Dagur - 13.05.1995, Blaðsíða 5
Laugardagur 13. maí 1995 - DAGUR - 5
Krakkarnir i unglingaklúbbnum taka sporið í þoliimitíma í íþróttahöllinni.
IJkamsrækt og skemmtun í
Ungtingaklúbbi Vaxtarræktarinnar
Hjá Vaxtarræktinni á Akureyri,
sem þau Sigurður Gestsson og
Halla Stefánsdóttir eiga og reka,
hefur í vetur verið starfræktur
unglingaklúbbur. Klúbburinn
er ætlaður krökkum á aldrinum
13-16 ára, bæði strákum og
stelpum, kennarar eru þeir
Gunnar Már Sigfússon og
Sverrir Gestsson.
Hópurinn hittist í sameiginleg-
um þolfímitímum tvisvar í viku en
auk þess kjósa margir klúbbfélag-
anna aö mæta oftar í þolfimi eöa
lyfta lóðum í vaxtarræktarsalnum.
Einu sinni í mánuói er svo brydd-
að upp á einhverskonar skemmt-
un, bíóferð, sundferð eða
einhverju öðru skemmtilegu.
Nú eru 30-40 krakkar í klúbbn-
um og mikið líf og fjör. Sigurður
Gestsson sagði að gerðar hefðu
verið ýmsar tilraunir með það
hverskonar form hentaði ungling-
um best til líkamsræktar og með
klúbbnum virtust þau hafa hitt
naglann á höfuðið. Unglinga-
klúbburinn nyti vaxandi vinsælda
og sambærilegur klúbbur í
Reykjavík teldi nú yfir 100
krakka.
„Krakkamir eru í klúbbnum á
mismunandi forsendum, sumir
hafa áhuga á að taka þátt í þol-
fimimótum en aðrir koma
eingöngu til að vera í þolfimi og
taka þátt í félagsstarfinu innan
klúbbsins. Á þolfimimótinu, sem
var haldið hér á Akureyri nú í vor,
kepptu nokkrir krakkar úr hópnum
og þau náðu mjög góðum árangri.
Að mínu mati er þetta kærkom-
inn valkostur fyrir krakka sem
hafa gaman af hollri hreyfingu en
hafa ekki áhuga á boltaíþróttum,
þetta er einn valkostur í vióbót við
það sem verið hefur. Hins vegar
koma líka í þennan hóp krakkar
sem stunda aðrar íþróttir og vilja
einfaldlega bæta þessari grein við.
Það má þó segja að við séum í
nokkuð annarri stöóu en aðrir sem
bjóða upp á íþróttir fyrir unglinga.
Unglingastarfið hjá okkur nýtur
engra styrkja eða fyrirgreiðslna
það verður einfaldlega aö standa
undir sér og því eru æfingagjöldin
hærri en tíðkast almennt í ungl-
ingaíþróttum.“
Leiðtogar krakkanna í ungl-
ingaklúbbnum leggja ríka áherslu
á heilsusamlegt lífemi og þann
lífsstíl sem íþróttamenn, og raunar
allir, ættu að temja sér. I hópnum
er algjört reykingabann og þaó er
veitt markviss fræðsla um holla
fæðu og heilbrigðan lífsstíl.
Blaðantaður Dags hitt þrjá
krakka úr klúbbnum að máli. Þau
byrjuðu öll í þolfimi í Unglinga-
klúbbi Vaxtarræktarinnar í upp-
hafi þessa árs og tóku þátt í þol-
fimimótinu sem var haldið í
Iþróttahöllinni á Akureyri fyrir
skemmstu. Þau voru á einu máli
um að það væri miklu meira fjör í
tímum í þolfimi en öðrunt íþrótt-
um sem þau höföu lagt stund á og
þau stefna að því að keppa í þol-
fimi á næsta móti sem væntanlega
verður í haust. Þaö skal þó ítrekað
aö markmiðið meó því að vera í
Unglingaklúbbi Vaxtarræktarinnar
er ekki að taka þátt í keppni held-
ur að stunda holla hreyfingu í
góðum félagsskap. KLJ
Kátir krakkar í Unglingaklúbbi Vaxtarræktarinnar í Akureyrarsundlaug, í
miðjum hópnum eru kcnnararnir þeir Gunnar og Sverrir.
Klúbbfélgar sýndu ýmis tilþrif í sundlaugarferðinni um síðustu helgi.
Sýslumaðurinn á Húsavík
Útgarði 1, 640 Húsavík
Sími 96-41300
Uppboð
Framhald uppboðs á eftirtallnni eign
verður háð á henni sjálfri 18. mal
1995 kl. 15.30.
Langanesvegur 2, Þórshöfn, þingl.
eig. Kaupfélag Langnesinga, gerð-
arbeiðandi Sýslumaðurinn Húsa-
vík.
