Þjóðviljinn - 13.06.1984, Blaðsíða 16

PJOÐVIUINN
Miðvikudagur 13. júní 1984
Aðalsimi Þjóðviljans er 81333 kl. 9 -20 mánudag til föstudags. Utan þess tima er hægt að ná í blaðámenn og aðra starfsmenn blaðsins í þessum símum: Ritstjórn Aöalsími Kvöldsími Helgarsími
81382. 81482 og 81527, umbrot 81285, Ijósmyndir 81257. Laugardaga kl. 9 -12 er haegt aö ná i afgreiöslu blaösins í síma 81663. Prentsmiöjan Prent hefur sima 81348 og eru blaðamenn þar á vakt öll kvöld. 81333 81348 81663
Magnús Skarphéðinsson um ummæli borgarfulltrúa
Rakalaus ósannindi
Hugleiði nú lögreglurannsókn í málinu
Verst af öllu var að sitja uppi
á áheyrendapöllum og hlusta á
hvern borgarfulltrúann áfætur
öðrum fara upp í ræðustól og
fara þar með rakalaus
ósannindi, sagði Magnús
Skarphéðinsson vagnstjóri
sem fengið hefur reisupassann
frá borgarstjórn Reykjavíkur.
Uppsögnin var til meðferðar á
fundi borgarstjórnar í sl. viku,
en þegar gengið var til
atkvæðagreiðslu og
lokaumræðu um málið var
fundinum lokað.
- Þaö sem ég heyröi á fundi borg-
arstjórnarinnar um þetta mál var
reginhneyskli. Borgarfulltrúarnir
Júlíus Hafstein og Guðrún Ágústs-
dóttur báru þarna uppá mig sakir
sem ég get sýnt fram á aö eru raka-
laus ósannindi. Því var haldið fram
að ég hefði ekki sótt ábyrgðabréf
ifleð uppsögn minni og ætti það að
sýna fram á „samstarfsörðugleika“
mína og fyrirtækisins. Ég hef kvitt-
un frá pósthúsinu sem sönnunar-
gagn um það að ég sótti þetta
ábyrgðarbréf.
- Þá var því haldið fram til að
sanna sömu sakir, að borgarfógeti
hefði þurft að leita að mér til að fá
þetta bréf mér í hendur. Þetta eru
ósannindi sem ég get hrakið. Þá var
því einnig haldið fram að ég hefði
ítrekað neitað að koma á fund for-
stjóra SVR til að ræða við hann um
málin. Hins vegar er staðreyndin
sú að einu sinni gat ég ekki mætt á
einn fund hjá honum, þar sem ég
var veikur og lét vita af því með
fyrirvara.
Borgarfulltrúar höfðu
aldrei samband!
- Það var átakanlegt að heyra
þessar sakir bornar á mig án þess
að nokkur benti á hið sanna í mál-
inu. Alvarlegra er fyrir Reykvík-
inga sem kosið hafa þessa fulltrúa,
að enginn þeirra hefur nokkru
sinni haft samband við mig til að fá
þetta mál skýrt frá mínu sjónar-
homi. Reyndar hefur enginn borg-
arfulltrúi nema frá Kvennafram-
boðinu leitað eftir minni hlið máls-
ins, heldur talar þetta fólk einungis
út frá sjónarhorni forstjóra SVR og
samkvæmt upplýsingum frá hon-
um.
- Ég vil að það komi fram, að
lögfræðingur minn skrifaði Sveini
Björnssyni forstjóra SVR bréf fyrir
mánuði eða svo, þar sem farið var
fram á skýringar á uppsögn minni.
Enn þann dag í dag hefur ekkert
svar borist.
Hugleiði
lögreglurannsókn
Áburður borgarfulltrúa Guðr-
únar Ágústsdóttur á mig hefur ver-
ið í ýmsu formi. Þannig skrifar hún
fyrst að ég hafi verið rekinn vegna
„samstarfsörðugleika". Nú um
helgina hefur þetta breyst í „van-
rækslu í starfi“ samkvæmt grein
sem hún skrifar hjá ykkur í Þjóð-
viljanum. f millitíðinni hefur allra
handa rógburður og getgátur kom-
ið fram sem forsenda fyrir uppsögn
minni. Það er máske erfitt að festa
hendur á slíku, en ég hugleiði nú
alvarlega lögreglurannsókn á þess-
um rógburði, sagði Magnús Skarp-
héðinsson að lokum.
-óg
Magnús Skarphéðinsson: Borgar-
fulltrúarnir hafa einungis leitað upp-
lýsinga hjá Sveini Björnssyni for-
stjóra SVR.
Brúðuheimi]i
Ibsens á
færeysku og
íslensku
„Þetta er sennilega einsdæmi“
sagði Sveinn Einarsson um gesta-
leik Færeyinga á Listahátíð, - frá
upphafi hafa íslenska og færeyska
hljómað hvor um aðra í Brúðu-
heimili Ibsens. „Margir voru fullir
efasemda í byrjun, en áhorfendur í
Norðurlandahúsinu í Þórshöfn
tóku sýningum mjög vel“. Og er nú
komið að íslenskum leikhúsgestum
i Félagsstofnun stúdenta annað
kvöld og föstudagskvöld.
