Þjóðviljinn - 16.07.1988, Qupperneq 2
FRETTIR
Verðbréfasjóðir
Eignir tólffaldast
á síðustu tveimur ámm
Gífurlegþensla í verðbréfamarkaðinum. Heildareignir 13 sjóða
orðnarnær5 miljarðar. 35% eignaukning fyrstu 5 mánuði ársins
Frá því að verðbréfasjóðir tóku
fyrst til starfa hérlendis árið
1985, hefur veltan á verðbréfa-
markaðinum aukist gífurlega og
virðist ekkert lát vera á þeirri
aukningu.
í árslok 1985 voru heildar-
eignir verðbréfasjóðanna sem þá
voru starfandi um 380 miljónir en
tveimur árum síðar höfðu
eignirnar nær tólffaldast og voru
komnar í tæpa 4,5 miljarða. Pá
voru verbréfasjóðirnir orðnir 13
talsins.
Frá síðustu áramótum hafa þrír
nýir sjóðir tekið til starfa og
tekjuaukningin fyrstu fimm mán-
uði ársins er um 35%. Heildar-
eign sjóðanna 16 er því nú orðin
um 5 miljarðar króna, samkvæmt
bráðabirgðatölum sem birtar eru
í nýútkomnu hefti Hagtalna mán- *
aðarins sem hagfræðideild Seðla-
bankans gefur út.
Þar kemur einnig fram að af
þeim bréfum sem eru í vörslu
verðbréfasjóðanna, er lang-
stærsti hlutinn með fasteignaveði
eða bréf uppá tæpa 2 milj arði, um
900 miljónir eru með sjálfskulda-
veði, rúmar 700 miljónir með
ábyrgð stórra fyrirtækja, tæpar
400 miljónir með bankaábyrgð,
380 miljónir stuttar viðskipta-
kröfur og um 340 miljónir með
ábyrgð ríkis og sveitarfélaga._|g.
Hjónakornin Nelson og Winnie Mandela stinga saman nefjum árið
1959.
Mandela
Ráðherrar
samgleðjast
Utanríksráðherrar Norðurlanda senda Mandela
heillóskir. Listamenn sameinast gegn
aðskilnaðarstefnuni á Miklatúni á morgun
Nelson Mandela verður sjö-
tugur á mánudag. Þrátt fyrir
æ víðtækari stuðning við kröfuna
að honum verði sleppt úr dyfliss-
um Suður-Afríku stjórnar eftir
hart nær þrjá áratugi, þverskall-
ast aðskilnaðarstjórn hvíta minn-
ihlutans enn við. Utanríkisráð-
herrar Norðurlanda ætla ekki að
láta sitt eftir liggja við að heimta
Nelson Mandela úr prísundinni.
Að sögn Hauks Ólafssonar, send-
iráðunautar í utanríkisráðun-
eytinu, munu norrænu utanríkis-
ráðherrarnir senda Nelson
Mandela heillaóskir í tilefni dags-
ins.
Það eru fleiri hér á Fróni sem
hugsa hlýtt til Mandela um helg-
ina, því föngulegur hópur ís-
lenskra listamanna hefur hlítt
kalli Suður-Afríku samtakanna
gegn apartheid og mætir á
skemmtun á Miklatúni á morgun.
Meðal þeirra sem fram koma á
Miklatúni eru Megas, Sykurmol-
arnir, Frakkarnir, Bubbi Mort-
hens, Bjartmar Guðlaugsson,
Brúðuleikhúsið og Sveinbjörn
allsherjargoði Beinteinsson
fremur gjöminga gegn aðskilnað-
arstefnu suður-afrískra stjón-
valda.
Miklatúnshátíðin hefst kl. 13.
Aðgangseyrir er 500 krónur og
verður öllum ágóða varið til að
styrkja börn og unglinga sem sætt
hafa fangelsunum og pyntingum
af hálfu aðskilnaðarstjórnar hvíta
minnihlutans í Suður-Afríku.
-rk
Fiskverkun
Ríkisfjármálin
Pass hjá
Steingrími
- Ég vil ekkert tjá mig um þessi
mál, sagði Steingrímur Her-
mannsson, utanríkisráðherra í
gær er Þjóðviljinn innti hann eftir
niðurstöðum þjóðhagsspár um
3,7 miljarða tekjuhalla ríkissjóðs
fyrstu fimm mánuði ársins.
- Þið verðið að spyrja Jón
Baldvin að þessu, sagði
Steingrímur, en hann hefur ekki
fengist til að tjá sig við fjölmiðla
um niðurstöðu þjóðhagsspárinn-
ar.
{Dagblaðinu - Vísi í gær er haft
eftir Þorsteini Pálssyni, forsætis-
ráðherra, að þolinmæði hans sé á
þrotum við að reyna að berja í
brestina í stjórnarsamstarfinu
vegna síendurtekinna upphlaupa
einstakra ráðherra.
Mandela sjötugur
Launþegasam-
tökin sendu
skeyti til Botha
„Við styðjum kröfuna um skil-
yrðislausa frelsun Nelson Mand-
ela og viðskiptabannið á Suður-
Afríku og Namibíu“ stendur í
skeyti sem hátt í 100 launþega-
samtök út um allt land hafa ritað
undir og sent Botha, forseta S-
Afríku.
