Þjóðviljinn - 20.07.1988, Blaðsíða 2

FRETTIR
Landsvirkjun
Fljótsdalsvirkjun
ekki í myndinni
Fjarlœgðin ofmikilfrá Straumsvík. Hentar stóriðju á Austur-
og Norðurlandi
Miðað við þær hugmyndir að
nýtt álver rísi í Straumsvík
með afkastagetu upp á 90-110
þúsund tonn á ári, er Fljótsdal-
svirkjun ekki fýsilegur kostur að
mati Landsvirkjunar. Jóhann
Maríusson aðstoðarforstóri
Landsvirkjunar segir Fljótsdai-
svirkjun aftur henta stóriðju á
Norður- eða Austurlandi yrði
hún reist.
Jóhann sagöi í samtali viö
Þjóðviljann að virkjunaráætlanir
Landsvirkjunar miðuðust við
þann markað sem fyrir væri. Nú
væri verið að ræða álver í
Straumsvík sem framleiddi 90-
110 þúsund tonn af áli á ári en slík
verksmiðja þyrfti um 1300 gíga-
vatnsstundir af raforku. Til þess
að anna þeirri orkuþörf væri nóg
að fullnýta Blöndu og ljúka fram-
kvæmdum við Búrfell og
Þórisvatn.
Jóhann telur fjarlægðina frá
Fljótsdalnum í Straumsvík helsta
ókostinn við að virkja þar. Hins
vegar hentaði Fljótsdalsvirkjun
vel ef ætti að reisa stóriðju á ann-
að hvort Norðurlandi eða
Austurlandi en slíkt væri einfald-
lega ekki á döfinni.
Jóhann sagði það byggt á mis-
skilningi að það væri verið að
eyða bestu virkjunarkostunum í
stóriðju. „Við eigum heilmarga
kosti fyrir almenningsmarkað og
höfum ekki tapað þeim. Við
reynum að alltaf að vikja á sem
hagkvæmastan hátt miðað við
þann markað sem er fyrir hendi,“
sagði Jóhann. Það væri alltaf haft
að leiðarljósi að framkvæmdir
sem þessar leiddu ekki til hærra
verðs til almennings. -hmp
Nýtt álver
Straumsvík
eðlilegur kostur
EgillJónsson: Ekki sjálfgefið að allar virkjanir séu suð-
vestanlands. Legg áherslu á jöfnun orkuverðs
Egill Jónsson þingmaður Sjálf-
stæðisflokksins á Austurlandi
sagði staðsetningu nýs álvers ekki
hafa verið rædda í hans þing-
(lokki. Hann sagðist líta þannig á
að ef Alusuisse yrði aðili að nýju
álveri væri eðlilegt að tengja nýtt
álver því sem fyrir væri. Hins veg-
ar þyrfti að skoða virkjunarkosti
betur.
Egill sagði Þjóðviljanum að
hann hefði ekki tekið þátt í neinni
umræðu um nýtt álver. Hann gæti
því ekki lagt mat á afstöðu þeirra
sem væru að kanna forsendur nýs
álvers. „Það er svo annað mál að
ég held að það þurfi að fara mjög
gaumgæfilega ofan í virkjunarm-
álin og athuga þar alla kosti,“
sagði Egill. Egill telur að skoða
þurfi kosti Fljótsdalsvirkjunar
sérstaklega.
Egill benti á að menn hefðu
haft beyg af því að hafa allar vir-
kjanir á eldvirkum svæðum. Það
gæti ekki verið heppilegt aö hafa
allar virkjanir á Suð-vestur-
horninu.
„Samhliða þessari fram-
kvæmd, ef að af henni verður,
verða menn að taka aðrar á-
kvarðanir svo landið sporðreisist
ekki endanlega," sagði Egill.
Hann sagðist vilja leggja sérstaka
áherslu á það tækifæri sem gæfist
til að jafna orkukostnað í
landinu. Þetta gæti létt á heimil-
unum og jafnað rekstrargrund-
völl orkukaupa í atvinnulífinu.
Egill sagði að umræða í stór-
máli sem þessu hlyti að koma inn
í þingflokkana og inn á Alþingi.
Enda gætu ákvarðanir um stórar
og auknar lántökur hjá Lands-
virkjun ekki farið fram án þess að
ríkið væri í ábyrgðinni. Það yrði
að vera trygging fyrir því að
neytendur hefðu ekki yfir sér
hækkunarhótun af þessum
sökum.
-hmp
Siglufjörður
Forsetinn í heimsókn
Haldið upp á sjötugsafmælið íágúst. Ibúar hafa gert stórátak ífegrun
og snyrtingu bœjarins ísumar. Afmælisvikan verður 13. -20. ágúst með
fjölbreyttri dagskrá
Hátíðarhöldin á Siglufirði hefj-
ast með því að tekið verður á
móti forseta íslands, frú Vigdísi
Finnbogadóttur á flugvellinum
þann 13. ágúst. Listviðburðir
hvers konar setja svip sinn á há-
tíðardagskrána og félagsamtök í
bænum taka virkan þátt í því að
gera þessa viku sem eftirminni-
legasta fyrir bæjarbúa og gesti
þeirra.
