Þjóðviljinn - 15.06.1984, Blaðsíða 3
»
Föstudagur 15. júní 1984 ÞJÓÐVILJINN — SÍÐA 3
Steypuskemmdirnar í húsinu að Klyfjaseli 2
Ekki óeðlilegar
segir forstjóri Rannsóknastofnunar byggingariðnað-
arins og segir þœr stafa afröngum byggingaraðferðum
,JÚ, það er alveg rétt að það hafa komið fram greinilegar skemmdir í
húsinu að Klyfjaseli 2 í Breiðholti, sem Sturla Einarsson byggingameistari
er að byggja. Þar er um frostskemmdir að ræða sem koma fram í vikur-
steypu á svölum. Það er hins vegar ekkert eðlilegra en léleg vikursteypa
grotni niður þegar hún er óvarin fyrir slagviðrinu íslenska“, sagði Harald-
ur Ásgeirsson forstjóri Rannsóknastofnunar byggingariðnaðarins er Þjóð-
viljinn ræddi við hann í gær.
„Alkalískemmdir í íslenskum
húsum hafa valdið miljarða tjóni á
síðustu árum en ég get fullyrt að
með því að blanda kísilryki í sem-
entið frá Sementsverksmiðju ríkis-
ins hefur íslenskum vísinda-
mönnum og framleiðendum tekist
að búa til betra sement en völ er á
erlendis frá. Ég óttast því mjög að
villandi upplýsingar um þetta al-
varlega mál leiði til þess að íslensk-
ur byggingaiðnaður bíði hnekki og
að menn fari í auknum mæli að
flytja inn erlenda framleiðslu".
„Vissulega er ástæða til aðgerða
að því er varðar alkalískemmdir í
eldri húsum en í nýrri húsum koma
slíkar skemmdir ekki fram, með
því skilyrði þó, að reglur séu haldn-
ar. Ef menn hins vegar brjóta sett-
ar reglur hlýtur sá er það gerir að
bera fulla ábyrgð á skemmdum
sem af því hljótast“, sagði Harald-
ur í gær.
„Eg geri mér fulla grein fýrir því
að „frétt“ Þjóðviljans í gær getur
verið erfitt að leiðrétta, því orð
„reynds byggingameistara“ eru
vissulega mikils metin. Auk þess
lesa ekki allir þeir sem fengu ugg í
brjóst við lestur fréttar Þjóðviljans
í gær, þá leiðréttingu sem ég er hér
að koma á framfæri. Slíkar afvega-
leiðandi fréttir eru því skaðlegar
fyrir byggingastarfsemi okkar, og
þyrftu bæði byggingamenn og
blaðamenn að gera sér grein fyrir
því“, sagði Haraldur Asgeirsson
forstjóri Rannsóknastofnunar
byggingariðnaðarins að lokum.
- v.
Haraldur Ásgeirsson forstjóri
Rannsóknastofnunar byggingariðn-
aðarins: Vonandi verður frétt Þjóð-
viljans í gær ekki til þess að skjóta
húsbyggjendum skelk í bringu.
Ljósm. Loftur.
Þjóðhátíðarmót
í Reykjavík
Hjólreiða-
keppni
Þjóðhátíðarmót í hjól-
reiðum fer fram í Reykjavík á
morgun, laugardag. Keppnin
hefst við Hafnarböðin,
Grandagarði kl. 14, og er hjól-
að sem leið liggur eftir Ána-
naustum útá Eiðisgranda,
eftir honum öllum og áfram út
Norðurströnd og endað við
Sævargarða. Leið þessi er um
4.2 km.
Keppt er í tveimur flokk-
um. I almenningsflokki er.
aldurstakmarkið 13 ár en þar
fyrir ofan er engin aldurs-
skipting. í hann fara einungis
þeir sem ekki hafa keppt áður
eða keppa ekki að staðaldri.
Hinn er keppnisflokkur með
svokölluðu „Enkelstart“-
sniði, en það þýðir að kepp-
endur eru ræstir einn og einn í
einu með mínútu miilibili.
