Dagur - 28.12.1995, Blaðsíða 4

4 - DAGUR - Fimmtudagur 28. desember 1995
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 60, AKUREYRI,
SÍMI: 462 4222
ÁSKRIFT KR. M. VSK. 1500 Á MÁNUÐI
LAUSASÖLUVERÐ M. VSK. KR. 125
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
AÐRIR BLAÐAMENN:
AUÐUR INGÓLFSDÓTTIR, GEIR A. GUÐSTEINSSON,
HALLDÓR ARINBJARNARSON,
SIGURÐUR BOGISÆVARSSON, FROSTI EIÐSSON (fþróttir),
INGIBJÖRG MAGNÚSDÓTTIR (Húsavík vs. 464 1585, fax 464 2285).
LJÓSMYNDARI: BJÖRN GÍSLASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI462 5165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 462 7639
SÍMFAX AUGLÝSINGADEILDAR: 462 2087
L-flfiAffl----------------------
Tölur Hagstofiinnar
Ráðamenn þjóðarinnar hafa margítrekað á þessu
ári gert lítið úr upplýsingum fjölmiðla um íslend-
inga sem hafa ákveðið að flytjast búferlum úr landi
og reyna fyrir sér í nálægum löndum, einkum Dan-
mörku og Noregi. Þeir hafa gefið til kynna að þetta
sé ómerkilegur áróður fjölmiðlanna. Nú geta þessir
sömu stjórnarherrar ekki lengur kennt fjölmiðlun-
um um, nú ber þeim að líta í eigin barm og spyrja
sig þeirrar alvarlegu spumingar hvernig á því
standi að á einu ári flytjist 4400 manns af landi
brott. Þessar tölur Hagstofunnar 1. desember sl.
eru svo sláandi að menn geta ekki lengur lokað
augum og eyrum fyrir þessum vanda, þetta er graf-
alvarlegt mál, í rauninni alvarlegasti byggðavandi
sem íslenskt þjóðfélag hefur staðið frammi fyrir til
fjölda ára. Og þetta er enn alvarlegra mál vegna
þess að mannanna verk hafa að töluverðu leyti
skapað hann. Atvinnuleysið hefur vissulega þarna
mikið að segja, en það skýrir málið ekki nema að
hluta vegna þess að atvinnuleysið í þeim löndum
sem landflótta íslendingar hafa sótt til er engu
minna en hér, raunar nokkru meira. Kolvitlaust og
niðurdrepandi skattakerfi hér á landi er rót þessa
vanda að verulegu leyti og þar bera stjórnvöld
ábyrgð. Ranglátir jaðarskattar hafa orðið til þess að
ungt fólk á barneignaraldri með húsnæðis- og
námsskuldir á bakinu flýr þetta þjóðfélag. Það er
bitur staðreynd. Því fyrr sem tekið verður á vanda
þessa þjóðfélagshóps, því betra. Þriggja prósenta
kauphækkun 1. janúar næstkomandi breytir litlu.
Þar þarf meira að koma til og fyrsta skrefið er að
menn setjist niður, velti tölum Hagstofunnar fyrir
sér og meti hvað er að og hvernig hægt sé að
bregðast við.
Stóra málið er að stór hópur íslendinga hefur
það launalega slæmt og samanburðurinn við ná-
grannaþjóðirnar er okkur ákaflega óhagstæður.
Þess vegna eru menn að horfa upp á brottflutning
úr landi sem hefur ekki verið meiri síðan á tímum
vesturferða. Ríkisstjórnin tók á sínum tíma ákvörð-
un um að auðvelda fyrirtækjum í landinu róðurinn
með því að létta af þeim sköttum, sem voru fluttir
yfir á almenning. Nú er kominn tími til að huga að
hag almennings. Að öðrum kosti heldur landflótt-
inn áfram - upp á slíkt getur enginn leyft sér að
horfa.
FRIMERKI SIGURÐUR H. ÞORSTEINSSON
„NORDIA-96“ á heimavelli
Þá er komið að okkur íslendingum
að halda næstu Norðurlandasýn-
ingu á frímerkjasöfnum hinna
fullorðnu. Það verður „NORDIA-
96“, sem haldin verður á Kjarvals-
stöðum, dagana 25.-27. október á
næsta ári. Það er eðli málsins sam-
kvæmt Landssamband íslenskra
frímerkjasafnara og Póstmála-
stofnunin, sem stendur að sýning-
unni.
