Þjóðviljinn - 19.03.1988, Blaðsíða 3
Loðna
Kvótinn að
klárast
FRÉTTIR
Ameríkumarkaður
Sýnd veiði en ekki gefin
Leyfisveiting viðskiptaráðuneytisins til sex útflutningsfyrir tœkja ísjávarútvegi
hefur litlu skilað. Ástæðan knappur tími og óvissa umframhaldið. Utanríkisráðu-
neytið: Engin afstaða verið tekin til áframhaldandi leyfisveitingar
Rólegt var á loðnumiðunum út
af Stokksnesi í gær en í fyrradag
fengu 9 skip 5.100 tonn. Nú er
aðeins eftir að veiða um 30 þús-
und tonn af rúmum 900 þúsund
tonna loðnukvóta á vertíðinni.
Skipin hafa verið í óða önn við
að klára kvótana sína og hafa
þegar 21 skip lokið veiðum að
sinni. Eftir eru 27 en þeim fer
sífellt fækkandi. Að sögn Ástráðs
Ingvarssonar hjá Loðnunefnd má
búast við að þau verði ekki fleiri
en 5-10 í næstu viku sem einhvern
kvóta eiga eftir.
Allt virðist því benda til þess að
spá Ástráðar standist um að ver-
tíðinni ljúki 8.-11. aprfl nk. en
það veltur þó á því hvað Frú
Helga gerir, eins og hann kallar
Helgu 3. RE, en hún á eftir um 4
þúsund tonn af sínum kvóta.
Svo til öll útflutningsfyrirtækin
sex í sjávarútvegi sem fengu
skilyrt leyfi f hálft ár frá viðskipt-
aráðuneytinu til útflutnings á
sjávarafurðum á Bandaríkja-
markað hafa lítt sem ekkert not-
fært sér það. Ástæðan er fyrst og
fremst knappur leyfistimi og
óvissa um framhaldið.
Að sögn Stefáns Gunnlaugs-
sonar í utanríkisráðuneytinu hef-
ur engin afstaða enn verið tekin
af hálfu ráðuneytisins um hvort
leyfisveitingin verði framlengd
eður ei. Hann sagði að enn væri
nægur tími til stefnu til að taka
ákvörðun um það þar sem hún
rennur ekki út fyrr en í aprfllok
nk.
Fyrirtækin sex sem fengu tíma-
bundið leyfi til útflutnings sjávar-
afurða á Bandaríkjamarkað eru
Vogar hf. í Vogum, íslenska Út-
flutningsmiðstöðin hf. í Reykja-
vík, Marbakki hf. í Kópavogi,
Stefnir hf. í Reykjavík, íslenskur
Gæðafiskur hf. í Ytri Njarðvík og
G. Ingvarsson hf. á Seltjarnar-
nesi. Af þessum fyrirtækjum hef-
ur einna helst íslenska Útflutn-
ingsmiðstöðin hf. flutt út sjávar-
afurðir á Bandaríkjamarkað, en
þess ber að geta að fyrirtækið hef-
ur gert það sl. ár og hafði því
forskot á hin fyrirtækin fimm sem
fengu í október sl. leyfi í fyrsta
sinn.
Framkvæmdastjóri Marbakka
hf. Jón Guðlaugur Magnússon,
sagði að fyrirtækið hefði ekkert
flutt út til Bandaríkjanna það
sem af er leyfisveitingunni og
hefði það ekki í hyggju fyrr en
búið væri að ákveða hana til
lengri tíma en gert var, sem hann
sagði hafa verið allt of stutta.
Hann sagðist ekki hafa trú á öðru
en að utanríkisráðherra fram-
lengdi leyfið og hann hefði látið
þau boð út ganga að áður en gild-
istíminn væri á enda liðinn,
myndi hann kalla forráðamenn
fyrirtækjanna sex til sín til við-
ræðna. „Eftir því bíður maður og
þangað til verður maður að vona
að ráðherra framlengi leyfið,
enda yrði annað ekkert annað en
skammsýni," sagði Jón Guð-
laugur Magnússon.
