Þjóðviljinn - 07.04.1988, Blaðsíða 13

ERLENDAR FRETTIR
Palestína
Þrjú ung-
menni drepin
Ung ísraelsk stúlka og tveir palestínskir piltar létu lífið
á vesturbakka Jórdanár ígœr. Alls hafa tveirgyðingar
fallið en 135 Palestínumenn frá því uppreisnin hófst
rír unglingar létu lífið í gær og
tugir manna særðust þegar
heiftarlega skarst í odda milli pal-
estínskra ungmenna og ísraelskra
„landnema“, steinsnar frá bæn-
um Beita á vesturbakka Jórdan-
ár.
Tvennum sögum fer fram um
aðdraganda átakanna. Að sögn
ísraelsra heimildamanna og
bandarísks kvikmyndatöku-
manns réðust palestínskir ung-
lingar að jafnöldrum sínum úr
hópi „landnema" sem voru á
skemmtigöngu. Tveir fullorðnir
gyðingar voru í för með ísraelsku
unglingunum. Þeir voru vel
vopnum búnir og þegar þeir sáu
hvað verða vildi hófu þeir skot-
hríð á árásarmennina. Tveir
þeirra létust samstundis og allt að
27 særðust.
En allt kom fyrir ekki og þegar
skotfærin þraut réðust palest-
ínsku ungmennin á gyðingana og
börðu þá með grjóti. 15 ára
gömul stúlka lét lífið og 14 slös-
uðust.
Palestínskir sjónarvottar segja
hinsvegar að hinir vopnuðu
fylgdarmenn ísraelsku ungling-
anna hafi átt upptökin að ógæ-
funni. Þeir hafi fyrirvaralaust og
án tilefnis hafið skothríð á fólk
sem var við vinnu sína á ökrum.
Stúlkan sem myrt var í gær er
fyrsti ísraelski borgarinn sem
lætur lífið á herteknu svæðunum
frá því uppreisn Palestínumanna
hófst þann 9nda desember í fyrra.
Einn ísraelskur hermaður hefur
fallið og að minnsta kosti 135 Pal-
estínumenn.
Gífurleg heift greip um sig
meðal gyðinga í ísrael þegar
fréttir bárust af því að einn úr
þeirra röðum hefði fallið á vest-
urbakkanum. Zevulun Hammer
trúmálaráðherra lét eftirfarandi
frá sér fara: „Höggvum hand-
leggina af villimönnunum og
mölbrjótum höfuðbein högg-
ísraelskir „land-nemar" á vest-
urbakkanum.
orma dauðans."
Mörg hundruð ísraelsdátar
komu á vettvang skömmu eftir
þessa ömurlegu atburði. Þeir
slógu þegar í stað hring í kringum
Beita og hófu þvínæst leit að
morðingjum stúlkunnar. Þyrla
hnitaði hringa yfir höfðum þeirra
einsog hrægammur á höttunum
eftir æti. Rcuter/-ks.
Bandaríkin
Dukakis í sjöunda himni
Michael Dukakis og stefnuskráin, loftbólur í öllum regnbogans litum
Mikhael Dukakis var í góðu
skapi þegar hann kom til
New York frá Wisconsin í gær
enda tilefnið ærið. Tæpum sólar-
hring áður hafði honum verið
greint frá góðum sigri sínum á
helsta keppinautinum um útncfn-
ingu Demókrataflokksins fyrir
forsetakosningarnar í haust, hin-
um þeldökka predikara og
mannréttindafrömuði Jesse Jack-
son.
48 af hundraði demókrata í
Wisconsin telja fylkisstjórann frá
Massachusetts best til þess fallinn
að etja kappi við George Bush.
28 af hundraði kusu Jackson, 17
af hundraði kusu Albert Gore,
öldungadeildarþingmanninn frá
Tennessee, en aðeins 5 af hundr-
aði telja Paul Simon heppilegan
mótframbjóðanda varaforsetans.
