Þjóðviljinn - 12.10.1985, Blaðsíða 4

LEIÐARI
Kauphækkun handa öllum!
Þjóöin er vægast sagt aö veröa agndofa yfir
skrípaleiknum í ríkisstjórninni. Dag eftir dag
verða menn vitni að innbyrðis óöld og illdeilum.
Ráðherrarnir segja eitt í dag og annað á morg-
un, og virðast treysta fjölmiðlum mun betur fyrir
gjörningum sínum helduren hvoröðrum. Sam-
skiptaörðugleikarnir eru slíkir, að Þorsteinn
Pálsson formaður Sjálfstæðisflokksins og Al-
bert Guðmundsson fráfarandi fjármálaráðherra
virðast með engu móti geta gert sig skiljanlega
hvorn við annan. Menn á þeirra bæ virðast ekki
lengur geta talað við hvorn annan nema annað
hvort í dylgjutón og undir rós, eða þá með
tveimur hrútshömum. Þannig lýsir Þorsteinn því
yfir, eftirá, að hann hafi „misskilið" Albert varð-
andi kauphækkun opintserra starfsmanna, og
er auðvitað að gefa í skyn að Albert hafi farið á
bak við hann.
Sama er uppi á teningnum hjá Steingrími
Hermannssyni forsætisráðherra. Hann lýsir því
blákalt yfir, að það sé rangt hjá Albert Guð -
mundssyni.að hann hafi gert sér grein fyrir þeim
launahækkunum sem um var að tefla í samn-
ingnum við BSRB. Þessa ásökun heldur forsæt-
isráðherra fast við, þrátt fyrir að Kristján Thor-
lacius, vammlaus verkalýðsforingi, lýsi því yfir
að hann hafi heyrt Albert skýra forsætisráð-
herra frá samningum. „Ég var staddur inni hjá
fjármálaráðherra Albert Guðmundssyni þegar
hann ræddi við Steingrím Hermannsson og
skýrði honum frá því að við værum að skrifa
undir samninga og ég fullyrði að Steingrímur
Hermannsson gaf samþykki sitt fyrir því að
gengið yrði frá samningnum". Þetta voru orð
Kristjáns Thorlacius í Þjóðviljanum í gær.
Málið er einfaldlega það, að formenn stjórn-
arflokkanna gerðu sér ekki grein fyrir því, að
auðvitað myndu réttlátar hækkunarkröfur ann-
arra verkalýðssamtaka fylgja í kjölfar BSRB-
hækkunarinnar. Þegar þær kröfur komu svo
fram braust fram svo mikil reiði á meðal niður-
skurðarmanna í báðum stjórnarflokkunum sem
halda að það sé lausn allra mála að halda
laununum sem allra lægstum, að Þorsteinn og
Steingrímur gripu til þess lúalega ráðs að halda
því fram að þeir hefðu annaðhvort „misskilið“
Albert Guðmundsson, eða þá hann hafi farið á
bak við þá. Sér er nú hver hreystin í þeim hetju-
bræðrum!
Hitt er aftur lýsandi fyrir ástandið undir þess-
ari ríkisstjórn, að þegar fólk fær loksins lúsar-
hækkun, þá lýsir formaður stærsta
stjórnmálaflokksins því nánast yfir, að það hafi
verið „misskilningur". Er það bara ekki misskiln-
ingur að vera yfirleitt að borga fólki iaun? Það
mætti helst ráða af málflutningi Sjálfstæðis-
flokksins í dag.
Auðvitað er það fullkomlega sjálfsagt mál, að
sú kauphækkun sem BSRB-menn fengu nú,
gangi yfir alla launþega í landinu. Kjararýrnunin
er orðin svo ofboðsleg fyrir tilstilli núverandi
stjórnvalda, að menn eru einfaldlega að kikna.
Ásmundur Stefánsson, forseti ASÍ, Guð-
mundur J. Guðmundsson, formaður VMSÍ og
Björn Þórhallsson varaforseti ASÍ hafa allir sett
fram þau viðhorf opinberlega, að sjálfsagt sé að
félög innan ASÍ fái sömu leiðréttingu á launum
og BSRB. Það er í hæsta máta eðlilegt að taka
undir þá kröfu. Réttmæti hennar sést ef til vill
best þegar kaupmáttur í dag er skoðaður með
tilliti til kjarasamninganna sem gerðir voru síð-
asta vor. Þá var gert ráð fyrir ákveðnum verð-
lagsforsendum og ákveðinni kaupmáttarþróun.
Þær forsendur standast hins vegar ekki í dag.
Kaupmátturinn í dag er nefnilega tveimur
prósentum lægri en hann á að vera sam-
kvæmt samningunum í vor. Þess vegna er
fullkomlega réttmætt, að öll verkalýðshreyf-
ingin fái sömu kauphækkun og BSRB fékk,
og það undir eins!
- ÖS.
Ó-ÁLfT
NOÐVIUINN
Málgagn sósíalisma, þjóðfrelsis
og verkalýðshreyfingar
Utgefandi: Útgáfufólag Þjóðviljans.
Ritstjórar: Ámi Bergman, össur Skarphéðinsson.
Rltstjórnarfulltrúi: Oskar Guömundsson.
Frótta8tjóri: Valþór Hlöðversson.
Blaðamenn: Aðalbjörg Óskarsdóttir, Álfheiður Ingadóttir, Garðar
Guðjónsson, Ingólfur Hjörleifsson, LúðvíkGeirsson, Magnús H. Gísla-
son, Mörður Árnason, Sigurdór Sigurdórsson, Víðir Sigurðsson, Þór-
unn Sigurðardóttir, Þröstur Haraldsson.
Handrita- og prófarkalestur: Andrea Jónsdóttir, Elías Mar.
Ljósmyndir: Einar Ólason, Sigurður Mar Halldórsson.
litlit: Sævar Guðbjörnsson, Garðar Sigvaldason.
Símvarsla: Siaríður Kristjánsdóttir.
Húsmæður: Agústa Þórisdóttir, Ólöf Húnfjörð.
Bílstjóri: Jóna Sigurdórsdóttir.
Framkvæmdastjóri: Guðrún Guðmundsdóttir.
Skrif8tofustjóri: Jóhannes Harðarson.
Skrif8tofa: Guðrún Guðvarðardóttir, Magnús Loftsson.
Utbrelðslustjórl: Sigríður Pótursdóttir.
Auglýslngastjórl: Ragnheiður Óladóttir.
Auglý8ingar: Ásdís Kristinsdóttir, Guðbergur Þorvaldsson,
Olga Clausen.
I
AfgreiÖ8lustjóri: Baldur Jónasson.
Afgreiðsia: Bára Sigurðardóttir, Kristín Pótursdóttir.
Innheimtumenn: Brynjólfur Vilhjálmsson, Ólafur Björnsson.
Útkeyrsla, afgreiðsla, auglýslngar, ritstjórn:
Siðumula 6, Reykjavík, sími 81333.
Umbrot og setning: Prentsmiðja Þjóðviljans hf.
Prentun: Blaðaprent hf.
Verð í lausasölu: 35 kr.
Sunnudagsblað: 40 kr.
Áskrift á mánuði: 400 kr.
4 SÍÐA - ÞJÓÐVILJINN Laugardagur 12. október 1985