Þjóðviljinn - 27.09.1985, Qupperneq 16

Aðalsími: 81333. Kvöldsími: 81348. Helgarsími: 81663.
Föstudagur 27. september 1985 221. tölublað 50. örgangur
DJOÐVIUINN
Skattadeilan
Banabiti ríkisstjómarinnar
Finnur Ingólfsson formaður SUF: Skattaágreiningurinn getur orðið
þessari ríkisstjórn aðfalli. Leggjum að þingflokki að halda
stóreignaskatti til streitu. Nota á skattakerfið til tekjujöfnunar.
Agreiningurinn í skattamálun-
um gæti að mínu mati hugsan-
lega orðið banabiti þessarar ríkis-
stjórnar. Mér fínnst full ástæða
til að ganga út úr þessari ríkis-
stjórn ef Framsóknarflokkurinn
kemur hugmyndum sínum í
skattamálum ekki í framkvæmd,
sagði Finnur Ingólfsson formað-
ur Sambands ungra Framsóknar-
manna og aðstoðarmaður Hall-
dórs Ásgrímssonar sjávarútvegs-
ráðherra og varaformanns Fram-
sóknarflokksins í samtali við
Þjóðviljann í gær.
„Ráðherrar Framsóknar-
flokksins voru andsnúnir því að
leggja söluskatt á matvæli og
komu í veg fyrir að það yrði gert
en Sjálfstæðisflokkurinn beygði
þá þegar kom að stóreignaskatt-
inum. Samband ungra Fram-
sóknarmanna hefur lagt fram til-
lögur um að leggja á sérstakan
stóreignaskatt, leggja söluskatt á
allt, þarmeð talin matvæli, og
auka skattaálögur á þá sem hæst-
ar tekjurnar hafa. Við höfum lagt
að þingflokki Framsóknarflokks-
ins um að leggja fram frumvarp á
þingi um að lagður verði á stór-
eignaskattur og ég er sammála
Stefáni Guðmundssyni alþingis-
manni um að Framsóknarflokk-
urinn hafi óbundnar hendur hvað
þetta snertir. Ef slíkt frumvárp
verður lagt fram hef ég þá trú að
það verði gert af einurð og þá er
ekki ólíklegt að fari að draga til
tíðinda innan stjórnarinnar, þar
sem vitað er að Sjálfstæðismenn
eru andvígir slíku. Það er eitt af
grundvallaratriðunum í stefnu-
skrá Framsóknarflokksins eins
og allra annarra flokka utan
Sjálfstæðisflokksins, að nota
skattakerfið til að jafna lífskjörin
í landinu. Ef flokkurinn heldur
stóreignaskattinum ekki til
streitu eru þingmenn á vissan hátt
að bregðast þessu grundvallaratr-
iði, nema eitthvað annað í fjár-
lögum muni réttlæta að leggja
stóreignaskattinn til hliðar. Þing-
menn flokksins verða að vera
reiðubúnir að mæta harðvítugri
andstöðu Sjálfstæðismanna ef
stóreignaskatturinn fer inn á
þing.
Hvaða leiðir viljið þið ungir
Framsóknarmenn fara að því
markmiði að nota skattakerfíð til
jöfnunar lífskjara í landinu?
„Við viljum leggja söluskatt á
allt, afnema allar undanþágur.
Tekjurnar sem þannig fengjust
inn væri síðan hægt að nota til að
endurgreiða því fólki sem við
verst lífskjör býr, t.d. með barn-
abótum. I stað þess að afnema
tekjuskatt viljum við auka álögur
á þá sem mestar hafa tekjurnar.
Það eru gloppur í þessu tekju-
skattskerfi, en þær er hægt að
leiðrétta í stað þess að afnema
kerfið eins og það leggur sig. Síð-
ast en ekki síst má nefna stór-
eignaskattinn, sem við leggjum
mikla áherslu á“, sagði Finnur.
-gg
Bókmenntir
Konráð skrifaði
eigið dánarvottorð
Ný bók með bréfum Konráðs Gíslasonar í
útgáfu Aðalgeirs Kristjánssonar
Þessi útgáfa á sér nú langan
aðdraganda“ sagði Aðal-
geir Kristjánsson skjalavörður í
samtali við Þjóðviljann í tilefni
þess að út er komin bók með
bréfum Konráðs Gíslasonar próf-
essors og eins Fjölnismanna og sá
Aðalgeir um hana cn Stofnun
Árna Magnússonar á Islandi gef-
ur út.