Nú hefur Dukakis tryggt sér
749 fulltrúa á kjörmannasam-
kundu Demókrataflokksins í
sumar. Jackson á 695 atkvæði vís
á fundi þessum. Lysthafandi þarf
að tryggja sér fulltingi 2,082 kjör-
manna hið minnsta til þess að
verða forsetaframbjóðandi Dem-
ókrataflokksins að þessu sinni.
Dukakis virðist ekki nokkurn
tíma láta sér verk úr hendi falla.
Strax í rauðabítið í gærmorgun
hóf hann ræðuhöld einhversstað-
ar á alfaraleið í New York. Að
sögn heimildamanns Reuters fór
hann í smiðju til Jacksons og fékk
fáein „baráttumál" að láni. Til
dæmis hét hann því að taka eitur-
lyfjavandamálið föstum tökum
næði hann kjöri. Sem kunnugt er
búa margir gyðingar í New York
og því átti Dukakis ekki nógu
sterk orð til að lýsa heilshugar
stuðningi sínum við Ísraelsríki.
Og þannig og þannig meir.
Bandarískir stjórnmálaskýr-
endur telja þó að svo geti farið að
allt þetta mælskustúss Dukakisar
verði unnið fyrir gýg. 25 af hundr-
aði demókrata í New York séu
blakkir á hörund og muni að
öllum líkindum styðja Jackson.
Og sé haft í huga hve mjög vins-
ældir hans hafi aukist meðal
hvítra sé ekki fjarri lagi að spá
honum helmingi allra atkvæða í
fylkinu.
Eftir öllum sólarmerkjum að
dæma munu Jackson og Dukakis
því glíma til úrslita í New York
þann 19da þessa mánaðar. 255
kjörfundarmenn eru í húfi.
Reuter/-ks.
Eþíópía
UUendingar reknir
úr átakahéiuðum
Skœruliðar í Erítreu og Tigray hafa átt
velgengni aðfagna en nú hyggjast ráða-
menn íAddis Ababa snúa vörn ísókn
Ríkisstjórnin í Addis Abaha
skipaði í gær öllum erlendum
starfsmönnum hjálparstofnana
að yfirgefa án tafar Erítreu og
Tigray héruð sökum vaxandi um-
svifa skæruliða þar. Alkunna er
að þessi svæði hafa orðið mjög
illa úti vegna þurrka. Þrjár milj-
ónir íbúa þeirra horfast nú í augu
við hungurvofuna.
í yfirlýsingu frá hjálparstofnun
stjórnvalda (RRC) segir að hinir
erlendu gestir geti snúið aftur til
beggja héraða jafnskjótt og
„sveitir glæpamanna hafa verið
upprættar og friði komið á.“
Skorað er á erlendar hjálpar-
stofnanir að láta starfsmenn
RRC annast framkvæmdir sínar
uns þeirri eigið fólk taki til starfa
á ný.
Skæruliðum aðskilnaðarsinna í
Erítreu og Tigray hefur aukist
mjög ásmegin uppá síðkastið.
Foringjar þeirra segjast hafa lagt
mestöll héruðin undir sig, aðeins
helstu borgir séu enn á valdi
stjórnarhersins.
Erlendir starfsmenn hjálpar-
stofnana hafa staðfest þessar
fréttir. Ráðamenn í höfuðborg-
inni hafa að undanförnu skorið
upp herör og hyggjast þeir ganga
á milli bols og höfuðs á upp-
reisnarmönnum.
Einsog nærri má geta bitnar
allt þetta vopnaskak á þeim sem
síst skyldi. f Eþíópíu líða sjö milj-
ónir manna hungur, þar af tvær
miljónir barna. Vegna átakanna í
Erítreu og Tigray hefur engin
matvæladreifing farið þar fram
um allangt skeið.
Reuter/-ks.
Matvœli
Offramleiðsla og skortur
ídaghefstráðstefnaávegumEvrópubandalagsinsumhungursneyð og bruðl með matvæli
Hungursneyð geisar í fjölmörg-
um Afríkulöndum en á sama
tíma veldur það ráðamönnum í
Vestur-Evrópu og Bandaríkjun-
um áhyggjum hvernig draga megi
úr landbúnaðarframleiðslu án
þess að styggja kjósendur í sveit-
um.
