Dagur - 21.12.1995, Blaðsíða 8
8 - DAGUR - Fimmtudagur 21. desember 1995
Hugað að framtíðaruppbyggingu Háskólans á Akureyri á Sólborgarsvæðinu:
Efnt til arkitektasamkeppni
Síðastliðinn þriðjudag auglýsti
Framkvæmdasýsla ríkisins í
Degi, fyrir hönd starfshóps um
framkvæmdir Háskólans á Ak-
ureyri, samkeppni um hönnun
nýbygginga og aðlögun eldri
húsa á Sólborg að starfsemi Há-
skólans, ásamt skipulagi há-
skólasvæðisins. í þessari sam-
keppni felst annars vegar hönn-
un nýbygginga á núverandi Sól-
borgarlóð og aðlögun á eldra
húsnæði þar, en húsrýmisáætlun
gerir ráð fyrir að húsnæðisþörf
skólans sé ríflega 4800 fermetr-
ar, og hins vegar heildarskipulag
alls háskólasvæðisins og er þá
átt við núverandi Sólborgarlóð
og framtíðar byggingarsvæði há-
skólans, samtals u.þ.b. 10 hekt-
arar.
Óhikað má líta á þessa sam-
keppni sem mikilsverðan þátt í
framtíðaruppbyggingu Háskólans
á Akureyri. Um það hefur eins og
kunnugt er verið tekin pólitísk
ákvörðun að Háskólinn fái Sól-
borgarhúsin til afnota og raunar
hefur skólinn nú þegar flutt skrif-
stofur sínar í þau. Næsta skref
uppbyggingarinnar, áður en ráðist
verður í byggingaframkvæmdir,
sem nauðsynlegar eru áður en öll
kennsla verður flutt á Sólborgar-
svæðið, er samkeppni um hönnun
nýbygginga og lóðar og henni
verða hér gerð skil og stuðst við
samkeppnislýsingu, sem arkitektar
gátu fengið í hendur frá og með
gærdeginum.
Úrslit tilkynnt í apríl 1996
Fram kemur í samkeppnislýsing-
unni að allir félagar í Arkitektafé-
lagi Islands, sem og aðrir þeir sem
áunnið hafa sér rétt til að leggja
aðalteikningar fyrir byggingar-
nefndir, hafí rétt til að taka þátt í
samkeppninni. Samkeppnin er
auglýst á EES svæðinu og má af
því sjá hversu stórt verkefni hér er
um að ræða.
I dómnefnd samkeppninnar eru
tilnefndir af menntamálaráðherra
Þorsteinn Gunnarsson, rektor Há-
skólans á Akureyri, sem er for-
maður dómnefndar, Þórhallur
Arason, skrifstofustjóri í fjármála-
ráðuneytinu, og Örlygur Geirsson,
skrifstofustjóri í menntamálaráðu-
neytinu. Þá eru tilnefndir í dóm-
nefnd af Arktektafélagi íslands
þeir Baldur Ó. Svavarsson, arki-
tekt FAÍ, og Egill Guðmundsson,
arkitekt FAI. Ritari dómnefndar er
Ólafur Búi Gunnlaugsson, fram-
kvæmdastjóri Háskólans á Akur-
eyri, og ráðgjafar dómnefndar
Ami Ólafsson, skipulagsstjóri Ak-
ureyrarbæjar, og Steindór Guð-
mundsson, forstjóri Framkvæmda-
sýslu ríkisins. Trúnaðarmaður
dómnefndar er Baldur Dýrfjörð,
bæjarlögmaður Akureyrarbæjar.
Við mat sitt á tillögunum mun
dómnefnd leggja áherslu á eftir-
farandi:
1. Hugmyndagrunnur, samspil
grunnhugmyndar og heildar-
lausnar.
2. Innra skipulag bygginga og að-
lögun að núverandi byggingum.
3. Utlit og aðlögun að umhverfi.
4. Umhverfi, heildarskipulag og
frágangur lóðar.
