga vel
þessa dagana.
(M Tvíburar ^
V f°fl|n»|j (21. mal-20. Júnl) J
Heimilið verður í brennidepli um
helgina. Þú kemur miklu í verk.
Einhver nákominn þér skiptir um
skoðun og mun það bæta mjög
stöðu mála.
Bogmaður\
(22. núv.-21. des.) J
Hafir þú skipulagt helgina skaltu
byrja snemma því óvæntar tafir
koma upp á yfirborðið. Senni-
lega tengjast þær seinkunum
eða tillitsleysi.
Krabbi 'N
(21. júnl-22. Júll) J
Jákvæðar breytingar sem tengj-
ast fólki og stöðum sem þú þekk-
ir vel, draga mjög úr leiðindum.
Ræktaðu tengsl þín við fólk með
sömu áhugamál og þú.
( % Steingeit
AP (22. des-19.Jan.) J
Sameiginlegar ákvarðanatökur
og góð samvinna reynast nauð-
synlegar ef helgin á að takast
vel. Happatölurnar eru 2, 14 og
33.
Afmælisbarn laugardagsins
Framundan er annatími og þú mátt búast viö mörgum
slíkum tímabilum á árinu. Hins vegar fer árangurinn
alveg eftir því hvernig þú sjálfur tekur á málum þótt ein-
hver heppni sé líka fyrirsjáanleg. Þú kynnist nýju fólki
sem mun veita þér mikla ánægju.
Afmælisbarn sunnudagsins
Það breytist ekkert við það eitt að eiga afmæli og hafir
þú búist við því, verður þú fyrir miklum vonbrigðum. Þér
mun ekki ganga allt í haginn en samt sem áður ættir þú
að vera sæmilega ánægður með árangurinn um mitt
árið. Vertu hagsýnn í peningamálum og fjárfestu
skynsamlega.
Afmælisbarn mánudagsins
Óþolinmæði mun einkenna upphaf ársins hjá þér og
löngun til að sjá árangur erfiðis liðins tíma segir til sín.
Því er hætta á vanhugsuðum ákvörðunum, en tíminn
verður þér hliðhollur. Þá skaltu gæta þess að vera ekki
of dómharður í garð fólks sem þú þekkir ekki mjög vel.
í heildina verður árið ánægjulegt í ástarmálum.
Myndina gerði Aðalsteinn Þórsson, nemandi á síðasta ári í málunardeild Myndlistaskólans á Akureyri. Myndin
er unnin undir þeim hughrifum sem sálnarusk sr. Svavars kallaði fram.
Ég heyri stundum sagt að það sé leiðinlegt að
fara í messu.
Mig langar að taka fram strax að ég er ekki
þeirrar skoðunar að messur eigi að vera drunga-
legar, stirðar og fram úr hófi alvarlegar. Þvert á
móti. Ég er á hinn bóginn ekki viss um að messa
þurfi endilega að vera „skemmtileg“.
Maður er eiginlega orðinn hundleiður á öllum
þeim innantóma gáska, sem nútíminn þarf að
klessa á alla skapaða hluti. Af hverju þarf allt að
vera svo óumræðilega gaman?
Ef þú ætlar að eiga einhverja möguleika nú á
dögum, þarftu að vera hress, skemmtilegur og
fyndinn. Þess vegna reyna allir að vera skemmti-
legir og fyndnir í kringum þig, en fáum tekst
það, því maður er sjaldnast skemmtilegur og
raunverulega fyndinn, þegar maður rembist við
það.
Stundum talar fólk um negramessurnar í
Ameríku. Það séu sko messur! Þar er fjör og þar
er gaman!
Þetta er ákaflega mikill misskilningur. Það
sem er á ferðinni í negramessunum í henni
Ameríku á ekkert skylt við skemmtun. Þar er
trúarhiti á ferðinni og einlæg trúargleði. Fólk er
ekki að skemmta sér þar saman, heldur lofa
Guð sameiginlega.
Og enda þótt fólk sé ekki að skemmta sér
beinlínis í slíkum messum, leiðist því hreint
ekki. Það eiga margir erfitt með að skilja, en
staðreyndin er sú, að maður getur haft það
reglulega gaman, þótt maður sé ekki að
skemmta sér.
Eins getur verið bara reglulega gaman í
venjulegri, íslenskri messu, þar getur verið gott
og notalegt að vera, þót skemmtiatriðin séu af
skornum skammti.
Spurningin er kannski sú hvort við séum mót-
tækileg fyrir eitthvað annað en hinn innantóma
tilgerðargáska.
„Verið ávallt glaðir í Drottni.
Ég segi aftur: Verið giaðir.“
(Filippíbréfið 4,4)
Sálnarusk
Sr. Svavar A. Jónsson
Ef...
■ 1 ... - maður hefði ekki svona ofboðslega
T mikið að gera,
M JM. - maður væri kominn á eftirlaun,
- maður væri betri í fótunum,
- maður væri ekki svona heyrnardaufur,
- einhver gæti ekið manni,
- maður þyrfti ekki að sofa út,
- kirkjan væri þægilegri,
- kirkjan væri hlýrri,
- kirkjubekkirnir væru ekki svona harðir,
- helgisiðirnir væru skemmtilegri,
- lögin í messunni væru í takt við nútímann,
- textarnir væru skiljanlegri,
- prédikunin væri ekki svona löng,
- kirkjugestirnir væru ekki svona miklir hræsnarar,
...fyndi maður ábyggilega einhverjar aðrar ástæður
fyrir því að fara ekki í kirkju á sunnudögum.