Þjóðviljinn - 19.06.1987, Side 7

Víetnam
Nýir
leiötogar
Víetnamska þingið kaus í
gœr nýja menn í embœtti
forseta og
forscetisráðherra
Breytingar hafa verið örar í
Víetnam að undanförnu, nýir
menn hafa verið að taka völdin í
kommúnistaflokknum og boða
þar nýsköpun í efnahagsmálum
enda ekki vanþörf á ef marka má
orð þarlendra.
í gær voru kjörnir nýir menn í
tvær æðstu stöður ríkisins, hið
valdamikla embætti forsætisráð-
herra og heiðursembætti forseta.
Nýi forsætisráðherrann heitir
Pham Hung. Hann gat sér gott
orð í frelsisstríðinu við Banda-
ríkjamenn og var yfirmaður sam-
eiginlegs herafla Norður-
Víetnama og Viet Cong skæru-
liða þegar sigur vannst gegn Sai-
gonstjórninni árið 1975.
Hann tekur við af Pham Van
Dong sem gegnt hafði embættinu
allar götur frá því snemma á
sjötta áratugnum. Hung er sagð-
ur næst æðsti maður í fram-
kvæmdanefnd kommúnista-
flokksins á eftir Nguyen Van
Linh formanni.
Forseti var kjörinn Vo Chi
Cong sem kvað vera númer þrjú
að völdum innan flokks. Hann
hefur unnið sér það helst til
frægðar að hafa átt frumkvæði að
efnahagsumbótum seint á átt-
unda áratugnum, nýsköpun sem
Linh hyggst halda áfram í landinu
á næstu árum. Forveri Congs var
Truong Chinh.
Báðir hlutu þessir herramenn
rússneska kosningu í þingi Víetn-
ams sem skipað er 496 fulltrúum.
Og báðir eru þeir komnir vel til
ára sinna, Cong er 74 ára gamall
en Hung er 75.
Að Hung skyldi hreppa emb-
ætti forsætisráðherra kom nokk-
uð á óvart, hann er bæði aldinn
og lasburða að sögn víetnamskra
heimildamanna. Þeir sögðust
þeirrar skoðunar að kjör hans
hefði verið einskonar málamiðl-
un milli gamla lífvarðarins og
yngri manna en einn úr röðum
þeirra, hagfræðingurinn Vo Van
Kiet, hafði þrásinnis verið nefnd-
ur á nafn sem væntanlegt forsæt-
isráðherraefni.
-ks.
Lögreglan í Suður-Kóreu þykir hörð í horn að taka en andófsmönnum er heldur ekki fisjað saman.
Suður-Kórea
Níundi óeirðadagurinn
Víða í borgum Suður-Kóreu kom til átaka á milli lögreglu og mótmœlenda í gœr, níunda daginn í röð
Ekkert lát er á mótmælum al~
mennings í Suður-Kóreu gegn
stjórn Chuns Doo Hwans og hafa
ýmsir á orði að ástandið þar nú
minni mest á ástandið á Filipps-
eyjum skömmu fyrir fall Markos-
ar forseta.
í gær skarst í odda með
mótmælendum og slagsmálalög-
reglu í höfuðborginni Seoul og
fjölda smærri borga. Slík áflog
hafa verið daglegt brauð í Suður-
Kóreu síðustu níu daga eða allar
götur frá því að Chun greindi frá
þeim ásetningi sínum að hætta
samningaviðræðum við stjórnar-
andstöðuna um aukið lýðræði og
útnefndi einn af skósveinum sín-
um, Roh nokkurn Tae Woo, sem
valderfingja.
í Seoul gengu tugir þúsunda
námsmanna og óbreyttra borgara
fylktu liði um götur og hrópuðu
slagorð gegn stjórninni. „Niður
með einræðisherrann" og „niður
með Roh Tae Woo“ glumdi út-
hverfa á milli. Lögreglan hafði
mikinn viðbúnað og beit í skjald-
arrendurnar en mátti oft lúta í
lægra haldi fyrir herskáum
mótmælendum.
Fréttamaður nokkur varð til
dæmis vitni að því að nokkur
hundruð mótmælenda um-
kringdu sveit fjörutíu vel búinna
lögreglumanna úr slagsmála-
deild, afvopnuðu þá, rifu af þeim
gasgrímur og börðu þá sundur og
saman.
Að sögn þeirra sem gerst
þekkja til hefur lögreglan farið
offari í átökunum og til dæmis
notað gas í tíma og ótíma með
þeim afleiðingum að fjöldi
manna hefur stórslasast. Stjórn-
arandstaðan hefur ítrekað mælst
til þess að dregið verði úr notkun
þess en allt komið fyrir ekki.
En það var víðar slegist en í
Seoul. Um áttatíu þúsund manns
efndu til mótmæla í hafnarborg-
inni Pusan og í Kwangju, Taegu
og Taejon kom til átaka. -ks.
