Þjóðviljinn - 28.06.1987, Síða 8

GENGIÐ OF LANGT?
„Atvinnumennirnir" okkar í
handboltanum eiga ekki náö-
uga daga. Á þeim tíma sem
handknattleiksmenn eru flest-
ir í fríi frá íþrótt sinni hefur ís-
lenska landsliöið sjaldan eöa
aldrei gengið í gegnum erfið-
ara prógramm en einmitt nú í
júnímánuði.
Eftir þrotlausar æfingar frá
mánaðamótum voru leiknir þrír
landsleikir við Dani um síðustu
helgi. Útkoman varð ekki sú sem
vonast var eftir, Bogdan
heimtaði þrjá sigra en fékk tvö
töp og einn sigur. Leikgleðina
vantaði í íslenska liðið á meðan
Danirnir mættu æfingarlitlir en
hressir og endurnærðir eftir ró-
legheit undanfarið.
Fyrst farið er að æfa svona stíft
á annað borð er sennilega rétt að
fá leiki til að halda mönnum við
efnið, en menn hljóta að spyrja
sig: Er hætta á að gengið sé of
langt, missa íslensku landsliðs-
mennirnir ekki áhugann og
ánægjuna við þessa stífu keyrslu?
Nú um helgina hefja þeir keppni
á geysisterku alþjóðlegu móti í
Júgóslavíu og mæta Sovét-
mönnum í fyrsta leik. Vonandi
gengur þar allt í haginn, en á
þessu móti má við öllu búast.
Númer eitt er að missa ekki sjón-
ar á langtímamarkmiðinu, góð-
um árangri á ólympíuleikunum í
Seoul eftir 15 mánuði - en þar
þarf sjálf leikgleðin að vera til
staðar.
íslenskir frjálsíþróttamenn
virðast vera að vakna af dvala og
frammistaða tveggja sterkra
kastara vakti mesta athygli í síð-
ustu viku. Einar Vilhjálmsson
var rétt búinn að slá íslandsmetið
í spjótkasti og á greinilega mikið
inni. Vésteinn Hafsteinsson er
kominn á góðan skrið í kringlu-
kastinu og hefur burði til að ná
langt í alþjóðlegri keppni.
Ur körfuboltanum bárust dap-
urlegar fréttir - körfuknatt-
leiksdeild Fram hefur verið lögð
niður. Það var sorgarsaga að
fylgjast með basli Framara í úr-
valsdeildinni sl. vetur þar sem
þeir töpuðu öllum 20 leikjunum,
fen jafnframt oft aðdáunarvert að
fylgjast með baráttuhug þeirra í
vonlausri stöðu. Þeirra lykilmað-
ur, Þorvaldur Geirsson, gekk á
dögunum í Val og þar með var
lítið eftir. Það eru aðeins 5 ár síð-
an Fram átti eitt al-
skemmtilegasta lið landsins og
var með Val Brazy og Viðar
Þorkelsson í fararbroddi skammt
frá því að krækja í íslands-
meistaratitilinn. En nú er Fram
farið sömu leiðina og Ármann
fyrir nokkrum árum - það virðist
einfaldlega vera takmarkað rými
fyrir körfuknattleikslið hér á
landi.
Alfreft Gíslason í kröppum dansi gegn Dönum á dögunum. - Er hætta á aö landsliðsmennirnir missi áhugann vegna
stífra æfinga? (Mynd:E.ÓI.)
Enn missa akureyrsk hand-
knattleiksfélög fjöður úr sínum
hatti. Nú er Jón Kristjánsson úr
KA á leið í háskólann og í Val. Ef
Akureyrarliðunum hefði tekist
betur að halda sínum mönnum
heima væru þau búin að láta
meira að sér kveða en raunin hef-
ur orðið.
Guðmundur Steinsson hefur
ákveðið að leika með Fram á ný í
seinni hluta íslandsmótsins í
knattspyrnu og það eru gleði-
fregnir fyrir Islandsmeistarana
sem nú eiga á brattann að sækja.
SJÚKRAHÚSIÐ
PATREKSFIRÐI
Deildarmeinatæknir
Staða deildarmeinatæknis við Sjúkrahúsið er
laus til umsóknar. - Góð vinnuaðstaða, búin nýj-
um tækjum. - í boði eru góð laun og frítt húsnæði.
Nánari upplýsingar gefa deildarmeinatæknir og
framkvæmdastjóri í síma 94-1110.
Sjúkrahúsið Patreksfirði
Það er Iíka ánægjuefni fyrir ís-
lensku knattspyrnuna að endur-
heimta einn af okkar topp-
mönnum, þó hin hliðin á málinu
sé sú að honum gekk ekki sem
skyldi í hörðum heimi atvinnu-
mennskunnar.
Hinn Guðmundurinn, Torfa-
son, félagi Steinssonar, ætlar
hinsvegar að ílendast ytra. Hann
gerði í vikunni samning við Wint-
erslag, sigurvegara í belgísku 2.
deildinni í vor, og leikur með
þeim í 1. deild næsta vetur. Hann
átti erfitt uppdráttar hjá Bever-
en, fékk sama og engin tækifæri,
en tekst nú vonandi að sýna hvað
í honum býr.
