Dagur - 25.07.1996, Blaðsíða 2

2 - DAGUR - Fimmtudagur 25. júlí 1996
FRÉTTIR
Nemendur Jarðhitaskóla Sameinuðu þjóðanna skoðuðu mannvirki Hita- og
Vatnsveitu Akureyrar sl. sunnudag. Hér sjást þeir ásamt forsvarsmönnum
skólans og hitaveitunnar. Mynd: -sbs.
Jarðhitaskóli Sameinuðu þjóðanna:
Nemendur skoða
norðlenska
jarðhitanýtingu
Nemendur frá Jarðhitaskóla
Sameinuðu þjóðanna heimsóttu
dælustöð HVA við Þórunnar-
stræti sl. laugardag. Heimsókn
þessi var meðal fjölmargra ann-
arra dagskrárliða í ferð nem-
enda skólans vítt og breitt um
landið, þar sem þeim er kynnt
nýting jarðhita - og ýmis mann-
virki sem því tengjast.
Jarðhitaskóli Sameinuðu þjóð-
anna er rekinn sem hluti af Orku-
stofnun, og starfsemi hans er hluti
af þróunaraðstoð Islendinga við
frumstæð ríki. Skólaárið hefst í
apríl ár hvert og stendur fram til
loka október. Um þessar mundir
stunda 18 nemendur nám við skól-
ann, það er frá Filipjrseyjum, Víet-
nam, Indónesíu, Iran, Pakistan,
Kenýa, Úganda, Rúmeníu, Grikk-
landi, E1 Salvador, Guatemala og
Costa Rica.
Árið í ár er hið fyrsta sem víet-
namskir, íranskir, pakistanskir og
grískir nemendur eru í námi við
skólann og hinum síðastnefndu er
það gert kleift með tilstyrk frá
Evrópusambandinu
Að sögn Ingvars Birgis Frið-
leifssonar, skólastjóra, hafa á átján
ára starfsferli skólans alls 180
manns frá 33 löndum numið við
hann. Nemendurnir eru yfirleitt
áður menntaðir á sviði raunvís-
inda, en koma hingað til lands til
að hnykkja sérstaklega á menntun
sinni um jarðhita. Eldfjalla- og
jarðhitalandið fsland þykir heppi-
legur vettvangur að því leyti og
meðal annars þess vegna er skól-
anum valinn staður hérlendis. Sem
áður segir er hann hluti af Orku-
stofunun og starfsmenn og vís-
indamenn þar eru kennarar.
Á ferð sinni um Norðurland
kynntu nemendur sér nýtingu
jarðhita, meðal annars í Húnaþingi
og Skagafirði, fjölbreytta nýtingu
og vinnsluaðferðir jarðhita hjá
HVA, starfsemi Silfurlax í Keldu-
hverfi, Kísiliðjunnar í Mývatns-
sveit og Kröfluvirkjunar. „Einnig
skoðum við þá staði sem nemend-
um kynni að þykja áhugavert að
sjá, væru þeir óbreyttir ferða-
menn,“ sagði Lúðvík Georgsson,
aðstoðarskólastjóri. - sbs.
Gripdeild á
Þórshöfn
Lögreglan á Þórshöfn hafði í
gær í yfirheyrslu ungmenni
vegna stulds, og er mál þeirra nú
upplýst.
Ungmennin, stúlka og piltur,
bæði undir tvítugu, gistu í tjaldi á
tjaldsvæðinu á Þórshöfn um helg-
ina, og hafði stúlkan fengið að
bregða sér á salemi rétt hjá tjald-
svæðinu. Þaðan greip hún með sér
armbandsúr, og komst stuldurinn
upp, en þá kom í ljós að meðreið-
arsveinn hennar var ekki með öllu
heiðarlegur heldur. Hafði hann í
fómm sér illa fenginn farsíma,
sem stolið hafði verið í Reykjavík.
Málið telst upplýst, og verður sent
sína leið í gegnum kerfið. shv
Skaðabótakrafa á hendur Ólafsfjarðarbæ:
Vísað til vís
Bæjarráð ÓlafsQarðar sam-
þykkti á fundi sínum í mánuðin-
um að vísa til Vátryggingafélags
íslands skaðabótakröfu á hend-
ur bænum vegna slyss er Klem-
enz Jónsson varð fyrir 10. des-
ember 1993 í íþróttasal Barna-
skóla Ólafsfjarðar.
Var hann þar að þjálfa skíða-
krakka, meiddist á rist og átti
lengi í þeim meiðslum. „VíS neit-
aði að borga tryggingabætur á sín-
um tíma en við erum á einu máli
um að tryggingafélagið eigi að
greiða þetta því við erum með
þetta tryggt eins og aðrar stofnanir
bæjarins," sagði Jónína Óskars-
dóttir, formaður bæjarráðs. Átti
hún von á að reyna mundi á málið
fyrir dómstólum. HA
íslenski kvenþjóðbún-
ingurinn alltaf vinsæll
Elín Jónsdóttir sýnir Guðrúnu Höddu Bjarnadóttur, leiðbeinanda í Punkt-
inum, hvernig beltið á upphlutnum fer best, eftir að hafa rætt um sauma-
skapinn á búningnum. Mynd: bg
Á mánudaginn 29. júlí gefst
fólki kostur á að hitta að máli
Elínu Jónsdóttur, sem veit
manna mest um íslenska þjóð-
búninginn. Elín hefur haldið
námskeið í gerð þjóðbúningsins í
Heimilisiðnaðarskólanum í
Reykjavík og ætlar nú að taka á
móti Norðlendingum sem áhuga
hafa á að koma sér upp búningi,
aðstoða þá við snið, efniskaup,
viðgerðir eða breytingar á þess-
um þjóðlega klæðnaði.
