Þjóðviljinn - 22.09.1987, Blaðsíða 3

FRETflR
Hvalavinir
Keyrt á
hörkunni
Litlu munaði að stórslys yrði í Hvalfirði
þegar vaktmaður skar á líflínu Ragnars
Omarssonar. Tjón Hvalavinaum200
þúsund. íhuga málaferli
Þegar við ákváðum þessar að-
gerðir vakii fyrir okkur að
vera með táknrænar en ofbeldis-
lausar aðgerðir, þar sem ekkert
yrði eyðilagt né ofbeldi sýnt undir
neinum kringumstæðum, sagði
Magnús Skarphéðinsson frá
Hvalavinafélaginu, en þrír fé-
lagar úr því hlekkjuðu sig fasta
við Hval 9 á laugardag.
„Það tókst hundrað prósent.
Annað var hinsvegar uppi á ten-
ingnum hjá Hval hf. Framkoma
þeirra sýnir í hnotskurn hvernig
hvalveiðistefna er rekin. Það er
' keyrt á hörkunni."
Litlu munaði í hita leiksins á
laugardag að Ragnar Ómarsson
stórslasaðist. Hann var í kaðal-
stiganum að koma fyrir borða
sem á var ritað „Lofið hvölunum
að lifa“, þegar vaktmaður Hvals
réðst til uppgöngu. Ragnar hékk í
líflínu sinni, en hann er vanur sig-
maður. Vaktmaður tók til við að
skera niður borðann og reyndi
síðan að ná poka, sem í voru vistir
og tól þeirra Ragnars og Kjartans
Guðnasonar. Vaktmanninum
tókst að ná pokanum af Kjartani
og dúndraði honum niður á þilfar
og maskaðist allt sem í pokanum
var, þar á meðal bílsími, metinn á
150 þúsund, myndavél og útvarp.
Nú var hlaupið mikið kapp í
vaktmanninn og í hita leiksins
skar hann á líflínu Ragnars, sem
rétt tókst að bjarga sér með því
að grípa í höldu á útsýnistunn-
unni, en fallið niður á þilfar var
um 14 metrar.
Hvalavinafélagið íhugar að
fara í mál við Hval hf. vegna
skemmdanna á útbúnaðinum,
sem þeir meta að sé um 200 þús-
und krónur og vegna þessa
atviks.
„Það er rétt að það komi fram,
að langflestir starfsmenn sýndu
okkur kurteislega framkomu og
að við teljum okkur ekki eiga
neitt sökótt við þá, utan þennan
eina mann sem hljóp á sig,“ sa^ði
Magnús. -báf
Broshýrir verðlaunahafar: Frá v. Erlingur Gíslason, Lárus Ýmir Óskarsson og Steinunn Jóhannesdóttir.
Kvikmyndahátíð
Handrit verðlaunuð
Prír handritahöfundarfengu 850þúsund krónur hver
við setningu kvikmyndahátíðar
Það voru engir byrjendur sem
fengu verðlaun í handrita-
samkcppni Listahátíðar, sem
veitt voru við setningu Kvik-
myndahátíðar í Laugarásbíói á
laugardag. Verðlaunahafarnir
voru þau Lárus Ýmir Óskarsson,
Steinunn Jóhannesdóttir og Er-
lingur Gíslason.
Ákveðið hafði verið að efna til
samkeppni um handrit að stutt-
um kvikmyndum og bárust 27
handrit. Þrjú handrit voru talin
bera af, Kona ein, eftir Lárus
Ými, Ferðalag Fríðu, eftir
Steinunni og Símon Pétur fullu
nafni, eftir Erling. Verðlaunin
voru 850 þúsund króna styrkur til
hvers handritshöfundar til að
gera kvikmynd eftir handritinu.
Við setningu kvikmyndahátíð-
ar hélt Davíð Oddsson borgar-
stjóri tölu. Þá ávarpaði ítalski
kvikmyndaleikstjórinn Ettore
Scola gesti, en hann er einn af
gestunt hátíðarinnar. Síðan var
kvikmyndin Makkaróní eftir
Scola sýnd og fékk leikstjórinn
gott klapp að sýningu lokinni.
-Sáf
„Top ten”
Að búa tíl
góða mynd
Námskeið í gerð kvik-
myndahandrita
I gær byrjuðu tíu nemendur á
framhaldsnámskeiði í gerð kvik-
myndahandrita. Settust þar á
skólabekk ýmsir valinkunnir
kvikmyndagerðarmenn og leik-
ritaskáld. Fyrr í vikunni hófust
tvö byrjendanámskeið og eru
fímmtán nemendur á hvoru
þeirra.
Kvikmyndasjóður og endur-
menntunarnefnd Háskólans
standa fyrir námskeiðunum. Þau
eru haldin í húsakynnum Kvik-
myndasjóðs í Reykjavík og munu
standa í átta vikur. Aðalkennari
er Martin Daniel, bandarískur
Tékki. ó
Ríkisskuldir
Jón með betlibréf
Fjármálaráðherra vill ná ísparifé landsmanna. Margir lítt hrifnir af sendingunni.
Karl Th. Birgisson: Kurteislega orðað
Með þessu crindi vil ég biðja
þig að hugleiða vandlega
þessa sparnaðar- og fjárfesting:
arleið sem ríkissjóður býður. I
henni felst hagur okkar allra,
hagur þinn af öruggri fjárfestingu
og hagur komandi kynslóða af
lækkun erlendra skulda, segir í
bréfí sem Jón Baldvin Hannibals-
son fjármálaráðherra hefur sent
til yfir 40 þús. landsmanna.
