Þjóðviljinn - 05.08.1984, Qupperneq 14

Hríseyjarferjan
Daglegar ferðir eru sem hér
segir:
Frá Hrísey kl. 9, 13, 17.30.
Frá Árskógssandi og til baka
9.30, 13.30 og 18.00.
Frá Hrísey kl. 21.30 föstud.,
laugard. og sunnudaga. Aftur
Árskógsströnd og til Hríseyjar
kl. 22.00 á föstud., laugard.
og sunnudögum.
Miðnæturferðir á sunnud.,
þriðjud. og föstudögum, frá
Hrísey kl. 23.30 og frá Ár-
skógssandi kl. 24.00.
Verð fyrir fullorðna 40 kr., en
20 kr. fyrir börn. Hægt er að fá
leigð svefnpokapláss og
tjaldstæði. Fjölbreytt fuglalíf,
kyrrð mikil og hvíldarstaður
góður.
Ferjan tekur einnig að sér
leiguferðir t.d. umhverfis eyj-
una og svo til nágrannahafn-
anna.
Hríseyjarferjan
Símar 96-61717, 96-61732, 96-61764.
ALÞÝÐUBANDALAGIÐ
Alþýðubandalagið í Reykjavík
Skundum á Þingvöll
Sumarferð Alþýðubandalagsins í ár verður laugardaginn 18. ágúst. Farið
verður frá Reykjavík til Þingvalla. Valinkunnir leiðsögumenn, vönduð dag-
skrá, - Halldór Laxness mun lesa kafla úr íslandsklukkunni á Þingvöllum.
Leikir og þrautir fyrir börn á öllum aldri munu gera ferðina bráðskemmti-
lega.
Allar nánari uþþlýsingar verða birtar í Þjóðviljanum. Skráning farþega og
sala farmiöa er á skrifstofu Alþýðubandalagsins Hverfisgötu 105. Eru allir
hvattir til að panta sér far og eigi síðar en 15. ágúst. Síminn er 17500.
Ferðanefndin.
Alþýðubandalagið Vesturlandi
Verslunarmannahelgin - Sumarferð
Alþýðubandalagið á Vesturlandi fer í sína árlegu sumarferð í Eyjafjörð og
Þingeyjarsýslu um verslunarmannahelgina 4. til 6. ágúst.
Farið verður frá Akranesi og Borgarnesi á laugardagsmorgun 4. ágúst.
Gist að Stóru-Tjörnum í Ljósavatnsskarði í tvær nætur. Tjaldstæði
svefnþokapláss - hótelherbergi, eftir ósk hvers og eins. Leiðsögumaður
Erlingur Sigurðarson. í hagstæðu veðri verður farið Sprengisand aðra
leiðina. Þátttaka tilkynnist til eftirtalinna sem allra fyrst: Akranes Jóna s.
1894 - Ingunn 2698 - Guðbjörg 2251. Borgarfjörður Ríkharð s. 7072 -
Halldór 7355. Hellissandur Skúli s. 6619. Ólafsvík Jóhannes s. 6438.
Grundarfjörður Ólöf s. 8811. Stykkishólmur Þórunn s. 8421. Dalir Kristjón
4175. Ferðin er öllum opin og fyrir alla fjölskylduna.
- Kjördæmisráð.
Suðurnesjamenn - Sumarferð
Alþýðubandalagsfélögin Suðurnesjum fara sína árlegu skemmtiferð helg-
ina 18. til 19. ágúst n.k. Farið verður um Sigöldu, Landmannalaugar og
Fjallabaksleið nyrðri í Eldgjá. Gist verður við Ófæru. Sunnudaginn 19.
verður ekið niður í Skaftártungur og Vestursveitir. Komið verður við í
Hjörleifshöfða og Vík í Mýrdal. Byggðasafnið í Skógum verður skoðað.
Einnig verður gerður stuttur stans við merka sögustaði á þessari leið.
Komið verður til Keflavíkur kl. 22.00 til 23.00 þann 19. ágúst. Þátttakendur
láti skrá sig hjá Sólveigu Þórðardóttur í síma 92-1948 og hjá Torfa
Steinssyni í síma 7214 og Elsu Kristjánsdóttur sími 7680.
14 SÍÐA - ÞJÓÐVILJINN Sunnudagur 5. ágúst 1984
BÆJARRÖLT
Ég skrapp niður í bæ á
miðvikudag og stillti mér upp á
Austurvöll til að horfa á prósess-
íu forseta íslands frá dómkirkju
til þingshúss og sjá Vigdísi koma
fram á svalirnar. Sól skein í heiði
og einhver sagði að þetta væri
einn af þessum sjaldgæfu dögum í
Reykjavík. Allir voru í góðu
skapi og sumar stúlkurnar voru á
stuttbuxum, fátíð sjón í miðbæ
Reykjavíkur.
