Dagblaðið Vísir - DV - 20.09.1994, Síða 14

14
ÞRIÐJUDAGUR 20. SEPTEMBER 1994
Útgáfufélag: FRJÁLS FJÖLMIÐLUN HF.
Stjórnarformaður og útgáfustjóri: SVEINN R. EYJÓLFSSON
Framkvæmdastjóri og útgáfustjóri: HÖRÐUR EINARSSON
Ritstjórar: JÖNAS KRISTJÁNSSON og ELLERT B. SCHRAM
Aðstoðarritstjóri: ELlAS SNÆLAND JÓNSSON
Fréttastjórar: JÓNAS HARALDSSON og GUÐMUNDUR MAGNÚSSON
Auglýsingastjórar: PÁLL STEFÁNSSON og INGÖLFUR P. STEINSSON
Ritstjórn, skrifstofur, auglýsingar, smáauglýsingar: ÞVERHOLTI 11,
blaðaafgreiðsla, áskrift: ÞVERHOLTI 14, 105 RVlK. SlMI (91)63 27 00
FAX: Auglýsingar: (91 )63 27 27 - aðrar deildir: (91)63 29 99
GRÆN NÚMER: Auglýsingar: 99-6272 Áskrift: 99-6270
AKUREYRI: STRANDG. 25. SlMI: (96)25013. BLAÐAM.: (96)26613.
FAX: (96)11605
Setning, umbrot, mynda- og plötugerð:
PRENTSMIÐJA FRJÁLSRAR FJÖLMIÐLUNAR HF„ ÞVERHOLTI 11
Prentun: ÁRVAKUR HF. - Áskriftarverð á mánuði 1400 kr. m/vsk.
Verð í lausasölu virka daga 140 kr. m/vsk. - Helgarblað 180 kr. m/vsk.
Ekki til frambúðar
Ólíklegt er aö hin nýja stjórnmálahreyfmg, sem er að
veröa til í kringum Jóhönnu Sigurðardóttur, muni ein
sér raska íslensku flokkakerfi þegar til lengri tíma er
htið. Til þess skortir hana styrk og sérstöðu.
Aftur á móti má vel vera að henni takist að sópa til
sín fylgi í næstu þingkosningum með svipuðum hætti
og Borgaraflokkur Alberts Guðmundssonar gerði árið
1987. Sá flokkur reyndist bóla og lifði varla út kjörtíma-
bilið.
Veikleiki hinnar nýju stjórnmálahreyfingar er marg-
þættur. Helstu vandkvæðin eru þau að hreyfmguna og
foringjann skortir skýr stefnumið sem greina hana frá
öðrum flokkum og flokksbrotum vinstri manna.
Það skiptir líka máli að Jóhanna Sigurðardóttir er sjálf
augljóslega einfari á félagslegum vettvangi. Hún er ekki
geislandi stjómmálaforingi sem dregur til sín aðdáendur
og fylgismenn. Þess vegna mun henni veitast erfitt að
byggja upp varanleg stjórnmálasamtök.
í morgun hafði enn aðeins frést af þremur úrsögnum
úr Alþýðuflokknum Jóhönnu til stuðnings. Engin þeirra
skiptir máli. Engar vísbendingar eru um fjöldaúrsagnir
úr flokknum. Er þetta óneitanlega heldur neyðarlegt.
Styrkleiki Jóhönnu Sigurðardóttir er sú ímynd sem
menn hafa af henni sem heilsteyptri hugsjónakonu sem
stendur vörð um réttindi og kjör hinna efnaminni í þjóð-
félaginu. Það mun ef til vill nægja henni til árangurs í
næstu kosningum, en er eitt sér ekkert til að byggja á
th frambúðar.
Jóhanna hefur um langt árabh notið þeirra forréttinda
að fá að helga sig þröngum en þýðingarmiklum mála-
flokki. Menn vita hvar þeir hafa hana þegar ýmis félags-
leg málefni eru til úrlausnar. En á flestum öðrum sviðum
stjómmálanna er hún lokuð bók.
Jóhanna Sigurðardóttir hefur ekki lent 1 því eins og
margir aðrir stjómmálamenn að sitja undir ásökunum
um spilhngu og misnotkun á póhtísku valdi. Það er vafa-
laust ein ástæðan fyrir vinsældum hennar. En hún hefur
verið undarlega þögul þegar spjótin hafa staðið að henn-
ar gamla flokki.
