Þjóðviljinn - 18.12.1958, Síða 14
*Jf) — ÞJÓÐVILJINN — Fimmtudagur 18. desember 1958
Æskulýðssíðan
F ramhald af 5. siðu.
úr bænum. Þar sem Hafnar-
strætið éndar á brekkubrúninni,
stendur lítið og sérkennilegt
hús. Það vav heimili hins látna
völundar Guðmundar frá Mos-
dal. Hann var mikill hagleiks-
maður á tré og gerði marga á-
gæta gripi. Hann arfleiddi bæ-
inn að húsinu, með því skilyrði,
að þar yrði aðsetur byggðasafns.
Nú hefur verið horfið frá því
og húsið selt.
Við höldum á, leggjum leið
okkar upp Urðarveg og upp í
hlíðina fyrir ofan bæinn. Við
tyllum okkur á stein í Stórurð-
inni, þar sem ísfirðingar hafa
löngum iðkað skíðaíþróttina á
vetrum og þar sem mörg og
merkileg skíðamót hafa farið
fram.
Og nú skulum við líta yfir
fyrirheitna landið.
Bærinn liggur að mestu leyti
á fótlagaðri eyri, með langri
og boginni totu framúr tánni.
Totan heitir Suðurtangi og lok-
ar næstum firðinum á fjöru.
Þar sjáum við, fremst mann-
virkja, mikið hús úr steini.
Það var byggt sem flugskýli
fvrir sjóflugvélar en er nú not-
að sem fiskhús. Það er ekki að
spyrja að því.
Nokkru ofar er skipasmíða-
stöð Marzellíusar Bernharðs-
sonar. Fáir munu þeir útgerð-
arstaðir á íslandi, sem ekki
gera út bát byggðan hjá Marz-
ellíusi. Þar í kring standa
Neðstakaupstaðarhúsin, gömul
og virðuleg, flest fiskhús eða
vsrkstæði.
Þá tekur við hafnargarður-
inn nýi, mikil uppíylling innan
við stálþil og kostaði mikinn.
svi'ta og: margar krónur. A
uppfyllingunni stendur ný-
byggt íshús togarafélagsins ís-
firðings h.f. Við hafnarbakk-
ann liggur togari, önnur Borgin
nýkomin úr velheppnaðri veiði-
ferð á Nýfundnalandsmið.
Færiböndin ffytja karfann,
þennan dýrmæta fisk, upp á
bílana og í útréttar hendur
verkafólksins í frystihúsunum.
Skammt frá er vélsmiðjan Þór
og tankar olíufélaganna og þar
fyrir ofan byrjar stóratáin með
annarri rækjuverksmiðju bæj-
arins.
Þaðan, sem við sitjum, sjáum
við vítt og breitt yfir bæinn,
og við tökum eftir, að götuskip-
an er dálítið sérkennileg. Tvær
aðalgötur liggia niður eftir eyr-
inni sitt hvoru megin, Hafnar-
stræti og Fjarðarstræti. Síðan
ganga stuttar götur þvert yfir
éyrina og iengja saman aðal-
göturnar. Þarna í miðjum bæn-
um stand.a menntastofnanir
bæjarins, barnaskólinn og
gagnfræðaskólinn, og autt
svæði á milli. Á minum sokka-
bandsárum geisaði erfðastyrj-
öld milli nemenda í þessum
tveim skólum. í frímínútum
voru háðar harðar og lítt mann-
skæðar orrustUr á einskis-
mannslandi milli skólanna, og
skólastjórarnir, Hannibal Valdi-
marsson og Björn H. Jónsson,
stóðu við glugga sína sitt hvor-
um megin vígvallar og fylgdust
með framgöngu sinna manna
að hætti generála. „Niður með
gaggarana“, hrópuðu mjóróma
barnaskólanemar. „Niður með
barnarana', hrópuðu gaggararn-
ir á móti, flestir í mútum, og
sigu saman fylkingar. Um þá
frækilegu sigra, sem unnust af
báðt^m aðilum, mætti skvifa
bækur ekki ófrægri sögum fé-
lag’a Hendriks Ottóssohar af
„Gvendi Jóns og mér“.
Líklega er þarna ennþá víg-
völlur, ég veit það ekki, enda
orðinn algjör friðarsinni siðan
Jón Fóstri fór að ganga með
atómsprengjuna í skammbyssu-
vasanum.
