Þjóðviljinn - 04.12.1980, Qupperneq 12
12 StÐA — ÞJÓÐVILJINN Fimmtudagur 4. desember 1980
Út er komið
fréttir i stuttu máli
Frá verölaunaafhendingu MS á skemmtikvöldi Samvinnu-
ferða/Landsýnar.
ískynning i EMMESS búðinni
1 tilefni 20 ára afmælis EMMESSISS stendur yfir fram á föstu-
dagskvöld isvika i MS búðinni að Laugavegi og eru þar kynntir
kl. 2—6 verðlaunaréttir úr uppskriftasamkeppni MS, svo og nýr
MS is: Valhnetuis.
143 uppskriftir bárust i keppnina og hlutu ferðaverlaun með
Samvinnuferðum /Landsýn þær Brynhildur Ingjaldsdóttir fyrir
„Skjól i skafrenningi”, 1. verðlaun, Margrét Þórðardóttir fyrir
„Orbrædda eplið”, 2. verðlaun og Pálheiður Einarsdóttir fyrir
"Bláberjayndi”, 3. verðlaun, en 4,—10 verðlaun voru 10 þús.
króna úttekt i Klakahöllinni.
r
Samkoma eldri Arnesinga
Arnesingafélagið efnir til samkomu fyrir eldri Arnesinga
laugardaginn 6. des. kl. 14 i Skagfirðingabúð að Siðumúla 35.
Arnesingakórinn syngur jólalög og fleiri lög. Einnig verður
upplestur og fleira til skemmtunar. Eldri Arnesingum verður
boðið upp á kaffiveitingar og aðrir Arnesingar eru hvattir til að
koma og kaupa veitingar á vægu verði. Bilaþjónusta verður fyrir
þá sem þess óska og eru þeir sem hyggjast nota sér þessa
þjónustu beðnir að hafa samband við Ólöfu Steinsdóttur i sima
32385 daginn fyrir skemmtunina og verða þeir þá sóttir heim og
ekið heim að skemmtun lokinni.
Það er von þeirra sem að þessari skemmtun standa, að eldri
Arnesingar á höfuöborgarsvæðinu, bæði féiagsbundnir og
ófélagsbundnir, taki þessari nýbreytni vel og fjölmenni á þessa
samkomu.
Föstudaginn 5. des. n.k. frumsýnir Leikfélag Neskaupstaðar
ieikritiö ANNAÐ HVERT KVÖLD eftir Francois Campaux.
Verkið, sem er gamanleikur, er þýtt og staðfært af Lofti
Guðmundssyni.
Leikarar eru 7,þau Guðmundur Bjarnason, Lilja Karlsdóttir,
Anna M. Jónsdóttir, Elin Guðmundsdóttir, Þröstur Rafnsson,
Svala Guðmundsdóttir og Ágúst Jónsson, leikstjóri er Magnús
Guðmundsson.
Leikfélag Neskaupstaðar var stofnað 1950 og er þetta 32. verk-
efni félagsins.
Úr sýningu Leikfélags Neskaupstðar.
,Annað hvért kvöld9 í Neskaupstað
Sýning Guðmundar framlengd
Sýning Guömundar Björgvinssonar að Kjarvalsstöðum hefur
verið framlengd um viku og mun standa út næstu helgi, fram á
sunnudagskvöld, 7. des.
Jólamarkaður kattavina
Kattavinafélag Islands opnar jólamarkað að Hallveigar-
stöðum á morgun, laugardaginn 6. desember, kl. 10 f.h.
A boöstólum verða m.a. heimabakaöar kökur. Allur ágóði
rennur til væntanlegrar húsbyggingar Kattavinafélagsins.
Myndmál Halldórs
Aðstandendur útgáfunnar, frá v.: Arni M. Björnsson, Pétur Halldórs-
son, Indriði G. Þorsteinsson, Fjóla Sigumdsdóttir, ekkja listamanns-
ins, og Reynir H. Jóhannsson. — Þeir Arni og Reynir eru eigendur
Prenthússins. Mynd: —gel—
Prenthúsið hefur gefið út bók
með myndum eftir Halldór
Pétursson. Er hér um að ræða
samantekt á því sem þessi fjöl-
hæfi listmálari fékkst við um
dagana, i uppsetningu Péturs,
sonar listamannsins. Texta ritar
Indriði G. Þorsteinsson.
Halldór Pétursson byrjaði
snemma að teikna og klippa út
myndir. Hann var ekki nema
þriggja ára gamall þegar lista-
maðurinn i honum sagði til sin, og
þaö meö góðum árangri, eins og
dæmi eru i þessari bók. Sjá má
og, aö mannlifið i Reykjavik
hefur haft mikil og eftirminnileg
áhrif á listamanninn, enda birtast
okkur margir kunnir borgarar
ljóslifandi á siðum bókarinnar.
