Þjóðviljinn - 15.02.1984, Side 3

Miðvikudagur 15. febrúar 1984 ÞJÓÐVILJINN - SÍÐA 3
Húsnœðisþrengslin í Vesturbæjarskóla
Úrbætur þola
enga bið
segir í opnu bréfi foreldra-
félagsins til borgarstjóra
- Þetta er ekki bara eitt bréfið
enn. Þetta er lokatilraun af okkar
hálfu til þess að ná eyrum borgaryf-
irvalda og vekja athygli á þeim
húsnæðisvanda sem Vesturbæjar-
skólinn á við að glíma og ekki verð-
ur lengur við unað. Allt frá 1979
höfum við sent tugi bréfa og skýrslu
um húsnæðismál skólans til
fræðslu- og borgaryfirvalda. Með
samþykkt síðustu fjárhagsóætlun-
ar borgarinnar var gengið fram hjá
skólanum í 5. sinn. Þetta gengur
ekki lengur og því krefjum við
borgaryfirvöld um svar við bréfi
okkar fyrir 8. mars næstkomandi.
Þannig komst Stefán Thors, for-
maður Foreldrafélags Vesturbæj-
arskólans að orði á blaðamanna-
fundi í skólanum í gær, þar sem
Foreldrafélagið kynnti opið bréf,
sem það hefur sent Davíð Oddssyni
borgarstjóra.
í bréfinu kemur fram að húsa-
kynni Vesturbæjarskólans eru í 85
ára gömlu húsi sem er um 400 ferm.
að flatarmáli auk þriggja lausra
skólastofa sem settar voru upp á
leiksvæði og út á nálæga akbraut,
alls 180 ferm. í skólanum eru nú
282 börn og er áætlað að þau verði
305 á næsta ári. Nú hefur skólinn
um 2 ferm. húspláss á hvern nem-
anda á meðan meðalhúsrými á
nemanda í skólum borgarinnar er
um 6 ferm. Nemendur skólans
þurfa að sækja leikfimi í Haga-
skóla, smíði, heimilisfræði og
myndmennt í Melaskóla og tón-
mennt og sauma í Hallveigarstaði.
Segir í bréfinu að ferðalög nem-
enda torveldi mjög skólahald og
skapi slysahættu. Auk þess þurfa
börnin að sækja
tannlæknaþjónustu á Barónsstíg
og læknisskoðun í Langholtsskóla.
Þá er ekkert húsrými í skólanum
fyrir hjúkrunarfræðing, talkenn-
ara, skólasálfræðing, sérkennara,
engin samkomusalur, engin vinnu-
aðstaða fyrir kennara og engin
skólaskrifstofa. Hreinlætisaðstaða
hefur orðið heilbrigðisyfirvöldum
tilefni til umkvörtunar og bruna-
vörnum er ábótavant.
Foreldrar sem mættir voru á
blaðamannafundinum sögðu að
áætlað héfði verið að nýr skóli yrði
fullgerður fyrir árið 1986, og því
hefði það valdið miklum vonbrigð-
um þegar öllum framkvæmdum við
skólann var frestað í síðustu fjár-
hagsáætlun en nýjum skóla í Graf-
arvogi veittur forgangur, þannig að
1. áfangi hans verði tilbúinn haust-
ið 1985. Sögðust þau ekki skilja
hvers vegna hverfi sem nú er mann-
laust og fyrirsjáanlega mun byggj-
ast hægt, skyldi njóta slíks for-
gangs, á meðan Vesturbærinn væri
látinn mæta afgangi þótt fyrirsjáan-
leg sé mikil aukning barna í hverf-
inu.
Aðspurður um hvað félagið
hygðist gera ef ekki kæmi viðun-
andi svar fyrir 8. mars sagði Stefán
Thors að vissulega hefðu hug-
myndir um neyðaraðgerðir verið
ræddar innan félagsins og foreldrar
væru reiðubúnir til þess að beita sér
Þrengslin á göngum skólans eru mikil því í Vesturbæjarskólanum er húsnæðið ekki nema 2 fermetrar á
hvern nemanda. - (Myndir: -eik).
Stefán Thors formaður Foreldrafélags Vesturbæjarskóla: foreldrar eru
reiðubúnir að beita sér í þessu máli...
af alefli í þessu máli. Frestur til
svars hefði verið gefinn vegna þess
að þegar þyrfti að huga að bráða-
birgðaráðstöfunum fyrir næsta ár.
Hins vegar sagðist hann vona að til
frekari aðgerða þyrfti ekki að
koma af hálfu Foreldrafélagsins.
