Þjóðviljinn - 03.02.1983, Blaðsíða 2

2 SÍÐA — ÞJÓÐVILJINN . Fimmtudagur 3. febrúar 1983
Ritgerða-
samkeppni
• •
Oldrunar-
ráðs
Flensborgarnemi
hlutskarpastur
„Hvaða breytingar vilt þú gera
á kjörum aldraðra á íslandi áður
en þú verður 67 ára?“ hét rit-
gerðarverkefni, sem Öldrunar-
ráð íslands efndi til á tímabilinu
10. okt-10. nóv. meðal allra
fjölbrauta- og menntaskólanema
á sl. ári, en þá var ár aldraðra.
Sú skipan var höfð á, að skóla-
stjórnir voru beðnar að velja
þrjár bestu ritgerðirnar frá hverj-
um skóla og senda þær dómnefnd
öldrunarráðs, en hana skipuðu
Halldór Halldórsson, prófessor,
Runólfur Þórarinsson, fulltrúi og
Sigurður Magnússon, fulltrúi.
Nefndin lauk störfum hinn 12.
janúar sl. og urðu niðurstöður
hennar þær, að 1. verðlaun hlaut
Ragnar Gautur Steingrímsson,
nemandi í Flensborgarskóla í
Hafnarfirði, 2. verðlaun Edda
Guðbjörg Aradóttir, Mennta-
skólanum á Akureyri, og 3. verð-
laun Dagný Hcrmannsdóttir,
Kvennaskólanum í Reykjavík.
Ungmennin hlutu öll góða vinn-
inga: Ragnar Gautur fékk viku-
ferð til Puerto Rico á vegum
Flugleiða, Edda Guðbjörg fékk
Philips ferðahljómflutningssam-
stæðu og Dagný Sinclair-tölvu.
Skák
Sigraði sveit AMRO-Bank
Skáksveit Búnaðarbanka Is-
lands skipuð 10 starfsmönnum
bankans, sem flestir eiga það
einnig sammerkt að vera í hópi
sterkustu skákmanna þjóðarinn-
ar, hélt fyrir nokkru til Hollands
og háði þar keppni við skáksveit
hollcnska bankans AMRO-Bank.
Skáksveit þessa banka hafði fyrir
keppni við sveit Búnaðarbankans
ekki tapað í tvö ár, cnda skipuð
mörgum snjöllum skákmönnum.
Úr miklum mannskap er að velja,
þar sem starfsmenn eru um 60
þúsund.
Sveit Búnaðarbankans var
skipuð Jóni Hjartarsyni, Braga
Kristjánssyni, Jóni Kristinssyni,
Hilmari ÍCarlssyni, Guðmundi
Halldórssyni. Stefáni Þ.
Guðmundssyni, Guðjóni Jó-
hannssyni, Kristni Bjarnasyni,
Birni Sigurðssyni og Árna f>.
Kristjánssyni. I sveitina vantaði
einn sterkasta skákmann hennar,
Leif Jósteinsson.
Það hefur varla farið frant hjá
þeim sem með skákmálum hér á
landi fylgjast, að sveit Búnaðar-
bankans hefur verið nær ósigr-
andi í Skákkeppni stofnana, sem
haldin er á ári hverju og dregur til
sín flesta af sterkustu skák-
mönnum á höfuðborgarsvæðinu.
Fór svo, að mótstaða hollensku
kollega íslensku bankamannanna
varðlítil. Upphaflega vargert ráð
fyrir þrem umferðum, en eftir
tvær untferðir, þar sem teflt var á
10 borðum, var orðið ljóst að lok-
aniðurstöðunni yrði ekki breytt.
Þá hafði Búnaðarbankinn hlotið
ló'A vinning gegn Vh.
Keppnin fór fram helgina 22.
og 23. janúar, og þann tíma sem
ekki var teflt notuðu sveitarmeð-
limir til þess að heimsækja skák-
mótið í Wijk Aan Zee þar sem
Friðrik Ólafsson stóð í ströngu.
-hól.
Fyrsta alíslenska fuglabókin
Landvernd gefur út
Nú er komin á markaðinn ný
bók á íslenska tungu um fugla ís-
lands og jafnframt fyrsta alís-
lcnska bókin um fugla. Þetta er
áttunda rit Landverndar, og í það
skrifa greinar allir okkar fremstu
fræðimenn á sviði fuglafræði.
Það er gefið út í samvinnu við
Náttúruverndarráð. í bókinni er
sagt frá lifnaðarháttum fugla og
samskiptum þeirra við manninn.
Alls eru greinarnar sjö talsins, og
leitast höfundar þeirra við að
skipa efni fyrir á sem aðgengilcg-
astan hátt og þannig að það veki
forvitni lesenda.
Inngang bókarinnar, sem er
216 bls. að stærð, ritar Arnþór
Garðarsson, en aðrir sem skrifa í
bókina eru Ævar Petersen, en
hann skrifar um sjófugla, Agnar
Ingólfsson ritar um varginn,
kjóa, máva og skúma. Arnþór
Garðarsson ritar um andafugla
og aðra vatnafugla, Árni Waag
Hjálmarsson ritar um rjúpuna,
Kjartan G. Magnússon og Ólafur
K. Nikelsen um ránfugla og uglur
og Kristinn Haukur Skarphéðins-
son skrifar um spörfugla.
