Þjóðviljinn - 26.07.1985, Blaðsíða 1
MANNLÍF
GLÆTAN
UM HELGINA
Görótt
Eiturvínið
ekki
eitrað?
Ein tegund á ís-
lenskum markaði,
Edel Fraulein. Á TVR
kallaði hana afmark-
aði. Jón Kjartansson
forstjóri: Ekkert eitur
fundist.
„Um leið og fréttist um
austurríska vínið með frost-
leginum, tókum við þá einu
austurrísku tegund sem við erum
með úr umferð, - og sendum til
rannsóknar,” sagði Jón Kjart-
ansson forstjóri ATVR í samtali
við Þjóðviijann í gær. „Við höf-
um nú fengið munnlegan úrskurð
frá Rannsóknarstofnun Há-
skólans um að engin eiturefni hafi
fundist í þessari tegund.”
Hér er um að ræða austurríska
hvítvínið Edel Fraulein, - „en ég
mun ekki setja vínið aftur á
markaðinn fyrr en ég hef fengið
skriflegan úrskurð úr rann-
sókninni,” sagði Jón Kjartans-
son.
Jón kvað vínið ekki hafa verið
tekið af markaði hjá vínveitinga-
húsum, þannig að Edel Fraulein
gæti verið þar enn til sölu.
í fréttum í gær frá Evrópu sagði
að sérfræðingar hefðu fundið
frostlagareitur í 250 tegundum ai
austurrísku víni og tveimur teg-
undum frá Vestur-Þýskalandi
Tegundir þessar eru á markað
víða í Evrópulöndum, Banda-
ríkjunum og Hong Kong.
-si
Mér finnst öll meðferð þessa
máls mjög gruggug svo ekki
sé meira sagt og það er auðvitað
sárt að sjá 10 ára baráttu manns
til að koma sér upp húsnæði eyði-
lagða á þennan hátt. En ég er
ákveðinn í að ná fram mínum
rétti í þessu máli, sagði Lárus
Jónsson í viðtali við Þjóðviljann,
en Lárus bíður nú ásamt fjöl-
skyldu sinni, konu og tveimur
börnum, eftir að verða borinn út
úr húsi sem hann keypti í árslok
1983.
Lárus keypti húseignina Arn-
artanga 35 í Mosfellssveit af Gísla
Árnasyni deildarstjóra í forsætis-
ráðuneytinu í lok ársins 1983.
Kaupverð hússins var um 3
milljónir og var það að fullu veð-
sett. Skömmu eftir að fjölskyldan
flutti í húsið fór að bera á ýmsum
göllum í þvx, gluggar láku og hús-
ið var meira og minna óþétt. Að
sögn reyndi Lárus að fá seljanda
hússins til að borga endurbætur á
húsinu, en þeim gekk ekki að
semja um það, m.a. vegna þess
að Gísli vildi ekki greiða Lárusi
skaðabætur vegna þessa. í kjölfar
þessa spunnust deilur á milli
Gísla og Lárusar. Krafist var rift-
unar kaupsamnings á báða bóga,
en af einhverjum ástæðum kom
ekki til þess. Lárus hætti að
greiða Gísla þegar hann hafði
greitt 750 þúsund af andvirði
hússins. Aður hafði hann sam-
kvæmt ráðleggingu fasteignasala
gefið út skuldabréf fyrir afborg-
unum af húsinu.
í mars 1985 var Lárus dæmdur
til að greiða Gísla það sem um
hafði verið samið, en Gísla gert
að greiða Lárusi tæpar 50 þúsund
krónur vegna galla á húseigninni.
Skömmu síðar fékk Lárus til-
kynningu um að innan skamms
myndi fara fram uppboð á húsi
hans. Lárus kveðst þá hafa hringt
f bæjarfógetaembættið í Hafnar-
firði og verið tjáð af uppboðs-
haldara, að hann myndi örugg-
lega fá þriggja mánaða frest á
uppboðinu og þurfti því ekki að
mæta á staðinn.
-gg
En á uppboðinu fékk Jón
Steinar Guðlaugsson lögmaður
Gísla og formaður lögmannafé-
lagsins því framgengt, að ekki var
veittur nema mánaðarfrestur.
Uppboðið fór fram að þeim mán-
uði liðnum, en enn fékk Lárus
frest. Að lokum var Gísla Árna-
syni slegin eignin á uppboði fyrir
2.7 milljónir króna, eða mun
minna en hann seldi Lárusi húsið
á, fyrir hálfu öðru ári. Lárus ætlar
að áfrýja bæði dómnum og upp-
boðinu til hæstaréttar.
Ég er ákveðinn að ná fram mínum rétti (þessu máli. Lárus Jónsson fyrir framan heimili sitt í Mosfellssveit. - Ari.
Aðilar á Suðurnesjum og í Færeyjum stofna hlutafélag um eldi á
risarœkju íferskvatni. 70 tonna ársframleiðsla gefur afsér um 40
miljónir. Rœkjan fullalin á aðeins 4 mánuðum. Tilraunaeldisstöð í
gang í Garðinum í haust.
Undirbúningur fyrir tilraun-
aframleiðslu á risarækju í
ferskvatni á Suðurnesjum er
langt kominn og er stefnt að því
að tilraunaeldisstöð taki til starfa
í Garðinum nú í haust. Það er
Iðnþróunarfélag Suðurnesja sem
hefur haft milligöngu um að
koma á samstarfi aðila á Suður-
nesjum og í Færeyjum um stofn-
un hlutafélags til reksturs slíkrar
verksmiðju.
Samkvæmt heimildum Þjóð-
viljans er miðað við 70 tonna árs-
framleiðslu sem á að gefa af sér
tæpar 40 miljónir í heildartekjur
en heildarkostnaður við upp-
byggingu fyrirtækisins og fjár-
magnskostnaður er áætlaður um
45 miljónir miðað við verðlag í
dag.
Jón Unndórsson iðnráðgjafi
hjá Iðnþróunarfélagi Suðurnesja
staðfesti í samtali við Þjóðviljann
í gær að undirbúningur að rekstri
þessa fyrirtækis væri nú í fullum
gangi en vildi sem minnst segja
um málið á þessu stigi.
Það sem er áhugaverðast við
ræktun á risarækju er að hún
byrjar að gefa af sér tekjur strax
eftir 4 mánuði. Samstarfið við
Færeyinga við þetta eldi kemur til
þar sem þeir hafa verið með slíka
ræktun í undirbúningi á heima-
slóðum og hafa átt náið samstarf
við Svía og Japani um þau mál en
talið er hagkvæmara að ala rækj-
urnar upp hérlendis vegna hins
ódýra jarðvarma.
Ætlunin er að kaupa eldisdýr
frá Svíþjóð en þeir hafa stundað
ræktun á risarækju um nokkurt
skeið með góðum árangri en risa-
rækja er ræktuð í ferskvatni í
stórum mæli í ísrael og í Mexico.
Góður markaður er fyrir risa-
rækju í Evrópu og sala á 70 tonna
ársframleiðslu trygg á þeim
markaði.
-lg
Nauðungaruppboð
Ég krefst réttar míns
Lárus Jónsson missti húseign sína á uppboði. Seljandinn keypti húsiðfyrir minna
fé á uppboði heldur en hann hafði selt hana hálfu öðru ári fyrr.