Þjóðviljinn - 10.11.1982, Side 10

10 SÍÐA — ÞJÓÐVILJINN Miðvikudagur lO.nóvember 1982
Afmœliskveðja.
Innheímtuþjónusta
fyrir stofnanir,
fyrirtæki,
félagasamtök
og einstaklinga.
Lögheimtan h.f. hefur flutt skrifstofur sínar
í nytt og rúmgott húsnæði að
Laugavegi 97 i Reykjavik. sími: 27166.
Lögheimtanhf
Laugavegi 97,101 Reykjavík. sími 27166
íbúðir í verka
mannabústöðum
Stjórn verkamannabústaða í Hafnarfirði mun
á næstunni ráðstafa 8 íbúðum, sem eru í
smíðum að Víðivangi 1. íbúðirnar eru 2ja og
3ja herbergja.
Gert er ráð fyrir, að íbúðirnar verði tilbúnar til
afhendingar í okt.-nóv. 1983.
Umsækjendur þurfa að uppfylla skilyrði 47.
gr. 1. nr. 51/1980 til að koma til greina.
Umsóknareyðublöð liggja frammi á félags-
málaskrifstofunni, Strandgötu 6 og ber að
skilaumsóknum [Dangað eigi síðar en 1. des.
n.k.
Eldri umsóknir þarf að endurnýja.
Hafnarfirði, 9. nóv. 1982.
Stjórn verkamannabústaða
í Hafnarfirði.
Fóstrur -
þroskaþjálfar
Viljum ráða eftirtalda starfsmenn að dag-
heimilinu Víðivöllum í Hafnarfirði:
1. Deildarþroskaþjálfa á sérdeild fyrir
þroskaheft börn og þroskaþjálfa eða
fóstru.
2. Deildarfóstru á deild fyrir 2ja-6 ára börn.
Annað uppeldisfræðilega menntað fólk kem-
ur einnig til greina.
Athygli er vakin á rétti öryrkja til starfa sbr. 16.
gr. laga nr. 27 1970.
Upplýsingar um störfin veitir forstöðumaður,
Kristín Kvaran, í síma 53599.
Umsóknarfrestur er til 20. nóvember n.k.
Félagsmálastjórinn í Hafnarfirði.
Starfsmaður óskast
í hlutastarf
Prentsmiðja Þjóðviljans
óskar að ráða mann í hlutastarf við hrein-
gerningar, kaffiuppáhelling o.fl.
Ákvæðisvinna.
Upplýsingar gefur Jóhannes Harðarson í
síma 81333.
Marteinn Sívertsen
trésmíðameistari og kennari 70ára
Það var um vorið 1952 að við
Marteinn Sívertsen hittumst hér á
óbyggðu landi austan við borgina,
þar sem nú heitir Litlagerði, í ná-
munda við Bústaðakirkju. Við
höfðum ásamt fleirum notið
þeirrar náðar að vera úthlutað
Íóðum undir lítil íbúðarhús úr
hendi borgaryfirvalda. Lóðir okk-
ar Marteins lágu hlið við hlið, mín
nr. 5, en hans nr. 7. Þetta var á
árum Fjárhagsráðs, þegar allt efni
til íbúðarbygginga var skammtað
og ekki mátti skeika um einn rúm-
metra á stærð íbúðar frá því sem
yfirvöld ákváðu.
Við byggðum svo okkar hús og
höfum síðan búið hlið við hlið í sátt
og samlyndi á meðan það fyrirbæri
er nefnt er tfmi hefur ætt áfram eins
og veðhlaupahestur. Svo allt í einu
uppgötva ég að vinur minn ög sam-
ferðamaður Marteinn Sívertsen er
að verða sjötugur, á því er enginn
vafi. Hann er fæddur þann 10. nó-
vember 1912 að Sjávarborg í
Skagafirði og voru foreldrar hans
Sigurlaug Hannesdóttir, Halldórs-
sonar sjómanns í Skagafirði (fædd
7. des. 1886), síðar húsfreyja í
Hattardal íÁlftafirði N. ísafjarðar-
sýslu og Jón Sívertsen skólastjóri
Verslunarskóla íslands (f. 22. júlí
1889). En Jón var af þekktum
breiðfirskum ættum. Marteinn Sí-
vertsen ólst upp hjá móður sinni og
stjúpföður Hafliða Hjálmarssyni
frá Fremri Bakka í Langadal við
Djúp, en þau bjuggu lengst af í
Hattardal í Álftafirði. Frá Hattar-
dal lá leið Marteins til ísafjarðar
þar sem hann gekk í iðnskóla og
stundaði húsasmíðanám hjá
meistara og lauk sveinsprófi 1935.