5. Tœknileg útfœrsla, hagkvœmni,
efnisval, viðhald og rekstur.
6. Heildarkostnaður vegna fram-
kvœmda á Sólborg.
Dómnnefnd mun fara yfir til-
lögur og meta þær með tilliti til
ofangreindra atriða. Þær tillögur
sem til greina koma til verðlauna
eða innkaupa að mati dómnefndar
verða skoðaðar nánar með tilliti til
kostnaðar af dómnefnd og ráð-
gjöfum hennar. Að lokum fer
fram heildarmat á tillögum og sú
tillaga valin, sem dómnefnd mælir
með til útfærslu.
Áætlað er að dómnefnd ljúki
störfum fyrir 19. aprfl 1996. Hald-
in verður sýning á Akureyri á
samkeppnistillögum, sem uppfylla
skilyrða samkeppninnar. Verð-
launafé er samtals 2,4 milljónir
króna, þar af verða fyrstu verð-
laun ekki lægri en 1 milljón króna.
Auk þess verður dómnefnd heim-
ilt að kaupa tillögur fyrir allt að
600 þúsund krónur. Stefnt er að
því að fela þeim hönnun nýbygg-
ingar Háskólans sem hlýtur fyrstu
verðlaun.
Almennt um starfsemi
Háskólans
Á yfirstandandi skólaári eru um
400 nemendur í Háskólanum á
Akureyri í fjórum deildum; 110
nemendur í heilbrigðisdeild, 145 í
kennaradeild, 85 í rekstrardeild og
61 nemandi í sjávarútvegsdeild.
Spár um nemendafjölda gera ráð
fyrir að 700-900 nemendur stundi
nám við skólann árið 2004 og að
fjöldi nemenda geti orðið 1500-
2000 þegar líða tekur á næstu öld.
Náið samstarf hefur Háskólinn á
Akureyri um kennslu og rann-
sóknir við rannsóknastofnanir at-
vinnuveganna, þ.e. Hafrannsókna-
stofnun, Iðntæknistofnun, Rann-
sóknastofnun fiskiðnaðarins og
Rannsóknastofnun landbúnaðar-
ins. Líkur eru á fjölgun samstarfs-
stofnana skólans og má í því sam-
bandi nefna Stofnun Vilhjálms
Stefánssonar, sem fyrirhugað er
að hafi aðsetur við háskólann.
Sólborgarlóðin
Núverandi lóð Sólborgar er 4,7 ha
að stærð, þar af eru rúmlega 3 ha
taldir nýtanlegir sem byggingar-
svæði. I frumathugun Finns Birg-
issonar, arkitekts á Akureyri,
kemur fram það álit að sjálf Sól-
borgarlóðin rúmi alla nauðsynlega
uppbyggingu háskólans miðað við
700 nemendur. Til að tryggja
vaxtarmöguleika skólans til fram-
tíðar taldi Finnur hins vegar nauð-
synlegt að gera ráð fyrir stækkun
lóðarinnar til austurs um rúmlega
5 ha. Akureyrarbær hefur sam-
þykkt þessa framtíðarstækkun og
verður aðalskipulagi bæjarins
breytt í samræmi við það. í sam-
þykkt Akureyrarbæjar er lögð á
það áhersla að það sjónarmið að
háskólasvæðið verði hluti almenns
útivistarsvæðis og að lóðarskipu-
lag háskólans taki mið af því.
Hugmyndin er sú að um þetta
væntanlega útivistarsvæði liggi
göngustígar sem tengi það stórum
íbúðarhverfum.
