Þjóðviljinn - 13.12.1983, Page 14

* - 1 1 < s I 1 ' * < .
18 SÍÐA - ÞJÓÐVILJINN1 Þriðjudagur 13. desember 1983
LYFSÖLULEYFI
er forseti íslands veitir
Lyfsöluleyfi Noröfjarðarumdæmis (Nesapó-
tek) er auglýst laust til umsóknar.
Fráfarandi lyfsali hefur óskaö aö neyta á-
kvæöa 2. málsgr. 11.gr. laga um lyfjadreif-
ingu nr. 76/1982.
Lyfsöluleyfinu fylgir kvöö um breytingar í
samráöi við Lyfjaeftirlit ríkisins, sbr. ákvæði
3. málsgr. bráðabirgðaákvæða lyfjalaga nr.
49/1978, er koma til framkvæmda 1. janúar
n.k.
Veröandi lyfsali skal hefja rekstur lyfjabúðar-
innar 1. júlí 1984.
Umsóknir um ofangreint lyfsöluleyfi sendist
heilbrigðis- og tryggingamálaráðuneytinu
fyrir 4. janúar 1984.
Heilbrigðis- og tryggingamálaráðuneytið
6. desember 1983.
RÍKISSPITALARNIR
Lausar stöður
Handlækningadeild
SÉRFRÆÐINGUR í þvagfæraskurölækningum ósk-
ast til afleysinga við handlækningadeild í 75% starf.
Umsóknir er tilgreini náms- og starfsferil sendist
stjórnarnefnd ríkisspítalanna fyrir 10. janúar n.k. á
sérstökum umsóknareyðublöðum fyrir lækna.
Upplýsingar veitir forstöðumaður handlækninga-
deildar í síma 29000.
Aöstoöarlæknir óskast til eins árs frá 1. febrúar n.k.
við handlækningadeild.
Umsóknir er greini menntun og fyrri störf sendist á
umsóknareyðublöðum fyrir lækna til skrifstofu ríkis-
spítalanna fyrir 10. janúar n.k.
Upplýsingar veita yfirlæknar handlækningadeildar í
síma 29000.
Barnaspítali Hringsins
Aðstoðarlæknar (2) óskast til eins árs við Barnaspít-
ala Hringsins. Önnur staðan losnar 1. mars 1984.
Ráðið verður í hina stöðuna frá 1. maí 1984 en
æskilegt væri að umsækjandi gæti tekið við henni 15.
febrúar vegna forfalla þess, er nú gegnir stöðunni.
Umsóknir er greini menntun og fyrri störf sendist á
umsóknareyðublöðum fyrir lækna ásamt tilheyrandi
vottorðum og meðmælum til skrifstofu ríkisspítalanna
fyrir 27. janúar 1984.
Upplýsingar veitir forstöðumaður Barnaspítala
Hringsins í síma 29000.
Taugalækningadeild
Sérf ræðingur í taugasjúkdómum óskast til afleysinga
við taugalækningadeild í 75% starf. Umsóknir er til-
greini náms- og starfsferil sendist stjórnarnefnd ríkis-
spítalanna fyrir 10. janúar n.k. á sérstökum umsóknar-
eyðublöðum fyrir lækna.
Upplýsingar veitir yfirlæknir taugalækningadeildar í
síma 29000.
Kvennadeild
Sérfræðingar (4) í kvensjúkdómafræði og fæðingar-
hjálp óskast í 75% starf viö Kvennadeild til afleysinga í
1 ár.
Umsóknir er tilgreini náms- og starfsferil sendist
stjórnarnefnd ríkisspítalanna fyrir 10. janúar n.k. á
sérstökum umsóknareyðublöðum fyrir lækna.
Upplýsingar veitir forstöðumaður Kvennadeildar í
síma 29000.
Reykjavík, 11. desember 1983.
Eiginmaður minn
Halldór Porsteinsson
lést í Landspítalanum 11. desember s.l.