Undirbúningsnefnd hennar er
skipuð þeim Sigurði R. Péturs-
syni, sem er formaður; Hálfdáni
Helgasyni, sem er aðalumboðs-
maður og svo Sverri Einarssyni,
sem er ritari. Þá hafa umboðs-
menn á öllum Norðurlöndunum
verið skipaðir, en hér heima er Þór
Þorsteins umboðsmaður sýningar-
innar. Fyrir þá sem vilja hafa sam-
band við sýningarnefndina, þá er
heimilisfangið: „NORDIA-96",
pósthólf 8753, IS-128 Reykjavík.
Rétt um það leyti sem þessi
þáttur er skrifaður, þá er að renna
af stokkunum „NORDIA-95“ í
Svíþjóð. Þar er fríður hópur ís-
lendinga við störf. Þeir Sigurður
R. Pétursson og Ólafur Elíasson
eru báðir dómarar á þeirri sýn-
ingu, en með þeim eru þeir Hálf-
dán Helgason og Sverrir Einars-
son, sem kynna næstu sýningu hjá
okkur.
„NORDJUNEX-96“ í Noregi
Það var glæsilegur árangur hjá ís-
lenska landsliðinu í frímerkja-
fræðum á æskulýðssýningunni í
Þrándheimi. Það var 7. október
síðastliðinn að þeir kepptu um
hvert Norðurlandanna vissi mest
um frímerki og fræði þau er að
þeim lúta. Vann íslenska landslið-
ið þriðja árið í röð og kom heim
með silfurelginn, sem hefir verið
farandgripur í þessari keppni. I
liðinu voru Steinar Friðfinnsson,
Guðni Amason og Björgvin Ingi
Ólafsson. Liðsstjóri var Kjartan
Þór Þórðarson úr Klúbbi Skandin-
Forsíða bókarinnar, sem Garðar
Jóhann Guðmundarson hefir
gefið út.
*
Norræn frtmerkjasýning Reykjavík 25. - 27. október 1996
Veró kr. 200
Fyrsta blokkin, sem gefin var út fyrir frímerkjasýninguna „NORDIA-96“
kom út á síðasta degi frímerkisins. Hún brýtur vissulega blað í gerð ís-
lenskra fríinerk jablokka og nálgast póstkortið fyrir ferðamenn.
aviusafnara. Leikslok voru þau að
Island hlaut 55 stig, Noregur 53
stig, Finnland 51 stig og Svíþjóð
og Danmörk 47 stig hvort land.
Þá voru einnig íslensk ung-
lingasöfn á sýningunni og hlutu
þau eftirtalin verðlaun: Safn
Guðna Árnasonar, hæstu verðlaun
í B flokki, 81 stig, gyllt silfurverð-
laun og heiðursverðlaun. Safn
Björgvins Inga Ólafssonar hlaut
76 stig, stórt silfur og heiðurs-
verðlaun. Steinar Friðfinnsson og
Gísli Geir Harðarson hlutu svo
báðir 71 stig fyrir söfn sín og silf-
urverðlaun. I C flokki hlaut svo
safn Péturs H. Ólafssonar 67 stig
og silfurverðlaun. Skal þeim öll-
um óskað heilla með þessa
frammistöðu.
Ritverk um tegundasöfnun
Á síðasta degi frímerkisins sendi
Garðar Jóhann Guðntundarson frá
sér bók er hann nefnir „Land-
námsmenn, ásatrú, frímerki,
stimplar.“ Bókin er 132 bls. að
stærð í quarto umbroti, tölvuunnin
og gefin út sem handrit á kostnað
höfundar 1995. Skiptist bókin í
fjóra aðalkafla: Kynningu og for-
mála; Landnámsmenn, ásatrú, frí-
merki; Landnámsmenn, ásatrú,
stimplar og síðast er heimildaskrá.
Þetta er geysilega yfirgripsmikil
bók, bæði að því er varðar frí-
merkin og stimplana. Verður síð-
an byggt upp safn þar sem öllu því
er þama er getið verður fyrir kom-
ið.
