Þjóðviljinn - 06.12.1983, Blaðsíða 7
Þriðjudagur 6. desember 1983 ÞJÖÐVILJINN r- SÍÐA 7
Helgi M. Guðjónsson: Fólk þarf líka að geta keypt í matinn.
Helgi M. Guðjónsson skrifar:
Enginn hjálpar
hciinilunuin
Á sama tíma og fólkinu í landinu
er sagt að herða sultarólina er verið
að leggja vegi, rækta beitilönd o.fl.
svo hægt sé að virkja Blöndu. Þessi
aukakostnaður nemur 237 miljóh-
um króna sem samsvarar 7,9% af
áætluðum virkjunarkostnaði sem
er um þrír miljarðar. Fyrir þennan
aukakostnað væri hægt að greiða
meira en tuttugu þúsund íslending-
um verkamannalaun í einn mánuð.
Þetta jafngildir fimm þúsund krón-
um á hverja fimm manna fjöl-
skyldu í landinu.
En fjármálaráðherrann vill eyða
meiru af almannafé. Hann talar um
það á Alþingi að taka þurfi „djarfar
ákvarðanir“ varðandi undirstöðu-
atvinnuveginn, sjávarútveginn.
Ráðherrann stakk upp á því „að
strika út með einu pennastriki allar
þær skuldir og kvaðir sem hvíla á
sjávarútveginum í opinberum sjóð-
um“. Auðvitað mundi þetta lenda
á skattborgunum, sem mér sýnist
að eigi nógu erfitt fyrir. Því ekki að
láta þá sem reka skipin borga
sjálfa? Ef þeir geta ekki borgað,
eiga þeir að fara á hausinn því að
þegar vel gengur gefa þeir ekki
neitt. Þetta eru í flestum tilfellum
sjálfstæðir atvinnurekendur sem
eiga að standa og falla með því sem
þeir eru að gera.
Hver hjálpar heimilunum í
landinu? Enginn. Þau verða að
standa á eigin fótum og fá engan
ríkisstyrk. Þau verða að borga allt
til baka sem þau fá lánað, sama þó
um litlar tekjur sé að ræða. Því
finnst mér enginn ábyrgur maður
geta talað eins og fjármálaráðherr-
ann gerði, meðan láglaunafólk hef-
ur ekki nema ellefu þúsund krónur
á mánuði og ekkert er gert til að
reyna að hjálpa því af þessari ríkis-
stjórn.
Það er undarlegt að þegar sagt er
að litlir peningar séu til í landinu er
verið að byggja utan um þá veglegt
hús sem nefnt er Seðlabankahús.
Hefur fólk hugsað út í það hvað
það kostar? Það liggur fyrir að 138
miljónum króna er þegar búið að
ráðstafa til þessarar byggingar og
fyrirhugað að ráðstafa á næsta ári.
Og þá verður samt mikið eftir
ógert.
Mér finnst tími til kominn að
launafólk fari að hugsa um aðgerð-
ir ríkisstjórnarinnar. Launin eru
ekki aðal verðbólguvaldurinn, það
hefur marg oft sýnt sig. Þegar
kaupgjaldsvísitala er tekin úr sam-
bandi þarf verðlag á matvörum að
vera stöðugt, en það rýkur upp úr
öllu valdi og enginn segir neitt. Nú
er kominn tími til að launafólk rísi
upp og fari að gera eitthvað.
Framsókn hugsar bara um Sam-
bandið og hvernig eigi að bjarga
bændum, sama hvort árferði er
gott eða ekki. Ekki stóð á að kart-
öflubændum væri hjálpað.
En nú er kominn tími til að þeim
sem minnst mega sín sé bjargað.
Það er góðra gjalda vert að lækka
vexti, en fólk þarf líka að geta
keypt í matinn.
Listasafn íslands 100 ára 1984
Flutt í nýja húsið 1986?
Vilyrði frá
ríkisstjórninni
um 36 miljónir
á næstu
þremur árum
Ragnhildur Helgadóttir,
menntamálaáðherra lýsti því
yfir í gær að ríkisstjórnin
hefði samþykkt að stefna að
því að tryggja Listasafni ís-
lands byggingafé, þannig að
nýbyggingu safnsins við
Fríkirkjuveg verði lokið á ár-
inu 1986. Ragnhildur sagði
að þessi samþykkt, sem þýð-
ir samtals 30 miljón króna
fjárveitingu á árinu 1985 og
1986, væri vissuiega háð
skilyrðum, en sjálf vildi hún
vera bjartsýn á að sá lang-
þráði draumur rætist 1986 að
Listasafnið flytji í eigið hús-
næði.
