Þjóðviljinn - 12.10.1985, Blaðsíða 13
Sjórán
Verða ræningjar framseldir?
Róm og víðar - ítölsk yfirvöld
hyggjast draga sjóræningjana
fjóra sem rændu farþega-
skipinu Achille Lauro fyrir
dóm en bandaríska stjórnin
hefur lýst því yfir að hún muni
krefjast þess að fá þá fram-
selda. Palestínumennirnir eru
nú í haldi í herstöð á Sikiley.
Eftir að nokkurs ruglings hafði
gætt f gær um það hvar ræningj-
arnir fjórir væru niðurkomnir
bárust bandaríkjamönnum
njósnir um að þeir væru um borð í
egypskri farþegaflugvél sem fór
frá Kaíró í fyrrakvöld áleiðis til
Alsír eða Túnis. Bandaríski flug-
herinn sendi fjórar herþotur af
gerðinni F-14 Tomcat í veg fyrir
egypsku vélina og neyddu þær
flugstjóra hennar til að lenda á
sameiginlegri herstöð ítala og
bandaríkjamanna í Sigonella á
Sikiley.
Yfirmaður herlögreglunnar í
Sigonella sagði fréttamönnum að
ræningjamir hefðu verið settir í
gæsluvarðhald í herstöðinni.
Bettino Craxi forsætisráðherra
Ítalíu sagði að öðrum farþegumj
vélarinnar yrði gert að mæta fyrir
rétt sem vitni. Meðal þeirra er
sagt að sé Abul Abbas leiðtogi
Friðarverðlaun
Reagan forseti á næsta leik
Genf - Heiðursforsetar Sam-
taka lækna gegn kjarnorkuvá,
læknarnir Bernard Lown frá
Bandaríkjunum og Jevgení
Tsjazof frá Sovétríkjunum,
voru í Genf í Sviss að halda
upp á flmm ára afmæli samtak-
anna þegar þelm var borin
fréttin um að samtökin hefðu
fengið friðarverðlaun Nóbels.
Þeir glöddust að sjálfsögðu og
féllust í faðma og Lown sagði við
blaðamenn: „Við læknar bjóðum
upp á einfaldan lyfseðil... Hættið
öllum kjarnorkusprengingum.
Við gleðjumst yfir því að sovét-
menn skuli hafa hlustað á okkur
og hætt að sprengja", sagði Lown
og vísaði þar til fimm mánaða
stöðvunar sovétmanna á til-
raunasprengingum.
„Bandaríkjamenn hafa nú
gullið tækifæri til að stöðva
vopnakapphlaupið með einu
pennastriki. Ég vona að landar
mínir taki frumvkæðið sem býðst
þeim og stöðvi tilraunaspreng-
ingar um alla framtíð. Reagan
forseti á leikinn núna og enginn
annar. Hann getur núna stöðvað
þróun sem gæti orðið byrjunin á
endalokunum. Það er engin
ástæða til að hætta ekki tilrauna-
sprengingum núna. Sem læknar
lýsum við því sem forgangsmáli",
sagði Bemard Lown.
PLF sem ræningjarnir voru fé-
lagar í. Maður sem lét ekki nafns
síns getið en kvaðst tala fyrir
hönd PLF las í síma yfirlýsingu
frá samtökunum fyrir starfsmenn
fréttastofu í Beirut. Þar sagði að
enginn hefði verið drepinn um
borð, ítölsk yfirvöld voru hvött til
að sleppa PLF-mönnunum fjór-
um og Bandaríkjastjórn var
vöruð við því að ef hár yrði skert á
höfði þeirra myndu Bandaríkin
þurfa að greiða það dýru verði.
Samningar eru í gildi milli ítala
og bandaríkjamanna um framsal
sakamanna en talið er ólíklegt að
bandaríkjamönnum verði ágengt
í því að fá fjórmenningana fram-
selda. í fyrsta lagi var afbrot
þeirra framið um borð í ítölsku
skipi og þar með innan ítalskrar
lögsögu. í öðru lagi eiga fjór-
menningarnir yfir höfði sér
dauðarefsingu í Bandaríkjunum
en hún hefur verið afnumin á ítal-
íu.