Enda þótt listamannsauga
Halldórs Péturssonar væri næmt
á tilbrigði mannlífsins, eins og
það birtist i einstaklingum, sem
voru og eru frægir i þjóöfélaginu
á árunum fyrir strið og siðar, eru
ekki siður mikilverðar þær
myndir, sem birtar eru I bókinni
af atburðum og hreinum mynd-
verkum, þar sem hestar land og
menn fylla myndflötinn. Vegna
hæfileika Halldórs að muna fyrir-
myndir er i bókinni eflaust aö
finna fjölda mannamynda, sem
fyrirmyndirnar hafa ekki hug-
mynd um að hann hafi teiknað. 1
æsku átti Halldór heima við
Landakotstúnið, sem þá var
mikiö stærra en nú. Þar hafði
hann hesta fyrir augunum dag
hvern og það var eins og þessi
æskukynni hans af hestunum hafi
fylgt honum upp frá þvi.
Auðvitað var list Halldórs fjöl-
breytileg þótt þekktastur sé hann
fyrir gamanmyndir sinar. Hann
var einn af fremstu manria-
myndamálurum landsins, hann
lýsti bækur og sótti efnivið sinn I
þjóðsögur. Hann nam myndlist i
Danmörku og Bandarikjunum,
eins og fjölbreyttni verka hans
gefur til kynna en í bókinni er að
finna allt frá auglýsingateiknun
til málverka. Myndverkabók
Halldórs er frábrugöin likum
bókum, sem hér hafa komið út að
þvi leyti, að hún spannar ævisögu
hans I texta og myndverkum. A
fimmta hundraömynda eru i bók-
inni, fjölmargar I litum. Aftast er
að finna ágrip texta á ensku og
þýsku. —mhg
Sigurður Björgvinsson skrifar skattstjóranum á Hellu
Svar óskast um
„reiknuð laun”
Ekki veit ég hvaö hefur komið
fyrir pennavin minn, skattstjór-
ann d Hellu. Ég hefi ekki heyrt i
honum siöan á miöju siðastliðnu
sumri. Við höfum skrifast á
nokkuö reglulega mörg undan-
gengin ár. Reyndar átti hann
frumkvæðiö að þeim bréfaskrift-
um. Og hann var vanur aö taka
það fram i niðurlagi bréfa sinna,
að ég yrði að svara sér eigi siðar
en innan tiu daga, annars myndi
verra af hljótast. Fyrst hélt ég að
honum væri ekki alvara; hafði
aldrei kynnst svona áköfum bréf-
ritara. Og stundum var ég ekki
heima, þegarbréf hans bárust, og
varð þá of seinn að svara. Þá varö
pennavinur minn vondur, vitnaöi
ieinhverjarlagagreinar og hótaði
að beita mig fjársektum. — En
svo er annað, sem ég heldur ekki
skil, og það er, að hann svarar
aldrei minum bréfum, hvernig
sem ég bið. Kannski er það af þvi
að ég kann ekki að beita tilvitnun-
um i iög.
1 trúnaði sagt, þá datt mér I
hug, hvort þú gætir ekki hjálpað
mér, bent mér á einhverjar laga-
greinar, sem ég gæti notað á
hann, einhverjar virkilega krass-
andi. Gert hann hræddan. En svo
fékk ég bakþanka: rétt myndi
vera að draga það i lengstu lög að
beita menn hörðu, nema allt hafi
verið reynt til að fá sitt fram með
góðu. Kannski er pennavinur
minn hættur að stunda persónu-
legar bréfaskriftir; vill e.t.v.
fremur nota einhverja fjölmiðla.
Myndir þú, kæri Þjóðvilji, vilja
vera svo góður að bjóða vini mln-
um aö svara mér I háttvirtu blaði
yðar?
í þeirri von og trú, að þú getir
oröið við bón minni, læt ég fylgja
hér meö afrit af siöasta bréfi
minutil vinarminsd Hellu, en við
þvi bréfi hefi ég ennþá ekkert
svar fengið.
R/s Hafþór 65 gr. N, 9 gr V
4. sept. 1980 kl. 12.00
Herra skattstjóri.
Tilefni skrifa minna nú er bréf
sem mér barst, undirritað af
Báru Jónsdóttur fyrir yöar hönd,
dagsett 1. ágúst s.l..Þar er mér
tjáö, að breytingar nokkrar hafi
verið gerðar á skattframtali
minu. Þaðkom mér reyndar ekki
Siguröur Björgvinsson.
