Þjóðviljinn - 13.11.1975, Blaðsíða 9
Fimmtudagur 13. nóvember 1975. ÞJÓÐVILJINN — SIÐA 9
Sextán þátttakendur á fræðslunámskeiði í Ölfusborgum
I byrjun síðustu viku hófst «
ölfusborgum hálfs mánaðar
námskeið á vegum Félags-
málaskóla alþýðu. Hámarks-
fjöldi þátttakenda á hverju
siíku námskeiði er tuttugu
manns/ en að þessu sinni tókst
ekki að fullskipa hópinn og
voru þátttakendur 16 talsins/
vtðs vegar að af landinu.
— Auðvitað þykir manni það
aumt að í verkalýðshreyfingu
með fjörutiuþúsund meðlimi,
skuli ekki fást tuttugu manns á
námskeið sem þetta, sagði
Bolli Thoroddsen skólastjóri er
hann var sóttur heim i ölfus-
borgir. — Við skrif uðum öllum
verkalýðsfélögum á landinu
bréf, þar sem við gáfum þeim
kost á að senda fulltrúa á nám-
skeiðin en ennþá er skilningur
þeirra ekki meiri. Ég held að
það sé ekki hægt að segja að
kostnaður við að senda mann
sé mikill og raunin er sú, að
litlu félögin utan af lands-
byggðinni eru duglegust við að
taka þátt i uppbyggjandi starfi
sem þessu, sagði Bolli.
Hér fer á eftir viðtal við
Bolla Thoroddsen og innan tið-
ar munu einnig birtast viðtöl
við nemendur á þessu nám-
skeiði Félagsmá laskóla
alþýðu.
„Verkalýösfélögin eru
allt of áhugalaus”
Bolli sagði að fyrirhugað væri
að byggja námskerfi skólans
upp i önnum og væri þetta i
annað sinn, sem hópur væri tek-
inn inn i fyrstu önn.Um mánaða-
mótin febrúar/mars verður
siðan kennt a.m.k. eitt nám-
skeið i annarri önninni og þá
með þátttakendum, sem þegar
hafa setið i fyrstu önn. Ennþá
mun ekki ákveðið hvenær þriðja
önn tekur við.
— Hvernig veljast þátttak-
endur á námskeiðin?
Menningar- og fræðslusam-
band alþýðu, sem stendur aö
Félagsmálaskólanum, sendir
bréf til allra verkalýðsfélaga
þar sem gefnar eru nákvæmar
upplýsingar um tilhögun og
uppbyggingu námsins hér.
Félögin eru hátt á annað hundr-
að og mega að sjálfsögðu senda
fleiri en einn ef þess er óskað.
Við fjölgum námskeiðum ein-
faldlega eftir þátttökunni og
sjálfur vonast ég til þess, að
ekki verði langt að biða þess að
við störfum óslitið allt árið um
kring með kennslu i einni eða
annarri mynd.
— Hvernig skiptist kostnaður
við hálsmánaðar dvöl hér i ölf-
usborgum?
— Við gerum ráð fyrir þvi að
verkalýðsfélögin greiði ferðir og
uppihald fyrir fulltrúa sina auk
vinnutaps. Sjálfir leggjum við
til allan efniskostnað, kennslu-
gögn og leiðbeinendalaun. Skól-
inn leigir einnig nokkur orlofs-
Segir Bolli
Thoroddsen
námsstjóri
húsanna hér gegn mjög vægu
verði en sjálfur kennsluskálinn
er i eigu ASI og lánaður endur-
gjaldslaust. Ætli samtals
kostnaður fyrir verkalýðsfélag
sem sendir einn mann sé ekki
ca. 25.000 krónur til skólans og
það hlýtur að þykja ódýrt slopp-
ið.
Þátttakendur
víða að
— Þeir koma viða að þessir 16
þátttakendur.
— Já, það er rétt. Við höfum
átta þátttakendur frá Reykja-
vik, þrjá frá Vestfjörðum, einn
frá Grimsey, einn frá Akureyri,
tvo frá Samherja i V-Skafta-
fellssýslu og einn frá Hafnar-
firði. betta eru sex konur og tiu
karlar.
— Hefurðu hugmynd um hvað
veldur svo dræmri þátttöku?
— Ætli það sé ekki fyrst og
fremst vegna litils skilnings
meðal forystu verkalýösfélag-
anna. Það virðist vanta tengsl
eða betra samband milli
forystumanna og hins almenna
verkalýðsfélaga og ég er ekki
frá þvi, að menn geri sér of litla
grein fyrir þvi hve vanþekking
háir mörgum við að leita réttar
sins. Annars finnst mér að
smærri verkalýðsfélögin standi
sig betur en hin, sem hafa fleiri
meðlimi, jafnvel þótt þar sé
fjárhagurinnoftknappastur. Þar
virðist skilningurinn meiri og
t.d. má nefna að á þessi tvö
námskeið, sem víð höfum haldiö
hér i ölfusborgum hefur Sam-
herji sent fjóra þátttakendur.
