Þjóðviljinn - 17.06.1976, Blaðsíða 7
Fimmtudagur 17. júni 1976 ÞJOÐVILJINN — SÍÐA 7
18. þ.m. hefst í Reykja-
vík hin samnorræna tón-
listarhátíð Norrænir
músikdagar, og stendur
hún til 24. þ.m. Sú hátíð#
sem nú stendur fyrir dyr-
um, er hinn 23. í röðinni og
sú þriðja sem haldin er í
Reykjavík. Fyrir Norræn-
um múslkdögum stendur
Norræna tónskáldaráðið,
en forseti þess er nú Atli
Heimir Sveinsson. Á hátíð-
inni verða að þessu sinni
flutt sjö dönsk tónverk,
ellefu sænsk, tíu norsk, tiu
finnsk, ellefu islensk og
átta kanadísk.
Norræna tónskáldaráðið er
samband tónskáldafélaganna á
Norðurlöndum. bað var stofnað
skömmu eftir siðari heimsstyrj-
öld og var Jón Leifs tónskáld einn
helsti hvatamaðurinn að stofnun
þess. t ráðinu eiga sæti tiu full-
trúar, tveir frá hverju landi. Nor-
rænir músikdagar eru haldnir
annað hvert ár, til skiptis i höfuð-
borgum Norðurlanda og eru þeir
þvi hér á landi á tiu ára fresti.
bað land, sem heldur músikdag-
ana hverju sinni hefur forsæti i
ráðinu og er þvi forseti þess nú
Atli Heimir Sveinsson, sem er
formaður Tónskáldafélags ís-
lands.
Einn elsti þáttur nor-
rænnar menningarsam-
vinnu.
Norrænir músikdagar eru einn
elsti þáttur norrænnar
menningarsamvinnu, en fyrsta
norræna tónlistarhátiðin var
haldin i Kaupmannahöfn 1888.
1954 voru Norrænir músikdagar
haldnir hér i fyrsta sinn og var sá
óþreytandi menningarfrömuður
Ragnar Jónsson framkvæmda-
stjóri þeirrar hátiðar. Næst voru
Norrænir músikdagar haldnir
hérlendis 1967 og var borkell
Sigurbjörnsson þá framkvæmda-
stjóri þeirra.
Á Norrænum músikdögum hef-
ur jafnan verið flutt sú samtima-
tónlist, sem hæst hefur borið á
Norðurlöndum á hverjum tima,
þvi þeim er ætlað að vera spegil-
mynd tónsköpunar nútimans. 1
hverju landi eru dómnefndir skip-
aðar af tónskáldafélögunum, er
velja úr innsendum verkum eftir
vissum reglum. Siðan kemur
saman samnorræn dómnefnd,
skipuð einum fulltrúa frá hverju
landi, og velur hún dagskrána
endanlega. Formaður hinnar
samnorrænu dómnefndar var i
þetta sinn borkell Sigurbjörns-
son.
Á Norrænum músikdögum
verða nú haldnir ellefu tónleikar,
á sex stöðum i Reykjavik, en einir
tónleikar verða haldnir á Bifröst i
Borgarfirði. Alls verða flutt 59
tónverk eftir 57 núlifandi höf-
unda, einn höfundur er látinn,
einn á tvö verk á hátiöinni. Höf-
undar eru á ýmsum aldri, korn-
ung tónskáld ásamt með eldri
höfundum og þekktari.
Tónleikur eftir Gunnar
Reyni og Sigurð Pálsson.
bað nýmæli var upp tekið á
seinustu Norrænum músikdög-
um, sem haldnir voru i Kaup-
mannahöfn 1974, að Norræni
menningarsjóðurinn pantaði ný
verk er frumflutt skyldu á hátið-
inni. 1 það sinn voru pöntuð fimm
verk, eitt frá hverju Norðuland-
anna, er fjalla skyldu um „músik
fyrir börn og um börn.” Með
þessu var ætlunin að gera nokkra
úttekt á stöðu nútimatónskálda og
hlutverki þeirra innan hinna
ýmsu þátta tónlistarlifsins. Fyrir
hönd Islands samdi Jón Asgeirs-
son verkið ,,A hinni rimlausu
skeggöld”, sem barnakór danska
útvarpsins flutti við það tækifæri.
Nú hefur verið haldið áfram sömu
stefnu, og fimm tónskáld hafa
skrifað verk sérstaklega til frum-
flutnings á Norrænu músikdögun-
um. Að þessu sinni er þemað
„múslk fyrir áhugafólk.”