Meistarapróf í húsasmíði tók hann
svo 1941. Marteinn tók kennara-
próf í handavinnu 1939 og próf í
verknámskennslu og teikningu frá
Handíðaskólanum í Reykjavík
1941. Þá stundaði hann nám í bygg-
ingarfræði við Stockholms tekn-
iska institut árið 1946. Marteinn Sí-
vertsen smíðaði með eigin höndum
hús sitt í Litlagerði, en auk þes hef-
ur hann smíðað fjölda húsa og
meðal þeirra eru skólahús með
kapellu á Drangsnesi við
Steingrímsfjörð 1943, íþróttahús
og rafstöðvarhús í Stykkishólmi
1945 og Grettislaug á Reykhólum
1946. Eitt af þeim síðustu húsum
sem Marteinn var byggingarmeist-
ari að er hús Máls og menningar að
Laugavegi 18 í Reykjavík. Árið
1951 hóf Marteinn kennslu í trésm-
íði við gagnfræðaskóla verknáms í
Reykjavík (Ármúlaskóla) og
kenndi þar þangað til skólanum var
breytt 1979. En jafnframt kenndi
hann líka síðustu árin við lista- og
handmenntaskor Kennarahá-
skólans, en hætti þar kennslu á sl.
vori. Á miðju kennslutímabili eða
1966-1967 tók Marteinn sér frí frá
kennslustörfum en kynnti sér þá
skólamál í Svíþjóð, Danmörku og
Noregi. Ég hef nú í stórum dráttum
farið yfir starfsferil Marteins vinar
míns, sem sýnir að hann hefur ver-
ið þarfur og mikilvægur þegn í okk-
ar samfélagi. Síðustu árin hefur
heilsa hann ekki verið sterk, en
þrátt fyrir það er hann alltaf jafn
brennandi í andanum, með ný
áhugamál er til þjóðþrifa horfa eins
og æskumaður sem horfir fram á
veginn og vill sóma okkar þjóðar
sem mestan á öllum sviðum.
Marteinn Sívertsen á einn son,
Grétar, sem er fæddur 25. október
1931 að Atlastöðum í Fljótavík.
Hann er húsasmíður í Reykjavík.
Þann 16. maí 1948 kvæntist
Marteinn Ástrúnu Petreu (f. 24.
marsl915). Hún er dóttir Jórunnar
Hannesdóttur frá Skíðastöðum í
Skagafirði og Jóns Sigfússonar sem
lengi var deildarstjóri við Kaupfé-
lag Skagfirðinga á Sauðárkróki og
margir kannast við í Skagafirði.
Bæði eru þau hjón Ástrún og Mar-
teinn gestrisin og njóta þess að
blanda geði við fólk. Það er líka
ánægjulegt að fá þau í heimsókn á
góðu kvöldi.
Eftir að Marteinn hætti kennslu,
þá hefur hann innréttað sér lítið
smíðaverkstæði í nokkrum hluta af
bílskúrnum heima hjá sér. Þar hef-
ur hann ýmsar vélar að vinna með
þegar heilsa hans leyfir það og
hann fær nýja hugmynd sem hann
langar að útfæra. Verkstæði þetta
svo lítið sem það er, ber vott um
sérstaka hugkvæmni og þar er
snyrtimennska allsráðandi. Mar-
teinn Sívertsen er bókamaður og
nýtur þess að lesa góðar bækur. Þá
er hann líka taflmaður góður og
koma ýmsir til hans og þreyta við
hann skák. Áhugamálin eru því
mörg þegar heilsan leyfir að þeim
sé sinnt.
Að síðustu óskum við Geir-
þrúður þessum elskulegu hjónum,
nábúum okkar, allrar blessunar í
tilefni af merkisafmæli Marteins
þann 10. nóvember 1982.
Lifið heil, góðu hjón.
Jóhann J.E. Kúld.
„Nainakall”
Fyrsta
sólóplata
Guðmundar
Ingólfssonar
djasspíanista
Guðmundur Ingólfsson, sá stórs-
njalli píanóleikari, hefur nú sent
frá sér sína fyrstu sólóplötu, djass-
unnendum til óblandinnar ánægju.
„Nafnakall" nefnist skífan og ekki
að ástæðulausu, þar eð Guðmundi
til undirleiks á plötunni er nafni
hans trommari Steingrímsson, en
Pálmi Gunnarsson sér um bassa-
leik. Á „Nafnakalli" eru lög cftir
Guðmund Ingólfsson, eitt íslenskt
þjóðlag og svo „alþjóðlegir djass-
standardar“.
Guðmundur Ingólfsson er nú
ráðinn hjá veitingahúsinu Nau-
stinu sem píanóleikari og leikur þar
alla daga bæði í hádeginu og á
kvöldin, og fær þá yfirleitt til liðs
við sig bróður sinn Gunnar á trom-
mur og Pálma Gunnarsson á bassa,
en þar að auki rekast inn hinir og
þessir valinkunnir gestir til að taka
þátt í að skemmta viðskiptavinum
Naustsins með góðri sveiflu.
Stækkun er nú fyrirhuguð á
Naustinu og rýmkast þá verulega
um hljóðfæraleikara og þá sem
vilja fá sér snúning, því að bætt
verður við „skipsskrokkinn á
Þcir Guðmundur Steingrímsson, Ingólfsson og Tómas Einarsson, bassa-
leikari Nýja kompanísins (náðist þó ekki á þessa mynd), gáfu blaðamönn-
um „sýnishorn“ af „Nafnakalli“ á blaðamannafundi í Naustinu í fyrradag.
Ljósm. - eik -
neðstu hæðinni og hann fra-
mlengdur með stefni í sama stíl og
gamla innréttingin.
Guðmundarnir Ingólfsson og
Steingrímsson ásamt Pálma Gunn-
arssyni fara 19. þessa mánaðar í 10
daga hljómleikaferð til Lúxem-
borgar en á meðan munu skemmta
gestum Naustsins þeir Jónas Þórir
hlj.ómborðsleikari og Graham
Smith fiðluleikari.
A.