Þjóðviljinn - 13.11.1987, Blaðsíða 1

Föstudagur 13. nóvember 1987 254. tölublað 52. örgangur
Ríkisbankastjórar
Byggingarnefnd
Fölsun eða prentvilla?
Vélrituð fundargerð lögðfram á borgarstjórnarfundi ósamhljóða upprunalegrifundargerð.
Guðmundur Haraldsson: Meirihlutinn ber við vélritunarfeil
Svo virðist sem meirihluti bygg-
ingarnefndar í Reykjavík hafi
reynt að faisa fundargerð frá
fundi nefndarinnar 29. október
þegar fjallað var um flutning á
húsinu á Tjarnargötu 11 til Tún-
götu 12. Húsið við Tjarnargötu
verður að víkja fyrir ráðhúsi Da-
víðs.
Samkvæmt undirritaðri fund-
argerð var málið afgreitt á fund-
inum, þrátt fyrir að ekki væri
búið að ganga frá staðsetningu
hússins að Túngötu 12. í vélrit-
aðri fundargerð sem lögð var
fyrir borgarstjórn 5. nóvember
stendur hinsvegar að erindinu
hafi verið frestað.
Mál þetta kom fyrir á fundi
byggingarnefndar í gær og mót-
mæltu fulltrúar minnihlutans þeir
Guðmundur Haraldsson og
Gunnar H. Gunnarsson þessu
harðlega. Hótuðu þeir að flytja
tillögu á fundinum um að fundar-
gerðin yrði leiðrétt ef meiri-
hlutinn féllist ekki á að leiðrétta
fundargerðina. Höfðu þeir undir
höndum frumrit af fundargerð-
inni undirritaða af öllum bygg-
ingarnefndarfulltrúum sem voru
á fundinum 29. október.
„Fyrst héldu þeir því fram að
erindinu hefði verið frestað,"
sagði Guðmundur Haraldsson,
fulltrúi Alþýðuflokksins í bygg-
ingarnefnd við Þjóðviljann í gær.
„Þeir féllust hinsvegar á að lag-
færa þetta þegar þeir sáu að við
höfðum upprunalegu fundar-
gerðina undir höndum."
Guðmundur sagði að skýring
meirihlutans á þessu hefði verið
sú að þetta orð, „frestað", hefði
óvart dottið þarna niður við vél-
ritun og því væri sökin hjá vélrit-
aranum.
„Það getur enginn sagt að þetta
hafi gerst öðruvísi en óneitanlega
er það skrýtin tilviljun ef svo er.
Þetta orð breytir algjörlega
niðurstöðu fundarins 29. októ-
ber.“
Hilmar Guðlaugsson, formað-
ur byggingarnefndar, lét á fundi
borgarstjórnaró. nóvemberbóka
að flutningur á húsinu við Tjarn-
argötu 11 til Túngötu 12 hefði
ekki fengið afgreiðslu eða bygg-
ingarleyfi verið veitt. Að aðeins
flutningur hússins frá Tjarnar-
götu 11 hafi verið samþykktur á
fundi byggingarnefndar.
-Sáf
Ekki
pólitíkusa
Matthías Bjarnason vill
fagmenn í
bankastjórastöður
Matthías Bjarnason Sjálfstæð-
isflokksþingmaður og fyrrver-
andi viðskiptaráðherra leggst í
viðtali við Helgarpóstinn gegn því
að bankastjórar ríkisrekinna
banka séu tilnefndir af stjórn-
málaflokkum.
Reynslan af bankamálunum á
að kenna okkur að taka upp ný
vinnubrögð, segir Matthías í HP
og vill láta ráða „hæfa menn
innan bankakerfisins" í banka-
stjórastöðurnar. „Ég sé því síður
en svo nokkra þörf á því að sækja
til uppgjafarstjórnmálamanna
eða kaupfélagsstjóra til að
manna æðstu stöður þessara
mikilsverðu stofnana.“ -m
Jón Baldvin Hannibalsson veifaði Þjóðviljanum í ræðustól á Alþingi í gær og vitnaði í spurningu dagsins. Mynd E.ÓI.