Þriðju Norrœnu músikdagarnir í Reykjavik
Blóminn úr samtíma-
tónlist á Norðurlöndum
Atli Heimir Sveinsson
bessi fimm tónverk eru: Reh-
bah-beil, sem finnska tónskáldið
Jukka Tiensu hefur samið fyrir
nemendahljómsveit Tónlistar-
skólans i Reykjavik, stjórnandi
Marteinn Friðriksson, Arstids-
stycken eftir sviann Lennart Hed-
wall, samið fyrir Kór Mennta-
skólans i Hamrahlið, stjórnandi
borgerður Ingólfsdóttir,
Samesiidat cSv, samið af norð-
manninum John Persen fyrir
Karlakór Reykjavikur, stjórn-
andi Páll P. Pálsson, Salmen
1976 samið af danska tónskáldinu
Helmer Nörgárd fyrir Kirkjukór
Háteigssóknar, stjórnandi Mart-
einn Friðriksson og Undir suð-
vesturhimni, tónleikur með tón-
list og söngtextum eftir Gunnar
Reyni' Sveinsson, samið fyrir
nemendur i Leiklistarskóla Is-
lands. Er þetta langviðamesta
verkið sem flutt verður á hátið-
inni þar sem inn i það er fléttað
leikverki, svo að i rauninni er á
ferðinni bæði tónleikar og leik-
sýning. Af þvi hefur verið ákveð-
ið að flokka verkið sem „tón-
leik.” Leikverkið er eftir Sigurð
Pálsson og hefur hann auk þess
samið einn söngtexta og annar er
eftir Bólu-Hjálmar, en hinir eftir
Gunnar Reyni sem áður segir.
Flutningur Undir suðvesturhimni
tekur tvo tima, vettvangur verks-
ins er Reykjavik, lifið þar,
draumar og atvik, sem gerast i
dag eða fara kannski að gerast,
eins og Atli Heimir orðaði það á
blaðamannafundi. Leikstjóri er
Sigurður Pálsson og tónstjóri
Gunnar Reynir Sveinsson.
Lappneskt tónskáld og
kanadamenn
John Persen er sami eða lappi
og er verk hans, Samesiidat,
byggt á samskri alþýðusönglist,
svokölluðu jojki. betta er i fyrsta
sinn sem erlend tónskáld semja
sérstaklega fyrir islenska áhuga-
hópa. bessi fimm verk verða flutt
á tónleikum 19. og 20. júni og 21.
júni verður umræða um þau með
þátttöku flytjenda og höfunda.
Annað nýmæli, sem var tekið
upp i Kaupmannahöfn 1974 var að
bjóða einu landi utan Norður-
landa að taka þátt i hátiðinni. bá
var pólskum tónlistarmönnum
boðið og heppnaðist það mjög vel,
enda hefur pólsk nútimatónlist
hlotið miklar vinsældir erlendis.
Að þessu sinni munu kanada-
menn taka þátt i Norræn-
um músikdögum. Kemur hingað
um það bil 20 manna hópur frá
New Music Ensamble i Toronto
undir forustu flautusnillingsins
Robert Aitkin flautuleikari
Roberts Aitkin, sem er islending-
um þegar að góðu kunnur, hefur
oft haldið hér tónleika og ieikið
einleik með Sinfóniuhljómsveit
Islands. Einnig hefur Robert Ait-
kin leikið verk eftir islensk tón-
skáld, þar á meðal Flautukonsert
Atla Heimis Sveinssonar, sem
hann fékk tónskáldaverðlaun
Norðurlandaráðs fyrir á þessu
ári. New Music Ensamble heldur
tvenna tónleika dagana 20: og 2L
júni á Kjarvalsstöðum og flytur
bæði norræn og kanadisk verk,
þar á meðal Sólstöður eftir bor-
kel Sigurbjörnsson, og er þar
um frumflutning verksins að
ræða. Meðal annarra verka, sem
kanadamennirnir flytja, verður
Det hemmelige evangeliet eftir
Olav Anton Thommesen, eitt efni-
legasta tónskáld norðmanna,
byggt á gömlum bibliutexta, sem
-ekki mun hafa komið fyr.ir al-
menningssjónir.
Ein umfangsmesta
tónlistarhátið hér á landi.
Norrænu músikdagarnir eru
ein umfangsmesta tónlistarhátið,
sem haldin hefur verið á Islandi.
Hátt á fimmta hundrað tónlistar-
manna, bæði áhuga- og atvinnu-
fólk, kemur fram á hátiðinni. Sin-
fóniuhljómsv'. itslands mun halda
tvenna tónleika undir stjórn
Karstens Andersen og Páls P.