í bókinni eru fjöimargar mynd-
ir þ.á.m. litmyndir, atriðaorða-
skrá og margt tleira forvitnilegt
efni.
Þess má geta að Landvernd
hefur með þessari bók gefið út 8
bækur sem tengjast dýra- og nátt-
úrulífi íslands. Efni þessara bóka
hefur allt verið í sérfræðinga
höndum. Sjöunda bókin í þessum
flokki er tiltölulega nýútkomin,
og ber heitið Villt spendýr.
-hól.
Karpov að tafli - 90
I eftirfarandi stöðu er hugsanlega að
finna eina skýringu á þvi, að Karpov sigraði
ekki á Sovétmeistaramótinu 1973. Karpov
er með hvítt og missir af besta leiknum.
abcdefgh
Karpov - Rashkovski
Karpov lék 23. Rf3 og vann að loknum
54 leikjum eftir slælega vörn Rashkovskís.
Hann átti mun betri leik nefnilega: 23. Bxf5!
sem vinnur peð t.d. 23. - Bxf5 24. Hxb7
með myljandi hótunum eða 23. - gxf5 24.
Hg3+ o.s.frv.
Pétta Sovétmeistaramót, sennilega það
sterkasta sem haldið hefur verið, varð mik-
II sigur fyrir Boris Spasskí sem sýnilega
var á góöri leið með að ná sér upp úr þeirri
lægð sem hafði einkennt taflmennsku
hans eftir tapið fyrir Fischer. Spasski varð
einn í efsta sæti, hlaut 11 '/2 vinning. 12.-5.
sæti komu Karpov, Petrosjan, Kortsnoj,
Kusmin og Polugajefskí allir með 10V2
vinning.
Sigurskákir Spasskis voru margar hverj-
ar hreint stórglæsilegar, og fyrir vikið var
því nú spáö að í Áskorendaeinvigjunum
sem í hönd fóru myndi hann bera glæsi-
legan sigur úr býtum. Um likt leyti og Sov-
vétmeistaramótinu lauk var dregið í keppn-
inni. Spasskí skyldi mæta Robert Byrne,
Karpov Polugafefskí, Kortsnoj Henrique
Mecking og Petrosjan Lajos Portisch.
Skáksveit Búnaöarbankans gerir víðreist:
Fjörutíu
ár frá
Stalingrad-
orrustunni
Hin sigursæla skáksveit Búnaðarbankans. Efri röð frá vinstri: Jón Kristinsson, Guðmundur Halldórsson, Guðjón Jóhannsson, Bragi
Kristjánsson og Björn Sigurðsson. Neðri röð frá vinstri: Kristinn Bjarnason, Árni Þ. Kristjánsson, Jóhann Hjartarson og Hilmar Karlsson.
Kvikmynda-
sýningar MÍR:
í síðasta mánuði voru liðin 40
ár frá því sovéska hernum tókst
að rjúfa einangrun Leningrad-
borgar og vinna umtalsverðan
sigur á sveitum Þjóðverja sem
setið höfðu um borgina mánuð-
um saman. Um þessar mundir
eru einnig liðin fjörutíu ár frá lok-
um orrustunnar miklu um Stal-
ingrad, en 2. febrúar 1943 höfðu
þýsku hersveitirnar beðið alger-
an ósigur þar, réttum 10 árum
eftir valdatöku Hitlers og nasista
í Þýskalandi. Kvikmyndasýning-
ar í MÍR-salnum, Lindargötu 48,
í febrúarmánuði verða til-i
einkaðar þessum sögulegum at-
burðum og sýndar 4 heimildar-
kvikmyndir tengdar at-
burðunum.
Sunnudaginn 6. febrúar verður
sýnd myndin „900 dagar sem
aldrei gleymast“, en í henni er
rakin saga orrustunnar um Len-
ingrad. Sunnudaginn 13. febrúar
verður (að öllu forfallalausu)
sýnd kvikmyndin „Orrustan
mikla við Volgu“, sem fjallar um
orrustuna um Stalingrad 1942-
1943. Sunnudaginn 20. febrúar
verður sýnd mynd „Grenada,
Grenada“,, heimildarmynd
Romans um Spánarstyrjöldina
1936-1939, aðdraganda hennar
og endalok spænska lýðveldisins.
Sunnudaginn 27. febrúar verður
svo sýnd myndin „Venjulegur
fasismi“, víðfræg heimildarkvik-
mynd eftir Mikhaíl Romm um
uppgang fasismans á Ítalíu og
Þýskalandi. Allar kvikmyndasýn-
ingarnar hefjast kl. 16 á sunnu-
dögum. Þrjár af framangreindum
kvikmyndum eru gamlar. Mynd-
in um Stalingrad er ný og hafi hún
ekki borist til landsins í tæka tíð
verður sýnd hin fræga verðlauna-
mynd Larissu Shepitko „Seigla“,
sem sýnd var á kvikmyndahátíð í
Reykjavík fyrir nokkrum árum.
I tilefni 40 ára afmælis sigurs
sóveska hersins við Stalingrad
hefur verið sett upp í MÍR-
salnum lítil sýning á bókum og
ljósmyndum um styrjöldina. Sýn-
ingin verður opnuð á undan kvik-
myndasýningunni sunnudaginn
6. febrúar. Aðgangur að MÍR-
salnum er ókeypis og öllum
heimill.