Umsjón með mótinu hafa Jó-
hann Valdimarsson og Björn
Sigurðsson, sími 71236,
vinnusími 18448.
Blaðamanna félagið
Aðalfundur
Aðalfundur Blaðamanna-
félagsins verður haldinn á
morgun, laugardaginn 16.
júní að Síðumúla 23. Fundur-
inn hefst kl. 14.00. Venjuleg
aðalfundarstörf og önnur mál.
N ámsst j ór amálið
Oskemmtileg reynsla
segir námsstjóri um málsmeðferð ráðherra
„Það er auðvitað ákveðin höfnun
fólgin á mér og mínu starfi í máls-
meðferð ráðherra og það er heldur
óskemmtileg reynsla að lenda í
þessu. Okkur námsstjórunum sem
upphaflega átti ekki að endurráða
finnst einnig að starfsreynsla okkar
í stöðu námsstjóra sé heldur lítils
metin“. Þetta sagði Þorvaldur Örn
Arnason námsstjóri í líffræði, sem
varð fyrir þeirri sérstæðu reynslu á
laugardag að Ragnhildur Helga-
dóttir hringdi í hann persónulega til
að tilkynna honum að hún hygðist
ekki endurráða hann í námsstjór-
astöðuna en hringdi svo aftur
stundu síðar til að bjóða endur-
ráðningu þar sem kandídat hennar
í stöðuna hafði afþakkað hana þeg-
ar í stað.
- Telurðu að ákvörðun ráðherra
hafi verið pólitísk?
„Um það vil ég ekkert segja"
svarar Þorvaldur og bætti því við að
hann hefði enn ekki ákveðið hvort
hann myndi þiggja boð ráðherra
um endurráðninguna.
Erlu Kristjánsdóttur, sem er
námsstjóri í samfélagsfræðum var
einnig tilkynnt af Ragnhildi að hún
yrði ekki endurráðin að svo
stöddu. Hún sagði við Þjóðviljann:
„Það er mörgum spurningum
ósvarað í sambandi við Skóla-
rannsóknardeildina, og á meðan
tel ég ekki mikla ástæðu til að út-
tala mig um þá staðreynd að ráð-
herra kaus að ráða annan en mig í
stöðu námsstjóra“.
Guðmundur Hansen var ráðinn í
stað Erlu, en auk hennar var Jónu
Björg Sætran, námsstjóra í dönsku
ekki boðin endurráðning fyrir
næsta ár og í stað hennar var Sigur-
lín Sveinbjarnardóttir ráðin. Guð-
mundur var ráðinn til eins árs, og
ekki fengust upplýsingar um til hve
langs tíma var ráðið í aðrar náms-
stjórastöður.
Ekki náðist í neinn í mennta-
málaráðuneytinu sem vildi skýra
málstað ráðuneytisins, ráðherra
var á leið frá útlöndum og aðstoð-
armaður hans var fjarverandi og
einnig Sólrún B. Jensdóttir skrif-
stofustjóri. - ÖS
Brottvikning Magnúsar Skarphéðinssonar:
Oftillnægjandi skýríng
segir Helga Thorberg, fulltrúi Kvennaframboðs
„Það sem kom fram á þessum
stjórnarfundi um ástæður brott-
rekstrar Magnúsar Skarphéðins-
sonar var að mínu mati ekki
fullnægjandi, heldur svo almenns
eðiis, að þær gætu átt við nánast
hvaða vagnstjóra sem er“, sagði
Helga Thorberg, fulltrúi Kvenna-
framboðs í stjórn SVR í samtali við
blaðið í gær.
