Þjóðviljinn - 09.08.1986, Side 4

Máliíiu érekki lokið
Halldór Ásgrímsson sjávarútvegsráöherra
ber sig borginmannlega í fjölmiðlum og telur
bersýnilega aö með undanlátssamningnum við
Bandaríkjamenn hafi hann bjargað fiskmörkuð-
um íslendinga í Bandaríkjunum. Það er rangt
hjá sjávarútvegsráðherra. Hið eina sem honum
hefur tekist var að ná út úr stjórnvöldum vestra
yfirlýsingu um að þau muni ekki beita íslending-
um neinum viðskiptaþvingunum. En margt
bendir til að það sé alls ekki nóg.
Frá fyrstu tíð var það aldrei ætlan Bandaríkja-
manna að beita íslendinga beinum þvingunum.
Þess í stað hugðust þeir láta Japani taka af sér
ómakið, - láta þá neita kaupum á hvalkjöti frá
okkur. Þetta kom meðal annars fram í samtali
milli starfsmanna viðskiptaráðherra Bandaríkj-
anna og eins af sendinefndarmönnum íslend-
inga. Þarmeð hefðu Bandaríkjamenn getað
skotið sér undan að beita íslendinga, „vinaþjóð-
ina“, beinum þvingunum. En til verndar fisk-
veiðihagsmunum sínum í bandarískri lögsögu
hafa Japanir undirgengist að kaupa ekkert'hval-
kjöt í trássi við Bandaríkjamenn.
Þessi krókaleið til að hefta hvalveiðar íslend-
inga er hins vegar enn opin Bandaríkjamönn-
um, þrátt fyrir undanlátssamningana. Þeir geta
enn beitt Japönum fyrir sig, en þvegið sínar
eigin hendur af þvingunum í ásýnd okkar. Og
margt bendir til þess að sá kunni að verða endir
hvalsögu.
Það verða nefnilega kosningar í Bandaríkjun-
um í haust. Einsog kaupin gerast á hinni banda-
rísku eyri er næsta víst, að margur frambjóð-
andinn sem hyggur á kjör mun verða veikur
mjög fyrir áróðri og þrýstingi friðunarhópa,
sökum almennrar samúðar með málstað
þeirra. Almenningsálit og þrýstingur þing-
manna mun því að öllum líkindum magnast
mjög þegar líður á árið, og við bætist sú stað-
reynd, að bandarískir embættismenn eru hval-
veiðunum augljóslega mótdrægir. í ofanálag
hefur Baldridge viðskiptaráðherra tjáð friðunar-
samtökum í Bandaríkjunum að frá því hafi verið
gengið munnlega við Japani að þeir flytji ekki
inn hvalkjöt, að sögn framkvæmdastjóra friðu-
narhópsins Monitor, sem ersamtök 14 náttúru-
verndarhópa.
i Flest bendir því til að bandarísk stjórnvöld
muni sæta vaxandi þrýstingi um að hefta hval-
veiðar íslendinga. Þeim verður þá í lófa lagið að
gera það í gegnum Japani, án þess að ganga á
þann samning sem jDau hafa nú gert við íslend-
inga og Halldór Asgrímsson hampar hæst
þessa dagana. _ös
Merkur fundur í Mexíkó
í vikunni var haldinn merkur fundur í bænum
Ixtapa í Mexíkó. Þar komu saman leiðtogar sex
ríkja, Indlands, Tansaníu, Mexíkó, Grikklands,
Argentínu og Svíþjóðar, og ræddu um leiðir til
afvopnunar. Samstarf leiðtoga þessara ríkja var
um frumkvæði til friðar hefur staðið í rúm tvö ár,
og frá fundinum nú koma ítarlegar tillögur um
eftirlit til að tryggja að risaveldin tvö haldi hugs-
anlegan samning sín á milli um bann við tilraun-
um með kjarnorkuvopn. í fyrsta sinn í sögu
atómaldar bjóðast ríki án kjarnorkuvopna til að
annast slíkt eftirlit og kosta það.
Þetta eru ánægjuleg tíðindi, og reynir nú á
raunverulegan vilja stjórnanna í Washington og
Moskvu til að stíga þetta skref í átt til afvopnun-
ar, til þeirrar „frystingar'* í kjarnorkuvopnabúr-
um sem flestir telja brýnast verka í friðarmálum.
Það er einnig ánægjulegt að þjóðarleiðtog-
arnir sex hafa gefið öðrum leiðtogum og öðrum
þjóðum fordæmi. Þjóðirnar sem að Mexíkó-
frumkvæðinu standa eru flestar meðalþjóðir
eða smáþjóðir á alþjóðamælikvarða, en sú
staða fælir þær ekki frá því að segja skoðun sína
og standa við hana með virkri þátttöku. Af þessu
getum við frónbúar ýmislegt lært.
Það er síðan sérstök ánægja að einn úr ís-
lenskum hópi skuli vera meðal forystumanna
að þessu alþjóðlega frumkvæði, og við skulum
vara okkur á að láta innlend stjórnmálaátök villa
okkur sýn um að Ólafur Ragnar Grímsson hefur
hér staðið vel að verki.
-m
Mynd: ARI
LJÖSÖPIÐ
DJOOVIUINN
Málgagn sósíalisma, þjóðfrelsis
og verkalýðshreyfingar
Útgefandl: Útgáfufélag Þjóðviljans.
Rltstjórar: Ámi Bergmann, össur Skarphéðinsson.
Fréttastjóri: Valþór Hlöðversson.
Blaðamenn: Garðar Guðjónsson, Ingólfur Hjörleifsson, Kristín Ólafs-
dóttir, Lúðvík Geirsson, Magnús H. Gíslason, MörðurÁrnason, Sigur-
dór Sigurdórsson, SigurðurÁ. Friðþjófsson, VíðirSigurðsson (íþróttir),
Yngvi Kjartansson (Akureyri).
Handrlta- og prófartcalesarar: Andrea Jónsdóttir, Elías Mar.
Ljóamyndarar: Einar ólason, Sigurður Mar Halldórsson.
Utllt8telknarar: Sœvar Guðbjörnsson, Garðar Sigvaldason.
Framkvæmdastjóri: Guðrún Guðmundsdóttir.
Skrifstofustjóri: Jóhannes Harðarson.
Skrifstofa: Guðrún Guðvarðardóttir, Magnús Loftsson.
Útbreiðslustjóri: Sigríður Pétursdóttir.
Auglýsingastjóri: Sigríður Hanna Sigurbjörnsdóttir.
Auglýsingar: Ásdís Kristinsdóttir, Guðbergur Þorvaldsson, Olga
Clausen.
Símvarsla: Katrín.Anna Lund, Sigríður Kristjánsdóttir.
Húsmóðir: Ólöf Húnfjörð.
Ðílstjóri: Jóna Sigurdórsdóttir.
Afgreiðslustjóri: Hörður Jónsson.
Afgreiðsla: Ðára Sigurðardóttir, Kristín Pótursdóttir.
Innheimtumenn: Brynjólfur Vilhjálmsson, Ólafur Björnsson.
Útkeyrsla, afgreiðsla, ritstjórn:
Síðumúla 6, Reykjavík, sími 681333.
Auglýsingar: Síðumúla 6 símar 681331 og 681310.
Umbrot og setning: Prentsmiðja Þjóðviljans hf.
Prentun: Blaðaprent hf.
Verð í lausasölu: 40 kr.
Helgarblöð: 45 kr.
Áskriftarverð á mánuði: 450 kr.
4 SÍÐA - ÞJÓÐVILJINN | Laugardagur 9. ágúst 1986