Færeyski hópurinn sýndi leikrit-
ið í Þórshöfn í aprílbyrjun undir
stjórn Sveins Einarssonar og er
hingað kominn í boði Leikfélags
Reykjavíkur; framlag Iðnómanna
til Listahátíðar. Tveir leikaranna
eru íslenskir, þeir Pétur Einarsson
og Borgar Garðarsson og tala það
ástkæra ylhýra fullum fetum, ljósa-
Brúðuheimilið i Félagsstofnun stúdenta: Nóra (Elín K. Mouritsen) og Helmer (Pétur Einarsson). Önnur helstu
hlutverk leika Borgar Garðarsson, Laura Joensen og Olivur Næss.
Þetta var í fyrsta sinn sem ég kom til Færeyja, sagði Pétur Einarsson í spjalli við Þjv., og kunnl ekkert í færeysku.
En við ákváðum í upphafi að hver talaði sitt mál. Engin danska. Maður sklldi ekki mikið fyrstu vikurnar, en svo
kom þetta fljótt. Ljósm. Loftur.
einsdæmi
Sennilega
maðurinn er líka landi, Árni Bald-
vinsson.
Félagsstofnun stúdenta var eina
húsið sem hentaði okkur í Reykja-
vík, sagði leikstjórinn við blaða-
menn í gær.
Við lékum á miðju gólfi í nýja
Norðurlandahúsinu í Þórshöfn og
gerum það hér líka. Þetta þótti ný-
stárlegt í Færeyjum, sumum fannst
skrítið að sjá kunningja úr bæjarlíf-
inu bakvið leikarana, - en datt svo í
hug að meðal áhorfenda væru líka
Nórur og Helmerar.
„Dukkehjem“ Henriks Ibsens
(frumflutt 1879) fjallar um kvenn-
akúgun, hjónaband og borgaralegt
samfélag og hefur notið mikillar
hylli, ekki síst síðustu áratugi. í
flutningi færeyska hópsins er byggt
á tveimur þýðingum, og er önnur
færeyska skáldsins Jens Pouls
Heinesen, hin Sveins Einarssonar,
sú sem gerð var fyrir Þjóðleikhúsið
á sínum tíma. Leikhópurinn
sveigði þessa texta síðan þannig til
að málfar yrði sem líkast á báðum
tungum. -n* 1
Athugasemdirnar
vegna Skúlagötu
báru árangur:
Ráðherra
krefst
deili-
skipulags
Félagsmálaráðherra hefur
staðfest brcytta landnotkun og
nýtingarhlutfall á svokölluðum
Skúlagötureit með þeim fyrirvara
að gengið verði frá dciliskipulagi
svæðisins alls áður en farið verð-
ur að byggja.
í bréfi ráðuneytisins sem lagt
var fram í borgarráði í gær er
vísað til hinna fjölmörgu athuga-
semda sem báust vegna auglýs-
ingar um háhýsi við Skúlagötu og
tekið fram að deiliskipulag verði
að staðfesta samkvæmt 17. og 18.
grein skipulagsins áður en leyfðar
verði byggingaframkvæmdir. Þá
er einnig óskað eftir því að borgin
hafi samráð við húsameistara
ríkisins vegna deiliskipulags á
lóðum ríkisins, vestast á svæðinu.
-ÁI
Vantraust samþykkt í annað sinn á formann Stúdentaráðs:
Meirihlutinn er fallinn
Stúdentaráð Háskóla íslands
samþykkti með 13 atkvæðum
gegn 12 í leynilegri atkvæða-
greiðslu á fundi ráðsins í gær-
kvöldi tiliögu frá félagi vinstri
manna um vantraust á formann
ráðsins Stefán Kalmannsson
vegna slælegrar framgöngu
stjórnarinnar í lánamálum náms-
manna. Þar sem þetta er í annað
sinn í röð sem vantraust er sam-
þykkt á formann ráðsins er meiri-
hluti Vöku og Umbótasinna í Stú-
dentaráði fallinn. Fundi ráðsins í
gærkvöldi var frestað um viku en
þá á lögum samkvæmt að kjósa
nýja stjórn i ráðinu.
„Þessi niðurstaða atkvæða-
greiðslunnar kom mönnum mjög
á óvart því á fundinum voru 12
fulltrúar frá félagi vinstri manna
en 13 meirihlutamenn. Það er
greinilegt að fleiri en okkur
vinstri mönnum finnst illa staðið
að baráttu- og hagsmunamálum
námsmanna og einhver fulltrúi
meirihlutans greiddi tillögu okk-
ar atkvæði og felldi þar með
stjórnina“, sagði Kristján Ari
Arason einn fulltrúa vinstri
manna í stúdentaráði í samtali við
Þjóðviljann í gærkvöldi.
Kristján Ari sagði að menn
væru enn að átta sig á þeirri stöðu
sem nú væri komin upp og því
hefði fundi verið frestað þar til
eftir viku en þá á ný stjóm að taka
við í stúdentaráði.
„Það er alveg óljóst hvað tekur
við, en hvernig sem fer þá hlýtur
þessi meirihluti að endurskoða
sinn gang. Sá meirihluti sem nú
hefur verið felldur hefur staðið
sig með eindæmum í lánamálum
og það er ljóst að þessi mál þarf
öll að endurskoða á næstu
dögum,“ sagði Kristján Ari Ara-
son.
-Ig-