„Fyrsta skrefið í þessa átt var
að leggja um svœðið megingöngu-
stíg, stofnstíg, sem tengja mun
saman íbúðabyggð sunnan og
norðan svœðisins. Framhald þess
stígs til norðurs verður yfir Borg-
arbraut á gangbraut eða undir
hana í göngum, yfir stíflu Rafveit-
unnar á göngubrú og áfram til
norðurs fram hjá Glerárskóla,
íþróttasvœði Þórs eða að verslun-
armiðstöðinni Sunnuhlíð og áfram
norður í Síðuhverfi. Göngustígur-
inn liggur sem nœst á mörkum nú-
verandi Sólborgarlóðar og fram-
tíðar byggingarsvœðis háskól-
ans,“ segir orðrétt í samkeppnis-
lýsingu.
Gert er ráð fyrir 200 bflastæð-
um á háskólasvæðinu og jafnframt
að möguleiki sé á fjölgun þeirra ef
nauðsynlegt reynist.
Húsakynni
Húsin á Sólborg eru byggð í
nokkrum áföngum á árunum
1967-1984. Húsin eru almennt í
góðu ásigkomulagi og þeim hefur
verið haldið vel við. Það er orðað
svo í samkeppnislýsingu að bygg-
ingamar séu formfastar, stflhrein-
ar og verðugir fulltrúar byggingar-
listar síns tíma. Húsin skuli
umgangast með virðingu fyrir
gerð þeirra og stfl.
Yfirstjóm Háskólans var flutt
að Sólborg síðastliðið haust og um
leið tekið í notkun 400 fermetra
skrifstofuhúsnæði. Við það er
miðað að í byrjun næsta árs flytji
nemendur skólans félagsstarfsemi
sína á Sólborg í 100 fermetra hús-
næði. Hluti af húsnæðinu á Sól-
borg er enn í notkun af Svæðis-
stjóm málefna fatlaðra. Þar er um
að ræða dagvistun fyrir fatlaða en
nýtt húsnæði við Skógarlund á
Akureyri mun leysa þessa starf-
semi af hólmi. Framkvæmdir eru
nú þegar hafnar við nýbygginguna
og er stefnt að því að hún verði
tilbúin haustið 1996. Gert er ráð
fyrir að Svæðisskrifstofa málefna
fatlaðra hafi áfram not af sund-
lauginni eftir nánara samráði við
háskólann þar til annað verður
ákveðið.
Tekið er fram í samkeppnislýs-
ingu að við hönnun nýbygginga
skuli hafa hliðsjón af formi og
gerð eldri húsa á Sólborg og stöðu
þeirra í landinu, „þannig að sam-
hengi verði milli eldri og nýrri
hluta háskólabygginganna. Einnig
skal taka mið af gildi lóðarinnar
sem almenns útivistarsvæðis og
gera ráð fyrir að garðrými og
gönguleiðir um lóð háskólans
verði aðgengilegar almenningi."
Forsendur hönnunar
húsnæðis
í samkeppnislýsingu er tekið fram
að við hönnun húsnæðis Háskól-
ans á Akureyri þurfi að horfa til
þess að það auðveldi samnýtingu
og samstarf um þessa þætti milli
einstakra deilda, stofnana háskól-
ans og samstarfsstofnana. Jafn-
framt þurfi húsnæðið að nýtast til
almenns fyrirlestrahalds og
kennslu og kennslu á sérsviðum
deildanna, t.d. í hjúkrunarfræði og
raunvísindum. Einnig þurfi að
tryggja að allt vinnurými nemenda
og kennara sé þannig úr garði gert
að öll tjáskipti og samskipti séu
eins góð og mögulegt er. Sérstak-
lega skuli huga að tölvutengingum
og notkun margmiðlunar.
Varðandi rannsóknaaðstöðu er
tekið fram í samkeppnislýsingu að
taka verði mið af mikilvægi sam-
starfs háskólans við rannsóknar-
stofnanir atvinnuveganna, án þess
að skerða sjálfstæði þessara stofn-
ana.
„Háskólinn hefur gert sam-
starfssamninga við Hafrann-
sóknastofnun, Rannsóknastofnun
fiskiðnaðarins, Iðntœknistofnun
og Rannsóknastofnun landbúnað-
arins um samráðningar statfs-
manna til rannsókna og kennslu.