Á fjárlögum 1984 er gert ráð
fyrir 6 miljónum króna til bygging-
arinnar, en fjármögnun hennar
stendur nú á tímamótum. Húsnæð-
ið er nú að fullu uppsteypt og í
tilefni þess, svo og 100 ára afmælis
safnsins í október á næsta ári bauð
bygginganefnd og safnstjórn blað-
amönnum í gær að skoða húsnæð-
ið. Byggingin hefur að 90 hundr-
aðshlutum verið fjármögnuð með
gjöfum einstaklinga, en gjafaféð er
nú uppurið, og þökkuðu þau Guð-
mundur G. Þórarinsson, formaður
bygginganefndar og dr. Selma
Jónsdóttir forstöðumaður safnsins
yfirlýsingu menntamálaráðherra.
100 ára afmæli
Listasafn íslands var stofnað í
Kaupmannahöfn í október 1984 af
Birni Bjarnasyni, síðar sýslumanni
og alþingismanni. Stofn safnsins
voru gjafir danskra listamanna auk
fjögurra málverka frá dönsku kon-
ungsfjölskyidunni og kom safnið til
íslands með vorskipum 1885.
Það var árið 1959 að bygginga-
sjóðurinn var stofnaður með
lögum, að tillögu Jóhannesar S.
Kjarval. Hann hafði beðist undan
því að fyrirhugað Kjarvalshús sem
átti að verða vinnustofa hans og
heimili yrði reist. Lagði hann til að
fé sem renna ætti til byggingarinnar
yrði stofnfé byggingasjóðs Listas-
afns íslands.
Árið 1963 arfleiddi Sesselja Stef-
ánsdóttir píanóleikari Listasafnið
að þriðjungi húseignarinnar
Austurstræti 12 og ári síðar buðu
systkini hennar, Gunnar Stefáns-
son, stórkaupmaður og Guðríður
Green Listasafninu afsal fyrir
eignarhluta sínum í Austurstræti 12
gegn árlegri fjárhæð sem greiðast
skyldi af leigutekjum af eigninni
meðan þau lifðu. Þar með hafði
safnið eignast húsið allt og við and-
lát Gunnars 1967 eignaðist safnið
að auki helming húseignarinnar
Sóleyjargötu 31A.
1972 óskaði safnráð Listasafns-
ins eftir því að heimiluð yrðu skipti
á húseignunum Austurstræti 12 og
brunarúst að Fríkirkjuvegi 7
(Veitingastaðurinn Glauntbær)
ásamt tryggingafé og eignarlóðinni
að Laufásvegi 16. Bygginganefnd
var skipuð 1975 og hefur endur-
bygging á lóðunum tekið mið af
friðun götumyndar Fríkirkjuveg.
Það var síðan í ársbyjun 1980 að
tilkynnt var um dánargjöf hjón-
anna Sigurliða Kristjánssonar,
kaupmanns og Helgu Jónsdóttur
en þau arfleiddu safnið að fjórð-
ungi eigna sinna. Og þá komst
skriður á málið, jarðvinna var boð-
in út 1980 og uppsteypa 1981. Nú á
aðeins eftir að ganga frá aðaland-
dyri hússins og verður því lokið
fyrri hluta næsta árs.
Tvöfalt sýningarrými
og bætt þjónusta
Gamla byggingin við Fríkirkju-
veg (Herðubreið, Glaumbær) er
815 fermetrar á tveimur hæðum.
Aftur úr henni liggur tveggja hæða
bakbygging samtals 1748 fermetr-
ar. Skáli er milli gömlu byggingar-
innar og aðal-bakbyggingar sem er
í raun 3ja hæða. Þar verður hægt að
komast að frá Laufásvegi um högg-
myndatorg sem er á þaki bygging-
arinnar en síðan er fyrirhugað að
skrifstofuhúsnæði fyrir safnið rísi á
Laufásvegi 16.
Húsakostur Listasafnsins verður
samtals um 2.500 fermetrar og
verða fjórir sýningarsalir í húsinu,
samtals 960 fermetrar auk 300 fer-
metra sýnis í skála, en þar verða
sýndar höggmyndir. Sýningarrými
verður tæplega tvöfalt það sem
safnið nú hefur til umráða, en vöxt-
urinn verður þó ekki síður fólginn í
ýmiss konar þjónustusvæðum fyrir
gesti svo og bættri aðstöðu fyrir
starfsemi og starfsfólk Listasafns-
ins. Þar má nefna kaffistofu, fyrir-
lestrarsal, bókasafn, verslun með
listvarning og listaverkabækur o.fl.
-ÁI
4750
BÓKATITLAR
MESTA ÚRVAL
ÍSLENSKRA BÓKA
í BORGINNI
Bækur í öllum
verðflokkum
MARKAÐSHÚS
BÓKHLÖÐUNNAR
Laugavegi 39
Sími 16180
OKHLAOAN