- Ég held að stjórnvöldum
væri nær að sjá til þess að maður
hefði efni á því að sjá fyrir sér og
sínum. Ekki hefur það orðið
auðveldara eftir að ráðherrann
setti matarskattinn á. Ég veit
ekki til þess að alþýðufólk eigi
afgang til að kaupa skuldabréf af
ráðherranum, sagði reiður les-
andi sem hafði samband við
Þjóðviljnn eftir að hann hafði
fengið bréfið frá Jóni, og fleiri
hafa látið í sér heyra hingað á
Þjóðviljann.
- Við höfum ekki fengið nein
viðbrögð ennþá, enda stutt síðan
bréfin voru send út, sagði Karl
Th. Birgisson upplýsingafulltrúi
fjármálaráðherra í samtali við
Þjóðviljann. Hann sagði að allir
landsmenn yfir 45 ára aldri hefðu
fengið sent bréf, sem fjármála-
ráðherra undirritar með bláu.
- Kannanir hafa sýnt að það er
helst miðaldra fólk og fullorðið
sem á sparifé og þess vegna er
þessum aldurshópum sent sér-
staklega. Ég hef ekki heyrt að
neinn hafði orðið móðgaður enda
er þetta mjög kurteisislegt bréf,
sagði Karl.
-•g-
NATO-ferðin
Hræsni og yfirdrepsskapur
Þorbjörn Broddason: Leikur enginn vafi á að það á að sœkja um leyfi tilfræðsluráðs.
Hvað er verið aðfela? Á sama tíma ogþessir menn eru aðpukrast meðþessaferð var umsókn þriggja
kennara um leyfihafnað, m.a. aftveimur afNATO-ferðalöngunum
að lcikur enginn vafi á því að
skólastjórarnir sem fóru í
þessa ferð til aðalstöðva NATO í
Brússel, fóru án þess að sækja um
leyfi til réttra aðila. Samkvæmt
reglugerð eiga þeir að sækja um
slíkt til fræðslustjóra og hefðin er
sú að fræðslustjóri ber allar slík-
ar leyfisbeiðnir undir fræðslu-
ráð,“ sagði Þorbjörn Broddason,
sem á sæti í fræðsluráði.
Þorbjörn sagðist ætla að óska
eftir að þetta mál yrði tekið fyrir á
næsta fundi fræðsluráðs, sem
væntanlega verður haldinn næsta
mánudag.
„Ég vil fá að vita með hvaða
hætti þetta bar að og hversvegna
þetta var ekki lagt fyrir fræðslu-
ráð. Samkvæmt því sem ég kemst
næst er hér um að ræða skipu-
lagða hópferð fyrir þriðja hvern
skólastjóra í grunnskólum
Reykjavíkur. Við sem eigum sæti
í fræðsluráði viljum ekki þurfa að
lesa um þetta í blöðunum.“
Þorbjörn sagði að Ragnar Jú-
líusson, formaður fræðsluráðs og
einn þeirra átta skólastjóra sem
fóru til Brussel, hefði lesið upp úr
reglugerð á síðasta fundi fræðslu-
ráðs, þegar fjallað var um um-
sóknir þriggja kennara sem fóru
fram á leyfi til að fara erlendis.
Þar kom fram að ef sótt er um
leyfi til lengri tíma en eins dags
ber að sækja um slíkt til fræðslu-
stjóra.
„Þessum þremenningum var
ekki veitt leyfi á þeirri forsendu
að þeim bæri að sinna þeim störf-
um sem þeir væru ráðnir til, auk
þess sem þetta væri mjög slæmur
tími á árinu til að gefa leyfi. Strax
og búið er að hafna þessu rjúka
svo tveir þeirra sem áttu þátt í að
hafna umsókn kennaranna í það
að plata út heimild hjá mennta-
málaráðuneytinu, á bak við
fræðsluráð, í kynnisferð til höf-
uðstöðva NATO.“
Þorbjörn sagði að það væru
ótal vitni að því að það hefði ekk-
ert átt að fréttast af þessari för og
það að sex skólastjórar hefðu far-
ið í fyrra í sömu erindagjörðum
væri fyrst að koma fram í dags-
ljósið núna. „Hvaða launung er
þetta? Það er óþolandi hræsni og
yfirdrepsskapur að meina fólki
að fara í nokkurra daga leyfi frá
störfum sömu daga og þeir sjálfir
eru að laumast í burtu."
Hin hliðin á þessu máli er svo
að mati Þorbjörns „að menn
leggja lag sitt við þá sem þeir hafa
skap til. Vilji skólastjórar fara í
endurhæfingu til Brussel, þá ber
þeim að sækja um það rétta boð-
leið. Þá vil ég fá að vita hvernig
þetta bar að og hvort einungis
ákveðnum skólastjórum var boð-
ið. Sjálfur hefði ég ekki heimilað
þessa ferð nema að öllum skóla-
stjórum stæði þetta til boða.“
Þau ummæli Ragnars að Ás-
laug Brynjólfsdóttir fræðslustjóri
fari með lygi, dæma sig sjálf, að
mati Þorbjarnar, „að minnsta
kosti í augum þeirra sem þekkja
þau Áslaugu og Ragnar. Maður
sem þannig talar er auðvitað
smánarblettur bæði á kennarast-
éttinni og Sjálfstæðisflokknum.“
-Sáf
Þriðjudagur 22. september 1987 ÞJÓÐVILJINN — SÍÐA 3