Þjóðviljinn - 18.04.1984, Blaðsíða 16

MÚÐVIUINN
Miðvikudagur 18. apríl 1984
Aðalsimi Þjóðviljans er 81333 kl. 9 - 20 mánudag tii föstudags. Utan þess tíma er
hægt að ná í blaðamenn og aðra starfsmenn blaðsins i þessum símum: Ritstjórn
81382, 81482 og 81527, umbrot 81285, Ijósmyndir 81257. Laugardaga kl. 9 - 12 er
hægt að ná í afgreiðslu blaðsins í síma 81663. Prentsmiðjan Prent hefur sima 81348
og eru blaðamenn þar á vakt öll kvöld.
Aðalsími Kvöldsími Helgarsími
81333 81348 81663
Magnús Jónsson veðurfræðingur um stórt álver í Eyjafirði:
Hreint glapræði
að reisa 200 þúsund tonna álver
við Eyjafjörð miðað við veður-
farsrannsóknir og loftmœlingar
„Miðað við þær veðurfars-
rannsóknir sem hér hefur verið
unnið að um 10 mánaða skeið
á vegum Staðarvalsnefndar,
þá sýnist mér hreint glaþræði
að reisa 200 þúsund tonna ál-
ver við Eyjafjörð nema með
þeim allra fullkomnasta hreinsi-
búnaði sem þekkist í heiminum
nú. Og jafnvel er óvíst að hann
dugi. Það er svo mikið magn
sem fer út í andrúmsloftið að ég
efast um að sú loftræsting sem
er í Eyjafirði nægi til að koma
því burt“, sagði Magnús Jóns-
son veðurfræðingur, en hann
hefur nú um 10 mánaða skeið
verið með veðurfarsrannsóknir
vegna hugsanlegs álvers við
Eyjafjörð.
Magnús sagöi að hann myndi
vinna að mælingum áfram í sumar,
enda var alltaf stefnt að því að fá
mælingar yfir heilt ár. Síðan sagðist
hann búast við því að mælt yrði
annað ár til, þar sem eitt ár dugar
varla til að niðurstöður séu
fullkomlega marktækar, en það
væri samt enn óráðið, en tíminn er
nægur, þar sem ekki er komið að
því að reisa þetta álver.
Hann sagði að þegar mælingum
hans væri lokið myndu þær sendar
til Háskóla íslands þar sem unnið
verður úr öllum tölum, síðan mun
Veðurstofa íslands fá niðurstöð-
urnar til athugunar. Síðan verða
allar niðurstöður sendar annað
hvort til Bandaríkjanna eða Nor-
egs, þar sem gerð verður dreifing-
arspá, þar sem fundin er út
blöndun á mengunarefnum í and-
rúmsloftinu, sem er mjög flókið
mál og ekki á færi nema örfárra
stofnana í heiminum að fram-
kvæma slíkt.
„Það kæmi mér ekki á óvart þeg-
ar menn eru búnir að gera upp fjár-
hagslegu hliðina á þessu álvers-
dæmi, að þá vegi niðurstöður eða
útreikningar á blöndun lofts hér í
firðinum, sem byggðar verða á
þessum mælingum, þyngst á vogar-
skálunum um ákvörðun byggingar
álvers hér“, sagði Magnús Jónsson.
-S.dór
Álver við Eyjafjörð til umræðu á Akureyri:
s
Agreiningur í
bæjarstjóm
„Sumir hrœddir við að tiltekið fólk
fylgist með málum frá fyrstu hendi“
Bæjarfulltrúar Alþýðubanda-
lags og Kvennaframboðs á Akur-
eyri kröfðust þess að
Náttúruverndarnefnd bæjarins
ætti fulltrúa í samstarfsnefnd um
„dreifingarspá vegna loftmengunar
frá hugsanlegu álvcri við Eyjafj-
örð“. Framsóknarmenn og Sjálf-
stæðismenn fóru undan í flæmingi
á síðasta bæjarstjórnarfundi vegna
þessa máls, en blaðið íslendingur
greinir frá ágreiningi þessum á
fimmtudaginn.
Náttúruverndarnefnd hafði ósk-
að eftir að fá fulltrúa í nefndina og
forseti bæjarstjórnar Valgerður
Bjarnadóttir sagði frá því að hún
hefði látið þá skoðun í ljósi við full-
trúa frá staðarvalsnefnd að eðlilegt
væri að tveir fulltrúar væru úr bæj-
arstjórn Akureyrar í þessum sam-
starfshópi, þar sem mikill ágrein-
ingur ríkti í bæjarstjórninni um
málið. Þessu máli var vísað til
bæjarráðs.
Islendingur hefur eftir Sigríði
Stefánsdóttur bæjarfulltrúa Al-
þýðubandalagsins, að nú væri að
koma í ljós það sem hún óttaðist
áður, að sumir væru hræddir við að
tiltekið fólk fengi að fylgjast með
þessum málum frá fyrstu hendi.
-óg
Seðlabankabyggingin steypt upp í ár
109 miljónir eru
farnar í grunninn
Þegar er búið að verja um 109
miijónum króna til byggingar Seðl-
abanka íslands við Kalkofnsveg.
Kostnaður nam um 85 miljónum
króna í árslok 1983 en auk þess
hafði 11.5 miljónum króna verið
varið til byggingar bflageymslu
Reykjavíkurborgar sem bankinn
skuldbatt sig til að byggja fyrir
ákveðið verð.
