Þjóðviljinn - 06.12.1983, Page 11

Þriðjudagur 6. desember 1983 ÞJÓÐVILJINN - SÍÐA 15
Umsóknir aldraðra um húsnæði hrannast upp:
Þetta er byggingin sem tafin var um
heilt ár og á ekki að vera tiibúin fyr
en 1986: Seljahlíðar í Breiðholti.
borgarlíf
Slökkvistöðin
við Brennihlíð!
Bygginganefnd hefur sam-
þykkt að nefna hluta
Reykjanesbrautar frá Mikla -
torgi að Kringlumýrarbraut
Brennihlið en Slökkvistöðin í
Reykjavík er einmitt staðsett
við þennan hluta götunnar.
Gamla framhaldið af
Reykjanesbrautinni niður
með kirkjugarðinum hefur
þegar hlotið nafnið Suðurhlíð
og hinn endi götunnar, sem
liggur samhliða Hringbraut
niður að Umferðarmiðstöð
verður héðan í frá nefndur
Vatnsmýrarvegur.
Listaverk
í nýja
miðbœinn?
Stjórn Kjarvalsstaða hefur
óskað eftir 150 þúsund króna
fjárveitingu á næsta ári tl að
efna til samkeppni um gerð
útilistaverks í nýja miðbænum
í Kringlumýri. Gert er ráð
fyrir að samkeppnin verði lok-
uð með þátttöku um 5 lista-
manna, og skal listaverkið
gert með það í huga að sírenn-
andi vatni verði komið í það.
50 þúsund skulu fara í verð-
laun auk 20 þúsunda til hvers
þátttakanda og skal stjórn
Kjarvalsstaða skipa dóm-
nefnd. Tillagan verður af-
greidd við gerð fjárhagsáætl-
unar 1984.
Fleiri toppar
hjá borginni
Starfsskipulagi hjá embætti
borgarverksfræðingsins í
Reykjavík hefur verið breytt
og samþykkti borgarráð ný-
lega að útnefna Stefán Her-
mannsson aðstoðarborgar-
verkfræðing. Borgarverk-
fræðingur er Þórður Þ. Þor-
bjarnarson.
Alþýðubrauð-
gerðin flutt?
Nýlega samþykkti skipu-
lagsnefnd teikningar að ný-
byggingu á horni Laugavegar
og Vitastígs á lóðunum nr. 61
og 65 við Laugaveg, þar sem
Alþýðubrauðgerðin var til
húsa. Minnihluti nefndarinn-
ar greiddi atkvæði gegn
teikningunum þar sem húsið
væri of stórt, eða 4ra hæða og
þrátt fyrir 7 íbúðir væri ekkert
leiksvæði.
Á sama fundi var samþykkt
tillaga Sigurðar Harðarsonar
um að finna gömlu húsunum
sem á lóðinni standa nýjan
samastað og hefur Borgar-
skipulag bent á tvær auðar
lóðir í eigu borgarinnar í
Grjótaþorpi, nánar tilgreint
við Mjóstræti.
Benz býður
strœtó
Þýska fyrirtækið Daimler
Benz (umboðsmaður Ræsir
hf.) hefur boðist til að lána
SVR svokallaðan liðvagn
endurgjaldslaust í tvo mán-
uði. Kostnaður vegna flutn-
inga og þjálfunr vagnstjóra
nemur 200 þúsund krónum og
samþykkti stjórnin að taka til-
boðinu. Guðrún Ágústsdóttir
sat hjá við afgreiðsluna.
Engín viðbrögð
hjá meirihlutanum
Engar ráðagerðir eru uppi
hjá meirihiuta borgarstjórnar
Reykjavíkur vegna þeirrar
neyðar sem fyrirsjáanleg er í
húsnæðismálum aldraðra.