á óvart að eitthvað kynni að finn-
ast athugavert viö framtal mitt,
unnið i timahraki á siðustu stundu
og auk þess venju fremur vanda-
samt verk vegna nýorðinna
breytinga á bókhaldsformi land-
búnaðarskýrslu. Annars hafðiég i
aðra röndina hálfgaman af þessu
verkefni, og nefndar breytingar
fundust méryfirleitt bera vott um
nokkra skynsemi og stefna i rétt-
lætisátt— þómeð þeim fyrirvara,
aö við gefum okkur það, aö viö sé-
um sammála um að halda dfram
aðvera leiksoppar veröbólgunnar
og sættum okkur m.a. viö þær
hliöarverkanir hennar, að þjóð-
félag okkar breytist hrööum
skrefum i' pappirsþjóðfélag. Mér
sýnist t.d. — svona gróft reiknað
— að ef svo heldur fram sem
horfir þá verði svo komiö um
næstu aldamót, að þegar tindir
veröitil allir pappirar.sem snerta
framtöl bænda, þá þyki hæfilegt
aö senda hverjum bónda árlega
jafnþyngd hans af eyðublöðum og
tilheyrandifylgiskjölum. Og til að
vinna úr öllum þeim gögnum
veröur aö leggja af mörkum
mikla vinnu, varla minni en eitt
„mannár”, að ég nú ekki tali um,
hve mikil áhrif þetta umstang
hefir til atvinnuaukningar hjá
hinum ýmsu pappirsúrvinnslu-
stofnunum og stuðlar þar með aö
stórauknum þjóðartekjum og
bættum hagvexti.
En svo ég snúi mér bein t að efni
bréfs yðar frá 1. ágúst, þá má á
þvi skilja, að samkv. viömiðunar-
reglum rikisskattstjóra hafi verið
bætt inn á efnahagsreikning land-
búnaðarskýrslu minnar tiltekinni
upphæð i krónum og hún sett i linu
fyrirminusliðinn „reiknað endur-
gjald bónda”, og endanleg niður-
staöa lækkuð tilsvarandi (i þessu
tilfelli réttara sagt minustala
hækkuð, þ.e. rekstrartap hækkað
tilsvarandi).
Við þessa lagfæringu á land-
búnaðarskýrslu minni hefi ég
ekkert að athuga, tel hana þvert á
móti nauðsynlega, til þess aö rétt
niðurstaða fáist út úr skýrslunni.
Reyndar vissi ég upp á mig
skömmina að hafa ekki fært-inn
þessi „reiknuðu laun” sjálfur, en
taldi ekki saknæmt að sleppa þvi;
vissi að ykkur yrði ekki skota-
skuld úr þvi að lagfæra þetta, ef
þið telduð nauðsyn til bera; lék
auk þess forvitni á að sjá, hvernig
þið gerðuö þetta, án þess að ég
væri þar að trufla, og þó alveg
sérstaklega framhaldiö, þ.e. hvað
þið gerðuð viö niðurstöður þess-
arar landbúnaöarskýrslu. Mér
bauðnefnilega i grun, að þá kæmi
eitthvað nýstárlegt i ljós. Og svo
sannarlega gerðist það.
Sé framtalmittskoðaö, kemur i
ljós, að búið skilar engum vinnu-
launum, sýnir reyndar rekstrar-
tap, án þess aö laun séu tekin með
i dæmiö. En hvar finnið þið þá
plústölu fyrir laun af eigin at-
vinnurekstri til að setja á ein-
staklingsframtal mitt? (eöa konu
minnar, en það breytir engu um
eðli málsins). Jú, þaö er svo að
sjá sem þið dragið þessa tölu út úr
minustölu á landbúnaðarskýrslu.
Auðvitað mótmæli ég eindregið
þessháttar reikningskúnstum,
þær standast einfaldlega ekki
stærðfræðilega. En sé það hins-
vegar tilfellið, að eitthvað annað
liggi til grundvallar þessum gerö-
um ykkar, þá er ekki nema um
tvennt aö ræða; i fyrsta lagi — aö
þið takið sjálfir ekkert mark á
og/eöa teljið rangt þaö skýrslu-
form, sem þið sendið okkur bænd-
um til útfyllingar; eða i öðru lagi
— að verið sé aö væna mig um
skattsvik.
Herra skattstjóri! Ég vonast
eftir svari við þessu bréfi mlnu,
þar sem mér séu gefnar rök-
studdar skýringar á þessari
færslu ykkar á umræddum
„reiknuöum launum” inn á ein-
staklingsframtal okkar hjóna.
Virðingarfyllst,
Siguröur Björgvinsson
Neistastöðum, Villhr.