Allt sem tengist
verkalýðsmálum
— Um hvað er helst fjallað i
kennslunni?
— Það er m.a. rætt um skipu-
lagningu íslenskrar verkalýðs-
hreyfingar og Alþýðusambands
Islands, fjallað um starfsemi
einstakra félaga, fjármál þeirra
og rekstur. Þá er komið inn á
Alþjóðasambönd og stofnanir og
tengsl þeirra við ASI, rakin
saga islenskrar verkalýðshreyf-
ingar, rætt um fræðslumál inn-
an verkalýðshreyfingarinnar,
farið i vinnulöggjöfina, heil-
brigði og öryggi á vinnustað,
trúnaðarmanna á vinnustað og i
verkalýðshreyfingunni og fleira
i þeim dúr. Einnig er fjallað um
ágrip af hagnýtri hagfræði,
samningamál og samninga-
tækni og áhrif hreyfingarinnar á
islensk stjórnmál og félags-
málaþróun i landinu. Við tökum
sem sagt allt fyrir, sem tengist
á einhvern hátt hagsmuna-
baráttu og sögu verkalýös á Is-
landi.
— Það er strangur vinnudag-
ur hér.
— Já, við byrjum klukkan níu
á hverjum morgni með þvi að
hlusta á erindi um þann mála-
flokk, sem tekinn verður fyrir
þann daginn. Eftir hádegi er
siðan unnið i smærri starfshóp-
um að einhvers konar athugun
eða úttekt á málinu og að loknu
kaffihléi hittast menn aftur allir
og bera saman bækur sinar.
Starfshópar segja frá niðurstöð-
um sinum og við reynum að
hafa þann fund með nokkuð
formföstu málfundasniði, þvi
reynt er að flétta inn i kennsluna
daglega einhvers konar fræðslu
um fundarstörf og ræðu-
mennsku.
Kvöldin eru
líka nýtt
— Þá eru kvöldin laus.
— Fyrir þá sem vilja eru þau
það að hluta til. Við höfum að
meðaltali annað hvert kvöld
einhvers konar dagskrá, mynd-
listarsýning er t.a.m. hér uppi
i skálanum og Hjör-
leifur Sigurðsson hjá Lista-
safni alþýðu flutti með þvi smá
spjall og fékk upp umræður um
málverkin. Svava Jakobsdóttir
kom hingað og las úr sögum sin-
um og einnig höfum við kvik-
myndakvöld sem að þessu sinni
verður undir stjórn Þorsteins
Jónssonar kvikmyndatöku-
manns. Siðasta kvöldinu er eytt
i kvöldvöku, sem fólkið sér um
sjálft. Annars má segja að það
taki sér enginn fri á kvöldin;
menn eru að ræða málin fram
og til baka og félagsmála-
kennslan er oft tekin upp þegar
degi tekur að halla.
Við fengum ábendingu um
það á fyrra námskeiðinu, að rétt
væri að hafa kröftuga kennslu i
málfundastarfi og ræðu-
mennsku og við þykjumst hafa
kippt þeirri veilu hraustlega i
liðinn, þetta er rauður þráður
gegnum alla dvölina hér.
— Er*u ánægður með þennan
hóp?
— Svo sannarlega. Þetta er
liflegur flokkur og andrúmsloft-
ið að minu viti afar þægilegt og
gott. Menn eru reiðubúnir til að
leggja mikið á sig við námið, en
gera sér þó- að þvi er virðist
góða grein fyrir þvi, að mestan
fróðleik er e.t.v. að hafa út úr
þvi að kynnast og ræða málin.
Hér er fólk úr öllum landshorn-
um qg kynning eflist þannig
milli ólikra staða og aðstæðna.
Ég held að það sé mikilvægur
þáttur i starfinu hér.
— Hvað eru leiðbeinendur
margir fyrir þessa nemendur?
— Mér reiknast svo til að
samtals verði þeir 22 á þessu
námskeiði. þ.e.a.s. mun fleiri en
nemendurnir. Við reynum að
sækja þá inn i okkar raðir eins
og frekast er unnt og er ágætt
framboð leiðbeinenda i röðum
verkalýðshreyfingarinnar.
—gsp
ÞETTA ER ÓMETANLEGUR ÞÁTTUR í FRAMGANGI
HAGSMUNAMÁLA VERKAFÓLKS - SEGJA ÞÁTTTAKENDUR