Það eru nær öll aðilasamtök
innan ASÍ sem skrifa undir yfir-
lýsinguna auk annarra launþega-
samtaka, Alþýðubandalagsins,
Alþýðuflokksins og Kvennalist-
ans en S-Afríkusamtökin stóðu
að undirskriftasöfnuninni í
tengslum við útihátíðina gegn
Apartheid sem haldin verður á
morgun á Miklatúni og hefst kl.
13. Utihátíðin er liður í alþjóð-
legri herferð gegn stefnu
stjórnvalda í S-Afríku og þess
krafist að Nelson Mandela verði
látinn laus á sjötugsafmæli sínu á
mánudaginn kemur, 18. júlí.
Á sama tíma og útihátíðin
stendur yfir hér á landi verða
haldnir tónleikar í S-Afríku.
Stjórnvöld þar í landi hafa bann-
að þessa tónleika án nokkurra
skýringa en þeir sem að tónleik-
unum standa segja að þeir verði
haldnir þrátt fyrir bannið.
'Þ
Saltfiskverkunin flýr land
HalldórÁsgrímsson, sjávarútvegsráðherra: Illa komið fyrirþessariþjóð ef framleiðsla ísjávarútvegifer aðflytjastúrlandi.
EBE-samningarnir eru lykilatriði. Dagbjartur Einarsson, stjórnarmaður íSÍF: Stóralvarlegt mál og stjórnvöld aðgerðarlítil
Sú þróun að ýmsar atvinnu-
greinar okkar eru að flytja úr
landi vegna þess að framleiðslu-
kostnaður er hér hærri en annars
staðar veldur mönnum miklum
áhyggjum. Samkeppnisaðstaða
okkar á markaði Evrópubanda-
lagsins verður sífellt erfiðari.
Tollur á unnum þorskflökum sem
að mati margra kom eins og rýt-
ingur í bakið á íslenskum útflyt-
jendum eftir að þeir höfðu gert
samninga við EBE í vetur hefur
ýtt undir þessa þróun enn frekar.
Samningar við EBE eru í
höndum utanríkisviðskiptaráðu-
neytisins en þessi mál hafa verið
rædd mikið og lengi í sjávarút-
vegsráðuneytinu og þar er fylgst
vel með öllum hræringum. Að
sögn Halldórs Ásgrímssonar,
sjávarútvegsráðherra, þá hefur
verið unnið að því um nokkurt
skeið að koma á skipulagi á út-
flutning á ferskum fiski.„Ef við
náum að skipuleggja þann út-
flutning og hafa stjórn á honum
þá tryggjum við um leið fram-
leiðsluna hér innanlands. Annað
lykilatriði er, að við verðum að
ná góðum samningum við EBE.
Því miður hefur verið tilhneiging
hjá viðsemjendum okkar að
blanda saman markaðsmálum og
fiskveiðimálum í þessu sam-
bandi. Við getum ekki fallist á
það. í þriðja lagi er ljóst að ef
framleiðslukostnaður er meiri
hér en annars staðar leiðir það til
þess að ýmsar atvinnugreinar
geta ekki þrifist hér. Þetta er
komið fram í fataiðnaðinum okk-
ar og ef slíkt hendir í sjávarútvegi
þá er nú illa komið fyrir þessari
þjóð.
I samningunum við EBE verð-
um við að leggja áherslu á
jafnræði í markaðsmálum hjá
þeim og okkur. Við höfum flutt
inn vörur frá þeim lítið sem ekk-
ert tollaðar og um okkar vörur
sem fluttar eru inn á markað
EBE-landanna á þess vegna að
gilda það sama. Það er réttlæt-
ismál. Hins vegar virðist vera til-
hneiging til þess að líta á fiskaf-
urðir sem annars konar varning.
Menn vilja ekki leggja að jöfnu
fiskafurðir eða landbúnaðaraf-
urðir og iðnaðarvarning ýmiss
konar í þessu sambandi," sagði
Halldór Ásgrímsson í viðtali við
blaðið.
Dagbjartur Einarsson stjórn-
armaður í Sölusambandi ís-
lenskra fiskútflytjenda var harð-
orður í garð stjórnvalda þegar
blaðið bar undir hann stöðu mála
í saltfiskverkuninni. „Þessir toll-
ar eru stóralvarlegt mál og við
vitum að þeir verða hækkaðir í
13% í öllum löndum Efnahags-
bandalagsins 1992. Við verðum
að versla með það sem við eigum.
Við höfum ekkert annað að
bjóða en fískveiðiréttindi og við
megum ekki láta tilfinningarnar
ráða því að við náum ekki góðum
samningum við EBE. Það er oft
spuming hvort ekki eigi að fórna
minni hagsmunum fyrir meiri og
ég er á því að það væri réttlætan-
legt.
Tuttugu prósent tollurinn á
unnum þorskflökum er þegar far-
inn að segja til sín. Það er alveg
ljóst. Við hjá SÍF. reyndum að
verka saltfisk í Bretlandi í vetur
en það gekk ekki. Við losnuðum
ekki við tollinn. Framleiðslan
verður að vera í höndum útlend-
inga ef komast á fram hjá þessum
tollum. Það er vitað að menn eru
að byrja á því að flytja út fersk
fiskflök til söltunar m.a. í Dan-
mörku og nú eru menn að fara af
stað í Bretlandi," sagði Dagbjart-
ur.
-gís.
2 SÍÐA - ÞJÓÐVILJINN Laugardag 16. júlí 1988