Þjóðviljinn - 15.10.1982, Side 10

14 StÐA — Föstudaeur 15. októh"- 1982
Samstarfsnefnd um flokkun kartaflna
Um miðjan síðasta mánuð skipaði Pálmi Jónsson, landbúnaðar-
ráðherra, samstarfsnefnd um mat og flokkun kartaflna og annarra
garðávaxta. Nefndin er skipuð sjö mönnum og er formaður hennar,
Agnar Guðnason blaðafulltrúi, skipaður af ráðherra.
Aðrir nefndarmenn eru: Axel Magnússon frá Búnaðarfélagi ís-
lands, Óli Valur Hansson frá Rannsóknarstofnun landbúnaðarins,
Gunnlaugur Björnsson frá Grænmetisverslun landbúnaðarins,
Jónas Bjarnason frá Neytendasamtökunum, Páll Guðbrandsson
frá Landsamtökum kartöflubænda og Einar Hallgrímsson frá Sam-
bandi garðyrkjubænda. Yfirmatsmaður garðávaxta, Edvald B.
Malmquist, á sæti á fundum nefndarinnar.
Á fundum sínum fram að þessu hefur nefndin einkum rætt um
flokkun og mat kartaflna. Hún mun leitast við að hafa sem víðtæk-
ast samstarf við framleiðendur og neytendur við gerð tillagna um
alla þætti er varða framleiðslu og sölu garðávaxta.
Markmið nefndarinnar er að stuðla að því að hér verði til sölu
nægilegt af góðum og fjölbreytilegum garðávöxtum og fram-
leiðendur leggi sitt af mörkum til þess að svo megi verða.
Nefndin styður þá ákvörðun landbúnaðarráðherra að ekki skuli
veita undanþágu frá stærðarmörkum á kartöflu/n í fyrsta flokki. Þá
er nefndin sammála um að taka upp Sérstakan úrvalsflokk af kart-
öflum. í þann flokk koma aðeins til greina algjörlega gallalausar,
bragðgóðar kartöflur.
-mhg
Skýrsla um fjárhagsstöðu borgarinnar
Ólafur Nilsson, endurskoðandi, hefur nú lokið úttekt á fjárhags-
stöðu Reykavíkurborgar við borgarstjórnarskiptin í maí s.l. Verð-
ur skýrsla Ólafs tekin fyrir á næsta fundi borgarráðs.
Ólafur Nielsson gerði sumarið 1978 úttekt á viðskilnaði borgars-
tjórnar 1974-1978, og í samþykkt borgarstjórnar um úttektina nú
segir að hún skuli gerð á nákvæmlega sama hátt: Sem kunnugt er
leiddi úttektin 1978 í ljós að vinstri meirihlutinn tók ekki við blóm-
legu búi eins og látið hafði verið í veðri vaka.
• ' -ÁI.
Háfœtt fé og lágfœtt
Hinn 17. júlí s. I. veitti Edinborgarháskóli Sigurgeiri Þor-
geirssyni, sérfræðingi hjá Rannsóknarstofnun landbúnaðarins,
doktorsgráðu fyrir ritgerð um vaxtarlífeðlisfræði og kjötgæði
sauðfjár. Nefnist ritgerðin á íslensku: Vöxtur og þroski skosks
Svarthöfðafjár og íslensks sauðfjár.
í Svarthöfðafénu var gerður samanburður á þrem stofnum, sem
ræktaðir höðfðu verið í rannsóknarskyni úr einni hjörð á 25 árum,
þannig, að á hverju ári voru valin í einn hópinn háfættustu lömbin, í
annan þau lágfættustu en hinn þriðji var óvalinn samanburðar-
hópur. f íslenska fénu voru bornir saman tveir hópar, háfættur og
lágfættur
Rannsóknarstofnun landbúnaðarins kostaði íslenska tilraunaféð
og alla vinnu við krufningar en naut til þess (að hluta), styrks frá
Vísindasjóði og frá Kelloggstofnuninni. Edinborgarháskóli veitti
höfundi samskortar fyrirgreiðslu við skoska hluta verkefnisins, auk
allrar aðstöðu við tölfræðilegt uppgjör.
Ritgerðin er 252 bls. í henni eru 76 töflur, 13 línurit og 11
ljósmyndasíður.
-mhg
Björg Einarsdóttir og Valgerður Kristjánssdóttir ritstjórar verks-
ins að vinnu við frágang þess.
Ritverkið Ljósmœður á íslandi komið út
Ljósmæður á íslandi, tveggja binda verk sem Ljósmæðrafélag
íslands gefur út er nú svo gott sem tilbúið til prentunar. Þar er
stéttartal allt frá árinu 1761 og til þessa dags, alls um 2 þús. ævi-
ágrip, og 60 ára saga Ljósmæðrafélags Islands sem Helga Þórar-
insdóttir hefur skrifað.
Ritstjórnar verksins eru þær Björg Einarsdóttir og Valgerður
Kristjánsdóttir, en vegna útkomu bókarinnar hafa þær í samráði við
Ljósmæðrafélag komið málum svo fyrir að almenningur geti lesið
handritin yfir í skrifstofu Ljósmæðrafélags að Hverfisgötu 68A.