-grh
Skólar
Reyklausir
í Þórsmörk
BSÍ verðlaunar reyk-
lausa 9. bekki ígrunn-
skólum landsins. Aðal-
verðlaunin eru Þórs-
merkurferð
Allir þeir 9. bekkir landsins
sem eru reyklausir eru hvattir til
að senda yfirlýsingu um það til
Krabbameinsféiags Reykjavíkur
því nú hafa Hópferðabílar BSÍ og
Ferðaskreifstofa BSÍ ákveðið að
verðlauna þann bekk sem dreg-
inn verður úr innsendum tilkynn-
ingum með Þórsmerkurferð í
vor.
Auk aðalverðlaunanna koma
allir reyklausir 9. bekkir til með
að fá tvöfaldan frímiða sem gefur
rétt til ótakmarkaðra ferða með
áætlunarbflum BSÍ í vikutíma
næsta sumar. En bekkurinn verð-
ur að ákveða sín í milli hver á að
nýta sér frímiðann því aðeins
einn getur flakkað um landið að
vild. -tt
Þjóðhagsstofnun
Stöðnun
framundan
Þenslutímar síðustu ára
eru liðnir-samdráttur
fyrirsjáanlegur
Þjóðhagsstofnun gerir ráð
fyrir því að verðbólgan verði um
16% á árinu og að landsfram-
leiðslan dragist saman um 1%.
Halli á viðskiptum við útlönd
verði rúmlega 11 milljarðar
króna eða sem svarar til 4,5% af
landsframleiðslu.
Gert er ráð fyrir að kjarasamn-
ingur VSÍ og VMSÍ verði ford-
æmi annarra kjarasamninga á
næstunni og að meðalgengi krón-
unnar verði haldið óbreyttu til
ársloka. Þjóðarútgjöld verði
óbreytt frá því í fyrra og er þá gert
ráð fyrir að einkaneysluútgjöld
dragist saman en útgjöld til sam-
neyslu og fjárfestingar aukist.
Horfur eru á að útflutningur
vöru og þjónustu á þessu ári verði
því sem næst óbreyttur frá því í
fyrra en að viðskiptakjör verði
lakari í ár þannig að kaupmáttur
útflutningstekna dragist nokkuð
saman á milli áranna 1987 og
1988.
-tt
Óli Kristinsson með hluta af frímerkjasafni sínu sem hann tók suður
með sér til að sýna á afmælisýningu Landssambands frímerkjasafn-
ara.
Frímerki
Gersemar
til sýnis
Landssamband frímerkjasafnara með
sýningu í Listasafni alþýðu um helgina í
tilefni tuttugu ára afmælis samtakanna
Eg er nú búinn að eignast eigin-
lega allt sem mig langaði í, en
því er ekki að neita að mig langar
í bréf með frímerki frá fyrstu
árum frímerkjaútgáfu á íslandi,
ekki síst bréf með skildinga-
merki, sagði Óli Kristinsson sem
er kominn til Reykjavíkur frá
Húsavík með sex ramma sem
hann sýnir á stórsýningu Lands-
sambands frímcrkjasafnara sem
haldin er í Listasafni alþýðu nú
um helgina.
Ég tók með mér suður hluta af
„konungsríkinu ísland“ öll merki
sem gefin voru út á tímabilinu
1902 til 1944, sagði Óli sem hefur
safnað frímerkjum frá unga aldri
og teiur þá iðju holla og góða
fyrir alla. Og hann bætti þvi við
að það væri alls ekkert dýrt að
safna frímerkjum
Ég á eitt bréf sem alflesta frí-
merkjasafnara langar til að eiga,
það er eitt af 298 ábyrgðarbréfum
sem voru send út um hvippinn og
hvappinn frá Reykjavík með ít-
alska hópfluginu árið 1933. í sæn-
ska frímerkjaverðlistanum eru
þessi bréf metin á 210.000 kr.,
sagði Óli þegar hann var spurður
um hans dýrustu frímerkjaeign.