Indland
Gandhi niðurlægður
Útlitfyrir algert hrun Kongressflokksins ífylkisþingkjörinu í Haryana. Enn
einn ósigurflokksins frá þvíRajiv Gandhi tók viðforystu
Persaflóastríðið
íranir sigra en
írakar vinna
írakar segjasthafa hrundið árás írana ísuðri ogfellt
fjölda manns. írani.r fullyrða að dátarþeirra og
kúrdneskir skæruliðar hafi unnið lönd í norðri og
stráfellt hermenn óvinarins
p réttastofur stríðsaðila beggja
megin víglínunnar sögðu frá
átökum herja Irana og Iraka í
gær.
Blaðafulltrúi yfirstjórnar hers
íraka fullyrti að íraskir dátar
hefðu með fulltingi stórskotaliðs
og skriðdreka hrundið sókn ír-
anskra kollega sinna snemma í
gærmorgun skammt austan
Misanhéraðs.
Hann sagði að orrustan hefði
staðið yfir í 11 klukkustundir og
óvinurinn verið malaður mélinu
smærra og misst mörg þúsund
menn í valinn.
í Teheran kvað við annan tón.
Fréttastofan Irna greindi frá því
að her landsins hefði hrundið í
framkvæmd áætluninni „Fath-6“
sem gekk út á það að íranir, í
samvinnu við aðskilnaðarsinnaða
Kúrda, hafi lagt til atlögu við
óvinaherinn norðan Arbil um 120
kílómetra innan landamæra ír-
aks. Uppskeran hafi verið einsog
best verður á kosið, heil herdeild
hafi verið upprætt og þýðingar-
mikil svæði gengið úr greipum
andstæðingsins.
Ekki þarf að taka fram að hvor-
ugur stríðsaðila vill nokkuð við
ávinninga mótherjans kannast.
-ks.
Þegar búið var að úthluta tæp-
um helmingi af 90 sætum á
þingi Haryanafylkis eftir kosn-
ingarnar í fyrradag var Ijóst að
Kongressflokkurinn hafði beðið
mikinn ósigur. Úrslitin eru síð-
asta áfallið í samfelldri röð slíkra
fyrir Rajiv Gandhi formann
flokksins og forsætisráðherra en
síðan hann komst til valda hefur
fylgi Kongressflokksins minnkað
jafnt og þétt.
Af þessum 42 sætum hafði
Kongressflokkurinn eingöngu
hreppt eitt einasta! Höfuðand-
stæðingurinn í fylkinu, Lok Dal
flokkurinn undir forystu Devis
Lal hafði hinsvegar fengið 27 sæti
í sinn hlut og Janataflokkurinn 8.
Sex sæti höfðu fallið ýmsum
smærri flokkum í skaut. Til sam-
anburðar má geta þess að fyrir
kosningar hafði Kongressflokk-
urinn hreinan meirihluta á þing-
inu og umráð yfir 63 sætum.
Hinn ótvíræði sigurvegari Lal
er 73 ára gamall og kom það
glögglega í ljós í kosningabarátt-
unni að hann er farinn að lýjast.
Þegar honum bárust svo til eyrna
fréttirnar um velgengnina í gær
féll hann kylliflatur og var í snar-
hasti fluttur í sjúkrahús.
Leiðtogar stjórnarandstöð-
unnar á indverska þinginu voru í
Rajiv Gandhi með Indiru móður sinni og forvera á valdastóli. Kongressflokkur-
inn vann stórsigur í þingkosningum skömmu eftir morðið á henni. Synd væri að
segja að sonurinn hafi ávaxtað pundið.
sjöunda himni í gær og sögðu úr-
slitin í Haryana aðeins forsmekk
þess sem koma skyldi í næsta
þingkjöri. Kongressflokkurinn
væri bersýnilega búinn að missa
fótfestuna meðal indversks al-
mennings og Gandhi ætti sér ekki
viðreisnar von.
Hvað sem því líður þá á forsæt-
isráðherrann erfiða tíma fyrir
höndum. Ljóst er að trú alþýðu
manna á hæfni og heiðarleika
hans hefur beðið mikinn hnekki á
síðustu mánuðum. Hvert spill-
ingarmálið hefur rekið annað þar
sem félagar Kongressflokksins
hafa verið í aðalhlutverki og hapn
hefur ekki gengið fram fyrir
skjöldu til að uppræta iiðleskjur
og mútuþega í valdakerfinu.
Ennfremur hefur stjórn hans lítið
orðið ágengt í baráttunni ge;gn
öfgamönnum sikha í Punjab þrátt
fyrir stóraukin umsvif og vöjd ör-
yggislögreglunnar í fylkinu.
-ks.
Föstudagur 19. júní 1987 ÞJÓÐVIUINN - SÍÐA 7