Þjóðviljinn - 03.07.1984, Qupperneq 1

HEIMURINN
LANDIÐ
Stjórnarandstaðan
Lærdómur
okkar er
samstaða
Útifundurinn á Lœkjartorgi:
Eining meðal stjórnarandstöð u
um harða baráttu framundan
Eining um aðgerðir gegn
verstu ríkisstjórn í sögu lýðveldis-
ins var boðskapur fundarins á
Lækjartorgi í gær. Ræðumenn
voru allir á einu máli um nauðsyn
samstilltrar baráttu til að hrinda
árásum fjandsamlegs ríkisvalds.
Eining var lausnarorð fundarins
og Svavar Gestsson kristallaði
það sem sagt var úr ræðustóli og
fram fór í hugum fundarmanna,
þegar hann sagði: „Það sem
sameinar okkur er flest allt sem
kallar á í veruleika samtímans“.
Síðar sagði Svavar að þó því
hefði verið haldið fram að óhjá-
kvæmileg nauðsyn ylli því að
stjórnarandstaðan væri í fjórum
flokkum, þá væri sú „nauðsyn
orðin að sagnfræði, því veruleiki
samtímans krefst samstarfs".
Jón Baldvin Hannibalsson tal-
aði einnig um nauðsyn sam-
ræmdrar baráttu gegn ríkisstjórn
sem virtist miða að því að „gera
ísland til frambúðar að Singap-
ore norðursins, að láglauna-
hjara“ og spurði í lokin hvað
þessi ríkisstjórn hefði gert nema
skerða kjörin. „Hvað hefur hún
boðið upp á nema skemmdar
kartöflur og steina fyrir brauð?“,
spurði Jón og yggldi sig framan í
Stjórnarráðið á móti.
í svipaðan streng tóku aðrir
ræðumenn. Birna Þórðardóttir
ritari talaði fyrir Samtök kvenna
á vinnumarkaði og sagði að kon-
ur yrðu harðast fyrir barðinu á
hinni mannfjandsamlegu stefnu
sem ríkið ræki og svona yrði á-
standið þangað til fólk segði full-
um hálsi eitt stórt samstillt: NEI!
-ÖS
Lóðaúthlutun Garðabœ
Aldrei neinar reglur til
Bæjarstjórn Garðabæjar hefur
sent bréf til þeirra 59 einstak-
linga sem meirihluti Sjálfstæðis-
flokksins valdi úr hópi 150 um-
sækjenda um lóðir fyrir ungt fólk
í bæjarlandinu. I bréfinu er óskað
eftir glöggum upplýsingum og
skýringum um hvernig viðkom-
andi ætla að standa undir bygg-
ingarkostnaði á viðkomandi lóð-
um.
Mikil óánægja er í Garðabæ
með þau vinnubrögð sem meiri-
hluti Sjálfstæðismanna í bæjar-
stjórn beitti við úthlutun þessara
lóða. Hefur fjöldi bæjarbúa haft
samband við Þjóðviljann og sagt
að hér væri um hreinar geðþótta-
ákvarðanir að ræða þar sem eng-
um reglum væri fylgt. Sagði einn
viðmælenda blaðsins að nú væri
mælirinn fullur. Hann myndi
aldrei kjósa Sjálfstæðisflokkinn
þar aftur eftir að fulltrúar hans
hefðu sýnt þessi ógeðfelldu
vinnubrögð.
Guðjón Erling Friðriksson
bæjarritari í Garðabæ sagði að
engar sérstakar reglur hefðu ver-
ið hafðar til hliðsjónar við úthlut-
un þessara lóða enda þær ekki
legið fyrir þegar lóðirnar voru
auglýstar. Meirihluti bæjar-
stjórnar hefði lýst sig samþykkan
þessari afgreiðslu en Hilmar Ing-
ólfsson bæjarfulltrúi Abl. verið
einn á móti.
„Hér í Garðabæ hafa aldrei
verið til neinar sérstakar reglur
sem hafa gilt við lóðaúthlutun.
Það er reynt að taka tillit til þeirra
auglýsinga sem fram komu á
þessum umsóknareyðublöðum,
en síðan er úthlutun lóðanna
auðvitað á ábyrgð þeirra aðila
sem fara með stjórnina hér í bæn-
um. Þeir hafa þá sannfæringu
fyrir þessari niðurstöðu."
Þá vildi bæjarritari taka skýrt
fram að það væri misskilningur
að búið væri að segja nei við
nokkurn af þeim sem sóttu um
lóðir.
„Þessir 59 hafa fengið tækifæri
núna og þeir verða að koma með
mjög glöggar lýsingar og skýring-
ar til okkar til að fá staðfestingu á
úthlutun. Við munum meta upp-
haflega listann þegar svörin
koma inn nú á næstu dögum. Á
þessu svæði er gert ráð fyrir 150
lóðum í allt og þessir 59 koma til
úthlutunar núna“, sagði Guðjón
Erling.
-*g-
Borgarspítalinn
Ofbeldi beitt við uppsögn
Framkvœmdastjórinn beitti líkamsburðum við 75 ára rœstingakonu
sem taldi sér hafa verið sagt upp á rangan hátt.
Hann sneri uppá hendurnar á mér og meðan hann hélt mér þannig
reyndi ræstingastjórinn að rífa skáplyklana úr vösum mínum.
Áður var hann búinn að rífa barmmerki af mér, með nafninu mínu á.
Síðan var mér skipað að fara úr kjólnum, því hann væri eign Borgar-
spítalans. Fyrst varð ég hrædd, síðan ofsareið og tók á móti honum og
hann reyndist ekki vera kvensterkur.
Þannig lýsir sjötíu og fimm ára gömul ræstingakona hvaða aðferðum
framkvæmdastjóri Borgarspítalans notaði til að koma henni úr vinnu,
en konunni var sagt upp í kjölfar „hagræðingarinnar" sem verið er að
koma á ræstingar á Borgarspítalanum.
Á handleggjum konunnar voru augljós merki eftir átökin og þegar
samverkakonur hennar sáu ástand hennar hvöttu þær hana til að fara á
slysavarðstofuna til að láta skoða ummerkin. Hún kvaðst hins vegar
hafa verið í miklu uppnámi, og ekki viljað „gera spítalanum þá
skömm.Ég hélí líka þau myndu koma og biðja mig afsökunar“. Daginn
eftir sá enn á handleggjum hennar og þá fór hún á slysavarðstofuna, en
hefur hins vegar ekki getað fengið áverkavottorð þaðan. Samkvæmt
upplýsingum læknis þar, sem haft var samband við í gær, er slíkt
vottorð ekki látið í té nema málaferli verði.
-ÖS
Sjá bls. 2