Leyniskýrslurnar
Kaldastríðið á Alþingi
Þorsteinn Pálsson: Atómstöðin skrifuð íþeim tilgangi að varpa rýrð á stjórnendur
landsins. Umrœða á Alþingi um leyniskýrslurnar minnti á kaldastríðsárin
Utanríkisstefnan
Stjóm-
stöðin
prófsteinn
Ólafur Ragnar Gríms-
son: Er Steingrímur
reiðubúinn að afturkalla
heimildina til byggingar
stjórnstöðvarinnar?
„Er Steingrímur Hermannsson
reiðubúinn að afturkalla heimild-
ina til bandaríska hersins að reisa
nýja stjórnstöð á Keflavíkurflug-
velli? Það verður prófsteinninn á
utanríkisráðherra. Er friðarvilji
hans innantóm orð eða á að fylgja
þeim eftir með athöfnum?“
spurði Olafur Ragnar Grímsson á
hádegisverðarfundi sem ungir
framsóknarmenn efndu til með
honum á Gauk á Stöng í gær.
Ólafur Ragnar sagði að þessi
stjórnstöð breytti eðli herstöðv-
arinnar. Frá henni verði hægt að
stjórna hernaðarátökum áfram í
sjö daga þó búið væri að leggja
ísland í rúst. Sagði hann að ís-
lensk stjórnvöld hefðu aldrei út-
skýrt eðli þessarar stjórnstöðvar
heldur rætt um hana einsog nýja
bensínstöð.
„Verði leyft að byggja þessa
stjórnstöð er það yfirlýsing okkar
um að héðan verði haldið áfram
stríðsrekstri þó svo að landið sé
rjúkandi rúst eftir kjarnorku-
styrjöld. Ef Steingrímur Her-
mannsson afturkallar ekki
heimildina verður í tíð hans sem
utanríkisráðherra stigið eitt af-
drifaríkasta skrefið sem hér hefur
verið stigið í vígbúnaði."
Fundurinn var hinn líflegasti
og þegar Ólafur var spurður
hvort vera hans í Framsóknar-
flokknum hefði háð honum í Al-
þýðubandalaginu, sagði hann að
svo væri ekki einsog sjá mætti.
„Ég mæli eindregið með því að
yfirgefa framsókn og ganga í Al-
þýðubandalagið. Sérhver ungur
framsóknarmaður gæti staðið í
mínum sporum að 15 árum liðn-
um.“ ^Sáf
Skáldvcrkið Atómstöðin var
skrifað í þeim tilgangi að
varpa rýrð á stjórnendur lands-
ins, sagði Þorsteinn Pálsson m.a. í
utandagskrárumræðu um leyni-
skýrslurnar og upplýsingaskyldu
á Islandi, á Alþingi í gær.
Það var Hjörleifur Guttorms-
son sem hóf umræðuna og fór
fram á svör frá utanríkisráðherra
um hvort hann myndi beita sér
fyrir því að tryggt yrði að íslensk
gögn frá tímanum 1946-1951
yrðu dregin fram í dagsljósið og
hvort hann myndi sjá til þess að
bandarísk gögn um herstöðva-
samningana yrðu kölluð heim.
Steingrímur Hermannsson
sagðist myndi beita sér fyrir því
og sagði tímabært að setja reglur
um upplýsingaskyldu hér á landi.
Umræður urðu mjög heitar og
minntu á kaldastríðsárin og vitn-
aði Jón Baldvin Hannibalsson
m.a. í spurningu dagsins í Þjóð-
viljanum í gær. Aðrir ráðherrar
sem tóku til máls þeir Þorsteinn
Pálsson og Steingrímur Her-
mannsson vitnuðu í þyngri bók-
menntaverk, eða Atómstöð Hall-
dórs Laxness, en Hjörleifur hafði
hafið umræðuna á beinni tilvitn-
un í bókina. Sagðist Steingrímur
treysta Eysteini Jónssyni betur en
nóbelsskáldinu um atburðarrás
þess tíma sem til umræðu var.
-Sáf
Sjá bls. 5