Sýslumaðurinn á Húsavík
10. maí 1995.
tækniskóli
íslands
Háskóli - framhaldsskóli
Höfðabakka 9, 112 Reykjavík, sími 91-874933
Netfang: http:// taekn.is/
Tækniskóli íslands er skóli á háskólastigi sem hefur frá
upphafi boðið upp á fjölbreytt nám, lagað að þörfum ís-
lensks atvinnulífs.
Námsaöstaða nemenda er góð og tækja- og tölvukost-
ur er í sífelldri endurnýjun.
Allt nám í Tækniskóla íslands er lánshæft hjá LÍN.
Innritun nýnema
Móttaka umsókna um skólavist fyrir skólaárið
1995-96 er hafin.
Áætlað er að taka inn nemendur í eftirfarandi nám:
Námsbrautir með umsóknarfresti til 31. maí nk.:
Frumgreinadeild:
Fjögurra anna nám til raungreinadeildaprófs, sem veitir réttindi til
náms á háskólastigi.
Teknir eru inn umsækjendur sem
a) hafa lokið iðnnámi eða hliðstæðu bóklegu og verklegu námi
b) hafa tveggja ára starfsreynslu, eru 20 ára eða eldri og hafa lokið
að jafnaði 20 einingum á framhaldsskólastigi með áherslu á ís-
lensku, dönsku, ensku og stærðfræði.
Námsbrautir til iðnfræðiprófs:
í Véladeild, Rafmagnsdeild (veikstraums og sterkstraums) og Bygg-
ingardeild.
Inntökuskilyrði er iðnnám.
Námið tekur 3 annir.
Námsbrautir til tæknifræðiprófs, B.S.-gráðu.
Inntökuskilyrði er raungreinadeildarpróf eða stúdentspróf af eðlis-
fræði- eða tæknibraut.
Stúdentar af öðrum brautum eiga kost á að bæta sig (raungreinum (
Frumgreinadeild skólans.
Lágmarkskröfur um verklega kunnáttu eru tveggja ára viðurkennd
starfsreynsla á viðeigandi sviði, en umsækjendur, sem lokið hafa
iðnnámi, ganga fyrir öðrum umsækjendum.
Auk þeirra sem uppfylla inntökuskilyrði hér að framan getur Véla-
deild tekið inn nokkra stúdenta af eðlisfræðibraut án verkkunnáttu að
því tilskildu að þeir fari í skipulagt eins árs starfsnám áður en nám er
hafið á öðru ári.
Byggingadeild: 7 annir til B.S-prófs ( Byggingatæknifræði. í boði
eru fjögur sérsvið: Húsbyggingarsvið, mannvirkjasvið, lagnasvið og
umhverfissvið.
Rafmagnsdeild: 2 annir til að Ijúka 1. árs prófi. Nemendur Ijúka
náminu í dönskum tækniskólum.
Rekstrardeild: 7 anna nám í Iðnaðartæknifræði til B.S prófs.
Véladeild: Tveir möguleikar eru í boði.
2 annir til að Ijúka fyrsta ári í Véltæknifræði og námi síðan lokið í
dönskum tækniskólum
eða
7 annir til að Ijúka B.S prófi í Vél- og orkutæknifræði sem er ný
námsbraut við Tækniskólann.
Nám í rekstrarfræðum: (námið hefst um áramót)
Iðnrekstrarfræði: Námið tekur 4 annir. Inntökuskilyrði er stúdents-
próf og tveggja ára starfsreynsla. Innan iðnrekstrarfræðinnar eru í
boði þrjú sérsvið: Framleiðslusvið, markaðssvið og útvegssvið.
Útflutningsmarkaðsfræði til B.S prófs. Námið tekur 3 annir og
inntökuskilyrði eru: Próf ( iðnrekstrarfræði, rekstrarfræði eða sam-
bærilegu.
Vegna mikillar aðsóknar er umsækjendum ráðlagt að sækja um fyrir
31. maí til að komast hjá að lenda á biðlista.
Með umsóknarfresti til 10. júní.
Nám í Heilbrigðisdeild:
Inntökuskilyrði er stúdentspróf.
Námsbraut í meinatækni; 7 annir til B.S prófs
Námsbraut (röntgentækni; 7 annir til B.S prófs.
Umsóknareyðublöð fást á skrifstofu skólans (umsækj-
endur, sem eru búsettir eru utan höfuðborgarsvæðis-
ins geta fengið þau send í pósti).
Kynningarfulltrúi skólans og deildarstjórar einstakra
deilda veita nánari upplýsingar í síma 91-874933. At-
hugið að símanúmer skólans verður 577-1400 eftir 3.
júní.
Skrifstofa skólans er opin alla virka daga kl. 8.30-16.00
Öllum umsóknum, sem póstlagðar eru fyrir
lok umsóknarfrests, verður svarað ekki
seinna en 16. júní.
Rektor.
<Ú7\ -h
BROSUMI
i nmfoivKnni
umferðinni
allt gengur betur! •