Rut Guðmundsdóttir
Verkalýðs-
saga
Eskfírðinga
Út er komið 4. bindi „Eskju -
bókarinnar um Eskifjörð“ eftir
Einar Braga. Fjallar það um sögu
verkalýðshreyfingarinnar á Eski-
firði og er 264 blaðsíður, prýtt 220
myndum.
Á næsta ári eru 80 ár liðin frá
stofnun fyrsta verkamannafélags á
Eskifirði. Það varð skammlíft, en
haustið 1914 var stofnað Verka-
mannafélagið Árvakur, sem enn
starfar. Verkakonur voru í sér-
stöku félagi, Framtíð, frá 1918 til
1971, er félögin sameinuðust undir
Einar Bragi.
nafni Árvakurs. Er það eitt hið
elsta og langfjölmennasta félagið á
staðnum og gætir hagsmuna bæði
sjómanna og verkafólks. Vegna
fyrrnefndra tímamóta ákvað Ár-
vakur að standa straum af kostnaði
við útgáfu þessa bindis af Eskju.
Liðin eru 17 ár frá því er undir-
búningur hófst að skráningu á sögu
Eskifjarðar og 12 ár síðan fyrsta
bókin kom út. Hefur sérstök
byggðarsögunefnd, sem starfar í
umboði bæjarstjórnar, unnið að
framgangi málsins í nánu samstarfi
við höfundinn.
Alls eru þessi fjögur bindi yfir
1200 síður og myndir á sjöunda
hundrað. Stefnt er að því að ljúka
meginverkinu fyrir 200 ára afmæh
kaupstaðarins, en Eskifjörður var
einn þeirra sex verslunarstaða, sem
fyrstir hlutu kaupstaðarréttindi 18.
ágúst 1786. Síðan hafa menn hug á
að halda útgáfu söguritsins áfram
um ókomin ár, eftir því sem efni
fellur til og ástæður leyfa.
Á hlífðarkápu er litmynd af
Hólmatindi eftir Bolla Davíðsson.
Útgefandi er Byggðarsögunefnd
Eskifjarðar.
Líf og
verk Finns
Jónssonar
listmálara
Almenna bókafélagið hefur gefið
út listaverkabók um Finn Jónsson,
listmálara. Myndaval og útgáfu
hefur annast Frank Ponzi, listfræð-
ingur, og hann skrifar einnig rit-
gerð sem nefnist Listamaður á
undan sinni samtíð og er rækileg
úttekt á list Finns Jónssonar. Ind-
riði G. Þorsteinsson skrifar um ævi
Finns og styðst þar við frásögn
listamannsins.
Listferill Finns er sérkennilegur.
Hann er fyrsti framúrstefnumálar-
inn á íslandi, en framúrstefnulist
hans var ekki vel tekið hér heima
þegar hann sýndi hana hér 1925.
Samtímis því sýndi hann átta fram-
úrstefnumyndir í Sturm-salnum í
Berlín á samsýningu með Kandin-
sky og Paul Klee o.fl. sem taldir
eru upphafsmenn nútímalistar.
Vöktu myndir hans þar mikla at-
hygli og var skrifað um hann af
frægum listfræðingum í Þýska-
landi, Frakklandi og víðar. En það
var aldrei kunnugt hér heima og
meginhluti þessara mynda glatað-
ist hefur sennilega lent í málverka-
brennum Hitlers.
Finnur Jónsson var alltaf mikils
metinn málari hér á íslandi, en
ekki fyrir framúrstefnulist sína,
heldur landslagsmálverk sem hann
málaði mikið af á tfmabilinu 1930-
1960. Nú er Finnur Jónsson viður-
kenndur jafnt hér á íslandi sem í
útlöndum sem einn í hópi merk-
ustu framúrstefnumanna álfunnar
á fyrri hluta aldarinnar.
Hvert er eðli drauma?
Matthías Jónasson.
Bókaútgáfa Menningasjóðs hef-
ur gefið út ritið Eðli drauma eftir
dr. Matthías Jónasson, en þar er
um að ræða tilraun til sálfræði-
legrar túlkunar á þessu margflókna
viðfangsefni. Um erindi bókarinn-
ar segir svo á kápu:
Djúptæk þáttaskil hafa orðið í
draumrannsóknum á þessari öld.