Pálssonar, og með henni munu
koma fram fimm einleikarar, allt
mjög þekktir snillingar á sinu
sviði, básúnuleikarinn Christer
Torgé frá Sviþjóð, flautuleikarinn
Gunilla von Bahr, söngkonan
Ilona Maros, harmonikkuleikar-
inn Mogens Ellegárd og fiðluleik-
arinn Einar G. Sveinbjörnsson,
konsertmeistari i Malmö. Auk
Sinfóniuhljónsveitarinnar
koma fram tvær hljómsveitir
aðrar: Kammersveit Reykja-
vikur og Nemendahljómsveit
Tónlistarskólans. Alls munu sjö
kórar koma fram á hátiðinni,
þessir: Karlakór Reykjavikur
undir stjórn Páis P. Pálssonar,
Kór Menntaskólans við Hamra-
hlið undir stjórn borgerðar Ing-
ólfsdóttur, Kirkjukór Háteigs-
sóknar undir stjórn Marteins
Hunger Friðrikssonar, Kirkjukór
Langholtssóknar undir sjórn Jóns
Stefánssonar, Kór Tónlistarskól-
ans i Reykjavik undir stjórn
Marteins Friðrikssonar, Kór
Söngskólans i Reykjavik undir
sjórn Garðars Cortes og Passiu-
kór Akureyrar undir stjórn Roars
Kvam. Er þetta i fyrsta sinn sem
islenskir tónlistarmenn utan
Reykjavikur taka þátt i Norræn-
um músikdögum.
Ellefu íslensk verk
Sem fyrr segir eru islensku
verkin, sem flutt verða, ellefu að
tölu og verða sérstakir aukatón-
leikar með islenskri tónlist ein-
göngu. beir verða haldnir á Bif-
röst i Borgarfirði miðvikudaginn
23. júni. Islensku verkin eru
þessi: Icall it - fyrir altrödd og
kammersveit, eftir Atla Heimi
Sveinsson, Einleitung und funf
Galgenlieder - fyrir sópran og
kammersveit, eftir Herbert Á.
Agústsson,Undir suðvésturhimni
eftir Gunnar Reyni Sveinsson,
Sólstöður - fyrir þrjá söngvara,
flautu, marimba og kontrabassa,
eftir borkel Sigurbjörnsson, Trió
fyrir fiðlu, selló og pianó eftir
Elias Daviðsson, brjú sönglög við
ljóð Hannesar Péturssonar eftir
Skúla Halldórsson, Dúó fyrir óbó
og klarinett eftir Fjölni Stefáns-
son, Strengjakvartett eftir Jónas
Tómasson, Kristallar - fyrir
kammersveit, eftir Pál P. Páls-
son, Experiment - fyrir
elektrónisk hljóð, eftir Hjálmar
Ragnarsson og Langnætti - fyrir
hljómsveit, eftir Jón Nordal.
Hefur vakið athygli út-
lendinga á islensku tónlist-
arlifi.
Sigurjón Jóhannsson hefur gert
sem merki hátiðarinnar plakat,
og er þar um að ræða mynd af
einskonar kentár, sem teiknuð er
á gamalt nótnablað. Hefur mynd
þessi þegar vakið athygli; til
dæmis hefur danskt blað um tón-
listarmál, Dansk musiktidskrift,
þegar birt hana sem forsiðu-
mynd. Atli Heimir Sveinsson gat
þess sérstaklega á blaðamanna-
fundi að Norrænir músikdagar
hefðu þegar skipt miklu máli
fyrir islenskt tónlistarlif. bvi að
hátið þessi hefði orðið til þess að
útlendingar fóru fyrst að festa
augun á okkar músiklifi.
Helstir þeirra aðila, sem lagt
hafa fram fé og fyrirgreiðslu
vegna Norrænna músikdaga að
þessu sinni eru: Norræni
Menningarsjóðurinn, Reykja-
vikurborg, menntamálaráðu-
neytiö, Tónlistarfélagið, Tón-
skáldasjóður Rikisútvarpsins,
Rikisútvarpið, STEF, Tónskálda-
félag Islands, Sinfóniuhljómsveit
tslands, Islensk tónverkamiðstöð,
Akureyrarbær, Norræna húsið.
kanadiska utanrikisráðuneytið
og tónskáldafélögin á Norður-
löndum.
Rétt er að geta þess að á vegum
Norrænu múslkdaganna verða
tvær sýningar á Undir suðvestur-
himni, báðar sunnudaginn 20.
júni, klukkan 13 og 17. En
Nemendaleikhúsið mun auk þess
hafa fjórar sýningar, og verða
þær: Mánudaginn 21.,fimmtudag-
inn 24., föstudaginn 25. og sunnu-
daginn 27. júni. Og hefjast
klukkan 21 alla dagana. Allar þær
sýningar verða i Lindarbæ.
-dþ.
AÐ LÆKKA
Sykur 1 kg. 125.—
í 50 kg. sekkjum 115.—
SÍÐASTIR TIL
AÐ HÆKKA
Dilkakjöt á gamla verðinu
Opið til 10 föstudaga
og 9-12 laugardaga
bi
m
SKEIFUNNI 15IISIMI 86566