Þetta tvennt verður efst á baugi
á ráðstefnu sem Evrópuþingið í
Brússel hefur boðað til og hefst í
dag. Maður er nefndur Plumb,
lávarður að tign, forseti Evrópu-
þingsins og bóndi. Hann mun
stýra umræðum á ráðstefnunni
sem lýkur annað kvöld. Hana
sækja sérfræðingar um
landbúnaðar- og þróunarmál frá
rúmlega eitt hundrað löndum.
Plumb ræddi við fréttamenn í
gær. Hann var fyrst inntur eftir
viðhorfi sínu til mótsagnarinnar
milli hungursins í þriðja heimin-
um og ofgnóttarinnar á Vestur-
löndum.
Hann sagðist hafa samúð með
fólki sem vildi einfaldlega leysa
vandann með því að flytja um-
frambirgðir stöndugra ríkja til
hinna fátækari. En slíkt yrði ein-
vörðungu til að gera illt verra því
þá myndu allir bændur í landi
þiggjenda bregða búi, afurðir
þeirra stæðust hvort eð er ekki
samkeppni við gjafakorn. Frum-
kvæði yrði gersamlega drepið í
dróma og hvað myndi gerast ef
gefendur yrðu uppiskroppa einn
góðan veðurdag? Matgjafir væru
ætíð neyðarúrræði. Hinsvegar
gætu og ættu auðug ríki að stór-
auka aðstoð á sviði tækni og
verkþjálfunar og stuðla með því
að stóraukinni framleiðni í land-
búnaði vanþróuðu ríkjanna.
Richard Lyng, Iandbúnaðar-
ráðherra Bandaríkjanna, og
Frans Andriessen, yfirmaður
landbúnaðardeildar Evrópu-
bandalagsins, munu rekja raunir
offramleiðsluríkja á ráðstefn-
unni. Kenneth Kaunda, forseti
Zambíu, mun ávarpa ráðstefn-
una sem aðalfulltrúi ríkja sem
geta ekki brauðfætt þegna sína.
Sérfræðingar sem fréttamaður
Reuters ræddi við í gær voru á
einu máli um nauðsyn tafarlausra
aðgerða til að stemma stigu við
siðlausu bruðli á Vesturlöndum.
Stjórnmálamenn hvaðanæva að
yrðu að taka höndum saman og
vinna markvisst að réttlátri ný-
skipan landbúnaðármála í
heiminum.
Viðmælendur fréttamannsins
sögðust ekki eingöngu hafa
áhyggjur af matvælaskorti í Afr-
íku heldur og í Suður-Asíu. Þar
hefði uppskera brugðist hrapal-
lega í fyrra og ef hún brygðist
einnig í ár yrðu afleiðingarnar
óskaplegar.
Edward Clay er forstjóri Stofn-
unar um neyðarhjálp og þróun í
Lundúnum: „Svo gæti farið að
Indverjar yrðu nauðbeygðir til að
kaupa 10-15 miljónir smálesta af
korni ef allt fer úrskeiðis hjá þeim
á ný. Þegar ástandið var verst í
Afríku báðu leiðtogar hungur-
ríkja í álfunni um 6 miljónir smá-
lesta. Nú þegar er sýnt að hálf
miljón dráttardýra fellur úr hung-
ri í ár verði ekkert gert og ef svo
illa fer verða akrar óplægðir á
Indlandi þegar sáðtíminn fer í
hönd.“
Fyrrnefndur Plumb gerir sér
vonir um að leiðtogar ríkja heims
muni hefjast handa án tafar.
„Tíminn er á þrotum. Ef okkur er
í raun og veru kappsmál að bæta
hag sveitafólks í þriðja heiminum
verða forystumenn iðnríkja strax
að taka af skarið og hafa samráð
við leiðtoga fátækra ríkja urn að-
gerðir.
Reuter/-ks.
Fimmtudagur 7. april 1988 ÞJÖÐVILJINN - SÍÐA 13