Svo kom Vigdís í kirkjudymar
í rauðum kjól og fólkið þyrptist
fram að Kirkjustræti til að sjá
betur. Á eftir forsetanum gengu
100 svartir karlmenn í prósessíu
og þar gaf að líta dómara, ráð-
herra, þingmenn, sendimenn og
forstjóra. Allir voru í kjólfötum
nema Svavar og Ásmundur og
flestir með orður hangandi um
hálsinn og á brjóstinu, sumir svo
margar að þær náðu niður undir
læri. Þeir elstu og hrumustu voru
með slagsíðu af öllum þessum
málmi.
Allt í einu varð ég var við
eitthvað undir fótum mínum. Þar
lá maður og var næstum troðinn
undir fótum hinna forvitnu.
Hann var steinsofandi og hraut
lágt en hægri hönd hans var
kreppt um flösku. Veslings mað-
urinn. Þarna hafði hann lagst í
grandaleysi einhvern tíma fyrr
um daginn til að sofa svolítið úr
sér mesta sólskinið, grunlaus um
að hann ætti eftir að liggja þarna
fyrir fótum mannfjöldans.
Svo kom Vigdís út á svalirnar
eftir að hafa ritað undir eiðstaf-
inn og allir klöppuðu. Það umlaði
í manninum sem svaf inni í miðri
mannþyrpingunni og allt í einu
reis hann upp við dögg, pírði
augun og sagði: „Ha, hvað“.
Tvær norskar konur með mynda-
vélarnar mundaðar stóðu klof-
vega yfir honum og færðu sig nú
um set og litu sem snöggvast með
meðaumkunaraugum á manninn
sem sat ringlaður í miðri þvögu-
nni. Þær máttu samt ekkert vera
að því að gefa honum frekari
gaum því að nú var tækifæri til að
ná góðri mynd af forseta íslands.
Svo hrópuðu allir ferfalt húrra
fyrir ættjörðinni nema maðurinn
sem sat bara og hugsaði sitt ráð.
Hann hafði þó verið í nánari
snertingu við ættjörðina þennan
dag en flestir aðrir.
Skyndilega byrjaði lúðrasveit
að leika og sennilega hefur mað-
urinn verið að velta fyrir sér hvort
hann væri virkilega kominn til
Himnaríkis. Hann hallaði undir
flatt og virti fyrir sér þriflega
afturenda norsku kvennanna sem
tylltu sé á tá til þess að sjá sem
best. Önnur var í bláum buxum
en hin í hvítum.
Svo leit hann á flöskuna sem
enn var í krepptri hönd hans,
skyggði hana til himins - en hún
var galtóm. Hann stóð seinlega á
fætur, sneri sér að ungri konu
með barn, rak andlitið upp í and-
lit hennar og sagði með hásri
rödd: „Hvaða helvítis læti eru
þetta?“ Unga konan tók bakföll
og flýtti sér í burtu án þess að
svara manninum. Maðurinn hik-
aði andartak ráðvilltur, klóraði
sér í síðunni, hysjaði betur upp
um sig buxurnar og haltraði af
stað í Pósthússtræti. Þar hvarf
hann. Vonandi hefur hann getað
náð sér í meira sólskin í grænu
gleri.
En hinir héldu áfram að teyga
sólskinið sem Guð gefur af himn-
inum og Vigdís var orðin forseti í
annað sinn.
-Guðjón
Sprengisandur - Kjölur
Bjóöum upp á ferðir milli Reykjavíkur og Akureyrar um
Sprengisand og Kjalvegsleiðir þar sem farið er á einum degi
hvora leið.
Farið er frá Reykjavík norður Sprengisand
mánudaga og fimmtudaga kl.08.00
og frá Akureyri suður Kjöl
miðvikudaga og (augardaga kl.08.30
Ferðir þessar seljast með leiðsögn og fæði þann daginn sem ferðast er. í
ferðum þessum gefst fólki tækifæri á að sjá og heyra um meginhluta
miðhálendisins, jökla, sanda, gróðurvinjar, jökulvötn, hveri og margt fleira
í hinni litríku náttúru íslands.
Hægt er að fara aðra leiðina eða báðar um hálendið eða aðra leiðina um
hálendið og hina með áætlunarbílum okkar um byggð og dvelja norðan-
lands eða sunnanlands að vild því enginn er bundinn nema þann daginn
sem ferðast er.
Nánari upplýsingar veita B.S.Í. Umferðarmiðstöðinni Reykjavík sími
22300 og ferðaskrifstofa Akureyrar sími 25000 og einnig afgreiðsla
séleyfisbíla Akureyri sími 24729 og við hjá
NORÐURLEIÐ H.F.
simi11145