Dagur - 23.02.1993, Blaðsíða 16

Prentum myndina þína á bol
^PediGmyndir?
Skipagata 16 - 600 Akureyri - Sími 96 - 23520
Flotgallasundkeppni á Dalvík:
Syndaselimir stungu Dalríkurbanana af
Árleg keppni milli stýrimanna-
deildarinnar á Dalvík, Stýri-
mannaskólans í Reykjavík og
vélskóladeildar VMA í flot-
gallasundi fór fram í og við
Dalvíkurhöfn sl. föstudag. Sig-
urvegarar urðu Syndaselir frá
Dalvík á tímanum 2.46:95,
Dalvíkurbanar frá Reykjavík í
öðru sæti á 3.05:20 og Hinn
fóturinn frá VMA í þriðja sæti
á 3.07:42
Keppnin fer þannig fram að
fyrst eru hlaupnir 40 metrar eftir
hafnarbakkanum, síðan klæða
keppendur sig í flótgaila, stinga
sér síðan til sunds í höfninni og
synda þar 40 metra að gúmmí-
björgunarbáti og klifra um borð.
Keppnin hefur farið fram sl. fjög-
ur ár, fyrsta árið vann sveit frá
Reykjavík en þrjú síðustu árin
hefur sveit frá Dalvík borið sigur
úr býtum. Nemendur stýri-
mannadeildarinnar eru nú stadd-
ir í Reykjavík til náms í svo-
kölluðum siglingasamlíki eða
hermi sem er sá eini hérlendis.
GG
Hrönn EA-258 tekin að ólöglegum línuveiðum milli grunna
norður af Skaga:
„Vorum á Skagagrumii en
lokun tilkynnt á Sporðagrunni“
- sagði Indriði Helgason, skipstjóri
Landhelgisgæslan stóð Hrönn
EA-258, 20 lesta bát frá Greni-
vík, eign Heiðars Baldvinsson-
ar á Grenivík að ólöglegum
línuveiðum í lokuðu hólfí á
Sporðagrunni sl. sunnudag.
Hólfinu var lokað klukkan
19.00 laugardaginn 20. febrúar
og er lokað I allt að eina viku
eða til 27. febrúar nk. Hólfið
teygir sig allnokkuð suður á
Skagagrunnið og því ekki
alfarið á Sporðagrunni en for-
sendur lokunarinnar voru þær
að 65% af afla sem kom af
þessum miðum var undir við-
miðunarmörkum sem eru 55
cm.
„Við vissum ekki að þetta lok-
aða hólf teygði sig svona langt
inn á Skagagrunnið enda hefðum
við þá ekki verið á þessum
slóðum,“ sagði Indriði Helgason
skipstjóri á Hrönn. „Málið er það
að tilkynnt var um lokun á Sporða-
grunni en við erum alls ekki þar
heldur milli „grunna“ eins og
kallað er, ofan við Staðargrunn-
ið. Fjarlægðin þaðan sem við vor-
um teknir og fram á Sporðagrunn
samsvarar því að ef lokað hefði
verið á Húnaflóanum þá hefðum
við allt eins getað lent inni í þeirri
lokun. Eins hefðum við getað
lent inn í lokun á Fljótagrunninu.
Við vorum á smá ræmu austan
við hólf sem lokað var 7. febrúar
sl. og ég hélt í fyrstu að Gæslan
væri að taka mig í því hólfi en við
vorum um hálfa mílu utan við
það og gættum okkar auk þess
sérstaklega að vera ekki teknir
þar sem báturinn var í sínum síð-
asta róðri á línu. Ég hringdi til
Siglufjarðarradíós og bað um
upplýsingar um lokunarsvæðið á
Skagagrunninu en fékk það svar
að það væri bara lokað á Sporða-
grunninu. Ég er því alls ekki sátt-
ur við það að hafa verið tekinn
þarna og sendur í land.“
Hrönn EA landaði rúmum
tveimur tonnum á Dalvík á
sunnudagskvöldið og fór fiskur-
inn til vinnslu hjá Fiskverkun
lóhannesar & Helga. Afrit var
tekið af vigtarnótum hjá hafnar-
voginni á Dalvík en framkvæmd-
in var ekki með vilja eða vitund
sýslumannsembættisins f Eyja-
firði að sögn Eyþórs Þorbergs-
sonar fulltrúa. Aflinn var mældur
af varðskipsmönnum og sá fiskur
sem flokkaðist undir 55 cm, þ.e.