Hún er opin frá kl. 13.30 til 18 alla virka daga.
Flugleiðir fá 34,4 miljón kr. ríkisstyrk
Gert er ráð fyrir að Flugleiðir h.f. fái 34.3 miijónir króna í
ríkisstyrk á árinu 1983 vegna erfiðrar samkeppnisaðstöðu á Norðu-
-Atlantshafsleiðinni og verður ríkissjóður að taka lán til þessarar
styrkveitingar.
—S. dór.
Barnaverndarnefnd Reykjavíkur og nokkrir starfsmenn Félagsmálastofnunar-
innar sem starfa í nánu samstarfi við nefndina. Ljósm.: eik.
Barnaverndar
nefnd
Reykjavíkur
50 ára
Kvöld- og helgarþjónusta
verður nú tekin upp á ný
Fyrstu íslensku heildarlögin um
barnavernd voru sett hér á
landi árið 1932, og eru því 50 ár
síðan, nú í ár. Núgildandi
barnaverndarlög eru frá árinu
1966 og eru barnaverndar-
yfírvöld tvenns konar, annars
vegar staðbundnar
barnaverndarnefndir og hins
vegar barnaverndarráð, sem er
áfrýjunar- og eftirlitsaðili sem
nær til landsins alls.
Barnaverndarnefnd
Reykjavíkur boðaði blaðamenn
á sinn fund í tilefni af 50 ára
afmæli nefndarinnar, 11.
október.
Kom þar fram að verkefni nefn-
darinnar eru fjölbreytt og yfirgrips-
mikil, en skiptast aðallega í þrennt:
Eftirlit, umsagnir og fóstur. Starfs-
menn Félagsmálastofnununar-
innar útbúa mál í hendur nefndar-
innar, ef ekki er hægt að leysa úr
þeim með samkomulagi. Það kom
því fram á blaðamannafundinum
að hér á landi er nánast óþekkt að
börn séu tekin með valdi af foreld-
rum sínum til að framfylgja ákvör-
ðunum um forræði barna við
skilnað, en slíkt er ekki óalgengt á
hinum Norðurlandanna. Þá kom
einnig fram að barnaverndarnefnd
er umsagnaraðili þegar barn er ætt-
leitt og hefur slíkum málum mjög
fjölgað með auknum ættleiðingum
barna frá fjarlægum heimshlutum.
Er talin nauðsyn að koma betra
skipulagi á þau mál en nú er og
samræma lög um þau á öllum
Norðurlöndunum.
Á blaðamannafundinum var for-
maður nefndarinnar, Dögg Páls-
dóttir, spurð að því hvort æskilegt
væri að skipa barnaverndarnefnd
pólitískt eins og nú er, þar sem
starfsmenn Félagsmálastofnunar-
innar undirbúa flest stærri mál í
hendur nefndarmanna. Svaraði
hún því til, að stjórnmála-
flokkarnir skipuðu oftast í nefn-
dina fólk sem hefði menntun eða
reynslu sem kæmi að gagni í starfi
sem þessu, og stjórnmál kæmu lítið
við sögu í starfsemi nefndarinnar
og samstarfi. Hins vegar kom fram
að þeirri hugmynd hefur verið
hreyft, að taka upp sérstakan
dómstól í stað Barnaverndarráðs
eins og er t.d. í Bretlandi.
Varðandi afskipti barnaverndar-
nefndar var spurt að því hvort hún
hefði aldrei gert athugasemdir við
stundatöflu og starfsemi skólanna í
borginni. Eins og öllum er kunn-
ugt, búa margir þeirra mjög illa að
nemendum með sundursiitnum
stundaskrám og óreglulegum
vinnuháttum, en nefndinni er ein-
mitt ætlað m.a. að hafa eftirlit með
„löngum vinnutíma, vökum eða
óreglulegum vinnuháttum" barna
eða ungmenna. Nefndin hefur ekki
gert athugasemdir við skóla hvað
þetta varðar.
í tilefni af afmælinu var gerð
samþykkt á fundi nefndarinnar
þann 11. október og hljóðar hún
þannig: Barnaverndarnefnd
Reykjavíkur beinir þeim ein-
dregnu tilmælum til félagsmálaráðs
og borgarstjórnar að komið verði á
kvöld- og helgarþjónustu hjá
fjölskyldudeild Félagsmála-
stofnunar Reykjavíkurborgar til að
sinna bráðavandamálum barna og
unglinga serti þarfnast tafarlausrar
aðstoðar. Ennfremur samþykkir
nefndin að beita sér fyrir því að
gerð verði könnun á högum barna
sem sett eru í vist eða fóstur til
lengri tíma og árangri af þessum
ráðstöfunum.
1 Barnaverndarnefnd Raykja-
víkur eiga stæti: Dögg Pálsdóttir,
formaður Hanna Johannessen,
Matthías Haraldsson, Þórhallur
Runólfsson, Áslaug Jóhannesdótt-
ir, Auður Þórhallsdóttir og Arna
Jónsdóttir.