Athyglisvert er að nánustu samverkamenn Jóhönnu
í hinni nýju hreyfmgu em helstu málsvar^r Guðmundar
Árna Stefánssonar sem sætir óvenjuharðri gagnrýni inn-
an flokks sem utan fyrir valdbhndu. í gagnrýninni á
embættisverk hans felst greinilega krafa um siðbót í
stjómmálum. Fróðlegt verður að fylgjast með því hvort
Jóhanna leiði þau mál hjá sér.
Jóhanna hefur í sumar átt viðræður við forystumenn
Alþýðubandalags og Kvennahsta. Það vekur upp spurn-
ingar um það í hverju ágreiningur hennar við þá flokka
fehst. Standa þeir henni ef th vih nær en Alþýðuflokkur-
inn?
Upplausn og flokkadrættir einkenna vinstri væng ís-
lenskra stjórnmála um þessar mundir. Hvorki fleiri né
færri en átta skipulögð stjórnmálasamtök hafa haft það
að markmiði að sameina svokahaða félagshyggjumenn.
Auk Alþýðuflokks og Alþýðubandalags em þetta Félag
fijálslyndra jafnaðarmanna, Birting, Framsýn, Jafnaðar-
mannafélag íslands, Nýr vettvangur og Félag um Reykja-
víkurhsta.
Hreyfing Jóhönnu Sigurðardóttur er níundu samtökin
sem boða samfylkingu félagshyggjumanna. Þeim sem
utan þessara fylkinga standa er óskhjanlegt hvernig auk-
in sundmng getur stuðlað að sameiningu.
Guðmundur Magnússon
„Þegar gerð þessara níu kilómetra jarðganga lýkur verða byggðarlögin sitt hvorum megin við Botns- og
Breiðadalsheiði orðin ein samgöriguleg heild.“
Betri vegir
auka arðsemi
Hægt en örugglega miðar upp-
byggingu veganna um landið. Ný-
lega lauk lagningu bundins sbtlags
á veginum milli Reykjavíkur og
Akureyrar. Ástæða er til þess að
rifja upp þá stórkostlegu áfanga
sem eru að nást víða annars stað-
ar, ekki síst í kjölfar fram-
kvæmdaátaks ríkisstjórnarinnar
sem mun skila eitthvað á þriðja
milljarð króna aukalega til vega-
framkvæmda. Það munar vissu-
lega um minna.
Vestfirðir hafa löngum staðið
höllum fæti hvaö samgöngur varð-
ar. Aðstæður til vegagerðar eru
erfiðar og kostnaður því mikill
samfara slíkri uppbyggingu.
Ferðamenn sem vitja Vestfjarða
dást hins vegar margir að því
hversu mikið og hratt hefur miðað
við vegagerðina. Það eru vissulega
orð að sönnu.
Vestfjarðagöng og vegurinn
um Hálfdán
Vitaskuld ber Vestfjarðagöngin
langsamlega hæst að þessu leyti.
Þegar gerð þessara níu kílómetra
jaröganga lýkur verða byggðarlög-
in sitt hvorum mégin við Botns- og
Breiðadalsheiði orðin ein sam-
gönguleg heild. Hið glæsilega
mannvirki, Dýrafjarðarbrú, hefur
þegar skapað alveg ný viðhorf. Þá
hafa stórhuga framkvæmdir á Ós-
hlíð gjörbreytt til batnaðar vegin-
um á milli Bolungarvíkur og Isa-
fjarðar. Draumurinn um „Vestur-
borg“, sem talinn var óraunhæfur
fyrir röskum áratug, er því að ræt-
ast.
Sama máli gegnir um sunnan-
verða Vestfirði. Vegurinn um Hálf-
dán, á milli Tálknafjarðar og Bíldu-
dals, er glæsilegt mannvirki sem
tryggir öruggar vetrarsamgöngur á
milli þéttbýlisstaðanna í Vestur-
Barðastrandarsýslu.
KjaUarinn
Einar K. Guðfinnsson
alþingismaður Sjálfstæðis-
flokksins á Vestfjörðum.
