Þjóðviljinn - 27.04.1988, Page 7

Verslunarmenn
Félögum í
vericfalli
fjölgar
Hófst á Húsavík í gœr.
Akranes ídag.
Bolungarvík og
Suðurnes á miðnætti
Þeim félögum verslunarmanna
sem fara í verkfall fer fjölgandi.
Verslunarmenn á Húsavík hófu
verkfall á mánudag og í gær bætt-
ust Akurnesingar við. Bolvíking-
ar og Suðurnesjamenn hófu verk-
fall sitt á miðnætti.
Almenn þátttaka er í verkfall-
inu á Húsavík. Ásta Baldursdótt-
ir, formaður Verslunarmannafé-
lags Húsavíkur, sagði verkfallið
hafa farið friðsamlega af stað.
Verslunarmenn áttu þó í rimmu
við eina verslun. Eigendur versl-
unarinnar Kjarabót stældu við
verslunarmenn um skilgreiningar
á því hverjir mættu vinna og
hverjir ekki.
Allt flug hefur Iegið niðri á
Húsavík síðan á fimmtudag í síð-
ustu viku. Flugleiðir eru eina
flugfélagið sem heldur uppi flugi
þangað. Þetta hægir á póstflutn-
ingum til og frá Húsavík sem nú
verða að fara landleiðina. Þeir
sem þurfa að fara flugleiðis til
Reykjavíkur verða að fara til Ak-
ureyrar og reyna að fá sæti hjá
Flugfélagi Norðurlands.
Ymis skrifstofustarfsemi liggur
niðri á Húsavík. Lokun skrifstofu
kaupfélagsins kemur td. illa við
bændur. Þá eru skrifstofur Fiski-
ðjusamlags Húsavíkur lokaðar
þannig að ekki verður hægt að
borga út kaup, dragist verkfallið.
Asta sagði þátttökuna í verk-
fallinu góða en að félagsmenn
mættu mæta betur til starfa fyrir
félagið en var á fyrsta degi.
-hmp
Kæra utan-
ríkisráðherra
Dregin
til baka
Boðað verkfall
verslunarmanna á
Suðurnesjum hefst á
miðnætti, líka á Vellinum
Utanríkisráðuneytið hefur fall-
ið frá þeirri ákvörðun að kæra
verkfall verslunarmanna á Kefla-
víkurflugvelli til Félagsdóms.
Verkfall Suðurnesjamanna verð-
ur því með eðlilegum hætti. Ás-
mundur Stefánsson, forseti ASÍ,
segir þetta skynsamlega ákvörð-
un.
Ásmundur átti að mæta fyrir
Félagsdóm í gær, fyrir hönd versl-
unarmanna. Eftir langan fund
með starfsmönnum Varnarmála-
skrifstofunnar í fyrradag, lá hins
vegar sú niðurstaða fyrir að
ráðnuneytið félli frá kæru.
„Verslunarmenn hafa ítrekað
boðið undanþágur í störfum sem
kunna að vera viðkvæm en ver-
kfallsnefndin ákveður nánar hvar
þess kann að vera þörf,“ sagði
Ásmundur. Hann sagði báða að-
ila vilja afgreiða þetta mál í góðu.
Verslunarmenn á Keflavíkur-
flugvelli eru uþb. 1/3 af félags-
mönnum félagsins á Suðurnesj-
um. „Það er því ljóst að það
skiptir miklu máli að félagsmenn
á Vellinum séu með í verkfal-
linu,“ sagði Ásmundur. Verk-
fallsnefnd hefur enn ekki tekið
neinar ákvarðanir um undanþág-
ur. Ásmundur taldi ekki ástæðu
til að ætla að það yrði mikill fjöldi
sem fengi þær.
-hmp
FRÉTTIR
Skipulag stúdentastjórnarinnar loksins að komast á hreint.
Stúdentaráð
Ný stjóm að fæðast
Vakafær stjórn SHÍ, Röskvastjórn Félagsstofnunar og LÍN-fulltrúann
Samninganefndir Vöku og
Röskvu hafa komist að samkomu-
lagi um nýja stjórn í stúdentar-
áði. Vaka fær stjórn Stúdentar-
áðs en Röskva fær alla fulltrúa
námsmanna í Félagsstofnun stú-
denta. Þá verður aðalfulltrúi
námsmanna í stjórn Lánasjóðsins
áfram röskvumaður en varafull-
trúinn fer til Vöku.
Nokkrar breytingar verða á
nefndum Stúdentaráðs. Vaka
verður með meirihluta í tveimur
nýjum nefndum; FS-nefnd og
LÍN-nefnd. Röskva verður hins
vegar með meirihluta í
menntamálanefnd, hagsmuna-
nefnd og utanríkisnefnd.