Kröfurnar sem Foreldrafélagið
setur fram eru í fyrsta lagi að flýtt
verði byggingu nýs skólahúss og í
öðru lagi að séð verði til þess að
skólinn verði starfhæfur næsta vet-
ur.
Ég held að ekkert okkar hafi
gengið í skóla við þau þrengsli sem
hér eru, sagði Stefán Thors, og sá
skóli mun ekki vera til á landinu
sem býr við jafn bágborinn aðbún-
að. Borgaryfirvöld geta ekki
Iengur látið eins og þessi skóli sé
ekki til.
- ólg.
Fjölskylda
Andropovs
Fjölskyldur sovéskra ráða-
manna eru að öðru jöfnu ekki
mikið í sviðsljósinu og þessi frétta-
mynd af fjölskyidu Júrís Andropov
mun einsdæmi: hún var tekin þegar
lík hins látna forseta stóð uppi í
Súlnasal Verkalýðssambandshúss-
ins í Moskvu á laugardaginn var.
Ekkja Andropovs, Tatjana, situr
fyrir miðju. Til vinstri er dóttir
hennar írina, sem er blaðamaður
og skrifar um leikhús og ballet. Til
hægri er sonur þeirra Igor, sem lagt
hefur stund á nám í alþjóðlegum
stjórnmálum og m.a. verið í sendi-
nefnd Sovétríkjanna á öryggis-
málaráðstefnunni í Madrid og nú
síðast á ráðstefnu um afvopnun-
armál í Stokkhólmi.
Útför Andropovs var gerð í gær á
Rauða torginu með hefðbundnum
hættr.
Hillir undir enn
einn stórmarkað:
Haí
kaup
fékk
lóðina
Þrír borgarráðsmenn Sjálf-
stæðisflokksins samþykktu í
gær úthlutun til Hagkaupa í
Nýjum miðbæ, en fulltrúar
minnihlutans sátu hjá. í lóðar-
skilmálunum er m.a. ákvæði
um að Hagkaup skuli gangast
fyrir stofnun hlutafélags um
byggingu svokallaðs „mall’s“
sem er bygging fyrir 15 smá-
verslanir.
Tveir fyrrverandi stjórnarmenn í Starfsmannafélagi Stjórnarráðsins
Uppvísir að fjármálaóreiðu
Yfir hundrað þúsund krónur í vanskilum. Aðrir stjórnarmenn
hreinsuðu borðið. Málið kom aldrei fyrir dóm.
Tveir fyrrverandi stjórnar-
menn í Starfsmannafélagi Stjórn-
arráðsins urðu uppvísir að fjár-
málaóreiðu sem nam háum upp-
hæðum á sl.ári. Hér var um for-
mann og gjaldkera félagsins að
ræða en aðrir stjórnarmenn sáu
um að gera borðið hreint. For-
maðurinn starfaði hja Ríkisend-
urskoðun. Yfirmenn þessara að-
ila voru látnir vita um íjármála-
óreiðu.
- Þetta mál var afgreitt af síð-
ustu stjórn á framhaldsaðalfundi
í fyrra. Við fengum hreint borð,
sagði Margrét Traustadóttir
varaformaður núverandi stjórnar
Starfsmannafélags Stjórnarráðs-
ins. Vísaði Margrét til stjórnar-
manna í síðustu stjórn.
- Þetta var mikið leiðindamál,
sagði Inga Ólöí Ingimundardóttir
en hún var í síðustu stjórn Starfs-
mannafélagsins.
- Það er ekki hægt að tala um
þetta sem fjármálamisferli hjá
stjórninni sem slíkri. Það voru
tveir aðilar í stjórninni sem fóru
illa með peninga. Það sem við
gerðum sem eftir sátum í stjórn-
inni, var áð við vikum þessum að-
ilum úr stjórninni og tókum af
þeim öll gögn. Síðan sendum við
málið í skoðun hjá löggiltum
endurskoðanda. Þegar því var
lokið voru aðilarnir að sjálfsögðu
rukkaðir með hæstu löglegum
vöxtum og þeir gerðu upp mjög
fljótlega. Þá var skýrt frá málinu
á félagsfundi með eðlilegum
hætti, og við skiluðum bókhald-
inu einsog það gat réttast verið,
sagði Inga Ölöf Ingimundardótt-
ir.
Samkvæmt heimildum Þjóð-
viljans var hér um að ræða þáver-
andi formann félagsins sem var
starfsmaður hjá Ríkisendur-
skoðun og gjaldkera félagsins.
Starfsmannafélagið lét yfirmenn
þessa fólks vita af óreiðunni en
talið er að hún nemi yfir 100 þús-
und krónum. Málið hefur ekki
komið til kasta dómstólanna.
-óg.