Á þessum fundi var borin upp
traustsyfirlýsing á forstjórann og
sátu þær Guðrún Ágústsdóttir og
Helga Thorberg hjá við samþykkt
hennar. „Það táknar hins vegar
ekki, að ég hafi talið skýringarnar
fullnægjandi“, sagði Helga Thor-
berg. „Ég sá ekki ástæðu til að
biðja um bókun á vantrausti mínu á
forstjóra SVR að svo stöddu. Það
var einnig kominn fram nýr flötur í
málinu, sem er samþykkt 9. deildar
Starfsmannafélags Reykjavíkur,
þar sem þess er krafist, að Magnús
verði endurráðinn eða forráða-
menn SVR útskýri rnálið á fundi
með starfsmönnum SVR. Þetta
gerir málið stærra og gefur tilefni til
þess að taka það upp á næsta
stjórnarfundi, sem verður haldinn
þriðjudaginn 19. júní.“
ast
Davíð vill útsýni yfir Tjörnina
Borgarstjóra-
hús á Bárulóð?
Ovænt ánægja
Lárus Ýmir hlýtur styrk
frá sœnsku kvikmyndastofnuninni
Kvikmyndaleikstjórinn Lárus
Ýmir Óskarsson hlaut nú í vikunni
styrk frá Sænsku kvikmyndastofn-
uninni. Aðspurður sagði Lárus að
þetta væri styrkur sem veittur er I
fyrsta sinn núna. Upphæðin er um
140.000 íslenskar krónur.
Er honum veitt í eitthvert sér-
stakt verkefni sem þú ert með á
prjónunum?
Nei, þessum styrk fylgja engin
skilyrði og það þarf ekki að sækja
um hann. Ég get notað hann í það
sem ég vil. Nú er bara að setjast
niður og hugleiða málið. Maður
verður óneitanlega hissa þegar ein-
hver hringir í mann til að gefa
manni peninga. Ég hef verið að
velta fyrir mér ýmsum verkefnum,
er m.a. með tvö handrit í Svíþjóð
og ýmislegt hér heima. Það er því
gott að fá næði til að hugsa. Þetta
eru kvikmyndaplön, en of stutt á
veg komin til að ég vilji tala um
þau.
Ég er núna að vinna að upptöku
á Stalín er ekki hér hjá Sjónvarpinu
og býst við því að því verði lokið
eftir mánuð. Þá hefur mér verið
boðið á kvikmyndhátíð í Munchen.
Eftir það hef ég hugsað mér að taka
sumarfrí, vera með dóttur minni og
hugsa málin eitthvað fram eftir
sumri. ss
Lárus Ýmir Óskarsson
Davíð borgarstjóri Oddsson hef-
ur beðið forstöðumann Borgar-
skipulags að athuga hugmyndir
sínar um ,Jiógvært“ ráðhús við
norðvestur enda Tjarnarinnar, á
svokallaðri Bárulóð. Þetta hús ætti
segir Davíð, að rúma skrifstofur
kringum borgarstjóraembættið og
þar gæti veri samkomusalur borg-
arstjórnar.
Hugmynd borgarstjóra er enn „á
vangaveltustigi" en Davíð stakk
fyrst uppá þessu í útvarpsþætti fyrir
nokkrum vikum. Lóðin í krikanum
milli Tjamargötu og Vonarstrætis
er í eigu borgarinnar og ennfremur
húsið sem á henni er, en það yrði
að víkja verði ráðhús borgarstjóra
að veruleika. Málið hefur ekki ver-
ið rætt í borgarstjórn eða -ráði.
„Hógvært“ ráðhús við Tjörnina
gengi þvert á þá tillögu að gera
Morgunblaðshúsið að ráðhúsi eftir
að Moggi flytur í nýja miðbæinn.
Uppá þessu var stungið í drögum
arkitekta að skipulagi Kvosarinn-
ar. „Mér persónulega hugnast ekki
þær hugmyndir" sagði Davíð um
Moggaráðhús í samtali við Þjóð-
viljann í gær.
Borgarstjóri og menn hans
dvelja nú í leiguhúsnæði að
Austurstræti 16 og hafa tilraunir
borgarinnar um kaup á því húsi
ekki heppnast. - n