Hins vegar hefir verið lögð
mikil vinna í bókina, en það eru
svo safnaramir sem velja og hafna
hvað þeir taka með í safn sitt, en
þarna er nær því allt þekkt um
þessi efni. Þó sakna ég í skrá um
frímerkja- og stimplalista, að
minnsta kosti tveggja, jafnvel
þriggja lista frá hendi Þórs Þor-
steins. Þá vantar að mínu viti í
heimildaskrá hina stóru Islands-
sögu Dr. Bjöms Þorsteinssonar og
síðustu íslandssögu Jóns R.
Hjálmarssonar. En þarna velur og
hafnar náttúmlega höfundur,
hvaða heimildir hann notar. Ekki
hefi ég lesið bókina til að leita
lúsa um villur, en komst þó ekki
hjá því að reka augun í að Narfi
Þrándarson er talinn fyrsti land-
námsmaður í Hrísey, sem er rangt.
Þama var Steinólfur hinn lági Ól-
versson nefnilega á undan, en
Narfi kom á eftir, þótt Hríseyjar-
Narfi sé nefndur.
Þetta er að mínu viti fyrsta
raunverulega bókin sem gefin er
út um eitt svið tegundasöfnunar,
sem stenst að einhverju máli borið
saman við til dæmis A.T.A., sem
ég hefi oft minnst á í þáttum mín-
um. Er þetta vel og skal höfundi
óskað heilla með framtakið.
Akureyri:
Litskyggnu-
sýning
í kvöld
í kvöld, fimmtudaginn 28. des-
entber, kl. 20, verður haldin lit-
skyggnusýning í hátíðarsal Út-
gerðarfélags Akureyringa hf.
(mötuneyti). Þar ntun Þorgeir
Baldursson sýna myndir, sem
hann á sínum sjómannsferli hef-
ur tekið við leik og störf um
borð í togurum ÚA. Þorgeir mun
leitasl við að svara öllum þeim
spumingum sem upp kunna að
konta, varðandi myndir sínar og
myndefni.
Þorgeir Baldursson.
Greifínn - Dótabúðin - LEGO:
Urslit í byggmgasamkeppni
I byrjun desember efndu Veitinga-
húsið Greifinn, Dótabúðin í
Sunnuhlíð og LEGO til bygginga-
samkeppni. Allir gestir Greifans
10 ára og yngri fengu að taka þátt
í keppninni og máttu þau byggja
hvað sem er. Eina reglan var að
kubbafjöldinn mátti ekki fara yfir
25 einingar. Fjölda módela var
skilað inn og er greinilegt að ekki
þarf að óttast að unga fólkið skorti
hugmyndaflug og listhæfileika.
Vegleg verðlaun voru í boði en
fyrir fyrsta sætið var stór harður
pakki frá LEGO. Sex módel fá
önnur verðlaun 4000 kr. vöruút-
tekt í Dótabúðinni Sunnuhlíð. Þar
sem erfitt var að gera upp á milli
verkanna var ákveðið að gefa
þremur módelum aukaverðlaun,
pizzu og gosglas á Greifanum.
Fyrstu verðlaun hlaut Hilmar
Þór Gunnarsson. Módel hans heit-
ir „Síamstvíburar á leið í sturtu".
Önnur verðlan 4000 kr. vöru-
úttekt í LEGO-vörum í Dótabúð-
inni Sunnuhlið fá:
Gunnar Smári Gunnarsson fyrir
„Fugl“.
Áslaug Eva Bjömsdóttir fyrir
„Flughundinn".
Þorsteinn Ingvarsson fyrir
„Hurðaskelli“.
Anna Jóna Pétursdóttir fyrir
„Flugvél".
Valdemar Örn fyrir „Sleða-
kappa“.
Valgerður Sólnes fyrir „Ljón“.
Aukaverðlaun, pizzu og gos á
Greifanum, hlutu:
Adolf Svavarsson fyrir „Vinnu-
mann“.
Guðjón Vésteinsson fyrir
„Önd“.
Birkir Sveinsson fyrir „Vinnu-
mann“.
Dómnefndina skipuðu tveir
fulltrúar frá Dótabúðinni Sunnu-
hlíð, einn fulltrúi Greifans og Örn
Ingi, fjöllistamaður. (Fréttatilkynning)