Menn leita ekki lengur að forspá í
draumum, heldur að þeim hræring-
um í vitund dreymandans sem þeir
spretti af. Þetta er í samræmi við
þróun þeirra vísinda sem nú leggj-
ast á eitt um að skýra eðli drauma. í
stað þess að leita út fyrir hið
mennska svið skyggnast draum-
fræðingar 20. aldar inn í vitsmuna-
og tilfinningaííf einstaklingsins og
meta áhrif þeirrar geðrænu reynslu
sem hann kann að hafa orðið fyrir.
Matthías Jónasson er í hópi
kunnustu og afkastamestu rithöf-
unda okkar um vísindaleg efni nú á
dögum. Er þetta tólfta bók hans,
og hafa hinar fyrri hlotið miklar
vinsældir og tryggt höfundi virðing-
arsess meðal íslenskra fræði-
manna.
Eðli drauma er 299 blaðsíður að
stærð.
Dagur
á barna-
heimili
Komin er út bókin Kátt í koti
„dagur á barnaheimili“ eftir Krist-
ján Inga Einarsson og Sigrúnu Ein-
arsdóttur. Á bókakápu segir: „Kátt
í koti er bók ætluð börnum og full-
orðnum. I bókinni er lýst í máli og
myndum einum degi á barnaheim-
ili.
Fylgst er með börnunum í námi,
leik og starfi, auk þess sem farið er í
réttir. Fæst okkar vita hvað gerist á
barnaheimilunum. Þangað er farið
með börnin á morgnana og þau sótt
á kvöldín.
Þessi bók gefur því börnum og
fullorðnum tækifæri til að skyggn-
ast inn í þennan heim og tilefni til
skemmtilegra umræðna. í bókinni
eru um 60 svart/hvítar ljósmyndir
eftir Kristján Inga, en þetta er
þriðja barnabókin frá honum.
Áður hafa kornið út bækurnar
Krakkar krakkar og Húsdýrin okk-
ar sem kom út um síðustu jól og
kemur nú um jólin út í annarri út-
gáfu. Textinn í Kátt í koti er eftir
Sigrúnu Einarsdóttur fóstru og
kennara við Fósturskóla íslands,
þetta er hennar fyrsta bók.
Lífssaga Guðmundar í Víði
Bókaútgáfan Vaka hefur gefið út
bókina Með viljann að vopni - Hfs-
sögu Guðmundar Guðmundssonar
í Víði, eftir Kjartan Stefánsson.
Bókin er á þriðja hundrað síður og
prýða hana rúmlega sextíu myndir,
flestar áður óbirtar.
í kynningu forlagsins á bókar-
kápu segir, að lífssaga Guðmundar
í Víði sé saga stórhuga athafna-
manns. Hann varð blindur á barns-
aldri, en lét hvorki það né annað
mótlæti buga sig, heldur gekk tví-
efldur til verks. Á unglingsárum
hóf hann húsgagnasmíði, byrjaði
skipulega framleiðslu fyrir al-
mennan markað í kreppunni á
fjórða tug aldarinnar og stofnaði
síðan Trésmiðjuna Víði, sem lengi
hefur verið ein stærsta húsgagna-
verksmiðja landsins.
Kjartan Stefánsson höfundur
bókarinnar, starfar sem blaðafull-
trúi Verslunarráðs íslands. Hann
hefur skráð þessa reynslusögu
Guðmundar í Víði samkvæmt sam-
tölum við hann og ýmsa þá sem
hafa verið honum samferða á lífs-
leiðinni. Þá hefur Kjartan einnig
leitað í ýmsar aðrar heimildir.
Auk starfssögu Guðmundar er í
bókinni fjallað ítarlega um einka-
hagi hans og það, hvernig hann
hefur unnið markvisst gegn því að
láta sjónleysið verða sér til trafala.