Egypska stjórnin mótmælti
ráni egypsku farþegavélarinnar í
gær og kvaðst harma atferli
Bandaríkj amanna.
Thatcher hefur
úhyggjur af
atvinnuleysi
Blackpool - Breski forsætis-
ráðherrann, Margaret Thatc-
her, ávarpaði í gær íhalds-
menn á lokadegi flokksþings-
ins sem staðið hefur í Black-
pool þessa viku. Þar sló hún
þvf föstu að stjórn hennar
hygðist ekki veita fjármagni
ríkisins til þess að efla
atvinnulífið og draga úr
atvinnuleysi.
„Okkur er stundum sagt að
fólk gæti hugsað sér að búa við
meiri verðbólgu og minna
atvinnuleysi. En það er ekki hægt
að velja á milli verðbóigu og
atvinnuleysi“, sagði Thatcher og
bætti því við að atvinnuleysi ylli
henni og samráðherrum hennar
miklum áhyggjum.
í ræðu sinni réðist Thatcher
harkalega að Verkamanna-
flokknum sem hún kvað vera á
valdi vinstri öfgamanna auk þess
sem flokkurinn vildi veikja varnir
landsins.
REUTER
Umsjón:
ÞRÖSTUR HARALDSSON
Einvígi
Minn elskulegi Tolja er í vöm
Adorjan hinn ungverski rœðir við áskorandann Kasparof þegar heimsmeistaraeinvígið er hálfnað.
Kasparof: Vil ógjarnan rœða fyrirbærið C.ampomanes
Gríski dómarinn Vladas Mikenas setur klukkuna í gang í fyrstu einvígisskák þeirra Kasparofs (t.v.) og
Karpofs í Tsjaíkofskí-höllinni í Moskvu.
Austur f Mosvku er nú háð einvígi um
heimstmeistaratitilinn í skák þar sem
þeir etja kappi sovétmennirnir Anatolí
Karpof heimsmeistari og áskorandinn
Garrí Kasparof. í dag, laugardag, verður
15. skákin af 24 tefld í Tsjaíkofskí-
salnum og staðan fyrir hana er jöfn:
báðir keppendur eru með 7 vinninga.
Haldist sú staða óbreytt, þ.e. verði
keppendur jafnir að loknum 24 skákum,
heldur Karpof titlinum en Kasparof
verður að hafa amk. '/2 vinning í forskot
til þess að verða yngsti heimsmeistari
skáksögunnar, aðeins 22 ára gamall.
Það er ekki vanalegt að keppendur í svo
mikilvægu einvígi gefi blaðamönnum kost á
viðtali meðan á því stendur. Það sjaldgæfa
gerðist hins vegar þegar einvígið var hálfn-
að að áskorandinn Kasparof féllst á beiðni
ungverska skákmeistarans Andras Adorj-
an um viðtal og birtist það í þýska blaðinu
Welt am Sonntag í byrjun vikunnar. Hér
verður gripið niður í spjalli þeirra Adorjan
og Kasparofs á nokkrum stöðum.
Fyrirbærið
Campomanes
Kasparof segir að vissulega sé það ekki
vanalegt að gefa viðtöl í miðju einvígi og
stafi það einkum af því að keppendur eru
ekkert æstir í að kalla yfir sig truflanir í svo
krefjandi viðureign. „Þess vegna vil ég
ógjarnan segja álit mitt á fyrirbærum á borð
við Florencio Campomanes forseta Al-
þjóðaskáksambandsins FIDE. Ég hef eytt
nógu mikilli orku og of miklum tíma í að
útkljá öll þessi fáránlegu ágreiningsmál sem
upp hafa komið. Þau tóku mestallan tíma
minn fyrir einvígið og voru reyndar ekki
útkljáð fyrr en þremur dögum áður en það
hófst. Fyrir bragðið gat ég ekki einbeitt mér
af neinu viti að skákinni fyrr en í fimmtu eða
sjöttu skák.“
Eftir að hafa rætt um undirbúning áskor-
andans fyrir einvígið spyr Adorjan hvernig
honum líði þegar það er hálfnað.
