Þjóðviljinn - 27.05.1986, Blaðsíða 13

HEIMURINN
Afríkuhlaupið
Iþróttaviöburöur aldarinnar?
30 milljónir manns hlupu samtímis um allan heim til styrktarþjáðum í Afríku og telja menn að
þetta hafi verið mestifjöldaíþróttaviðburður aldarinnar
London — „Söfnum saman
peningunum - Afríka getur
ekki beðið“, sögðu aðstand-
endur Afríkuhlaupsins (Sport
aid) um víða veröld, Áætlað er
að um það bil 30 milljónir
manna í 278 borgum um víða
veröld hafi tekið þátt í þessum
mesta íþróttaviðburði sem
fram hefur farið.
Kólombía
Nýr
forseti
Bogota — Leiðtogi Frjálslynda
flokksins í Kólombíu, Virgilio
Barco, vann yfirburðasigur í
forsetakosningum í landinu
um helgina.
Barco sagði eftir að úrslitin
voru kunn að honum hefði hlotn-
ast óumdeilanlegt umboð til
breytinga í landinu. Hann gaf
hins vegar ekki upp í hverju þær
breytingar yrðu fólgnar.
Þegar talningu atkvæða var svo
til lokið í gær, hafði Barco fengið
3,87 milljónir atkvæða en and-
stæðingur hans í kosningabarátt-
unni, hinn íhaldssami Alvaro
Gomez, hafði fengið 2,38
milljónir atkvæða. Talið er að um
það bil 7,5 milljónir manna hafi
nýtt kosningarétt sinn. Gomez
sem nú tapar í forsetakosningum
í annað sinn á tólf árum, sagði að
hann myndi enn um sinn halda
áfram þátttöku í stjórnmálum.
Barco tekur við af fhaldsmannin-
um Belisario Betancur þann 4.
ágúst, kjörtímabil forsetans er 4
ár.
Búist er við að Barco hafi feng-
ið 58 % atkvæða, Gomez 36 % og
kommúnistinn Jaime Pardo Leal
4 %. Leal bauð fram í nafni
Breiðfylkingar þjóðernissinna en
hún var sett saman af Byltingar-
her Kólombíu (FARC). Sigur
Barcos kom ekki á óvart þar sem
flokkur hans, Frjálslyndi flokk-
urinn vann í þingkosningum í
landinum, í mars síðastliðnum.
A fundi með stuðnings-
mönnum sínum eftir að úrslitin
voru kunn í gær, sagði Barco að
þessi úrslit sýndu að lýðræði hefði
hlotið „áhrifamikið samþykki"
þjóðarinnar og að Kólombíu-
menn vildu lifa í friði.
Barco bauð íhaldsmönnum
þátttöku í stjórninni eftir að úrslit
voru Ijós. Stærstu flokkarnir
tveir, íhaldsflokkurinn og Frjáls-
lyndi flokkurinn, hafa yfirleitt
skipt völdum á milli sín, öháð úrs-
litum kosninga. Þjóðernisfylk-
ingin hefur hins vegar ekki fengið
jafn mikið fylgi fyrr og háttsettur
evrópskur diplómat í landinu
sagði fréttamanni Reuters að það
myndi líklega hafa mikil áhrif á
friðarmálið. Eftir að skæruliðar
FARC gerðu árás á dómshús í
höfðuðborginni í nóvember síð-
astliðnum fékk Betancur, þáver-
andi forseti, FARC samtökin til
að falllast á friðarsáttmála sem
gerður hafði verið árið 1984.
FARC hefur hins vegar ekki lagt
niður vopn enn sem komið er.
ERLENDAR
FRÉTTIR
hjörlbfRsson/REU1ER
Talið er að allt að 150 milljónir
dollara hafi safnast, þar af 15
milljónir í Bretlandi. Aðstand-
endur voru hins vegar óánægðir
með að aðeins 4000 manns tóku
þátt í Afríkuhlaupi í New York
þar sem Omar Khalifa lauk
hlaupi sínu um margar stórborgir
heimsins. Ástæðan fyrir lélegri
þátttöku í New York er eflaust sú
að á sama tíma hafði verið skipu-
lagt og geysimikið auglýst,
„Takið saman höndum unt
Bandaríkin", til styrktar fá-
tækum þar í landi. Sá viðburður
fólst í því að fólk raðaði sér upp
og hélt í hendur næsta manns og
átti þetta sameiginlega handtak
að ná yfir endilöng Bandaríkin og
standa yfir í 15 mínútur.
í heildina litið voru aðstand-
endur samt nokkuð ánægðir með
viðburðinn, ekki síst Bob nokkur
Geldof sem skipulagði Band Aid,
Live Aid og nú Sport Aid. Hann
sagði í gær að hann myndi ekki
skipuleggja slíka atburði aftur,
hann hefði lagt fram sinn skerf.
Hann þjáist nú af ofþreytu og hál-
skirtlabólgu.