Þetta samkomulag tekur ekki
gildi fyrr en fylkingarnar hafa
haldið félagsfund og fengið það
samþykkt þar. Ómar Geirsson,
fráfarandi formaður SHÍ, taldi
allar líkur á að samkomulagið
yrði samþykkt hjá báðum aðilj-
um. Röskva heldur sinn félags-
fund á mánudag en Vaka á
þriðjudag eða miðvikudag.
Samkomulagið er eingöngu
um skiptingu embætta og nefnda.
En vegna jafnrar stöðu fylking-
anna í Stúdentaráði verður að
gera málefna- og samskiptasamn-
ing. Ómar sagði þær viðræður
hefjast strax eftir helgi. Hvort
sem samkomulagið verður sam-
þykkt eða fellt í fylkingunum,
verður gengið frá embættum á
morgun.
Ómar Geirsson sagðist nokkuð
ánægður með þessa niðurstöðu.
„Ég tel niðurstöðuna vera hags-
munum stúdenta í hag og gera
Röskvu mögulegt að sinna öllum
þeim málum sem gamla sant-
stjórnin lagði áherslu á. Fráfar-
andi stjórn var samstjórn Félags
vinstrimanna og Umbótasinna
sem stóðu að sameiginlegu fram-
boði Röskvu. -hmp
Húsavík
Tæp miljón í söluskatt
vegna snjómoksturs
Víkurblaðið:
Heimtum söluskatt
á rigninguna
í Reykjavík
Húsavíkurbær og aðrir snjó-
þungir staðir greiða miljónir á ári
í söluskatt vegna snjómoksturs.
Snjóþyngslin á norðan- og
austanverðu landinu I vetur ættu
þvt að verða ríkissjóði drjúg
tekjulind. Húsavíkurbær reiknar
með að greiða 700 þúsund krónur
í söluskatt af snjómokstri á þessu
ári.
Víkurblaðið hóf umræðuna um
snjóskattinn og stingur upp á því
að rigningin í Reykjavík verði
ekki undanþegin söluskatti. Orð-
rétt segirí Víkurblaðinu: ...verð-
ur auðvitað fundin lausn á þessu
máli, etv. með því að stofna
jöfnunarsjóð á þessu sviði órétt-
lætisins. Snjallast væri auðvitað
að setja söluskatt á rigninguna í
Reykjavík, segir Víkurblaðið, og
auka þannig veðurfarstekjur
ríkisins enn frekar.
Að sögn Guðmundar Níels-
sonar hjá bæjarsjóði Húsavíkur
greiðir bærinn mun meira í sölu-
skatt vegna snjómoksturs í ár en í
fyrra. Þetta sagði hann bæði stafa
af breytingum á söluskattslögum
og meiri snjóþyngslum í ár en í
fyrra. Guðmundur sagði hugsan-
legt að eitthvað af þessum kostn-
aði fengist endurgreitt. Það kæmi
hins vegar ekki í ljós fyrr en við
afgreiðslu fjárlaga.
-hmp
Islenska ríkið
Með næsthæstu einkunn á
alþjóðalánamaricaði
Þrátt fyrir skuldasúpuna. Uttekt Standard & Poors setur okkur íhóp
með Irlandi
Þrátt fyrir að skuldasúpa okk-
ar íslendinga erlendis aukist
stöðugt nýtur íslenska ríkið samt
sem áður mikils trausts á alþjóða-
lánamarkaðinum. Tvö virt fyrir-
tæki gefa löndum einkunn á þess-
um markaði eftir því hve láns-
traust þeirra er talið mikið og ný-
lega gaf annað þessara fyrir-
tækja, Standard & Poors, íslandi
næsthæstu einkunn sem gefin er á
þessu sviði.
Af sex mögulegum einkunnum
lenti Island í öðru sæti ásamt Ir-
landi. Fyrir neðan okkur eru lönd
eins og Portúgal, sem lenti í
þriðja sæti, og Israel sem lenti í
fjórða sæti. Fyrir ofan okkur eru
lönd eins og Belgía og Ítalía sem
lentu í fyrsta sæti. Hér var um
óumbeðna úttekt að ræða.
Björn Matthíasson hjá al-
þjóðadeild Seðlabankans segir
að þessi trausta staða íslenska
ríkisins sé einkum því að þakka
að þrátt fyrir að erlendar skuldir
okkar hafi aukist í krónum talið
hafi þær lækkað sem hlutfall af
þjóðarframleiðslu, hafi verið
komnar niður fyrir 40% um síð-
ustu áramót en þetta sé sá stuðull
sem horft sé til er lánstraust er
metið.
Á sama tíma og þetta gerist
dregur hinsvegar mjög úr láns-
trausti einkaaðila hérlendis,
einkum þeirra sem áður höfðu
ríkisábyrgð en hafa hana ekki nú.
Má Lþví sambandi nefna fjárfest-
ingarlánasjóðina.
-FRI
Ml&vikudagur 27. apríl 1988 ÞJÓÐVILJINN - SÍÐA 7