Sýning frímerkjasafnaranna
var opnuð í gær og stendur fram á
sunnudagskvöld. f heiðursdeild
verða sýndir hlutir úr Þjóðskjal-
asafni Islands sem varða póst-
sögu íslendinga frá upphafi 1776
fram til 1875. Þetta safn hefur
ekki verðið sýnt áður hérlendis
en þess má geta að safnið fékk
gullverðlaun á HAFNIU frí-
merkjasýningunni í Kaupmanna-
höfn í fyrra. sg
Rafhitunarkostnaður
Framsókn að fela eigin gjörðir
Þingmennframsóknar vilja aðgerðir til jöfnunar á orkuverði.
Friðrik Sophusson: Tilgangurinn sá aðfelafyrri aðgerðir
flokksins á yfirstandandi þingi
Tilgangur tillöguflutningsins
hjá þingmönnum Framsókn-
arflokksins sýnist mér vera sá
einn að fela fyrri aðgerðir flokks-
ins á yfirstandandi þingi og gefa
almenningi í skyn að Framsókn
beri ekki ábyrgð á stjórnarsam-
starfinu í þessum málum, sagði
Friðrik Sophusson, iðnaðarráð-
herra, um tillögu sex þingmanna
Framsóknarflokksins um aðgerð-
ir til jöfnunar á orkuverði.
Friðrik sagði að skömmu áður
en tillagan var lögð fram hafi
Framsóknarflokkurinn tilnefnt
Hermann Sveinbjörnsson í nefnd
á vegum stjórnarinnar til þess að
fjalla um orkumál, en auk Her-
manns eiga sæti í nefndinni full-
trúi frá iðnaðarráðuneyti og ann-
ar frá fjármálaráðuneyti. Friðrik
sagðist búast við tillögum frá
nefndinni á næstunni.
„Það hlýtur að vekja eftirtekt
þegar þingmenn eins stjórnar-
flokksins flytja svona tillögu án
þess að hafa samband við iðnað-
arráðherra og er dæmigert um
hvernig ekki á að haga sér í
stjórnarsamstarfi," sagði Friðrik.
Þá sagði hann að í greinargerð
með tillögunni væru rangar tölur,
en raforkuverð til húshitunar
væri mun lægra nú en það var á
árunum 1980-1984. í greinar-
gerðinni kemur fram að það er
80% dýrara að hita upp atvinnu-
húsnæði með raforku en með gas-
olíu. Friðrik sagði þetta rangt að
munurinn væri ekki nema um
20%.
„Slík vinnubrögð sýna að til-
gangurinn er ekki annar en sá að
fela fyrri aðgerðir Framsóknar-
flokksins, en einsog allir vita sem
fylgst hafa með þessum málum
hafa þingmenn Framsóknar-
flokksins greitt atkvæði með öðr-
um stjórnarþingmönnum um til-
lögur sem varða þetta mál, þar á
meðal tillögu um hækkun niður-
greiðslna á raforku til húshitun-
ar,“ sagði Friðrik, en þingmenn
Alþýðubandalagsins fluttu slíka
tillögu við afgreiðslu fjárlaga,
sem var felld af þingmönnum
allra stjórnarflokkanna.
Friðrik taldi að umræðan um
þetta væri fyrst og fremst sprottin
af því að olíuverð hefur lækkað
stórkostlega á undanförnum
árum og það hefur fyrst og fremst
komið útgerðinni til góða, „og
þar með landsbyggðinni einsog
öðrum íbúum landsins,“ sagði
Friðrik.
-Sáf
Laugardagur 19. mars 1988 ÞJÓÐVILJINN - SÍÐA 3