Kvikmyndir
Kvikmynd um Biko
Harare, Zimbabwe — Richard
Attenborough, leikari, leik-
stjóri og kvikmyndaframleið-
andi um áratugaskeið, ætlar
nú að gera kvikmynd um ævif-
eril Steve Biko, blökkumannal-
eiðtogans frá S-Afríku sem
lést í varðhaldi þar í landi árið
1977.
Myndin verður gerð í Zimba-
bwe, yfirvöld þar í landi hafa
ákveðið að veita tæpum 5
milljónum dollara í myndina en
áætlaður kostnaður verður um 22
milljónir dollara. Attenborough
sagði á fréttamannafundi í Har-
are í gær að að enn hefði ekki
verið ákveðið hver myndi leika
Biko en verið væri að leita að afr-
ískum leikara til að fást við minn-
ingu Biko. Ef það tekst ekki
verður líklega einhver Breti eða
Bandaríkjamaður fenginn til
verksins.
Myndin verður byggð a
tveimur bókum sem Donald Wo-
ods skrifaði um kynni sín af Biko.
Woods var ritstjóri dagblaðs í S-
Afríku en flýði land á gamlársdag
árið 1977. Onnur bókin er ævi-
saga Biko, hin er sjálfsævisaga,
„Að kalla á vandræði" og snýst
að mestu um kynni hans af Biko.
Bandaríski leikarinn Kevin Kline
hefur verið fenginn til að leika
Woods.
Attenborough sagði í gær að
myndin hefði fengið nafnið
„Biko - Að kalla á vandræði".
Indland
0t& meðal Hindúa í Punjab
Nýju Delhí —Ráðherra yfir
Punjab ríki, þar sem Síkhar eru
í meirihluta og mikii ókyrrð
hefur verið að undanförnu,
neitaði í gær kröfum hægri-
sinnaðra Hindúa um að beita
her landsins gegn öfga-
mönnum Síkha.
Síkhar hafa að undanförnu
rekið fjölda Hindúa á brott úr
þessu ríki, á miðvikudaginn
drápu öfgasinnaðir Síkhar sex
manns á markaðstorgi í höfuð-
borg fylkisins Amritsar.
Ráðherrann, Surjit Singh
Barnala, sagði í gær að það myndi
engan vanda leysa að beita hern-
um gegn Síkhum. Mikil átök hafa
verið í Punjab að undanförnu. Á
laugardaginn hvöttu leiðtogar í
hinum áhrifamikla Bahratiya
Janata flokki Hindúa (BJP), Ra-
jiv Gandhi, forsætisráðherra Ind-
lands, til að beita hernum gegn
þeim Síkhum sem vilja gera Punj-
ab að sjálfstæðu ríki og hafa beitt
miklu ofbeldi að undanförnu í
þessari baráttu sinni.
Hindúar hafa að undanförnu
haft rniklar áhyggjur af því að
Hindúar sent eru 40% af íbúum í
Púnjab, hafa orðið að flýja fylkið
af óttast um líf sitt, að því er sagt
er. Leiðtogar BJP segjast óttast
að Hindúar leggi á flótta í stríðum
straumum úr fylkinu. Þar nteð
streymi Síkhar úr öðrum héruð-
um landsins til Púnjab og niður-
staðan verði að öfgasinnaðir Sík-
har færist nær endanlegu tak-
marki sínu, að gera Púnjab að
sjálfstæðu ríki, Khalistan.
Finnland
Stjómar-
titringur
Kalevi Sorsa hótar
að segja afsér
Helsinki — í Finnlandi leitast
stjórnarflokkarnir nú við að
komast hjá alvarlegri stjórnar-
kreppu sem skapast hefur
óbeint vegna kjarnorkuslyss-
ins í Tsjernóbíl fyrir mánuði
síðan.
Dreifbýlisflokkurinn, einn af
stjórnarflokkunum í Finnlandi er
mjög á móti kjarnorkuverum þar
í landi og bar í síðustu viku fram á
þingi tillögu um að Finnar losuðu
sig við kjarnorkuver sín tvö fyrir
árið 2000. Til stóð að leggja þessa
tillögu fram til atkvæða í finnska
þinginu í dag. Eftir að Kalevi
Sorsa, forsætisráðherra landsins,
lýsti því yfir að hann myndi líta á
slíkt sem vantrauststillögu á sig
og þar með segja af sér embætti
sínu, kallaði Dreifbýlisflokkur-
inn saman til fundar um þetta
mál. Talsmaður flokksins sagði í
gær að líklega myndu þingmenn
flokksins falla frá því að bera til-
löguna fram til atkvæða.
Skoðanakannanir að undan-
förnu hafa gefið til kynna að al-
menningur sé nú orðinn mjög
mótfallinn kjarnorku til orku-
öflunar. I landinu eru nú tvö
kjarnorkuver, hvort um sig með
tveimur kjarnakljúfum. Eftir
Tsjernóbíl slysið ákvað stjórn
landsins að hætta við að festa
kaup á sovéskum kjarnakljúfi.