undirmál, reyndist vera liðlega
50% af aflanum. Fiskur sem
hingað til hefur verið talin sæmi-
legur línufiskur hefur verið 50 cm
og stærri og hefur oft fengist
ágætur fiskur á svipuðum slóðum
og Hrönnin var á. Báturinn fer
nú í slipp hjá Slippstöðinni Odda
á Akureyri og síðan á snurvoð í
næsta mánuði.
„Staðreyndin er sú að það væri
hægt að loka öllu svæðinu frá
Horni og austur á Langanes ef
talið væri reglulega úr öllum bát-
um þegar þeir koma að landi.
Það er aðeins hugsanlegt að tog-
ararnir mundu sleppa með stærri
fisk en þetta. Þetta er sú stærð á
fiski sem hefur verið að veiðast
fyrir Norðurlandi undanfarin ár
en þeir í ráðuneytinu láta hins
vegar eins og andskotinn núna.
Ég held að ástæðan sé sú að þeir
eru að stoppa bátana af með tvö-
földun á línunni enda hafa lokan-
ir aldrei verið fleiri en nú í vetur.
Þessi lokun á Sporðagrunni var
númer 51 og megnið af þeim er
hér fyrir norðan,“ sagð Indriði
Helgason skipstjóri á Hrönn EA.
GG
O VEÐRIÐ
Veðurstofa íslands gerir ráð
fyrir hvassri vestanátt um allt
Norðurland í dag. Vestantil
verður rigning oa slydduél er
líður á daginn. A Norðaustur-
landi verður rigning á stöku
stað og hægt fer kólnandi.
Kerfið veltir vöngum yfir umsóknum um
fé til atvinnuskapandi verkefna:
Starfshópur settur í málið
- algjört sambandsleysi, segir forseti
baejarstjórnar Akureyrar
Ríkisstjórnin samþykkti á
fundi sínum sl. föstudag aö
skipa þriggja manna starfshóp
til aö skoða nánar þær
umsóknir sem stjórn Atvinnu-
leysistryggingasjóðs hefur þeg-
ar afgreitt vegna atvinnuskap-
andi verkefna á Akureyri,
Húsavík og í Reykjavík. Þess-
ari skoðun verður hraðað, að
sögn Daggar Pálsdóttur, lög-
fræðings í heilbrigðis- og trygg-
ingaráðuneytinu. Sigríður
Stefánsdóttir, forseti bæjar-
stjórnar Akureyrar, undrast
gang þessa máls.
í starfshópnum eru Dögg Páls-
dóttir, fulltrúi heilbrigðis- og
tryggingaráðuneytisins, Bragi
Guðbrandsson, fulltrúi félags-
málaráðuneytisins, og Ólafur
Hjálmarsson, fulltrúi fjármála-
ráðuneytisins.
„Starfshópnum er falið að
skoða nánar þessar umsóknir
vegna þess fordæmisgildis sem
afgreiðsla þeirra hefur. Menn
vilja fara varlega í þetta, en ríkis-
stjórnin tók ekki afstöðu til
umsóknanna með þessari
afgreiðslu. Við munum hittast á
morgun (í dag) og ég reikna með
að við skilum okkar áliti til trygg-
ingaráðherra í vikunni. Við ger-
um okkur grein fyrir því að þetta
þarf að afgreiða með hraði. Við
munum skoða þær umsóknir sem
liggja fyrir og stjórn Atvinnu-
leysistryggingasjóðs hefur
afgreitt. Þetta eru umsókn frá
Húsavík, Reykjavík og tveir
þættir umsóknar frá Akureyrar-
bæ,“ sagði Dögg. Hún sagðist
reikna með því að heilbrigðisráð-
herra myndi aftur leggja málið
fyrir ríkisstjórnina nk. föstudag.