Frömurum veitir ekki af liðs-
styrk Guðmundar Steinssonar,
það sást best á heppnissigri þeirra
á FH í Hafnarfirði. Þeir þurftu
sjálfsmark og afbrennda víta-
spyrnu botnliðsins til að fá öll
þrjú stigin. Á meðan sigruðu Val-
ur og KR á sannfærandi hátt og
eru á góðri leið með að stinga
önnur lið af. Reyndar þurftu
Valsmenn virkilega að hafa fyrir
því að sigra ungt en baráttuglatt
Skagaliðið.
Og Ingi Björn Albertsson
skorar enn. Nýorðinn þingmaður
og 35 ára, en þurfti aðeins 16 mín-
útur eftir að hafa komið inná sem
varamaður í fyrsta skipti í sumar
til að bæta enn einu markinu á
langan listann. Það er ekki ónýtt
fyrir Valsmenn að eiga slíkan
leikmann í bakhöndinni.
Ekki tekst íslenska 21-árs
landsliðinu enn að skora mark í
Evrópukeppninni. Markalapst
jafntefli gegn Dönum á Akureyri
á miðvikudagskvöldið þýðir að
eftir þrjá leiki er ísland í neðsta
sæti riðilsins með eitt stig og
markatöluna 0-6. Þetta er sam-
eiginlegt vandamál tveggja elstu
landsliðanna okkar - þeim
gengur bölvanlega að skora. A-
landsliðið hefur aðeins gert eitt
mark í 5 leikjum í Evrópukeppn-
inni - eigum við ekki nógu skæða
sóknarmenn, eða hvað?
í 2. deild er sovéski töframað-
urinn Youri Sedov kominn á sig-
urbraut. Maðurinn sem gerði
meðalsterkt lið Víkinga að ís-
Iandsmeisturum árin 1981 og
1982 er kominn heim í Hæðar-
garðinn á ný og strákarnir hans
eru þegar komnir með 5 stiga
forskot í 2. deildinni. Góð byrj-
un, þótt vissulega geti slíkur
munur verið fljótur að fjara út.
Frammistaða Leifturs frá Ólafs-
firði er enn athyglisverðari, ný-
liðarnir sátu fyrir leikina í gær-
kvöldi einir í 2. sæti deildarinnar,
en þeir stefna væntanlega að því
áfram eins og í upphafi að haida
sér uppi.
Kvennaknattspyrnan er komin
vel af stað og þar verða íslands-
og bikarmeistarar Vals greinilega
það lið sem önnur þurfa að sigrast
á. Markatalan 14-0 eftir fjóra
sigurleiki segir sitt, og samt sakna
Valsstúlkurnar Kristínar Arn-
þórsdóttur, markadrottningar
deildarinnar í fyrra, sem ekki get-
ur leikið í sumar vegna meisla.
Nýliðar Stjörnunnar hafa byrjað
mjög vel en mest stingur í augun
slæm staða Breiðabliks. Kópa-
vogsliðið hefur um áraraðir verið
stórveldi í íslenskri kvenna-
knattspyrnu en þeir dagar virðast
taldir, a.m.k. í bili.
Golfmaðurinn ungi Úlfar Jóns-
son náði góðum árangri á Evr-
ópumóti Iandsliða og undirstrik-
aði þau orð mín í síðasta íþrótta-
spegli að hann ætti framtíðina
fyrir sér á alþjóðlegum vettvangi.
Landsliðið stóð sig vel og vann
sér sæti í B-flokki á ný. Golf-
sambandið stendur sig ekki
jafnvel, sendir lið utan í Evrópu-
keppni en lætur ekki fjölmiðlum,
a.m.k. ekki öllum, í té upplýsing-
ar um hvar hægt sé að ná í kepp-
endur og fararstjóra í síma. Til að
grafa upp dvalarstað og síma-
númer golfmannanna í Austurr-
íki þurfa síðan íþróttafréttamenn
að eyða löngum og dýrmætum
tíma. Svona vinnubrögð eru sem
betur fer orðin nánast einsdæmi
hjá íslensku sérsamböndunum.
IÞROTTASPEGILL
VIÐIR
SIGURÐSSON
8 SÍÐA - ÞJÓÐVILJINN Sunnudagur
SVÆÐISSTJÓRN MÁLEFNA FATLAÐRA
VESTFJÖRÐUM
Framkvæmdastjóri
Svæðisstjórn málefna fatlaðra á Vestfjörðum
óskar eftir að ráða framkvæmdastjóra. Upplýs-
ingar um starfið veita framkvæmdastjóri í síma
94-3224 og formaður svæðisstjórnar, Magnús
Reynir Guðmundsson, í síma 94-3722. Miðað er
við að framkvæmdastjóri geti hafið störf 1. ágúst
n.k.
Umsóknarfrestur er til 15. júlí n.k. og skulu um-
sóknir sendar til formanns svæðisstjórnar, póst-
hólf 86, ísafirði.