Elín segir að áhuginn á ís-
lenska þjóðbúningnum sé alltaf
mikill og að engin námskeið hafi
lifað lengur en þjóðbúningagerð.
„Ungar stúlkur hafa áhuga á þess-
um klæðnaði og sumar þá fyrir
brúðkaupið. Margar hafa líka erft
silfrið og vilja nota það í búning.“
Búningurinn hefur ekki tekið
miklum breytingum en Elín segir
að nú eigi flestir nýja upphlutinn
svo kallaða sem breyttist um alda-
mót þegar Sigurður Guðmundsson
málari lagði til þær breytingar að
bolurinn og pilsið væru hvoru
tveggja svart. „Áður gat bolurinn
verið verið úr bláu eða grænu
flaueli og það eru enn konur sem
vilja koma sér upp þess konar
búningi.“
Elín segir einhver brögð að því
að fólk vilji breyta búningnum
eftir smekk en bætir við að það
megi alls ekki og slíkt læri fólk
ekki á námskeiðunum hjá sér.
„Þjóðbúningurinn klæðir allar
konur ef hann er rétt sniðinn og
eins er nauðsynlegt að sjalið og
allir hlutir fari vel.“
Yfír 200 þúsund krónur
Elín segir dýrt að koma sér upp
upphlut en peysufötin séu ódýrari.
„Góður saumaskapur á upphlut
getur farið yfir 40 þúsund krónur,
efnið kostar 10-20 þúsund og
Rekstur Hótels
Ólafsfjaröar:
Ýmsar hug-
myndir í gangi
Á fundi bæjarráðs Ólafsijarð-
ar fyrr í mánuðinum var tek-
ið fyrir bréf frá Skeljungi
varðandi rekstur hótels Ól-
afsljarðar. Þar er, að sögn
Jónínu Óskarsdóttur, for-
manns bæjarráðs í Ólafsfirði,
verið að kanna möguleika á
því með hvaða hætti bærinn
gæti komið inn í rekstur
hótelsins, sem verið hefur af-
ar erfiður.
í bréfinu er gerð grein fyrir
ýmsum hugmyndum sem
Skeljungur hefur um rekstur
hótelsins og tók bæjarráð já-
kvætt í erindið. „Það er ekkert
fast ákveðið í þessum efnum,
en það eru ýmsar hugmyndir í
gangi og verið að vinna að
þeim,“ sagði Jónína. M.a. er
hugmynd um að fá fleiri hlut-
hafa inn í reksturinn. Hún
sagðist reikna með að málin
myndu skýrast betur í næsta
mánuði. HA
A-Hún.:
Árekstur
Árekstur varð við Hamarsrétt á
Vatnsnesi í Austur-Húnavatns-
sýslu í gær. Tveir bílar rákust
saman, og skemmdust nokkuð, en
engin meiðsl urðu á fólki. shv
silfrið, silfurlitt eða gyllt er um
150-170 þúsund krónur." Elín
segir því að flestar konurnar sem
koma á námskeiðin hafi erft mill-
urnar og séu búnar að koma sér
upp efni í búninginn smám saman.
Elín tekur á móti þeim sem fýs-
ir að vita hvort hægt sé að lagfæra
upphluti og peysuföt í tómstunda-
og handverksmiðstöðinni Punktin-
um á Akureyri frá klukkan 13
mánudaginn 29. júlí. Hún mun
einnig kenna hvemig þræða og
hnýta eigi slifsið og leggur áherslu
á að fólk mæti með búningana.
mgh
Jörðin Garðsvík
Á Svalbarðsströnd til sölu
Greiðslumark í mjólk 133.000 lítrar, 36 kýr og 50 geldneyti,
vélar í góðu lagi.
Einnig jörð með íbúðarhúsi byggðu 1975 að stærð 308 m2,
tvær íbúðir, ný hlaða 2300 m3 ásamt fjósi fyrir 36 kýr og
geldneyti og geymslur. Fjárhús 186 m2 ásamt 890 m3 hlöðu.
Jörðinni fylgir framleiðsluréttur í sauðfé fyrir 150 ærgildi.
Tún um 40 ha. Fjarlægð frá Akureyri um 20 km.
Tilboðum í þessar eignir aðskildar eða jörðina í heild sinni
með framleiðslurétti sé skilað til Búnaðarsambands
Eyjafjarðar fyrir 15. ágúst nk. merkt: „Bújörð“.
Nánari upplýsingar veittar þar í síma 462 4477.
Fjölskyldudagar
að Hrísum Eyjafjarðarsveit
dagana 27.-28. júlí 1996 og hefst
laugardaginn kl. 15.00.
Margt verður sér til gamans gert svo sem farið á
hestbak, ekið á dráttarvél, keyrt um svæðið í
hestakerru, fjallganga, dansað í „hlöðunni" og
ýmislegt fleira til gamans fyrir alla aldurshópa.
Allar nauðsynlegar veitingar verða til sölu á staðnum,
kaffi, vöfflur, grillveisla og morgunmatur.
Tilvalinn staður fyrir fólk að tjalda og
njóta útivistar í frjálsu umhverfi.