Gjörbreytt búsetuskilyrði
Þessar samgönguframkvæmdir á
sunnanverðum og norðanverðum
Vestfjörðum eru smám saman að
gjörbreyta búsetuskilyrðunum. At-
vinnulífið á svæðinu er núna að
fara í gegnum mikla deiglu vegna
erfiðleika í sjávarútvegi. I því sam-
bandi er verið að ræða um sam-
starf og samruna fyrirtækja sem
óhugsandi hefði verið nema vegna
þess að vegakerflð hefur batnað.
Þannig eru fjárfestingar í sam-
göngumannvirkjum að sanna þýð-
ingu sína dag hvern um þessar
mundir og treysta undirstöður at-
vinnulífsins.
Þá laða einnig bættar samgöngur
að ferðamenn og auka þannig viö
atvinnustarfsemina með nýjum
hætti. Dæmi um það má fmna víða
á Vestfjörðum, svo sem í Stranda-
- sýslu, með stórbættu vegakerfi, eða
Vestur-BarðastrandarSýslu með
tilkomu nýja Baldurs.
Stór verkefni fram undan
Enn eru stórvirki fram undan.
Gilsfjarðarbrú er næsta stórverk-
efnið á Vestfjörðum í samvinnu við
Vestlendinga. Því ber mjög að
fagna. Miklar vegaframkvæmdir í
Strandasýslu hafa vitaskuld verið
liður í því að tengja norðurhluta
Vestfjarða og Strandir við aðalþjóð-
vegakerfi landsins. Áfram þarf að
halda á sömu braut og hyggja nú
að vegagerö í ísafjarðardjúpi. Vega-
gerð á Barðaströnd í sumar er til
marks um þann ásetning að leggja
áherslu á að greiða leið manna frá
þéttbýlisstöðunum í Vestur-Barða-
strandarsýslu að ferjuhöfninni á
Brjánslæk.
Þannig blasa verkefnin víða við
þó mikið hafi áunnist. En mikil-
vægt er að hafa í huga að skynsam-
leg uppbygging í vegamálum er
þjóðhagslega arðbær og skapar
möguleika á nýrri viðspyrnu í at-
vinnumálum, eins og dæmin sanna
frá Vestfjörðum.
Einar K. Guðfmnsson
„Þessar samgönguframkvæmdir á
sunnanverðum og norðanverðum
Vestfjörðum eru smám saman að gjör-
breyta búsetuskilyrðunum.“
Skoðanir annarra
Skattalagabreytingar
„Skattalagabreytingar síðustu ára hafa miðað að
þvi að gera skattkerfið einfalt og skilvirkt. Allar
breytingar, sem gera kerfið ílóknara og dýrara, þarf
aö réttlæta sérstaklega og þær þurfa að svara kostn-
aði. Það er rétt í prinsippinu að hafa sérstakt skatt-
þrep fyrir þá tekjuhæstu, sama hvaða vinnu þeir
stunda. Það á hins vegar ekki rétt á sér ef kostnaður-
inn verður meiri en tekjumar sem af því fást.“
Úr forystugrein Pressunnar 15. sept
Skrautleg stjórnarþátttaka
„Stjómarþátttaka Alþýðuflokksins er nú að
verða æði skrautleg og það Uggur í augum uppi að
allur þessi atgangur veikir ríkisstjórnina. Hlutskipti
Sjálfstæðisflokksins í þessu máli er athyglisvert.
Línan í þeim herbúðum er sú að vera afar hneykslaö-
ir á aðfórum kratanna og heilagir í framan. Þaö er
hins vegar deginum ljósara aö ábyrgð Sjálfstæðis-
flokksins í þessu máh er mikil pg hún minnkar ekk-
ert þótt persónu Guðmundar Árna Stefánssonar sé
fórnað í öllum sjónleiknum."
Úr forystugrein Tímans 17. sept
Tækifæri til sparnaðar
„í ályktun aðalfundarins (Landssamband kúa-
bænda, innsk. DV) er bent á að yfirvofandi innflutn-
ingur gerir kröfur til bænda og afurðastöðva um
hagræðingu og' verðlækkanir. Á síðastliönum þrem-
ur árum hafi flest stærri tækifæri til sparnaðar í
mjólkurvinnslu hins vegar verið ónotuð og æ ljósara
verið að tímaskeið hins verndaða og örugga um-
hverfis mjólkurframleiðslu og vinnslu heyri brátt
sögunni til og við því verði að bregðast."
Úr forystugrein Mbl. 18. sept