„Ég undrast mjög gang þessa
máls,“ sagði Sigríður Stefáns-
dóttir, forseti bæjarstjórnar
Akureyrar. „Mér virðist vera um
algjört sambandsleysi að ræða á
milli stjórnar Atvinnuleysistrygg-
ingasjóðs og hugmynda trygg-
ingaráðuneytisins og ríkisstjórn-
arinnar. Það var ekkert samráð
haft um þessa afgreiðslu við Sam-
band íslenskra sveitarfélaga og
það fólk sem unnið hefur að
þessu máli. Ég fæ ekki skilið af
hverju þetta er allt í einu orðið
ráðuneytis- og ríkisstjórnarmál.
Með þessu áframhaldi verður
sjálfsagt hægt að láta árið líða án
þess að afgreiða þetta mál,“ sagði
Sigríður. óþh
Blönduós:
Framkvæmdir
haftiar vid
brimvamargarð
Framkvæmdir eru nú hafnar
við brimvarnargarðinn á
Blönduósi. Verktakinn, Viggó
Brynjólfsson frá Skagaströnd,
er nú að leggja slóð að grjót-
námi við bæinn Enni.
Að sögn Ófeigs Gestssonar
bæjarstjóra á Blönduósi hófst
verkið fyrir helgi. Búið er að
samþykkja verkáætlun, bæði af
hálfu bæjarins og Hafnamála-
scofnunar. Fyrsta verkið er að
leggja slóð að grjótnámu í landi
Ennis og hefja undirbúning að
grjótflutningum. Jafnframt er
verið að koma fyrir tækjum í
Uppsalanámu í Vatnsdal, að
sögn Ófeigs. Ekki náðist í Viggó
Brynjólfsson. sþ
Loðnu landað hjá öllum norðlensku verksmiðjunum:
Nýtt ævintýri stóð stutt
Bjarni Ólafsson AK, Jón
Finnsson RE og Sigurður VE
lönduðu hjá Sfldarverksmiðj-
um ríkisins á Siglufirði í gær
um 3600 tonnum en um helg-
ina lönduðu þar alls 6 bátar
5465 tonnum. Heildarlöndun á
Siglufírði er þá orðin 20.800
tonn eftir áramótin en heildar-
loðnukvótinn er nú 820 þúsund
tonn, hefur hækkað um 180
iþúsund tonn. Eftir er að veiða
af þeim kvóta 365 þúsund
tonn.
Hákon ÞH frá Grenivík land-
aði 1100 tonnum af loðnu í gær í
Krossanesi en lokið var við að
bræða um miðnættið það magn
sem þar hafði áður verið landað.
Heildarlöndun á þessu ári í
Krossanesi eru 5.200 tonn.
í gær lönduðu á Raufarhöfn
þrír bátar, Hilmir SU, Þórður
Jónasson EA og Guðmundur
Ólafur ÓF 3.110 tonnum en
heildarlöndun á Raufarhöfn er
nú komin í 21.300 tonn.
í gær landaði á Þórshöfn Berg-
ur VE 510 tonnum en þá hafði
ekki verið landað þar síðan á
föstudag er ísleifur VE landaði
þar 724 tonnum og Svanur RE
684 tonnum. Með þessum lönd-
unum er heildarlöndun á Þórs-
höfn komin í 11.300 tonn en hluti
aflans fer nú til frystingar.
Súlan EA landaði í gær á Seyð-
isfirði 710 tonnum sem fékkst út
af Stokksnesi, en veður var frem-
ur slæmt á þeim slóðum, sunnan
barningur. Nokkrir bátar hafa
verið á veiðum út af Suðaustur-
landi, í nýrri loðnugöngu, en
eru nú flestir komnir vestur undir
Reykjanes þar sem ekkert fékkst
í gær. Það litla sem bátarnir urðu
varir við lá við botninn og dreifði
sér síðan. Þessi loðnuganga virð-
ist ekki vera á vesturleið, a.m.k. í
bili, eins og sú ganga sem nú er
verið að veiða úr út af Þorláks-
höfn og Vestmannaeyjum. Lönd-
unarbið er nú orðin hjá loðnu-
verksmiðjunum á Suðvesturlandi
þannig að ef áframhald verður á
loðnuveiðum má búast við auk-
inni ásókn í löndun hjá norð-
lensku verksmiðjunum. GG