„Ég kynntist þessum bréfum
fyrst í Kaupmannahöfn 1955 þar
sem ég dvaldi í nokkur ár og þá
þegar vaknaði með mér sú
löngun að gefa bréfin út. Ég gaf
svo út úrval úr bréfunum í smárit-
um Menningarsjóðs, bók sem
heitir Undir vorhimni. En önnur
verk töfðu fyrir, ég var upptekinn
við bréf og ævisögu Brynjólfs
Péturssonar til ársins 1972. Þá gat
ég einbeitt mér að því verki að
safna bréfum Konráðs og skrifa
þau upp. En það gekk ákaflega
illa að fá þetta útgefið og bréfin
eru búin að liggja hjá fleiri en
einum útgefenda, sem allir hafa
heykst á þessu.
Það varð svo Árnastofnun sem
tók við bréfunum og gaf út, enda
má segja að Konráð hafi átt svo-
litla hönk upp í bakið á þeirri
stofnun, því hann arfleiddi hana
að öllum sínum eigum og gögn-
um.
Það er nú margt bæði merki-
legt og skemmtilegt í bréfum
Konráðs, því hann tók upp á
ýmsu og var mjög fyndinn í
bréfum. En meðal annarra gagna
frá honum þá má sjá að hann rit-
aði með eigin hendi sitt dánar-
vottorð og miðað við rithöndina
þá hefur það verið skrifað a.m.k.
nokkrum árum fyrir dauða Kon
ráðs.Hann hefur ekki treyst kell-
ingunni, - ráðskonunni og ein-
ungis skilið eftir dagsetninguna
til útfyllingar og mér sýnist sem
það muni hafa verið Guðmundur
Þorláksson sem hefur stælt rit-
hönd Konráðs, en hann vakti yfir
honum í andlátinu.
En það vantar auðvitað bréfin
til Konráðs. Þau þyrfti að gefa út,
en nú eru þau til sum hver hér og
þar í bókum. Það kemur m.a. í
ljós að Konráð skrifaðist á við
marga merkustu fræðimenn
þessa tíma, og hefur verið tengi-
liður við þá. En Konrad Maurer
er ekki í þeim hópi, enda skrifað-
ist hann á við Jón Sigurðsson.
Það lætur nærri að Konráði hafi
ekki verið jafn illa við nokkurn
mann eins og Jón Sigurðsson,
þegar verst lét og í bókinni eru
m.a. bréf frá Konráði til Jóns þar
sem hann er að skrifa Jóni og
spyrja hvað líði ákveðnu verki,
einungis til þess að angra hann
vegna þess að hann vissi vel að
Jón hafði ekkert gert í þessu“.
-pv
Aðalgeir Kristjánsson skjalavörður með bókina nýju innihaldandi bréf Konráðs Gíslasonar. Ljósm.: Sig.
Bókaþing
Niðurfelling söluskatts!
Bókaþing 1985 haldið í Borgar-
nesi um helgina skorar á ríkis-
stjórn íslands að fella niður sölu-
skatt af íslenskum bókum og
stuðla þannig að því að bækur
geti að nýju skipað þann sess sem
þeim ber í íslensku þjóðlífí.
Þetta segir meðal annars í á-
lyktun bókaþings 1985 sem Félag
íslenskra bókaútgefenda og Fé-
lag íslenskra bókaverslana stóðu
fyrir í Borgarnesi um síðustu
helgi. Á þinginu var staða bókar-
innar skoðuð frá fjölmörgum
hliðum. Meðal annarra ályktana
var skorað á ríkið að draga ekki
greiðslu til handhafa höfundar-
réttar vegna fjölföldunar í skól-
um. Gerðardómur féll í því máli í
maí 1984 og var ríkissjóður
dæmdur til að greiða 11,2
milljónir króna. Þá var samþykkt
að stofna samtök sem hafi það að
markmiði" að vinna að sameigin-
legum hagsmunamálum þeirra er
starfa við bækur og bókaútgáfu.
-aró
Tónlist
Islendingur hlýtur
bandarískan styrk
Hljómborðsleikarinn Kjartan
Valdimarsson, Reykholti í
Mosfellssveit hefur hlotið 1400
dollara námsstyrk frá Berklee
tónlistarskólanum í Boston, fyrir
námsárið ’85-’86.
Styrkurinn er veittur árlega
þeim nýju námsmönnum skólans
sem sýnt hafa bestan árangur á
tónlistarsviðinu hverju sinni. í
fréttatilkynningu segir að Kjart-
an sé vel metinn einleikari með
jasshljómsveitum bæði í Reykja-
vík og New York og hafi sýnt
ótvíræða hæfileika sem tónlistar-
maður.