Hef haft
frumkvæðið
„Takk, mér líður virkilega vel, og það
segi ég ekki bara til að sýnast bjartsýnn í
fjölmiðlum. Mér finnst ég vera líkamlega
vel á mig kominn og þakka það íþróttaæf-
ingum sem voru liður í undirbúningnum.
Mér finnst að í þessu einvígi eins og í því
fyrra (sem var háð sl. vetur og endaði með
því að Campomanes sleit því að ósk Karp-
ofs) hafi mér tekist að ráða ferðinni í flest-
um skákunum. Ég var sammála aðstoðar-
mönnum mínum um að mér bæri að sýna
varkámi í byrjun einvígisins, það var álykt-
unin sem við drógum af gangi fyrra einvígis-
ins (þá ætlaði Kasparof sér um of og var
fjórum vinningum undir eftir 9 skákir). En
hvað gerist? Eg tek mig til og vinn fyrstu
skákina án teljandi áreynslu! Sennilega hef-
ur enginn orðið meira undrandi en ég á
þessari draumabyrjun. í annarri skákinni
hafði ég einnig fmmkvæðið og var nærri því
að komast í 2-0, en þegar mest gekk á sást
mér yfir ýmis afbrigði sem hefðu getað
tryggt mér sigurinn. Eftir það snemst hlut-
irnir við og eftir jafntefli í þriðju skák var
mér í þeirri fjórðu refsað fyrir rangt stöðu-
mat.
Og fimmtu skákinni tapaði ég eftir
gróf mistök sem kostuðu mig dýrmætt peð á
miðborðinu og þar með alla von um sigur.
En í 7., 9. og 10. skák náði ég alltaf betri
stöðu. 110. skákinni gerðum við báðir ýmis
mistök og hún lognaðist út af í jafntefli. En
það hefur ósköp lítið upp á sig að ergja sig
yfir glötuðum tækifærum. Ég get ekki gert
kröfu til þess að heppnin sé alltaf með mér.
Keppnisskákir á þessu plani eru mikið puð,
og þegar málið snýst um sjálfan
heimsmeistaratitilinn gerir maður sig óhjá-
kvæmilega sekan um ónákvæmni og mis-
tök. Og þau mistök eru oft þannig að það er
ekki hægt að útskýra þau með ónógri þekk-
ingu á sjálfri skákinni heldur eiga þau sér
sálrænar ástæður. Það er eina skýringin sem
ég hef á því hvers vegna mér hefur ekki
tekist að kreista nema hálfan vinning út úr
hverri skákinni á fætur annarri þótt ég hefði
sterkari stöðu og prýðisgóða sóknarmögu-
leika. En ég held áfram að nudda og ég verð
þess var að minn elskulegi Tolja (Tolja er
stytting á Anatolí) er kominn í vörn.“
- En í 11. skákinni tókstþér að sigra, segir
Adorjan.
„Já, en það hafði nú legið í loftinu í heila
viku. Og nú þegar 12 skákir eru eftir finnst
mér ég eiga góða möguleika á að verða
næsti heimsmeistari.“
Skákborðið
eini vígvöllurinn
í lokin á viðtalinu kvaðst Kasparof vera
mjög ánægður með að nú væri einvígið háð í
sönnum íþróttaanda. „Ég er viss um að hver
sem úrslitin verða þá muni gervallur skák-
heimurinn njóta ávaxtanna af erfiði okkar:
þeirra skáka sem við teflum í Tsjaíkofskí-
salnum. Og þegar allt kemur til alls er það
einmitt það besta sem við skákmeistarar
getum lagt af mörkum til heimsfriðarins:
með því að etja kappi án blóðsúthellinga á
64 reitum veitum við fagurt fordæmi. Ég á
mér þann stóra draum að einn góðan veður-
dag verði skákborðið eini vígvöllurinn í
heiminum,“ sagði áskorandinn Garrí
Kasparof. - ÞH endursagði.