„Við erum nú að leggja malbik
á um 22% af götum bæjarins og
þá verður um 60% af gatnakerfi
hans komið undir malbik. Hlíð-
arvegur, Hólavegur, Þormóðs-
gata og Hafnargata fá upplyft-
ingu núna og Gránugatan verður
breikkuð og lagt á hana aftur.
Mikið átak hefur verið gert hér í
bænum í grænum svæðum sem
felst í því að gróðursetja tré,
leggja þökur og sá í opin svæði,“
sagði ísak J. Ólafsson bæjarstjóri
á Siglufirði.
Siglufjörður átti sjötíu ára
kaupstaðarafmæli og 170 ára
verslunarafmæli þann 20.maí síð-
astliðinn. Af þessu tilefni verður
haldin sérstök afmælisvika dag-
ana 13.-20. ágúst n.k. og ætla
bæjarbúar að standa að fjöl-
breyttri dagskrá fyrir sig og gesti
sína þessa daga.
Að sögn fsaks bæjarstjóra hafa
einstaklingar og fyrirtæki tekið
virkan þátt í fegrun bæjarins að
undanförnu. „Atvinnuástandið
er gott í bænum þó vinnan sé ekki
eins mikil í fiskvinnslunni og
áður. íbúar á Siglufirði voru 1895
samkvæmt manntali 1. desember
síðastliðinn. Miðað við síðustu ár
hefur þeim fækkað um 20-25
manns. Það sem háir okkur hér
helst er að yfir 70% af húsnæði
bæjarins er byggt fyrir 1950. Hér
vantar nýbyggingar.“
Undirbúningur að afmælishá-
tíðinni hefur nú staðið í ár og hef-
ur hann verið í höndum sérstakr-
ar nefndar á vegum bæjarins.
Markmið hennar var að koma á
sérstakri afmælisviku með fjöl-
breyttri dagskrá og að fegra og
snyrta bæinn í tengslum við af-
mælið.
Næsta sjaldgæf sjón. „Vertíðarþorskurinn" sést ekki, smáþorskur er
uppistaðan í aflanum.
Bátaflotinn
Vertíðarþorsk-
urinn að hverfa
Helmingssamdráttur áþorskafla vertíðarbáta
á örfáum árum. Samifiskafjöldi en mun
minniafli. Ólafur Karvel Pálsson: Vertíðar-
fiskurin orðinn sjaldséður
Asíðustu sjö árum hefur þorsk-
afli vertíðarbáta á svæðinu
frá Patreksfirði til Hafnar í
Hornafirði dregist saman um nær
helming þrátt fyrir að heildarþor-
skafli landsmanna sé mjög svip-
aður öll þessi ár. Þrátt fyrir þenn-
an samdrátt í afla er fjöldi þorsk-
fiska sem vertíðarbátar komu
með á land nær sá sami á þessum
árum, fiskurinn fer hins vegar sí-
minnkandi og „vertíðarfiskur“
eins og hann þekktist áður fyrr en
orðinn sjaldséður.
Samkvæmt tölum frá Fiskifé-
laginu veiddust um 130 þús. tonn
af þorski á vetrarvertíðinni 1982.
Á nýliðinni vertíð veiddu vertíð-
arbátar aðeins rúmlega helming
þessa afla eða um 70 þús. tonn. A
vertíðinni í fyrra fengu bátarnir
tæp 88 þús. tonn og 90 þús. tonn
árið 1983.
Samdrátturinn í þorskafla ver-
tíðarbátanna er hlutfallslega
mestur í Grindavík á þessum
tíma. Þar komu á land á vertíð-
inni 1982 tæp 20 þús. tonn af
þorski en á nýliðinni vertíð var
aflinn aðeins tæp 8500 tonn sam-
kvæmt bráðabirgðatölum Fisk-
ifélagins. Athygli vekur að á
þessum tíma hafa útgerðarhættir
lítið breyst í Grindavík, þar sem
togaraútgerð er engin.
- Skýringin á þessum sam-
drætti hjá vertíðarbátunum er sú
að hrygningarstofninn hefur
minnkað og uppistaðan í aflanum
er uppvaxandi fiskur, mest áber-
andi árgangarnir frá 1983 og 1984
sem halda uppi aflanum í dag,
segir Ólafur Karvel Pálsson fiski-
fræðingur hjá Hafrannsókna-
stofnun.
Ólafur segir að kvótakerfið
sem tekið var upp 1984 hafi engu
breytt í þessari þróun. - Hefð-
bundinn vertíðarfiskur hefur
dregist saman og það er einnig
athyglisvert að hlutur bátaflotans
í heildarþorskaflanum á vertíð-
inni hefur minnkað töluvert á síð-
ustu árum á kostnað togaraflot-
ans og er kominn niður fyrir
helming en var áður um 60% af
þorskaflanum.
-Ig-
2 SÍÐA - ÞJÓÐVILJINN Mlðvlkudagur 20. júlí 1988