Fréttaskýrendur segjast vissir
um að Dreifbýlisflokkurinn vilji
ekki ögra Sorsa um of þar sem
þeir hafi ekki áhuga á kosningum
á næstunni. Þingkosningar eru
áætlaðar í mars á næsta ári,
stjórnarslit myndu hins vegar
færa þær fram í september á
þessu ári. Samkvæmt skoðana-
könnunum hefur Dreibýlisflokk-
urinn misst atkvæði yfir til Græn-
ingja, talsmaður flokksins sagði
að Pekka Vennamo, formaður
þeirra, myndi hvetja félaga sína i
þingflokknum til að falla frá til-
lögunni.
Kjaramál
Víðtæk verkföll á Norðurlöndum
Ekkert lát er á vinnudeilum á Norðurlöndum, ígœr hótuðu járniðnarnienn í Svíþjóð að stöðva
bílaiðnaðinn ílandinu efvinnuveitendur hœkkuðu ekki lœgstu launþeirra
Stokkhólmi — Félag járniðnað-
armanna, stærsta verkalýðsfé-
lagið í Svíþjóð, (240.000 fé-
lagar) hótaði í gær að stöðva
með verkfalli allan bifreiðaiðn-
aðinn í landinu ef atvinnurek-
endur hækka ekki lægstu laun
I í þessari atvinnugrein.
' Aðeins 14.000 járniðnaðar-
menn fóru í verkfall í gær en búist
er við að atvinnurekendur svari
með því að setja verkbann á alla
járniðnaðarntenn eftir fund sinn í
dag. Talsmenn Volvo og Saab
sögðu í gær að bifreiðaverksmiðj-
urnar yrðu að loka ef járniðnað-
armenn gerðu alvöru úr því að
hefja tímabundin verkföll 3. júní
næstkomandi.
Forseti sænska alþýðusam-
bandsins (LO), Stig Malrn hefur
lýst sig andvígan þeirri stefnu að
nota verkföll nú til þess að leysa
launadeilur og hefur varað sænsk
verkalýðsfélög við því sem hann
nefndi „ensku veikina".
í Noregi eru nú um það bil
25.000 opinberir starfsmenn í
verkfalli. Öngþveiti hefur
skapast á vegum, kvikmyndahús
eru lokuð og flestum íþróttavið-
burðum hefur verið frestað. Hin
nýja stjórn Verkamannaflokks-
ins hefur neitað að auka launa-
hækkanir umfram tilboð sitt um
8,3 % og ber fyrir sig erfiðleika í
olíuiðnaðinum. Flugumferðar-
stjórar hafa nú hótað að fara í
verkfall og mun aðallega ætlað að
trufla flutninga starfsfólks með
þyrlum út á olíuborpallana í
Norðursjó.
í Finnlandi hættu opinberir
starfsmenn í verkfalli þann 18.
maí síðastliðinn. Allur bygging-
ariðnaður hefur hins vegar lagst
niður vegna verkfalls 40.000
byggingarverkamanna þar í
landi.
Þann 22. maí fóru 10.000
manns í heilbrigðisstéttunum í
verkfall í Svíþjóð og hefur það
haft víðtæk áhrif á flestum stær-
stu sjúkrahúsunt Svíþjóðar. Yfir-
völd hafa svarað því með því að
ákveða að setja verkbann á kenn-
ara þegar þeir Ijúka kennslu í vor
þannig að þeir fái ekki laun í
sumarleyfi. Þessi ákvörðun hefur
hins vegar haft þau áhrif að nem-
endur í framhaldsskólum hafa
neitað að mæta í skóla til að sýna
kennurum sínum stuðning.
Sænsk stjórnvöld hafa sagt það
meginverkefni sitt að ná verð-
bólgu niður í 2,3 % og hafa ekki
orðið við launahækkunarkröfum
ýmissa hópa meðal ríkisstarfs-
ntanna. í gær tilnefndi stjórn
jafnaðarmanna í Svíþjóð þrjá
menn í n.k. sáttasemjaranefnd til
þess að koma saman einum
launapakka fyrir alla opinbera
starfsmenn í landinu. Verkalýðs-
leiðtogar vöruðu hins vegar við
slíkri hugmynd og sögðu að hún
myndi einungis leiða til frekari
verkfalla.
Bílaþjónusta G-listans
í Reykjavík
Sjálfboðaliðar óskast
til aö keyra fyrir G-listann á kjördag. Nanna skráir
niöur nöfn ykkar í síma 19396.
Alþýðubandalagið.
Kosningakaffi G-listans
í Reykjavík
Sjálfboðaliðar óskast
í bakstur og uppáhellingar í kosningamiöstööinni
á kjördag.
Nanna skráir nöfn ykkar í síma 19396.
Alþýðubandalagið.
Þriðjudagur 27. maí 1986 ÞJÓÐVILJINN - SÍÐA 17