Ofarlega á eyrinni, Fjarðar-
strætismegin, stendur stórt
hvítt hús. Það er eitt af þremur
frystihúsum bæjarins og þeirra
frægast. Það var bæjarfyrir-
tæki til skamms tíma, en um®-
áramót í fyrra samþykkti meiri-
hluti krata og framsóknar-
manna í bæjarstjórn að selja
það einstaklingum. Mörg undur
gerðust í sambandi við þessa
sölu. Eitt var það, að íhalds-
menn greiddu atkvæði á móti
sölunni. Annað var, að útgerð-
íarfyrirtæki; einu, sem þetta
sama íshúsfélag átti mikinn
hlut í, voru seldir hlutir í ís-
húsinu. Gagnkvæmara gat það
ekki orðið. Þriðia var, að tog-
arafélagi, sem átti að stofna,
voru seldir hlutir. Að því er
ég bezt veit, er enn ekki búið
að stofna togarafélagið.
Eitthvað heyrðist minnst á,
að hægri hendin hefði selt
þeirri vinstri, ekki veit ég.
Já, þeir eru miklir þjóðnýt-
.ingarmenn, kratarnir, og mikið
gera þeir af samvinnurekstri,
framsóknarmerm. Von að íhalds-
menn staðarins geri bæði sárt
og klæja, þegar svona er þjóf-
stolið stefnunni þeirra.
Hérna fyrir neðan eru ís-
firðingar að fylla upp með ösku
og mold grunna vík skammt
innan við eyrina. Þar á að
koma nýr íþróttavöllur, og
verður varla annað betra gert
við sorp bæjarins.
Hinum megin fjarðarins er
byrjað að ryðja spildum úr
hlíðinni niður í sjó. Á þeirri
uppfyllingu kemur flugvöllur,
og glaðir verða ísfirðingar þann
dag, sem fyrsta flugvélin lendir
þar.
Já, þetta er ísafjörður, bær-
inn við Pollinn. í þessum bæ
hafa fæðst margir vælandi
strákpattar, sem seinna komust
í röð duglegustu sjómanna þjóð-
arinnar. ísfirðingar eiga góða
sjómenn, sem og önnur sjávar-
þorp á Vestfjörðum. Þeir hafa
líka þurft þess með, því bar-
áttan um þorskinn er um leið
baráttan fyrir lífinu. Vestfirð-
ingar sækja nú líf sitt og til-
veru í veg fýrir brezka þjófa og
morðingja, sem stunda glæpi
sína undir vernd „sigurvegara
baráttunnar um Atlanzhafið'.
En það skulu hetjurnar frá
Kýpur og Keníu vita, að komi
þeir einhverntíma til ísafjarð-
ar, þá eiga þeir á hættu að
mæta venjulegum íslenzkum
sjómanni, sem hefur fengið sér
neðan í því í tilefni af landlegu.
Þeir gætu átt erfitt með á eftir
að standa upp og drekka skál
Filipusarbetu með viðeigandi
grátstaf í kverkunum af hrifn-
ingu.
Og nú bíða ísfirðingar eftir
því, að íslenzkir ráðamenn hafi
sig upp í að fylgja landhelgis-
málinu fram til sigurs, og láti
af að tvístíga eins og þeir séu
að gera í buxurnar af skrið-
dýrshætti fyrir ensku og ame-
rísku auðvaldi.
Þann dag, sem Bretar hverfa
úr íslenzkri fiskhelgi, munu ís-
firzkir sjómenn aftur líta á þá
sem jafningja, fyrr ekki.
ÞJOÐVILJANN
vantar böm til blaðburSai á
Kársnes, Laugames, Kvistbaga, Nýbýlaveg
Þjóðviljinn
Jólatorgsalan byrjuð
Seljum eins og að undanförnu mikið úrval af all3
konar jólaskrauti: — Mikið úrval af gerfiblómum,
blómakörfum, skálum og klossum, — Skreyttar
hríslur á leiði. — Einnig mikið af gerfiblómum í
gólfvasa.
Sendum um allt land.
Seljum í heildsölu til kaupfélaga og kaupmanna.
Gerið pantanir sem fyrst. — Sendum um hæí gegn
póstkröfu hvert á land sem er. — Fljót og góð af_
greiðsla. — Sími 16-9-90.
BLÓMA- 0G GRÆNMETISMABKAÐURINN,
Laugavegi 63.
Kærkomin nýjung fyrir Reykvíkinga
Bókhlaðan, Laugaveg 47
sendir með jólasveinum jólagjalir — keyptar í
verzlun vorri — heim til viðtakanda — kl. 2 til G
á aðfangadag.
Móttaka til klukkan 22 á laugardagskvöld.
Bókhlaðan, Laugaveg 47
Góð bók er bezta jélagjöfín
og bókin íæst hjá okkui
Ennfiemui mikið úrval af jólakortum, jólapappír,
jólamerkimiðum, jólalímböndum o. fl.
BÓKABÚÐ MÁLS 0G MENNINGAR
Skólavörðustíg 21. — Sími 1-50-55.