Uppsteypu alls hússins á að vera
lokið um mitt þetta ár auk smíði á
þökum að hluta. Síðar á þessu ári
verður byggingunni lokað með
gluggum, gleri og álklæðningu sem
keypt hefur verið frá Þýskalandi.
Ennfremur er ætlunin að ljúka al-
veg við bflageymslu bankans í
kjallara nýbyggingarinnar.
-v.
Myndasmiðjan í kjallara Norræna hússins er vinsæll áningarstaður ungra
sem aldlnna gesta á Friðarpáskum 1984. (Ljósm. Atli).
Friðarpáskarnir 1984 í Norræna húsinu
Fjölbreytt dagskrá
- líka fyrir börnin
Friðarpáskar 1984 halda áfram
göngu sinni með margvíslegu efni. 1
gær hittust fulltrúar allra þing-
flokka í Norræna húsinu og fjöll-
uðu um efnið Utanríkisstefna ís-
lendinga. Myndlistarsýningin opn-
ar alla daga kl. 15.00 og er opin til
kl. 22.00. Myndasmiðjan opnar kl.
16.00 og er opin til 17.00 og barna-
tímar eru daglega kl. 15.00 og til kl.
16.00.
í barnatímanum í gær fluttu
fóstrunemar leikþátt fyrir börnin
og Skólakór Seltjarnarness söng. í
dag mun Guðrún Helgadóttir
endurtaka upplestur úr sögu sinni
Ástarsaga úr fjöllunum og sýnir
með lestrinum skyggnur úr bók-
inni, en Brian Pilkington teiknaði
stórkostlegar kynjamyndir í bók-
ina hennar. Þá munu leikarar úr1
Þjóðleikhúsinu flytja þátt úr
leikriti Olgu Guðrúnar Árnadóttur
Amma þó! og skólakór Kársnes-
skóla syngur og sýnir hreyfileiki.
Klukkan fimm hefjast umræður
og erindaflutningur um vígbúnað á
Norðurslóðum. Erindi flytja Árni
Hjartarson, formaður miðnefndar
Samtaka herstöðvaandstæðinga,
Kjartan Gunnarsson og Þórður
Ingvi Guðmundsson. Björn
Bjarnason og Steingrímur J. Sig-
fússon ræða síðan um erindin og
sitja fyrir svörum á eftir ásamt
frummælendum. Fundarstjóri þar
verður Magnús Torfi Ólafsson.
Klukkan hálfníu flytur Þorbjörn
Broddason erindi um heimsmynd
fréttafjölmiðlanna og fulltrúar frá
fjölmiðlum segja frá og sitja fyrir
svörum um það efni. Frá Þjóðvilj-
anum kemur Árni Bergmann.
-Fundarstjóri verður Árni Gunn-
arsson.
ast
Þórhalldur Vilmundarson í fyrirlestri um Harðar sögu og Hólmverja:
Lykilsaga um
Sturlu Sighvatsson
Þórhallur Vilmundarson pró-
fessor hélt fyrirlestur fyrir troð-
fullum hátíðarsal Háskóla íslands
á mánudagskvöld er hann nefndi
Hver var hetjan í hólminum? í
fyrirlestrinum leiddi Þórhallur
rök að þvi að Harðar saga og
Hólmverja væri samin af Styrmi
fróða Kárasyni príor í Viðeyjar-
klaustri og væri lykiisaga um
Sturlu Sighvatsson, samtíðar-
mann Styrmis.
Sturla Sighvatsson lét flytja
skemmu út í Geirshólma í Hval-
firði og þar höfðust menn hans
við eftir Bæjarbardaga og drógu
að sér föng með ránum og yfir-
gangi. Telur Þórhallur að þetta
hafi orðið kveikjan að Harðar
sögu. Lýsti hann síðan hernaðar-
tækni Sturlu og reynslu, en hann
hafði kynnst virkjagerð Hákonar
konungs gamla á klettaborgum,
svo sem í Túnsbergi, og í hólmum
í ríki sínu. Þórhallur nefndi einn-
ig ein 12 atriði sem mjög eru svip-
uð með Herði Grímkelssyni og
Sturlu og aðstæðum þeirra.
Þá leiddi hann rök að því að
Styrmir fróði Kárason, sem var
Þórhallur: Söguna samdi Styrmir
fróði Kárason, príor í Viðey,
gagntekinn af dramatískum við-
burðum samtímans.
nákunnugur Sturlungum, hafði
m.a. um hríð verið heimilismað-
ur Snorra Sturlusonar í
Reykholti, hefði samið þessa
sögu, gagntekinn af dramatík
samtímans. Styrmir var príor í
Viðeyjarklaustri á árunum 1235-
1245 og taldi Þórhallur líklegt að
frumgerð sögunnar hefði verið
samin á árunum 1242-1245. Enn-
fremur taldi Þórhallur að bæði
Grettissaga og Gísla saga Súrs-
sonar hefðu orðið fyrir áhrifum af
Harðar sögu.
Mörgum eru enn í fersku minni
fyrirlestrar er Þórhallur Vil-
mundarson flutti um svokallaða
náttúrunafnakenningu á árunum
1967-68 en þá fyllti hann Há-
skólabíó af áhugasömum hlust-
endum.
-GFr