Páll Gíslason, formaður
bygginganefndar aldraðra
sagði í borgarstjórn á
fimmtudag að nefndin hygð-
ist á næsta ári sækja um 45
miljón króna fjárveitingu
vegna Seljahlíða, sem koma
eiga í gagnið með 70 íbúðir
1986 og tæpar 7 miljónir til
þess að byggja sameiginlegt
þjónusturými í húsnæði sem
Verslunarmannafélag
Reykjavíkur og e.t.v. Samtök
aldraðra og ÁrmannsfeJI
ætla að reisa. í þeim húsum
eiga að vera söluíbúðir fyrir
aldraða.
Miklar umræður urðu í borgar-
stjórn vegna fyrirspumar frá borg-
arfulltrúum Alþýðubandalagsins
um þessi mál. Páll Gíslason sagði
það rétt að umsóknum hefði fjölg-
að mjög eða um 260 á einu ári en
ástæðurnar væru þær að öldruðum
fjölgaði mjög í borginni ekki síst
háöldruðu fólki. Hann sagði ást-
andið ekki vera svona nú vegna
þess að ekkert hefði verið gert,
þvert á móti hefði borgin á undan-
förnum árum haft byggingar fyrir
aldraða sem forgangsverkefni og
hefðu allir flokkar sameinast um
það.
306 manns
í öruggu húsnæði
Borgin hefur nú upp á að bjóða
leiguíbúðir og þjónustuíbúðir fyrir
samtals 306 manns, 218 einstak-
linga og 44 hjón. Páll sagði ljóst að
þetta væri ekki mikið þó að húsin
hefðu tekið verulegan hluta af
framkvæmdafé borgarinnar. Okk-
ur er gífurlegur vandi á höndum
sagði hann og full þörf fyrir aukið
átak. Það var þess vegna sem ég
kom með þá tillögu í fyrra að borg-
in fengi fleiri til samvinnu um úr-
bætur og nú er kominn skriður á
það mál með byggingu söluíbúða
fyrir aldraða á vegum VR. Bygg-
inganefndin á nú einnig í viðræðum
við Samtök aldraðra og Ármanns-
fell um svipaða byggingu og ef af
því verður koma þarna um 120
íbúðir. Páll sagði ljóst áð ekki gætu
allir sem á biðlistum eru notfært sér
söluíbúðir en hins vegar hefðu m
45% af biðlistanum í apríl s.l. átt
1165 aldraðir þar af 260 komnir yfir áttrætt eru nú á biðlista eftir leiguhús-
næði hjá borginni.
eigið húsnæði og því möguleika á
að kaupa sér þjónustuíbúð!
Klukkan stillt
til baka
Guðrún Ágústsdóttir sagði
greinilegt að hin mikla uppbygging
á síðasta kjörtímabili hefði vakið
vonir aldraðra um að umsókn
þeirra um leiguhúsnæði bæri ár-
angur en á því fjögurra ára tímabili
voru tekin í notkun 3 íbúðarhús
fyrir aldraða fyrir um 200 einstak-
linga. Nú hefur meirihlutinn hins
vegar stillt klukkuna til baka, til
þess tíma áður en uppbyggingin
hófst; sagði hún umsóknirnar hrúg-
ast upp, og það er ekki nóg að
benda þessu fólki á að næsta hús
komi í gagnið á árinu 1986. Það
þarf önnur úrræði og borgin þarf að
gefa viljayfirlýsingu um að átak
skuli gert vegna þeirra 1165 ein-
staklinga sem nú eru á biðlistum.
Það þarf að kanna alla hugsanlega
möguleika, m.a. aukadagvist til að
minnka félagslega einangrun þessa
fólks og byggja hratt og ódýrt án
þess að slá af þeim kröfum sem við
gerum til þessa húsnæðis. Það er
hægt með því m.a. að nota staðlað-
ar teikningar eins og gert er í
dagvistarbyggingum og með því að
nota nýja byggingartækni.
Biðlistinn tæmdur
á 22 árum!