Þessum samstarfsstofnunum þarf
að œtla stað í nýbyggingu á Sól-
borgarsvœðinu undir sama þaki
og staifsemi háskólans. Einnig
þarf að huga að stœkkunarmögu-
leikum fyrir þœr stofnanir sem
síðar munu bœtast við, t.d. fyrir-
hugaðri Stofnun Vilhjálms Stef-
ánssonar og mögulegri staifsemi
sjávarútvegsskóla Sameinuðu
þjóðanna. “
í lok kafla samkeppnislýsingar
um almenna starfsemi háskólans
segir:
„Háskólinn verður staðsettur á
stœrsta opna svœði Akureyrarbœj-
ar sem þó er inni í byggðinni
miðri. Svœðið verður í góðum um-
ferðartengslum við aðra bœjar-
hluta og er í göngufœri við stór
íbúðasvœði. Við hönnunarvinnu
þarfað taka tillit til þess að sú að-
staða sem háskólinn byggir upp
s.s. fyrirlestrasalir, almenn
kennsluiými, bókasafn og matstof-
ur verði aðgengileg almenningi
utan liefðbundins skólatíma, t.d.
fyrir námskeið, fundi, ráðstefnur
og margs konar menningarvið-
burði. Enn fremur skal bent á að
háskólasvœðið verður hluti af al-
mennu útivistarsvœði Akureyrar-
bœjar. Hönnun bygginga og lóðar
þaif því að taka tillit til umhveif-
issjónarmiða, einkum þeirra sem
tengjast útivist og verndun um-
hveifis.
Háskólinn á Akureyri er ung
stofnun og í stöðugri uppbygg-
ingu. Mikilvœgt er að hönnunin
feli í sér sveigjanleika og mögu-
leika á viðbyggingum og eða ný-
byggingum eftir því sem háskólinn
vex og þarfir hans eða samstaifs-
stofnana breytast. “
/
Afangaskipting
framkvæmda
Gert er ráð fyrir að áfangaskipta
framkvæmdum á Sólborg og verði
áfangamir fimm. Fyrsta áfanga,
flutningi á aðalskrifstofum, að
mestu lokið. Fram kemur í sam-
keppnislýsingu að áfangamir hafi
ekki verið tímasettir en reikna
megi með að framkvæmdir á Sól-
borg taki á bilinu 5-8 ár. Lögð er
áhersla á að uppbygging á
kennslu- og skrifstofurými haldist
í hendur. Rannsóknarými, þ.m.t.
raunvísinda og sérgreinastofur og
aðstaða samstarfsstofnana tilheyri
síðasta áfanga framkvæmdanna.
Þá er tekið fram að fyrir næsta
skólaár þurfi að leysa húsnæðis-
þörf bókasafns háskólans og jafn-
framt þurfi hann húsnæði til
bráðabirgða fyrir tölvuver og ein-
hverja vinnu- og lesaðstöðu fyrir
nemendur.
Þá kemur fram í samkeppnis-
lýsingu að stefnt sé að því að
verktakakostnaður verði lægri en
500 milljónir króna, en þá er átt
við heildarkostnað vegna breyt-
inga á núverandi húsnæði á Sól-
borg, byggingar á nýju húsi eða
húsum, fullnaðarfrágang á lóð,
fullnaðartengingu við veitukerfi
bæjarins og rekstrarkostnað á
byggingarstað. Inni í þessari tölu
er ekki hönnunarkostnaður, opin-
ber gjöld, húsbúnaður eða kostn-
aður undirbúnings, umsjónar, eft-
irlits og stjómunar verkkaupa á
framkvæmdatíma. óþh
Samkeppnin tekur annars vegar til hönnunar nýbygginga á núverandi Sólborgarlóð og aðlögun að eldra húsnæði
þar og hins vegar til heildarskipulags alls háskólasvæðisins.