Þó VR eða aðrir einstaklingar
eða félagasamtök byggi yfir félags-
menn sína þá þýðir það ekki að
borgin geti haldið að sér höndum,
sagði Guðrún, aðeins 2 af þessum
1165 sem nú eru á biðlista hafa
möguleika á að sælria um hjá VR
svo dæmi sé tekið. Eg vara sterk-
Iega við þeirri nýju stefnumörkun
sem felst í áherslunni á söluíbúðir
og vara við þvf að ábyrgðin sé færð
af borginni yfir á félagasamtök og
einstaklinga.
Guðrún Jónsdóttir sagðist fagna
umræðum um þetta mál og fyrir-
spurn Alþýðubandalagsins hefði
vakið vonir um að nú fengjust skýr
svör um það hver væri stefna meiri-
hlutans. Hins vegar sagðist húnl
litlu nær eftir orð Páls Gíslasonar
og benti á að það tæki 22 ár að
komast í gegnum þann biðlista sem
nú er á Dalbrautinni. Hún benti
einnig á að æ stærri hluti umsækj-
enda væri yfir áttrætt og það væri
óraunhæft að reikna með að fólk á
ní- eða tíræðisaldri færi að ráðast í
íbúðarkaup. Hún sagði það
ábyrgðarleysi að velta ábyrgðinni
yfir á aðra, sölufbúðir leystu ekki
nokkurn vanda þessa fólks og
borgin yrði í uppbyggingu sinni að
taka mið af biðlistunum, aldri
þeirra sem á þeim væru og þörfum.
Flottræfllsháttur?
Gerður Steinþórsdóttir sagði
ástandið geigvænlegt og að sú hug-
mynd hefði vaknað á ellimáladeild
Félagsmálastofnunar að setja nef-
skatt á Reykvíkinga til að hraða
uppbyggingu húsnæðis fyrir aldr-
aða. Hún sagði það hættulegt að
halda ekki jafnri uppbyggingu og
benti á þá breytingu sem hefur orð-
ið á biðlistunum, - árið 1980 voru
150 einstaklingar 80 ára og eldri á
þeim, en nú eru þeir 325 talsins.
Gerður sagði nýju íbúðarhúsin
við Dalbraut og Lönguhlíð og
Droplaugarstaði mjög dýr og
spurði hvort það væri rétta stefnan
að byggj a 5 stjörnu hótel yfir gamla
fólkið. Eg held, sagði hún, að með
því að láta af flottræfilshættinum í
byggingum gætum við gert mikið
betri hluti.
Enginn tók undir orð Gerðar um
að byggingarnar væru of dýrar. Páll
Gíslason benti á að Dalbrautin
væri t.d. ódýrari miðað við fjölda
íbúða en Lönguhlíðin, en Gerður
hafði sérstaklega tekið dæmi af
Dalbraut. Hann sagði það borga
sig að byggja af góðum efnum til að
forðast ótímabært og kostnaðar-
mikið viðhaldi. Guðrún Ágústs-
dóttir sagði gífurlega hugarfars-
breytingu hafa orðið gagnvart elli-
heimilum með tilkomu þessara fal-
legu húsa. Þangað fer gamla fólkið
nú með glöðu geði, sagði hún, og
það er mikils virði. Aðstandendur
vita að því líður vel og því kveljast
þeir ekki af samviskubiti eins og
algengt var áður.
Hrun í fjárveitingum
Guðrún sagði að því miður hefði
orðið um hrun að ræða í fjár-
veitingum meirihlutans til þessa
málaflokks, en í ár stefnir allt í að
einungis 3-3,5% af útsvarstekjum
borgarinnar verði eytt í byggingar
fyrir aldraða. Á síðasta kjörtíma-
bili var þetta hlutfall milli 6 og 7%.
Hún sagðist að lokum vona að
borgarfulltrúar Sjálfstæðisflokks-
ins skæru ekki niður fjárbeiðni
bygginganefndar fyrir aldraða, því
ef það yrði gert myndi Seljahlíðin
dragast enn lengur. Hins vegar
væri það ekki nóg; það þyrfti að
ræða allar hugsanlegar úrbætur
vegna biðlistanna og kalla til alla
þá starfsmenn borgarinnar sem
þessi mál heyra undir.
- ÁI